شبكة همس الشوق - عرض مشاركة واحدة

22 - 3 - 2012, 03:16 AM

خسرت نفسي قبل مَ اخسرْهم احباب
وتعبت أتشرّه على من رِماني

برتاح وآقفّل على عمري الباب
وأدوّر الليله مكاني / عشاني

مابين تغريبة عمر / غرسة الناب
ما بين تحقيقي (لُهم)/ أو أعاني !

ياللّي تبيني للمحبيّن جلباب
تعبت أدفّيهم بصوتي أغاني

قبلك يقولون الهوى دوم غلاّب
وأنا رضيتك غربتي قبل أماني

مابيك تجبرني أثرثر لـ غيّاب
ماني بمحتاجه لقاصي وداني

مادامي إخترتك من الناس أصحاب
ولك قلب سالبني ومنّي خذاني

جيتك وخلفي تاركه كومة أقراب
وجروح تضنيني /مع اللي بغاني

جيتك وأنا قلبي من البعْد هيّاب
سلّمْك مفتاحه ولو كنت جاني

جيتك لعين الحب من دون أحباب
بالله عوّضني / تعاسة زماني

حتى ولو قالو معي كنت كذاب
أنا رضيت إللي به الله بلاني