مها:جنــى .. ماكان له داعي اللي سويتيه ..

جنى:.............

مها:جنى خلااص السالفه هذي الكل نساها .. احنا توقعنا انك نسيتي ...

جنى:مها .. ممكن نغير الموضووع ..؟

مها:بنغيره بس ماراح نقفله ...

وبهالوقت جتهم نهى اللي كانت تكلم:ايييه يبه شكلها مقفلته ..

ابو ثامر:اها .. طيب قولي لها تفتحه..وقولي لامك تفتح جهازها بعد .. ولاتنسن تطمنوني عليكم ..

نهى:ان شالله يبه ..

ابو ثامر:في حفظ الله ..

نهى:جنى ابوي يقول لك افتحي جهازك ..

جنى وهي تحاول ترجع لحيويتها المعتاده:يووه صح نسيته .. وطلعت جهازها وفتحته ..

وبهاللوقت جاها ثامر: جنى يلا مشينا ..

جنى:مع مين ...؟ وش ترتيبكم ..؟

ثامر:انا وانتي وفواز وخلود ونهى بنروح مع عبدالعزيز لبيت عمي ابو فارس ...

جنى بصدمه:نعـــــــم ..؟ اييييييييش .؟ لالالا اسفه ..

ثامر بصدمه اكبر : وشوو اللي اسفه ..

مها تصرف:طيب خلوها تجي معي ..

ثامر:بس احنا بنروح نسلم على عمي ابو فارس .. ولازم تجي معانا .. يلاااا جنى ..

جنى بعد عناااااااااء ومحاولاااات ..:اووكي ..

راحوا يمشون ورا عبدالعزييز ... وركبوا بسيارته ..

ثامر ركب قدام جنب عبدالعزيز ... وبالمرتبه اللي ورا خلود وفواز .. وجنى ونهى بآخر مرتبه ..

فواز:اقول عزووووز مامليتوا من الامارات ..؟!

جنى بينها وبين نفسها((هه قال يمل قال ...

عبدالعزييز:الا والله ووحشتني الرياااااض بالحييل ..

((اذكركم بقصة عبدالعزيز وجنى ... عبدالعزيز .. شاب وسيييييم .. ينقال عنه رجااااااال بمعنى الكلمه .. الكل يشهد له بالخير .. وهو كبر فواز ... كان بينهم وبين جنى قصة حــب عجيييييييييييييييييييبه .. كان مايرضى عليها ابد .. كان مستعد يفديها برووحه .. وهي بعد كانت تبادله نفس الشعور .. كانت تحبه .. تموووت فيه .. بس صار بينهم موقف تتذكره جنى وتبكي حبها القدييم ...

كانوا في بيت جدهم ابو نايف قبل سنه .. ...

جنى قاعده مع ملاك:والله ملااك اتكلم جد ...!!

ملااك:ههههههههه مجنوونه انتي ...

جنى بإستهبال:لييش يعني مايحق لي ...

وبهاللحظه جاها مسج .. فتحته وتغير وجهه .. ولاحظت ملاك هالشي ...

ملاك:جنوو وش فييك ..

جنى كردة فعل رمت الجهاز وطلعت برا للحوش .. لقته يكلم بالجوال .. قربت منه تبي تسمع وش يقول ..

عبدالعزييز:والله ياقلبي مافيه شي يخوووف .. ولوتبيني اجيييييك للإمارات جيتك مشي ..

جنى اللي كانت الصدمه اقوى منها حست ان الدنيا تدور فيها بس ملاك طلعت بالوقت المناسب ومسكتها .. دخلوا داخل ..

ملاك:مين اللي ارسل لك ..؟

جنى وفييييها الصيحه:ماادري ...

ملاك:وشلوون ماتدرين .. شي مهم زي كذا لازم تدرين عنه ..

جنى:الاهم اني عرفت انه يضيع وقته معي .. بس والله لاادفعه الثمن غالي .. وغالي حييل بعد ..

حاولت ملاك تغير السالفه وتهديها ... لما رجع الروقان لجنى .. واجتمعوا البنات بالصاله تحت ..

هنادي:بنااااااااات انا طفشت ..

ندى:ومن سمعك .. وانا اكثر بعد ..

جنى:طيب بنات وش رايكم نروح السوق .؟ والله ودي ..

ملاك تطالع جنى بنظرات فخر .. كيف هالبنت تقدر تقلب الموازين وتبين للناس عكس اللي داخلها .. وتحاول تفرح اللي حولها وهي في حـزن مايعلم به غير ربها ..

نهى اختها:ومن اللي بيودينا ..؟

نوال:عزووووز .. ماظنتي بيقول شي ...

