شبكة همس الشوق - عرض مشاركة واحدة - روايه س لك بالله وش سويت فيني وش سر هالشوق اللي يجيني كامله

8 - 6 - 2012, 08:23 PM

البارت الثاني عشر
خرجو من السوق
خالد كان ماسك يد سوسن
فكت يده ومسكت ايدينها الثنتين ببعض
حس خالد وناظر فيها بس ماكان مبين عليها انها زعلانه
سكت وكملو تمشيه
سلافه : خويلد اطلبك طلب
خالد : هههه لا لاتطلبين
سلافه : تكفى خلودي
خالد : وش تبين
سلافه : ابي ايس كريم
خالد : حسبت عندك سالفه
سلافه : يعني بتجيب لي
خالد ابتسم : ليه كم عندي سلافه انا ؟
سلافه : لبى قلبك
خالد : سوسو تبين ايس كريم ؟
سوسن هزت راسها بلا
خالد يسال اخوات امجد : وش النكهه اللي تحبوها
سماح : فراوله
مي : شوكولاته
هدى : اي شي على ذوقك
سوسن تناظر فيها وودها تموتها
خالد : مجود تبي انت بعد ؟
امجد : لا شدعوى طول بعرض واكل ايسكريم
خالد : انا طول وعرض وارتفاع وباكل
امجد : ههه لا ما ابي بالعافيه
خالد راح جاب لهم كلهم حتى سوسن
جاب فراوله لسماح وسلافه وشوكولاته لمي وتوفي لهدى وسوسن
خالد اعطى سوسن
اعطته نظره وسكتت
خالد : سوسو ماتبين الايسكريم ترا باكله
سوسن : ما ابيه
خالد : اجل حتى انا ما ابي وحط الكيس جنبه
سماح : اعطي هدى سعابيلها طاحت وهي خلصت الايسكريم حقها
خالد اعطى هدى الايسكريم
سوسن وصلت معها وتبي تبكي من القهر
خالد حس انو سوسن زعلانه
خالد : امجد انا باروح شوي وبرجع سلافه خليك هنا
سلافه وهي تاكل الايسكريم : على ذا الخشم
خالد سحب سوسن وراحو مكان بعيد عن الباقي
خالد : ممكن اعرف وش اللي مخليك زعلانه
سوسن سكته وقاعده تهز برجلها
خالد : سوسن وش فيك قوليلي وش سويت ؟
سوسن : لا والله ؟ انت بقيت شي ماسويته ماعاد باقي الا تاخذها بالاحضان
خالد عرف ان السالفه فيها غيره بس يبي يتاكد : مين هي ؟
سوسن : ست هدى لا وبعد تشتري لي الايسكريم وتعطيها هي
خالد وهو يسحبها لحضنه : ههههههه ياعمري اللي تغار الحين اروح اجيب لك المحل كله
سوسن : وخر عني
خالد : يوووهه انتي متوقعه هالعيون ..وهو ياشر على عيونه .. بتشوف غيركك ؟
سوسن : ما ادري عنك
خالد : طيب اخر مرهه ماعاد اكلمها حتى
سوسن : كلمها بس لا تزودها
خالد : من عيوني ياعيوني
سوسن : طيب
خالد وهو يمسح دمعتها اللي نزلت : هالدموع ما ابي اشوفههم
وقام ورجعو لعند الباقين
سلافه : لا والله كان تاخرتو زياده
خالد : وش دخلك فينا
سلافه : انقلع بس
خالد : امجد خذ ذي الخبله وهو ياشر على سلافه . وروحو تمشو انا وسوسو نبي نتمشى لحالنا
سلافه وهو تروح وتمسك سوسن : لا والله ما تروحون عسى ماشر جايبيني معكم عشان تروحون وتخلوني
خالد : يا اختي والله انك نشبه مدري ايش خلاني اجيبك مععنا
سلافه : مدري عنكك اهم شي اني ماني باروح لحالي
امجد : مين قال لك لحالك تعالي معي
سلافه : يلا اجل نتمشى
سماح : مجود انا ومي وهدى بنروح نتمشى من ذيك الجهه
امجد : اوك
...
عند نوف تكلم بالموبايل
نوف : لا .. يعني ماتقدرين ؟ .. بس بعد بكرهه ملكته .. لالا لازم تتكنسل الملكه .. اعتمد ؟ .. صار .. سلام
قفلت من المكالمه
نوف : بتتزوج هاه ؟ هههههههه انت لي انا
وقعدت تكلم نفسها
...
