شبكة همس الشوق - عرض مشاركة واحدة - روايه س لك بالله وش سويت فيني وش سر هالشوق اللي يجيني كامله

8 - 6 - 2012, 09:31 PM

سوسن ابتسمت لها
ردت لها ندى الابتسامه بخوف
جمانه : كيف سويتي
سوسن بغمزه : سر المهنه ياروحي
جمانه : ههه شكلي باخاويك صار لك هيبه
رنا بغيره : حلوه تخاوينها اقول سوقيها بس
جمانه ناظرت فيها ورجعت ناظرت في سوسن وابتسمت وغمزت لسوسن
سوسن هزت راسها بايجاب وهي مبتسمه
جمانه : ههه لا ما اقدر قصة غرام وانا اخر من يعلم
سوسن تضربها على راسها : فضحتينا ياكلبه
جمانه تضحك عليها رغم عارفه انها ماتحب رنا
^
^
^
^
في الفسحه كل البنات يتكلمون عن فصل ابله سميه اللي كانت تكره البنات بالمدرسه
واول مانزلت سوسن كل البنات عيونهم عليها رغم مو عارفين انها هي اللي فصلت سميه
راحت عند البنات هي وجمانه
رنا راحت مع صديقاتها
سلافه : انا لو امسك اللي فصلت سميه وابوسها على راسها
تقدمت سوسن ونزلت راسها يعني بوسي
سلافه : خير ؟
سوسن : مو قلتي لو تمسكينها بتبوسينها على راسها يلا بوسي
سلافه بصرخه : ايييش لا تكوني انتي
سوسن وهي ترفع حاجبها وتنزله : يب يب انا
حوراء : كذابه
غيداء : ههه كيف بس بتفصلينها روحي العبي على هنود
غنج : يا عمي روحي بلا كذب
اشجان : هههه يلعنكك ماتعرفين تكذبين
سوسن تناظر بجمانه : جمانه مين اللي فصلها
جمانه : انتي
اشجان : متفقين هاه
سوسن بعصبيه : والله انا وانتي يالكلبه بوسي راسي
سلافه : اول اتاكد وبعدين ابوسك في اي مكان تبين لو حتى وسكتت
البنات ضحكو
سوسن : ياكلبببه
سلافه : هههه زين فهمتو بدون ما اتكلم يلا اكدي لي
اجت هاجر من بعيد
هاجر : سوسن كيف فصلتيها
سوسن : سر المهنه ياحبيبتي
هاجر : امانه قوليلي
سوسن تهز راسها بالرفض
هاجر : مالت وتروح
سوسن : طيب تعالو نشوفها وهي خارجه واسالوها
البنات بطفاقه : يلا
البنات كلهم نزلو من على الدرج
وكانت اول وحده سوسن
كانت سميه تمسح دموعها وتلبس النقاب
سوسن بصوت عالي : ابله حذرتي الابلات الباقين مايحطون راسهم براسي لانه بيصير مصيرهم زيك
سميه تناظر فيها وبصوت عالي : حسبي الله ونعم الوكيل
سوسن تهز راسها يعني انها تاثرت : ياالله الحين تذكرتي ربي لو انتي محترمه البنات ماكان صار لك كذا والحين اذا قبلتك مدرسه ثانيه سلميلي على مديرتها يا ابله عاطله وطلعت
والبنات متفاجئين من جرائتها وكلامها
وراحو وراها
سلافه وهي تبوسها على راسها : الله يخليك ويديمك لنا عشان كل ماضايقتنا ابله تفصلينها
سوسن رافعه حاجبها : عاجبك الموضوع ؟
سلافه : اي والله
اجت سنا
سنا ووجها احمر : ممكن اكلمك
سوسن شافت شكلها ورحمتها كل هذا احراج ابتسمت لها : اكيد
راحت معها عند البراده مكانهم المعتاده
سوسن : هلا حبيبتي
سنا حاسه نفسها بتموت من الاحراج : آآآ يعني آنآآ وسكتت
سوسن مسكت يدها وبابتسامة ريحت سنا : تكلمي
سنا تناظر بالارض وحاطه يدها بجيوبها وطلعت علبه لونها احمر ومكتوب عليها بالاسود والابيض love بشكل روعه
وقدمتها لسوسن
سوسن ناظرت في العلبه وناظرت في سنا : ايش هذا
سنا : آآآ مآ مآ اددري يعنني آآآ
سوسن مسكت العلبه : تبين اعطي احد العلبه ولا ايش
سنا : لآ هذذي لك يعني آآ
سوسن ابتسمت لها ابتسامه وكانها تقول لها وش تحسين فيه
شدت على يدها : الحين ليه مرتبكه