جنى بصراخ .. لااا

هنا:لييه طيب ..؟

جنى:اذا بيوديكم عبدالعزيز انا ماراح اقووول ..

ملاك بتغير السالفه:خلااص انا اقول لخالد اخوي ..

جنى:كذا اووكي ...

ولما جوا البنات يركبون بحكم عددهم الكبير ماكفت السياره ...

خالد:ابقول لعبدالعزيز ياخذ بعضكم ..

هنا:طيب ...

جنى كانت واقفه مابعد ركبت ..

عبدالعزيز:طيب يلا بنات .. وهو يمشي سمعها ..

جنى:نهى الله لايهينك روحي مع عبدالعزيز وانا بركب مع خالد ...

نهى فهمت ان اختها فيها شي :اووكي ..

بالسووق ... عبدالعزيز على اعصابه .. مو عوايدها تطنشه .. وبعد تفكير قرر يروح ويكلمها ..

عبدالعزيز يكلمها وهي تسفهه:طيييييييب ردي علي قولي اي شي ...

جنى بعد ماخلص كلامه:خلصت .؟

عبدالعزيز:جنــــــــــى وش فيك ..؟

جنى بضحكة استهزاء راحت وتركته .. وجاها الخبر بعد يومين انه بيروح لدبي يستقر فيها .. وعرفت انه يوفي بوعده لحبيبة القلب ...

صحها من ذكريتها صوته الدافي:ترانا وصلنا ماودك تنزلين .؟ والا اعجبتك سيارتي ..؟

جنى بدون ماتكلف نفسها ترفع نظرها له نزلت ... وسلمت على عمها وبناته ..

دانه اخت عبدالعزيز:شحاااااااالكم بنات ..

جنى:نحــن بخير انتي شحالج .؟

دانه انا بخير دامني شايفتكم ..

جنى:بلاااج انتي من سرتي هني ماتصلتي علينا ولاشي ..

دانه:هههههه العدر جنـى بس مشاغل ...

جنى:وين نواف اخوك ... سيري زقريه ..

دانه:هههههههههههههههه ماشالله عليج خبره برمستنا ..

جنى:ههههههههه يرحم امك تكلمي مثلنا ..

دانه:طيب وش بغيتي ..؟

جنى : ابي نواااااااافووه ..

دانه بصرااخ:نوااااااااااااااااف تعال هنا ووجع ..

خلود:ووجع جنى خربتي اخلاق البنت .

الكل:هههههههههههههه

رن تلفون دانه .. وبعد ماسكرت قالت:هذا اخوي عبدالعزيز مع ثامر وفواز يبون يدخلون ...

البنات على طول عدلوا لثمهم .. حتى دانه تلثمت ...

الشبااب:السلام عليكم ..

البنات:وعليكم السلام ..

ماامدا عبدالعزيز يدخل قامت جنى:عن اذنكم شوي ...

جنى تكلم امها:يممه وينكم .؟

ام ثامر:احنا رحنا للفندق ... انتم متى بتجون .؟

جنى:ماادري عنهم .. يممه انا مليت ابي اررجع ..

ام ثامر بحنيه:معليش حبيبتي ... سلمتوا على عمك ..؟

جنى:لا للحين مارجع ..

ام ثامر:طيب سلمي عليه بعدين اتصلي على اخوك سعود يمر ياخذك ..

جنى بقل صبر:اووكي ..

رجعت ولقت عمها موجوود .. ارتاحت نسبيا .. هانت اسلم عليه واروح ...

ابوفارس:هلااااااااا والله .. هلااااا بنوور العين ..

جنى بإبتسامه:هلااا بك يالغالي ... بعد ماسلمت عليه ..وش اخبارك عمي ..؟

ابو فارس:بخير يابعد عمك.. انتي كيفك ..؟

جنى بمرحها المعتاد:الحمدلله بخيير دامني اشوووف هالووجه السمح ..

ابو فارس:ياااااااااجعله دوم ..

عبدالعزيز بغيره مفتعله:ياسلاااااام كل هالغلا لجنــى .. واحنا مالنا بالطيب نصيب ...

جنى بينها وبين نفسها_ياااااازين اسمي بالسانه ، يوه جنى وش جاك لاتنسيين انه خااااااااااااين خااين يتجنى..اووف انا ليش ماارسل لسعود مسج وارتااح .. وارسلت لسعود مسج انه يجي ياخذها _

بعد دقايق اتصل سعود:هلا جنى ..

جنى:اهليييين سعود ..

سعود:يلا ترانا عند الباب ..

