نهى:امشوا نصدع روس الحريم على مايوافقون لنا ...
جنى:مشيينا ....

وراحت نهى كأول محاوله ...

نهى:يمممه ...
امها:هممم
نهى:يممه ودنا نروح انا والبنات للدبابااات ..
امها:روحوا احد ماسككم ..؟
نهى بفررحه:جد يممه ..!
امها:روحوووا بس اذا قالكم خالك ياسر شي مااعلي منكم ..
طلعت نهى من الغرفه متحطمه ... وقالت للبنات راي امها ... جنى التفتت على البلكونه ولقت خالها ياسر يعدل الكاب حقه ..
جنى:خااااااااااااااااااالي حبيبي حيااتي انت ..
ياسر:وش تبين من الاخر ..؟
جنى:خالي تكفى ودي ارووح للدبابااااات ..
ياسر وهو يخفي ضحكته ويحاول يكون جدي:اقووول يلا بس هذا اللي ناقص ..
جنى:اييه خالي وش فيها يعني ..
ياسر:اذا رجعنا احنا والعيال روحوا انتوا ..
جنى:لااااااااااااااا والله ومتى بترجعون انصااص اليالي ...؟ لالالا انا برووح اللحييين ونشووووف

ودخلت عند جدتها وعطتها من دموع التماسيح:يرضييك يمممه اللي يسويه خالي فيينا حراااااااام والله حرااام

جدتها:وش سوى خالك بعد ...
جنى:تخيلي يمه يقووول ماراح اوديكم للدبابااات الا لما يرجعون العيال ...!!
جدتها:طيب خلاص اصبروا ماراح تنقصون لا ايد ولارجل ..
جنى:يمممممممممه انتي عارفه متى بيرجعون ... اكيد بيتأخرووون
جدتها:خلاص خلاص ازعجتيني .. هاتي جوالك اتصل عليه ...