سنا : آآآ يعني
سوسن حست ان البنت فيها شي لانها بدا وجهها يعرقق
سوسن : خلاص اهدي حبيبتي وشكرا على العلبه
وراحت
سنا اول مارحت تنهدت : ياربي كنت باموت يمه تجنن لبى قلبها
رجعت سوسن عند البنات
سلافه : وش فيه
غيداء : ايش هذا
سوسن ببرود : هذا عطتني اياه البنت .. حسيت شوي وتموت مو عارفه تتكلم ياقلبي رحمتها وبالاخير بدا وجهها يعرق لما شفتها كذا بعدت عنها
جمانه تسحب العلبه وتفتحها كان فيه خاتم وفيه ورقه
سحبت الورقه سوسن
وقالت خلني اقراها
فتحتها
كان بالبدايه مكتوب
اسگن عيوني يالغلآ ../ وجفوني تغمض عليگ ..~
........... خذ ماتبي من دنيتي بس " لا تقلل " من غلاگ
..انت .. الوحيد بناظري ماترقب عيوني سواگ |«
........... شوفتگ تجلب راحتي ..{ وبعدگ عن عيوني هلاگ !
السلام عليكم سوسن انا عرفت اسمك من صديقاتي بصراحه انا حبيتك من اول ماشفتك والله انا احبك اتمنى الخاتم تلبسينه الله يخليك حتى لو ماعجبك تكفييين
وبالاخير مكتوب
محبتكك
سنا
وحاطه توقعيها
رفعت عيونها عالبنات
سلافه : حركات
سوسن : افف تعبت من ذولا الهمج
حوراء : توك ثاني يوم ماقد شفتي شي
اجت بنت
هناء : انتي هي
سوسن ساكته وتناظر فيها
هناء : دلعك عشان يلفت نظر البنات ماراح يفيديك
سوسن قلبت حواجبها : تكلميني
هناء : ايه اكلمك
سوسن : اها انتي ماتكلميني روحي كلمي حشره يمكن تفهمك بهالاسلوب
قربت منها هناء وممسكتها من مريولها من عند رقبتها
سوسن نرفزت مسكت يدها وشالتها عنها بقوه : انتي هي تتعاملي بهالاسلوب الشوارعي مع اللي زيك تفهمين
قربت هناء من سوسن
اجت غنج ودفت هناء
غنج : خير عسى ماشر جايه تضاربين ترا مدرسة الاولاد جنبنا روحي عندهم
اجو شلة هناء
وقامو كلهم يتضاربون
وعاد البنات فزعو مع سوسن لانهم يحبونها وعشان يكبرون في عينها
يعني شلة هناء انضربو الين شبعو
اجت المديره واخذت شلة سوسن وشلة هناء على الاداره
سوسن ما انضربت لان البنات كانو حولها
سوسن وهي تعدل مريولها
نوره بعصبيه : الحين اتصل على اولياء اموركم
سوسن ببرود : ولي امرنا واحد تبين تتصلين عليه مافي ارقام غيره
نوره : طيب انتو عيله وحده وست جمانه
سوسن : اعتبريها من نفس العيله
نوره : حلوه هذي
سوسن : ليه ذقتيها
شلة سوسن يضحكون
نوره : اعطيني رقم ولي امركم
سوسن : *******05
سلافه بهمس : هذا رقم خالد
سوسن : ايه
سلافه بهمس : بيصفقنا
سوسن بههمس : لاتخافين انا اعرف اضبطه
اتصلت نوره على خالد
نوره : السلام عليكم
خالد : وعليكم السلام ورحمة الله وبركاته
نوره : ولي امر الطالبه سوسن ال......
خالد خاف : اي تفضلي سوسن فيها شي
نوره : لا تخاف مافيها شي بس حصلت مشكله مع بنات وتضاربو
خالد عصب : احد ضربها ؟
نوره تناضر شكل سوسن : ايه في بنات ضربوها
خالد بعصبيه : وليه يضربونها هي سايبه
نوره : لو سمحت اخوي اهدى شوي هم تضاربو يعني مو بس هي انضربت
سوسن تناظر سلافه وبهمس : يالبى بس
سلافه : احلفي
سوسن : والله
نوره : الطالبه هناء ال..... ووووووو
خالد : انا الحين جاي لو سمحتي خلي سوسن تنزل عند الباب
نوره : مو بس سوسن اللي تضاربت معاهم
خالد : اجل مين ؟
نوره : الطالبه سلافه ال...... و غيداء ال....... وحوراء ال....... وغنج ال...... واشجان ال...... وجمانه ال......
