تجــمّـلتي معايا دوم وكفيـتـي ... ووفيتي
وعامـلتـيـني بالطيب .. وتحملتي تفـاهاتي
وكم لأجلي تألمتي / تـصبّـرتي / وضحّـيتـي
وواسيـتـيني بأحزاني ... وزينتي مسرّاتي
احـبك يـللي مـا عمرك / تغـليتي وصدّيتي
احبك كثر ما بيدك. مسحتي ضعف دمعاتي
احبك كثر ما خنتك وقاسيتي وتناسيتي
احبك كثر ما بعطفك تحضّنتي إهاناتي
يا
اغلى حب في الدنيا ياشمعة دربي وبيتي
يا حسّي يا نـظر عيني. يا أمسي يا حضاراتي
انا مـا استاهل دمـوعك. يلي بصدق حبيتي
انا والله لو تـدري فقير بـكـل حالاتي
وكـم جيتي وصديتك وكم جيتـك ولبيّتـي
وكم مـرّات زعّلتـك وعيّشتـك مـتاهـاتي
قسيت وما قسى قلبك جفيت وما تجافيتي
ظلمتك واحتوت روحك ذنوبي واعتذاراتي
انا اصغر من ضنونك إذا لحظات ضنيتي
اكون الشاعـر الأعظم من اخلاصي وصراحاتي
وش يبقالي في الدنيا !! اذا عنـي تخليتـي
سوى دمعة الم ترثي بداياتي نهاياتي
مآإأ رآإأق لي..