عند فيصل يكلم بالموبايل
فيصل : السلام عليكم .. هاه جهزت الشقه .. بس يا اخي محتاج الشقه ضروري .. لا بس زواججي قريب .. تكفى استعجل .. يلا فمان الله
سامي : فصوول كم باقي على زواجك ؟
فيصل : باقي تقريبا اسبوع اخيرا راح اخليها تندم على كلامها
سامي : بس هي ما كذبت بشي شفت لي احد يتحرش ببنات عمه
فيصل : قل قسم ؟ وش يدريني انهم بنات عمي
سامي : ههه خلاص طيب انت بتنتقم يعني ماله لزمه الكلام
فيصل بخبث : هههه اكييد مين بيمنعني
...
عند تهاني
فكرت انها تدخل وتفهم السالفه من فؤاد (رائد) لانها كانت واثقه فيه ثقة عمياء
ودخلت على نفس الشات ولقته موجود
تهاني تكلمه برايفت : ممكن اعرف ايش الموضوع وكيف عرف ريان بالمكان
فؤاد : انا باقلكك كل شي بصدق
تهاني : قول
فؤاد بكذب : انا وريان كان بيننا مشاكل وهو كان يراقبني وللحين وهو يراقبني وبعض الاوقات يهددني وانا كنت جايبك المطعم عشان اقلك ان اسمي فؤاد وما حبيت اكذب عليك والله يعلم اني احبك واموت فيك
تهاني : بس هو وراني رساله يقول انك انت مرسل شوف بنت عمك المتربيه وما ادري ايش
فؤاد مسوي نفسه مستغرب : وششش احلفي
تهاني : والله
فؤاد : الله يسامحه . اصلا انا ماعندي رقمه وانا مستحيل اعلم عن حبيبتي وحياتي
تهاني : يعني انت تحبني للحين
فؤاد"هبله": اكيد انا اموت فيك
تهاني : ياعممري انت
فؤاد : اهم شي انك مو زعلانه مني
تهاني : لا مو زعلانه ياروح تهاني انننت
فؤاد : الله لا يحرمني منك
تهاني : فديتك
وكملو غزلههم
...
نروح لسلافه
سلافه : تعال نقعد هناك واشرت على طاوله
راحو جلسو
امجد : علميني عن حياتك زياده
سلافه : شوف يا اخي العزيز انا مرجوجه ويقولون عني هبله بس انا مو هبله احب الشقاوهه بس بعض الناس يتضايقون من رجتي
امجد : بالعكس حلوه رجتك
سلافه تناضره بنص عين : ادريي بس هم ماعندهم ذوق
امجد : هههههه ياواثقه
سلافه : اكيد واثقه المهم خلني اكمل ما احب ازعل الناس مني واحاول اراضيهم باي طريقه و سكتت وناضرت بامجد ههه بس وانت ؟
امجد : انا وش ؟
سلافه : تكلم عن نفسك
امجد :انا اجتماعي اغلب الاوقات اكون هادي ما احب الغرور ما يهمني اذا احد زعل مني او رضي الا اذا كان غالي علي وبس
كملو سوالفهم وتعرفهم على بعض
نروح لسوسن وخالد
ماسكين بعض وقاعدين يمشون
سوسن : خلودي ممكن سؤال
خالد : مليون سؤال مو بس واحد
سوسن : تذكر لما رحنا المستشفى عشان ابوك فيه وحده اجت لعندك مين هي .؟
خالد : هذي بنت خالتي اسمها مي
سوسن : تحبها ؟
خالد : لا ما اطيقها
سوسن : اجل ليش تجي تسوي كذا وانت ماتحبها ؟
خالد : هي جريئه ومن زمان كانو يقولون خالد لمي ومي لخالد
سوسن رفعت حواجبها : اجل ليش ماتزوجتها
خالد : اهبل انا اتزوجها وعندي اللي تسواها
سوسن : اها
خالد : طيب هل تسمحي لي بسؤال من فضلك ؟
سوسن : ههه تفضل
خالد وهو حاط يده على شعره : امم طلال تحبينه ؟
سوسن سكتت
خالد : تكلمي
سوسن : امم يعني انا ما اكرهو ولا احبوو
خالد بابتسامه : اهم شي ماتحبينه ؟
سوسن : لا ما احبه
خالد حضنها وهو فرحان