شبكة همس الشوق - عرض مشاركة واحدة

25 - 4 - 2012, 08:04 PM

ياليت ان الزمن يرجع ورى والا الليالي تدور
ويرجع وقتنا الاول وننعم في بساطتنا
زمان اول احس انه زمان فيه صدق شعور
نحب ونخلص النيه وتجمعنا محبتنا
زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالم محصور
ولا نعرف ابد اغراب ما غير عيال حارتنا
صحيح اصغار في التفكير لكن ماعلينا قصور
نخطط نكسر العبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم في روحتنا وجيتنا
وعشان ناخر الحصه نخبي علبة الطبشور
نشاغب بس في الاخر تميزنا برائتنا
نحب الضحك والهيصه نحب انط فوق السور
نفرفش ليه مانفرفش مدام الضحك عادتنا

ولكن دارت الايام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
وتهدينا الالم والهم غصب عن عين رغبتنا
تعبنا من بلاوينا احد ضايق واحد مقهور
وكل غارق بهمه وفـ الاخر تشتتنا
وانا ماقول غير الا ياليت الزمن يدور
ويرجع للورى فترة نعدل وضع عيشتنا