جنى عقدت حواجبها :انت ومين ...؟

سعود:هههه اطلعي وانتي تدرين ..

جنى: طيب ..

فواز يطالع ثامر وخلود تطالع نهى وكاتمين ضحكاتهم ... جنى طالعتهم:عندكم شي ..؟

فواز:اطلعي لاتأخرين الحبايب عند الباب ...

جنى:وش السالفه ..

ثامر اطلعي وتعرفييين ..

طلعت جنى للحوش .. وفاجأها واحد جسيييم .. جسمه حلوووو شعره كثيف ..معطيها ظهره ... جنى عاشت الفهاوة .. بس مرت منجنبه وطنشته وهي للحين ماشافت وجهه .. مرت قدامه .. فاجأها بسؤاله:مالنا سلااام ..؟

استوقفها صوته الحنووون .. هذا وقته .. محتااجته .. محتاجه تصيح بحضنه .. محتاجه تقول له عن كل اللي بقلبها .. لفت عليه وهي تدعي ربها مايكون حلم ...

جنى بصرااخ :مييييييييييييييييييشووووو وركضت لحضنه ...

عبدالعزيز ودانه وابو فارس خافوا عليها .. طلعوا يشوفون وش فيها بينما اخوانها دارين بالسالفه فقعدوا يضحكون..

طلع عبدالعزيز وشافها تبكي ... وهو يمسح دمووعها ويضحك على هبالها ... كانت لثمتها طايحه ... ابتسمت لخالها الغالي .. عبدالعزيز لفتت انتباهه غمزاتها اللي تميزها عن بنات عمه كللللللهم لانها وارثتها من امها ..
وبينه وبين نفسه_ياااالبى هالغمازات ياجنى..ليتك تحسين فيني شوووي _

جنى:انا اورييييييهم الخوونها .. ماقالوا لي انك بتررجع ..

مشعل:ههههههه احسن عشان تصير سبرايز .. طيب بروح اسلم على عمك وارجع اوديك ..
جنى:اوووووكي ..

وراح مشعل سلم على ابو فارس وعلى عبدالعزيز ... وطلع هو وجنى وعيال اخته كلهم ..

بالفندق ..

منى:هههههههههههههههههه هاه جنى وش رايك بالمفاجأه ..

جنى:يالباااااايخيييييين ليه ماعلمتووني ..

مها:حلااتها تجي مفاجأه ...

جنى طارت عيونها:يعني انتي كنتي تدرين ..

عهوود:كلنااااااا كنا ندري .. الا انتي ..

جنى ضيقت عيونها: لييييييييييه ان شالله ..؟

منى بخبث:مزاااااج ...

وبهالوقت دخل مشعل:هااه وش فيكم تهاوشووون !!!

منى:لا هواش ولااشي ...

مشعل جلس يسولف معاهم ويسمع علومهم ..

مشعل:الا عهود بأي سنه اللحين ...

عهود:تووقع ...

مشعل:امممممم ثالث متوسط ..

عهود بغروور:هههههااي .. هذي ودعتها هالسنه..

مشعل طلعت عيونه:يعني ..؟ اولى ثانوي ..؟؟

عهود هزت راسها بنعم ...

مشعل لف على جنى:اجل انتي ...؟

جنى:هههههههههههههه ثااني ...

مشعل:اوووف والله كبرتوااا ..

جنى ضربته بخفه:لا نقعد ننتظرك لما ترجع عشان نكبر ...

مشعل وهو ملاحظ ان جنى فيها شي مغيرها:اييييه وش فيها خالكم انتظروني ...

مها:المهم اسمع بما انك خالنا .. اقنعهم يطلعونا من هالفندق .. وياخذون لنا شاليه ...

مشعل:نوووويه ..

منى:مشييييييييعل بلا بياخه ..

مشعل:نوووو

عهود وجنى:بلييييييييييييز

مشعل بخبث:لااااا

نهى:يوووه جد مالك داعي ...

مشعل وهو يقووم:انا وش مقعدني معاكم...مبزرره اخر زمن ...

جنى رمت عليه المخده بس هو كان اسرع منها وطلع ...

صباح اليوم الثاني ...

ام سيف دخلت سويت البنااات وكان معفوس وحالته حاله ....

ام سيف:يلاااااااااااااااااا بنااااااااات صحصحوووا ةنظفوا هالحوووسه .. لعنبوا ابليييسكم ماصار لكم يوم واحد وسويتوا لك ذااا ..

منى بإبتسامتها العذبه:صبااح الخير بأحلى اخت ...

ام سيف:اييه لعبي بعقلي ..

