شبكة همس الشوق - عرض مشاركة واحدة - روايه س لك بالله وش سويت فيني وش سر هالشوق اللي يجيني كامله

8 - 6 - 2012, 08:32 PM

تاابع
سوسن راحت المطبخ
سوسن : هلا
خالد : هلا قلبي انتيي وين
سوسن : انا بالمطبخ
خالد : طيب حبيبي بس انتي ماورتيني شكلك قبل مانطلع تكفين وريني
سوسن : نووو
عند طلال كان سامع صوت بس متجاهله بعدين قام الفضول يلعب دوره راح يشوف مين اول ماشافها تجمد مكانه مو مصدق ان اللي قدامه سوسن
سوسن : لا والله ؟
خالد : اي والله
سوسن : لا حبيبي مو موريتك
خالد : افا يهون عليك حبيبك خالد
سوسن : ههه ايه يهون علي حبيبي خالد لما يطلب طلب مستحيل
خالد : افا بس وانا اللي مضارب الكل واقول ما ترفض لي طلب
سوسن بدلع : خلووودي خلاص عاد لما نرجع باوريك
خالد : لا ما ابي الحين تطلعين وبعدين راح ترجعين
سوسن : يوووه تكفى
خالد : طيب عشان خاطري
سوسن : انت تعرف اني ما اقدر ارفض للك طلب بس هذا لا بليز ما ابي
خالد : يعنيي ازعل
سوسن : لا لاتزعل خلاص باطلع لك الحين
طلال ماتحمل زياده وقرب منها ومسكها من يدها
هي التفتت
سوسن تجمدت لما شافته وضاعت الابتسامه اللي كانت على شفايفها
سوسن : هي انت من سمح لك تجي هنا
طلال وهو ناسي ان خالد لسى على الخط
طلال : لا والله بعد نسيتي انا مين وش مين يسمح لي انا جاي عند حبيبتي
سوسن بعصبيه : حبيبتك في عينك يالحقير الحين اطلع برا لان شكلنا هنا غلط ولا شتسوي وحده متزوجه مع رجال غير زوجها
طلال : بس هذا الرجال حبيبها
سوسن : انت كيف تفهم ؟ كيييف ؟ اطلع برا ولا الحين بنادي لك خالد وانت تعرف وش ممكن يسوي خالد
طلال : خالد حبيبك ناسيه انه كان بينسجن عشان مخدرات والله اعلم كم اعطو الشرطي عشان خرجه
(مايدري ان سوسن شافتته)
سوسن : اييه صحيح كان بيدخل السجن عشان حقيير متفق مع خويه عليه
طلال انصدم من كلامها
سوسن : وش فيك سكتت انت تحسبني غبيه انا شفتك بعيوني مع محمد انت من شنو مخلوق علمني ؟
طلال : انا طلال ياسوسن طلال اللي يموت فيك
سوسن : يموت فيني بس انا اكرهه
وبحركه غير اراديه اعطاها كف
سوسن طاحت من قوته : ااه
طلال : تشوفين خالد اللي محتميه فيه بامحييه وبيجي يووم اللي بترجعين بيت ابوك بدون خالد راح تكوني ارمممله
سوسن خافت من كلماته بس بينت العكس ابتسمت : ههههه تصدق عاد رحمتكك (وهي ناسيه اللي عالخط وسمع كل شي ) تعرف لو صار لخالد شي والله ثم والله ماتلوم الا نفسك وانت عارف انا ايش عنندي ضدك وبحركه بسيطه انهيك وهي حاطه يدها على خدها انت لما اعطيتني كف صحيتني من الوهم اللي كنت عايشه فيه انا كيف حبيت واحد قذر مثلك ما ادري
طلال كان يسمعها وهو مصدوم وفي باله كلمه تتردد : معقوله للحين محتفظه بالششريط بس هي قالت انها احرقته
طلال : وش قصدك باللي عندك
سوسن : ههه تصدق ياحلووك وانت تستضرف شوف انا قلت لك الكلام اللي ابي اقوله وانت عاد اسطفل واعرف اننو اذا صار شي على خالد ولا دمك يطفي نار قلبي .. بعد ثواني وهي تناضره من فوق لتحت : تفههم
ودخلت داخل وهي ماسكه الجوال بقوه من قهرها
شافت الجوال تذكرت انه خالد عالخط للحيين
سوسن بخوف : خالد
خالد باستهبال : حلو لاطعتني بالجوال وتسولفين مع طليل
سوسن وصوتها بدا يتغير : والله يا عمري نسيتك على الخط اسفه
خالد : سوسن وش فيه صوتك انا امزح معك والكلام اللي قلتيه بررد ققلبي بس وش هو اللي عندك
سوسن وهي داخله قسم الحريم وساكته
خالد : سوسو حبيبي وش فيك لا يكون ضايقك طلال .. وهو يناظر بطلال اللي توه داخل ..