خالد : ايه هذولا من الاهل : طيب اقدر استاذن لهم كلهم
نوره : تقدر بس جمانه ماتقدر كونها مو من العائله
خالد : باجيب بطاقة اخوها
نوره : اذا كذا تقدر
خالد : شكرا وياليت تكون المدرسه اكثر حذر شلون بنات يتضاربون اجل ايش خلو للاولاد
نوره تنهدت : الله يهديهم عاد وش اقول انا
سوسن بصوت مسموع : ابله ترا طقيتي حنك معاه
خالد ضحك لانه سمعها : يلا انا جاي الحين
نوره : طيب
قفلت من خالد
نوره : يعني انتي كذا تكلمين امك بالبيت
سوسن انحرججت ونزلت راسها
نوره : الله يهديك
هناء تضحك عليها لانها انحرجت
نوره سوسن وغيداء وحوراء وغنج واشجان وجمانه ولي امركم الحين بيجيكم البسو عباياتكم تقدرو تطلعو الحين
سلافه مسكت سوسن وطلعت انصدمو شلة هناء من دمعة سوسن اللي ماقدرت تخبيها
طلعو الفصل سكتو البنات لانو شافو سوسن تبكي
هاجر : سوسو وش فيك
رغد : عسى ماشر
البندري : احد ضايقك اميحه من الكون
الجوري : ياقلبي انتي مين زعلك
جلست جمانه وحضنت سوسن
سوسن هنا ماعاد قدرت تكتم شهقاتها صارت تبكي بصوت عالي
البنات استغربو وكلهم ودهم يعرفون وش صار
دخلت الخاله : سوسن ال...... وجمانه ال........ خذو اغراضكم وانزلو
رنا حطت اغراض سوسن بشنطتها وهي خايفه عليها
نزلو سلافه : ياعمري ياسوسن اهدي وش صار يعني مافهمت ليه تبكين
حوراء : سوسن وش فيك
لبسو وطلعو والبنات يحاولون يفهمون وش فيها
قرب خالد منها عرفها من شنطتها شال الشنطه عنها وسمع شهقتها اللي طلعت
التفت لها : سوسن وش فيك
رجعو كلهم عالمزرعهه
خالد : سلافه
سلافه : نعم
خالد : شيلي شنطة سوسن معك
سلافه : طيب
واخذتها وطلعت
طلع معها الغرفه
فكت نقابها وعبايتها ورمتهم وجلست عالسرير تبكي
خالد ضاقت به الدنيا مايدري ايش فيها ولا راضيه تتكلم
جلس جنبها
خالد : سوسن الله يخليك علميني وش فيك
سوسن بس تبكي
قربها منه وحضنها لعلها تهدى
بس هي اول ماحست بحنانه زاد بكاها
خالد يزيد من حضنها
الين هديت
سوسن رفعها من حضنه وهو يمسح دموعه : مين نزل دموع حياتي
سوسن ساكته
خالد : اللي اسمها سميه هذي ضايقتك ؟
سوسن : لا
خالد : طيب ايش فيك
سوسن بابتسامه باهته بس كنت متضايقه
خالد وهو يحضنها : جعل من ضايقك تضيق فيه دنيته
سوسن تمسكت فيه وكانها خايفه تفقده
بعد دقايق
خالد : يلا بدلي عشان تنزلين ترا امي تقلب الدنيا لو ماسلمتي عليها اول ماتجي من المدرسه
سوسن ضحكت وهي تمسح الدمعه اللي نزلت
خالد قام : لا عاد تضحكين بعدين اخاف افقد سيطرتي على نفسي
سوسن فهمته وراحت جري على الحمام (اكرمكم الله)
نزل خالد وراح المجلس وهو مبسوط لتحسن الوضع مع سوسن وهو يقول في باله مستحيل عاد ازعلها يكفي هالفتره
ابو خالد : وش فيك مبتسم
خالد راح له وحضنه : والله يا ابوي اني احبك
ابو خالد بضحكه : ههه وانا احبك
خالد وهو بس يضحك
ابو خالد حس ان الموضوع يحس سوسن وبهمس : وش تحسنت علاقتك مع سوسن
خالد وهو يهز راسه بالايجاب ويوقف
وافي : وش فيك ياخالد مانت بصاحي اليوم
خالد يحك راسه : ايه ماني بصاحي للحين مو مستوعب
وافي : وش مو مستوعب
خالد تنهد بصوت عالي ناظر في ابوه وابتسم وبصوت عالي : الله يخليك لي
ابو خالد : انتبه مره ثانيه
خالد : وعد لو تموتني ما اعيدها