ياسر:الو ..
الجده:هلا والله بولدي ..
ياسر:هلا بك يالغاليه ... وش اخبارك ..؟
الجده:الحمدلله يمه انا بخير .. انت وشلونك ووشلون ام عبدالله .؟
جنى وهي تنغز جدتها وبصوت واطي : يممه خلاص يكفي سلام رصيدي خللللللص
ياسر:والله بخير يمه وتسلم عليك .. على فكره هي بتوصل بكره ان شالله ..
الجده:الله يحييها .. اقول ياياسر ..
ياسر:امري يمه ..
الجده:وراكم ماوديتوا البنات معكم يستانسوون ويوسعون صدورهم ويفكون من شرهم>>دقه لجنى خخخ
ياسر:هههههه يمه البنات بناتنا مايبيلهم عزيمه .. بس مشعل يقول انهم هم مستحين من ماهر وعبدالله ...
الجد طيرت عيونها بوجه جنى:طيب ياولدي ارسل لهم احد ياخذهم اللحين..
ياسر:ابشري يمه ...
الجده:اجل هم مارضووووا ياخذوونكم هاااااااااااااااااااااااااااه
جنى:ليه يمه وش قال لك خالي ياسر ...؟
الجده:وش قال.... اقول قومي البسي عبايتك وقولي للبنات يجهزون بيجونكم اللحين ....
جنى:لايممه ماراح اطلع الا لما تقولين لي وش قااالك ...!!!
وحكت لها جدتها كل السالفه ... وعرفت انها مؤامره من مشيعل وياسر ...
حبت جنى على راس جدتها:مشكووووووووره يالغااليه يخلييك لنا ان شاااالله .. وطلعت ...
بأقل من ربع ساعه كانوا البنات جاهزين ....
دانه:يلا بنات عبدالعزيز عند الباااب ...
خلود:يلآ ...
منى:مالكم داعي من بعدها الدبابات يعني ... نمشي على رجلينا عادي ترا ..
جنى بينها وبين نفسها_ياحوووبي لك ياخالتي_:معها حق منى ...
نهى:لحظه انتي وياها ترى احنا مو رايحيين للدبابات اللي هنا .. بنروح للدبابات الثانيه المغلقه ...
منى:يوووه لاعاد ذي بعيده شووي ...
مها:طيب بتكفينا السياره ...؟
هنادي:معليش نشيل المراتب اللي ورا ونسوي قعده>>متعووده هع
مها:يقطع ام الفله .. يلا اجل ...
جنى بإبتسامه وتحاول تكون اقووى:يلا بنااااات ... وطلعت اول وحده ....
دانه ركبت قدام عند عبدالعزيز ... وعبدالعزيز يطالع بالمرايه بيعرف جنى من مها او هنادي ... بس للأسف مها ركبت وهنادي بعد بس جنى ماركبت ... صابه احباط لما سكروا البنات الباب...
عبدالعزيز بضيق:هاه خلصتوا على كذا ...؟!
هنادي:ايييه اظن ...
تنهد عبدالعزيز وجى بيحرك وقفه صراخ عهود المرجووجه:لحظه لحظه ..!! جنى ويييييين ...؟
هنادي:ايه والله عاد قسسم تذبحنا اذ درت اننا رحنا وتركناها ...
دانه:يوووه انا مالي خلق انززل .. هنادي انزلي شوفيها ....
هنادي:لالا اسفه انا تربعت ....
عهود:بعدين هييه انتي وياه احنا قعدتنا ورا صعبه .. انزلوا انتوا ياللي قدام اسهل ...
دانه طالعت عزووز بنظرات تررجي ... عبدالعزيز اللي لقاها فرصه:طيب بنزل اناااا وامري لله ...
مها قلبها صار يدق بقوووة وهي تدعي لجنى بينها وبين نفسها ...
نزل عبدالعزيز ولقاها ورا السياره على طول وتكلم .. وباين انها تكلم واحد من اخوانها ... من حسن حظه انها انهت المكالمه على وقت نزلته .. لفت تبي تركب وانصدمت لما شافته واقف وراها على طوول ... وانصدمت اكثر لما شافت البنات كلهم راكبين لآ ومسكرييييييين البااب بعد ....
عبدالعزيز:ممكن نمشي ...؟
جنى تجاهلته وفتحت الباب وصررخت بالبناات:لآيالخوووووووووووونه ...
وقضوا الطريق بهواش واستهبال ....
هنادي:عزووووز شغل لنا شي نسمعه ...
عبدالعزيز:وش تبين تسمعين امري انتي بس ...
جنى واللي كانت تهمس لها خلود اختها بشي رنت ضحكتها الشقيه بالسياره .... حاول عبدالعزيز يتجاهل احساسه بها وشووقه لها:هاه هنادي هانم وش بغيتي ..؟
هنادي:ابي اسمع شي على ذوووقك>>وكأنها متقصده هالشي
طالعها عبدالعزيز من ورا نظارته الشمسيه بمرايته الاماميه بنظرات كلها امتنااان .. وقال:ابشرري ..
وشغل المسجل على اغنية رابح صقر..ويــــن انت ...
وين انت ماهي مثل وين انت دايم ..
وين انت هالمره عن الفين وين انت ..
يامطول الغيبات وين الغنااايم ..
ماابي ولاحاجه سواك انت لاهنت..
قريب مني لكن الوصل غايب ..
بعيد واقرب لي من اسباب مابنت ..
انا ماأحبك حب انا فيك هايم ..
بين غلاك بقلب مغليك مابنت ..
حظي معك مابين مخطي ولايم ..
وتحدني لاقصاي وتقول هونت ..
واحب غيرك ليه والحب صايم ..
عن حب غيرك حافظك مثل ماكنت ..
احتجت لك ناديت لك وانت نايم ..
ماني مصدق خافقي تجرحه بنــــــــــــــــــــــــــــــت
وين انت ماهي مثل وين انت دايم .. وين انت هالمره من القلب وين انت ..

وصلت الرساله لإحساااس جنى .. حاولت تبين الوضع ايزي ... وجلست تسولف مع خالتها منى .. وتركت عبدالعزيز يحترق من حركتها وتطنيشها له ...

ووصلوا للدبابات بســــــــــلام وبدا الهواش ...
جنى اول مادخلت ركض لعمها مشعل ...:يالخاين يانكّااااااار ياللي ماتخاف من ربك ياللي ....
مشعل وهو راف ايدينه بوجها:هووب هوووووووب هوووب شوي شوي اكلتينا ...
جنى:بالله ياشيييييخ اجل احنا نستحي من مويهر وعبيييد
عبدالله من وراها:اصغر عيالك احنا هاااه ...
جنى:هشش انت لو سمحت ... ولفت على عمها بتكمل هواش ورجعت لفت على عبدالله وكأنها تذكرت شي:اووه صح نسيت الحمدلله على السلامه عبيييد ..
عبدالله :لاوالله .. الله يعاافيك صراحه ماقصرتي ...
جنى وهي تروح عنهم:احمد ربك اللي سلمت عليك بعد .. وراحت ومشعل يضحك علييها ..