سوسن ماعاد قدرت تتحمل صارت تصيح بصوت عالي
خالد خاف عليها
خالد : قلبي سوسن وش فيك ليه تصيحين
سوسن بس تصيح
خالد طلع بسرعه من عند الباقي
خالد : سوسن حياتي قوليلي وش فيك
سوسن بس تصيح
خالد : سوسن اطلعي الحينن مو لازم تحضرين الملكه اصلا انا من اول ماشفته حسيت انه اليوم مابيعدي على خير
سوسن قفلت وراحت جهة الحمامات (اكرمكم الله) مسحت اثار الدموع
خالد تاسف من وليد وقال له انه الاهل صار معهم مشكله ولازم يروح
خرج خالد
وانتظر سوسن تخرج
لما خرجت ركبت السياره وهي ساكته ومافي مسموع غير صوت شهقاتها اللي حاولت تمناعها بس ماقدرت
خالد وقف السياره عند البيت
ونزلو
دخلت الجناح وثم الغرفه وخالد وراها وارتمت على السرير وهي تبككي بصوت عالي
خالد تقدم لها شوي وجلس جنبها فكر انها شوي وبتهدا
مرت ربع ساعه وهي على حالها
خالد رفعها ومسك وجهها بكفيه
خالد : حبيبتي ناظري بعيوني
سوسن ناظرت في عيونه ونزلت دمعه
مسحها خالد : خلاص سوسن عورتي قلبي وبعدين انا ابي اعرف وش سبب هالدموع كللها
سوسن ارتمت بحضنه بقوه وهي تمسك بثوبه وتبكي بهستيريا
خالد خاف علييها من حالتها
خالد ضل يمسحح على شعرها بس اببد ما هديت الا زادت
فجاه اختفى الصوت وارتخت اياديها اللي كانت متمسكه بثوبه
خالد وهو يحركها بخوف : سوسن حبيبي تسمعيني قللبي تسمعيني
بس مافي رد
راح جاب مويه وكب عليها بس ماصحيت
خالد زاد خوفه
وراح يجري لامه
ام خالد كانت توها مخلصه من صلاتها
خالد دخل بسرعه
خالد : يمه سوسن طاحت
ام خالد فزت بخوف : وش يعني طاحت وين وكيف
خالد : وديتها معي ملكت خويي وبعدين لما رجعت كانت تصيح ولما سالتها وش فيك ماردت وبعدين طاحت
ام خالد : راحت بسرعه لجناحهم ودخلت الغرفه
ام خالد خافت من شكل سوسن وكيف طايحه كان اللي يشوفها يقول هذي اكيد ماتت
خالد : يمه اوديها المستشفى ولا هذا ارهاق عادي
ام خالد بخوف : والله مو واضح انه ارهاق عادي شيلها على المستشفى وانا باجي معك
خالد : طيب يلا
شالها ونزل للسياره دخلها السياره وانتظر امه
كان حاس ان امه طولت رغم انها ماكملت 5 دقايق
واول ماركبت طار بسرعه جنونيه ومو مفكر شو راح تكون عواقب هالسرعه بس اهم شي يوصل المستشفى
اول ماوصل المستشفى نزل بسرعه ونزل سوسن معه
...
فيي القاعه
لولوه خايفه والبنات عندها يهدونها
يارا : الله يهداك لولوه ليش كل هالخوف
لولوه : مدري يا لارا مددري
تهاني : لا اله الا الله كل ذا الخوف هذا وهو فارس احلامك اجل لو كان غيره وش كان صار
لولوه : قل خيرا او اصمت
نوف مقهووره وساكته
رغد : ياااه لولو عقبالي قولي امين
لولوه وهي تضحك : لسى انتي ببدايه عمرك
رغد : وش ببدايه عمري انا دخلت ال15
لولوه : واااو جد ؟ غلطت بحقك صراحه
رغد تناظرها بنص عين : لا تخليني الحين ادعي ماتتم الملكه
لولوه : لا خلاص باسكت
رغد : شطوره
مر الوقت عليهم بسرعه
الساعه 12 بدت الزفه
لولوه ماسكه يد تهاني : لا تبعدين عني طلبتك
تهاني : اخوي مابياكلك هددي وانا جنبك
لولوه ارتاحت من كلمه انا جنببك
وبدت الزفه
طلعت لولوه
والكل كان يسمي ويذكر الله لان كانت قمممة بالجمال
بعد دقايق جلست على الكوشه وهي بقمة الخوف
راحو البنات عندها
تهاني : ياكششخه فيه عجوزه كانت جنبي حسيتها بتصيح من كثر ماتقول ماشاء الله عليها
لولوه : ههه اسكتي والله قلبي بيوقف
وسولفو معاها البنات عشان يخففون عليها من الخوف
بعد دقايق
دخل وليد
كان مافي في وجهه اي ملامح تدل على فرحته
