سق الله زمان زال بالذاكره مازال
فداها العمر لو راح الاول على الثالي
قبل من العوائدنا نعشق السهر لاطال
مع كل يوم ليلها اقرب من اطلالي
تنام بعيوني فارعه ماعليها شال
سترها الغلا والخوف من عين عذالي
وفجاءه بلاموعد صحينا على زلزال
اخذ كل شي ولاترك غير غربالي
بقي بيننا يمكن توصل بقايا اوصال
تجيني بعد مدة دورعن اوصالي
مجرد سلام ومانسيتك وكيف الحال
هذا آخر الغالي وحققه وهو غالي
واذا مد وقت لالفي منها مرسال
بدية التفت عن حالها اشوي في حالي
عن الوم والشرهه رسايل على تنهال
من يدينها واحسها تسولف اقبالي
ويقولون مايبكي على المقفيه رجال
وانا اقول جعل قلوبهم مالها والي
علي وين ماراحت اسوق القدم رحال
اخيل المدى والدرب موحش وبحالي
ادور تحت غيمته مواعيدها همال
ولاشفت منها غير موعد مع اهمالي
خلاص انتهينا مابقى للسنيين امال
بعد ماقصر مرسالها مات مرسالي
هي الحين صارت راعية بيت وام اعيال
وانا الحين مثل اول على خبرها حالي
|