شبكة همس الشوق - عرض مشاركة واحدة - ساكون مثلما اريد ان اكون وليس مثلما يريد الاخرون

20 - 5 - 2012, 12:02 AM

لا شفتني ساكت لا تنشد علامي
اعرف تراني من سبب نظرتك ضعت

جايع وحصّل في عيونك طعامي
لا تحرم عيونك عيوني اذا جعت !!

تصدق انك صرت كل اهتمامي
اكذب عليك ان قلتلك ماتولعت

الحب طبعه بين الاحباب سامي
وعن حب غيرك ياحبيبي ترفعت

الشوق حامي ليتك تصير حامي
من بارد احساسك تراني توجعت

من وين مالديت تلقى غرامي
على دروبك ياغرامي توزعت !!

محبتي فطره وعفوي كلامي
من بد خلق الله معك ماتصنعت !!

اسمك محى عندي جميع الاسامي
كنك على الساني ربيت وترعرت!!

جيتك على درب المواعيد ضامي
ولمحت طيفك بالطريق وتسرعت

عن حب غيرك صرت معلن صيامي
من يوم شفتك ارتويت وتشبعت !!

الحق علي وضمني ياغرامي
يمكن اموت من الوله لا تراجعت !!