ابو خالد : هههه يلا رووح اشوفك حتى مو قادر تجلس
خالد وهو يبوس راس ابوه مره ثانيه : الله يخليك يبه الله يخليك
وطلع من المجلس
واتصل على سوسن
كانت قاعده مع البنات
سوسن تنهدت وهي مبتسمه
سلافه : مين
جمانه : خالد ؟
سوسن : يب .. الو .. هلا حبيبي
مي استغربت مو كانو متزاعلين
سوسن : الحين ؟ .. طيب .. وبابتسامه انا اكثر .. لا انا اكثر .. لا انا اكثر .. هههه اتفقنا .. يلا حبي بايو
قفلت الجوال ورجعت ظهرها على ورا : اااه يممه
جمانه : شوي شوي لا تذوبين
سوسن : وهي تقوم احبه ياناس احبهه
سلافه : ههههه الله يهنيكم
طلعت سوسن لبست عبايتها وطلعت
كان خالد واقف عند السياره ولابس نظارات كان شكله يجنن
سوسن وهي تتقدم عنده
خالد فتح لها الباب
وراح لعند الباب الثاني
فتح وركب
حرك وهو مبتسم وماسك يد سوسن
توجهو لمطعم
^
^
^
^
عند البنات
مي بتموت من القهر وقالت والله لانفذ الخطه اليوم وانا اوريك ياسوسن ياكلبه
والبنات يتكلمون على سوسن وعلى حركتها بالمدرسه
جلنار : كيف يعني
سلافه : مدري وش سوت فصلت الابله اللي دايم تهزئنا .. ولما قدها طالعه قالت لها : ابله حذرتي الابلات الباقين مايحطون راسهم براسي لانه بيصير مصيرهم زيك .. قالت لها الابله حسبي الله ونعم الوكيل فيك ردت عليها : يا الله الحين تذكرتي ربي لو انتي محترمه ماكان صار لك كذا عجبتني لبى قلبها
بسنت : كفو والله
حوراء : تخيلو خالد لما شافها تبكي بغى يصدم فينا من خوفه عليها .. وهي رافعه يدها : يارب سخر لي واحد يحبني زي حب خالد لسوسن
غيداء : رددي ياليل ما اطولك
لولوه : الله يهنيهم اذكرو الله لا يجون الحين وهم متهاوشين
الكل بصوت واحد الا مي : ماشاء الله لا اله الا الله
جمانه : والله ياشوق لو تشوفين البنات بالمدرسه خاققين على سوسن تقولين ماقد شافو وحده حلوه
شوق : جد ؟
جمانه : والله ولا بعد وحده اليوم اعطتها خاتم وتقول لها البسيه الله يخليك حتى لو ما اعجبك
شوق : ماشاء الله عليها اصلا واضح انها حبوبه
مي بهمس : وين الحبوبه ووين هي
لولوه من الو ماشافتها كرهتها تحسها مغروره : اكيد ماراح تكون حبوبه مع المغرورين
مي : شدخلك
لولوه : ههههه حلوه شدخلك بس لا تعيديها
مي : لا بعيدها
لولوه بطفاقه : ما الومك ممسوحه الكرامه من وجهك
البنات كلهم بصوت واحد : هههههههههههههههههههههههههه حلوه
مي قامت من عندهم وبمياعه : ياربي ايش هذا
جمانه بصوت عالي عشانها طلعت : ليه انتي تعرفين ربي
البنات : ههههههههههههههههههه
^
^
^
^
الساعه 3 في المطعم
سوسن تاكل بهدوء
وخالد يناظر فيها
سوسن : وبعدين معاك ماتبي تاكل ؟
خالد : مالي نفس بس ابي اشوفك
سوسن : اجل انا شبعت قوم
خالد : سوسن تحبيني
سوسن : لا
خالد فتح عيونه : ايش
سوسن : ههه وش فيك انا ما احبك
خالد عقد حواجبه
سوسن وهي تحط اصبعها على عقدت حواجبه : انا ما احبك انا اموت بهواك
خالد بصراخ : اااااااااااااااه ياناس والله احبها
سوسن حطت يديها على وجهها : فضحتنا
خالد : ياعمري احبك والله احبك وتلوميني بععد
سوسن وهي تتنقب : ما احد لامك بس يلا قوم مليت من هالمطعم
خالد : وين تبين تروحين انتي امري بسس
سوسن : ابي اتمشى اليوم كله معك
خالد : ياعمري انا كل ايامي لكك
سوسن : فديتك حبيبــ..