اول ماوصل وليد جلس جنبها
لولوه كانت مبتسمه بس اختفت الابتسامه بعد ما شافت وجهه معفوس وكانه مجبور على الملكه
تهاني كانت مصرره الا تصورهم وهم ياكلون بعض القاتوه
قطعو القاتوه
وليد اخذ قطعه صغيره بيده واكلها اياها (وتهاني كانت تصور)
لولوه اكلتها وبالغلط عضت على يده
وليد ماقدر يتحمل وبلحضه وبتهور اعطاها كف رغم ان العضه ما عورته
تعالت الشهقات والكلمات
وليد قام وطلع بسرعه
راحت تهاني عند لولوه وهي ماسكه على خدها والدموع اخذت مجراها
حتى نوف اللي كانت تتمنى المكله تتكنسل تضايقت على لولوه يعني بالنهايه هي بنت عمتها
سحبتها تهاني ودخلتها الغرفه اللي كانت تتجهز فيها
لولوه اول مادخلت جلست بالارض وحطت راسه على ركبها ويديها على وجهها وقعدت تصيح
الكل تضايق على اهانة لولوه حتى اللي اجو وهم مايعرفونها
ام وليد تفشلت من وليد بشكل ما يتصور على طول طلعت من عندهم
البنات اللي حضرو رغم مايعرفون لا وليد ولا لولوه الا معرفة رسميه صارو يرددون ويتكلمون في وليد مابقو ولا كلمة ماقلوها عنه
راكان شاف وليد خارج من القاعه اتصل على امه يبي يعرف السالفه
ام راكان بعصبيه : خير
راكان : يمه وش فيك وش صار ؟
ام راكان : ولد عمك فششلنا ياراكان فشلنا
راكان : وشش صار
ام راكان : اعطى لولوه كف قدام خلق الله كلهم
راكان شهق : يمه من جد ؟
ام راكان : ليه من متى كذبت عليك
راكان : محشومه يمه ما اقصد كذا
ام راكان : طيب خلاص مع السلامه
راكان : مع السلامه
راكان قفل
وقال لهم ان الملكه انتهت وكل واحد رجع بيته
ريان لما شاف وجه راكان اللي متغير : راكان وش فيه وش صار
راكان كان خايف من ردة فعل ريان عشان كذا سكت
ريان : راكان انا اتكلم معك ما اضن اكلم جدر وش صار الاهل فيهم شي
راكان ماققدر يسكت : وليد
ريان : وش فيه
راكان : آآ اعطى لولوه كفف قدام اللي موجودين
ريان بصدمه : شننو ؟ من هو عشان يسوي كذا اذا انا وهو انا اخوها ما عمري مديت يدي عليها وش شايف نفسه هذا
راكان : اهدى ريان انت ماتعرف وش سبب اللي اعطاها فيه كف
ريان : مهما كان السبب مايعطيها كف الدنيا سايبه بس انا اوريه كيف يمد يده على لولوه
فضضت القاعه وماعاد بقى الا العائله
ابو وليد اول ماعرف عصصب واتصل على وليد بس وليد مايرد
ريان راح للولوه لان مافي احد بالقاعه غير عائلته
لولوه كانت على نفس حالتها تبكي
ريان تقدم منها : حبيبة اخوها ليه تصيح
لولوه رفعت عينها عليه اول ماشافته حضنته بقوه وفعدت تصيح وهي حاطه وجهها بصدره
ريان واقف وقلبه بتقطع على اخته ووحيدته بس هو حالف يدفع وليد ثمن الكف
وضل يمرر يده على راسها عشان تهدا
ولما هديت رفع راسها
ريان : ليه كل هالدموع
لولوه سكتت وهي تناظر الارض
ريان : هدي بالك وانا حالف يدفع الثمن
سكتت لولوه لانها عارفه ريان اذا قال كلمه مايرجع فيها
كل واحد رجع بيته
...
عند ابو وليد
الو وليد : فشللني قدام الخلقق الحين وش يقولون غير ماعرف يربي
ام وليد ساكته وهي متحسرهه
ابو وليد : دلعناه هالولد بس هذا هو جازانا
ام وليد : الله يهداك انت ماتعرف السبب خلنا ننتظر ونشوف
ابو وليد : وش السبب اللي يخليه يعطيها كف على الاقل يحرتم انها هي بنت عممه جد تربيتنا راحت هدر
ام وليد : الله يعين
ابو وليد اتصل على وليد
بس وليد رافض يرد على اي احد
....
ارائككم
سوسن وش بيصير فيها ؟
وش قصة الشريط اللي مع سوسن ؟
وليد ولولوه ؟
ريان وش بيسوي في وليد ؟
تهاني وهل راح توافق على طلب فؤاد ؟ ولا راح تفكر بعقل وترفض ؟