من زخرف القول .. مابقيت شـيً يقـال والحين لاجيت اقول .. بذمّتك ويش اقول
اهلكت فيك الكلام اللي حروفـه جـزال
و اسبغت فيك الشعور اللي يفـر العقـول
و فتقت لك في حنايا الروح وجهة خيـال
واسقيتها من حناني لين صـارت حقـول
وافنيت عمري وراك .. ودرب رجواك طال
ما غير ادور رضا قلبك .. وقلبك زعـول
والعمـر قـام يتقـادم ماتجـدد وصـال
وانا امّد الرجا وارقـب لطيفـك وصـول
ياسعد عينـي ليـا عانقـت ذاك القبـال
اللي خذا من حسان الكون كـل القبـول
لاجيت تمشي غنج وتميـل ميـل الـدلال
وتسلهم بناظراً ناعـس ورمـشً كسـول
ويبين لي وجهك البـدري فريـد الجمـال
اللي على جذب خفاقـي يقـول ويطـول
وآرد واصدر وينعشنـي حـلاك الـزلال
عذوبتـه مايغيرهـا اقتـلاب الفـصـول
استدرجك بالحكـي واطاولـك بالجـدال
مشهاة سمعي كلامً مـن شفـاك إمعسـول
طاولت بك فالغرام آخـر دروب الكمـال
واكملت بك ناقص الافراح في كل حـول
ايام حبـك ثمـر عمـراً قفـاه الـزوال
من هام فيك وعجز ينساك جب له حلـول
و ان كانك اقفيت مالقيت للوصـل
بـالالله يسمح دروبك .. وش تبينـي اقـول؟