منى:هههههههههه امري وش بغيتي ..؟

ام سيف :ابيكم تصحون وتلمون اغراضكم لاننا بنمشي العصر ...

منى:وييييييييين ..؟

ام سيف وهي طالعه:الشاليه اللي اخذه مشعل لنا ..

جنى ومها نطوا:كييييييييييييييييييييييف ..؟

ام سيف ضحكت على اشكالهم وسكرت الباب ..

جنى نقزت واخذت لها شوور زلبست بنطلووون جينز وتيشيرت اسووود كمومه طويله وفيه كتابات بالابيض .. رفعت كمومها بطريقه حلووة .. وجففت شعرها الاسود اللي يغطي نصف ظهرها ولمته بسرعه ولمت لغراضها وليست عبايتها .. وتذكرت البنات للحين ماصحوا ..

راحت تمشي بينهم وهي تصفق:يلا يلاااا بناااات اصحواااا ..

خلود:وش عندك..؟

جنى بإبتسامه:يلا قومي خذي لك شور بنمشي للشاليه العصر ..

خلود:طيب العصر وانتي ليش لابسه عبايتك اللحين ..؟

جنى:هيييييييه ماما مابقى ع الاذان الا عشر دقايق ..

صحوا البنات بسرعه ولموا اغراضهم وراحوا لسويت الحريم ...

جهاد:اووه اووه وش عندهم الاميرات النائمات صاحيات مبكر اليوم ...؟

جنى:وانت وش دخلك ..؟

جهاد:استحي خالك اناااا ..

جنى:فديييييييييته خالي ..وتمسكت بذراعه .. وسمعته شي بأذنه ... وضحكت وهو بدوره ضحك عليها ..

جهاد:يلا ترا انا وجنى بننزل ...

الجده ساره:انتظر ثامر وفواز وينهم ..؟

جهاد:يحملون الاغراض بسيارة عبدالعزيز ..

جنى بصدمه وهي ترفع راسها عن ذراع خالها : اي عبدالعزيز ..؟

جهاد:ولد عمك...
جنى:ليه هم بيجون معانا ..؟
جهاد:ايه ... ولبس نظارته الشمسيه اللي زادته جاذبيه ... يلا مع السلااامه ..

منى:هييييييييييه وقف على وين ..

جهاد:بننزل انا وجنى ننتظركم تحت ..

منى بنظرات شك : ياشيييييخ ..؟

جهاد سفهها ومشى وجنى زادت تمسكها بذراع خالها .. كأنها تطلب منه انه مايتركها .. خافت تركب مع عبدالعزيز .. نزلوا جنى وجهاد ..

جهاد:يلاااا نمشي ..

جنى بخبث:يلاااااا

وحركوا للشاليه قبل الجميع ...وللأسف جنى ماأعارت نظرات عبدالعزيز اي اهميه ... وقضوا الطريق ضحك وهبال .. ولاأحد داري انهم مشوا للشاليه الا مشعل ..

مشعل:يلا نمشي ..؟

منى:ايه يلا ..

وحرك الجميع للشاليه ... وكان تقسيمهم بالسيارات كالاتي ...

عبدالله اللي توه راجع مع خاله من امريكا ركب هو ومشعل بسياره وحده ومعاهم مها وجواهر ومنى ونهى وخلود .. سيارة عبدالعزيز ركبوا فيها الشبااب .. سيف وماهر وسعود وثامر وفواز ... ياسر ركب هو وابوه وامه وزوجته وعياله وام ثامر ..اما ام عبدالله فاللحين ماوصلت دبي ...

ام ثامر تتصل على نهى:نهى جنى معاكم ..؟

نهى :لايمه ..

ام ثامر اجل وين ...؟

نهى:يمكن مع عبدالعزيييز او جهاد ..

ام ثامر:طيب طيب انا بأتصل على جهاد واشوف وينهم ...

جهاد:هلا ..

ام ثامر:وينكم ..

جهاد:هههههه احنا اللي ويننا والا انتم ..؟

ام ثامر:جهاد بلا خفة دم .. اخلص علي ..

جهاد:بالشالييه ..

ام ثامر:متى مشيتوا ..

جهاد:يووه من زمان ..

ام ثامر:انت ومين ..

جهاد:انا وجنى بس ..

ام ثامر: وش اقوول بس .. يلا مع السلامه ..

وطبعا وصل الخبر للبنات وعصبوا خصوصا منى تووعدت اخوها الخاين ...

*ياترى ايش راح يصير بالشاليه ...؟

*عبدالعزيز هل مازال يحب جنى ..؟

*وصوول بنات عماتها بيغير الوضع بعينها ...؟