سكتت وحطت يدها على بطنها : آآه
خالد وقف بخوف ومسك يدها : ايش فيك ؟
سوسن ساكته وهي تتنفس بصعوبه
خالد والخوف مبين بعيونه : سوسن الله يخليك قوليلي وش فيك
سوسن بس تتنفس بصعوبه ومو قادره تنطق
مسكها من يدها ومشاها بس ماقدرت تمشي من الالم
شالها وطلع ولا همه الناس اللي تناظره وهي حاطه راسه على صدره وتتنفس بصعوبه وماينسمع الا تاوهاتها
ركبها ورا
وراح على اقرب مستشفى بسرعه رهيبه وقطع اشارات وماهمه الا انه يوصل المستشفى
وصل ونزل وصارخ عليهم سرير بسرعه
جابو سرير شالها خالد وحطها على السرير
دخلو الطوارئ
خالد قاعد يمشي بالممر وهو خايف
اتصل على راكان لانه حس انهم طولو
خالد : راكان تعال مستشفى ........ بسرعه
راكان وقف : ايش فيه
خالد بصوت مهزوز : سوسن الله يخليك تعال وجيب الشباب معك
راكان : جايين
راكان وقف وقال للشباب وراحو عالمستشفى
وابو خالد راح معهم
خالد قاعد يمشي بالممر وصلو بعد نص ساعه
ابو خالد : وش صار
خالد : ما ادري وهي تتكلم سكتت وحطت يدها على بطنها وماعاد تكلمت بس تقول آآه
ابو خالد : وللحين ماخرجو ؟
خالد : لا
ابو خالد : طيب شكلنا بنطول
خالد بصوت يحزن : يبه ما ابي افقدها الله يخليك قول لهم
ابو خالد حزن على ولده : لا تخاف ان شاء الله مافيها الا العافيه
خالد وهو يمشي ورافع راسه ويديه على شعره وبصوت عالي : يااارب
كل الشباب رحموه
راكان : اهدى خالد ان شاء الله مافيها الا العافيه
خالد ولاول مره يبكي قدامهم
رائد : اهدى ياخالد مافيها الا العافيه ان شاء الله
خالد بس حاط يده على عيونه وجالس على ركبته بعد دقايق طلع الدكتور
قام خالد : وش فيها الله يخليك قول لي
الدكتور مصري : ايه ده انت تبكي .. اهدى احنا شاكين بشي وحللنا لها عشان نتاكد وبكره بتطلع النتيجه .. واعطيناها مهدئ لبكره
خالد بفرحه : يعني مافيها شي
الدكتور : ان شاء الله بكره نشوف اذا فيه عندها شي او لا
خالد : طيب هي صاحيه الحين
الدكتور : ايوه تقدر تتفضل عندها
خالد التفت لابوه
وابوه ابتسم راح وحضنه
وهو يمسح دموعه ويدخل عندها
سوسن حاسه ان الالم خف قامت
جلست
اجا خالد وحضنها بقوه : حرام عليك خوفتيني
طول وهو حاضنها
وبعدين لما بعد
سوسن وهي تمسح الدمعه اللي نزلت وبهمس : احبكك
خالد : ايش تحسين الحين ؟ احسن ولا انادي الدكتور
سوسن : لا الحمد لله احس الالم راح
خالد : ياعمري انتي .. والله لو يصير فيك شي امووت
سوسن قامت عشان تلبس وتخرج
راكان دخل عند سوسن
سوسن : هلا رويكن
راكان يناظر في خالد : احلف ؟ مخوفنا وفي الاخير مافيها الا العافيه
سوسن ابتسمت
راكان : شوفي زوجك هذا مايستحي على وجهه يبكي مثل البزران نقله مافيها شي يقول يبه ما ابي افقدها قول لهم
سوسن وهي تضحك : راكان اطلع منها
راكان رافع حاجبه : افاا والله المهم الحمد لله على سلامتك
سوسن : الله يسلمك
راكان : لازم تادبي هذا ال......
ماحس الا بعلبة مويه في راسه
طلع راكان وهو يضحك
توقعاتكم