شبكة همس الشوق - عرض مشاركة واحدة - روايه س لك بالله وش سويت فيني وش سر هالشوق اللي يجيني كامله

8 - 6 - 2012, 09:39 PM

البارت الثاني والثلاثين
^
^
^
^
ملاحضه : كل واحد رجع بيتته
عند لولوه
الساعه 7 المغرب
صحيت وشافت الغرفه اللي هي فيها استغربت ليه لونها اسود عادتاً تكون بيضاء الغرف
اخذت لها شور ولبست جينز برمودا لونه سماوي ولبست بلوزه ورديه وفيها كتبات بالسماوي والبني
راح جهت المرايه خلت شعرها على طبيعته وحطت روج وردي
طلعت من الغرفه
دخلت المطبخ
راحت فتحت الثلاجه شافت فريز وكيوي وفواكه مشكله
اخذت من الفريز والكيوي
غسلته وقطعتها
وحطت الفريز بالخلاط
وبعدين جابت كوبين .. لها ولوافي .. حطت العصير الفريز في الكوبين
وسوت نفس الشي بالكيوي بعد ماقشرته قطعته وحطته بالخلاط وكبته فوق الفريز وجابت سكر ونشرته من فوق على العصيري
وبعدين دخلته الثلاجه وراحت غسلت يدها
راحت فتحت التي في على فيلم اجنبي
وجابت بطاطس من المطبخ حطت على الطاوله اللي قدام التي في
طلع وافي على صوت التي في وهو مغمض عيونه
وافي : وش تسوين انتي ؟
لولوه : ولا شي اسوي جو عشان اتابع فيلم
وافي مارد دخل وقفل الباب
لولوه بقهر : ماالت
بعد دقايق لولوه راحت المطبخ ووافي طلع من غرفته وجلس على الكنبه المواجهه للتي في
لولوه جابت العصير واجت جلست جنبه
اعجبه شكل العصير من فوق اخضر ومن تحت احمر
وافي : مين وين جبتيه
لولوه مقلبه حواجلها : وش هو
وافي : العصير
لولوه : هههه وش من وين جبتيه سويته قبل شوي
وافي فتح عيونه : مين سواه ؟
لولوه بغرور : انا .. ليه ما اعجب ؟
وافي : مو كذا بسـ.. سكت لما انتبه لنفسه من متى هو يبرر كلامه لاحد ناظر فيها وسكت
لولوه استغربت منه " وش فيه هذا كانه مجنون مره حبيب ومره ماينطاق "
^
^
^
^
خالد دخل البيت
وكانو البنات مجتمعين عند سوسن
خالد : انتو ماتملون من بعض ؟
بسنت : للاسف مانمل
خالد : انا مليت منكم بل بل كل دقيقتين بوجهي
غنج بعربجه : اقول لا يكثر احنا ماجينا عشان خاطرك انت وهالوجه تقول قرد مضيع ولده
البنات ضحكو على التشبيه
خالد : على ز...
اشجان شهقت وبمياعه : يآآآع ايش هدا الاسلوب
خالد : ارحميني ياصاحبه الاسلوب
سلافه : انا ماني متكلمه لان تعودت على هالاسلوب
خالد : اقول لو سمحتو ممكن زوجتي شوي
ارجوان تهز راسها : اسفين ما يمدينا
جلنار : اذا تبيها بوس راسنا كلنا وبعدين نفكر
خالد : لا والله احلفو
البنات بصوت واحد : والله
خالد باستهبال : اجل باروح عند زوجتي الثانيه
البنات بصراخ : لالالالالالا خلاص خذها
سوسن تناظر فيهم " وش يحسون فيه" : احلفووا
البنات : والله
سوسن تناظر بخالد : روح لزوجتك الثانيه
خالد كتم ضحكته : لا ما ابي لن ارضى الا بزوجتي الاولى وحبيبتي الاولى
سوسن بشهقه : ليه فيه حبيبة ثانيه
البنات تسدحو ضحك على شكلها
خالد : لا مافيه بس تعالي مشتاق لك
سوسن سكتت وقلب وجهها احمر
غنج وهي تضحك من قلب وتضرب على فخذ سوسن بخفيف : روحي روحي مشتاق لك ورجعت تضحك
والبنات مو موقفين ضحك
سوسن : وجع نععم غبيات
قامت وراحت وهم فارطين ضحك عليها
مايحتاج اقول وش صار بفرغة سوسن + خالد *_^
ض1
^
^
^
^
لارا ساكته وتناضر في ملامح فيصل وهو يكلم جوال
يضحك .. تبتسم
يصارخ .. تعقد حواجبها
يلعب باصابعها .. تسرح فيه
فيصل قفل الجوال وهو مبتسم ناضر فيها شافها سرحانه
فيصل يحرك يده قدامها انتبهت لسرحانها
فيصل : ادري اني اجنن مايحتاج تسرحين فيني
لارا " اي والله مجنني" ابتسمت وسكتت
فيصل استغرب ماردت عليه : وش فيك
لارا : مافيني شي
فيصل : متاكده
لارا وهي تقوم : اي متاكده ليه وش سويت
فيصل وهو بعد يقوم : لانك ماقلتي يامغرور لما قلت اني اجنن
لارا وهي تقرب راسها من صدره : لانك ماكذبت
فيصل رمش بعيونه : نععم
لارا ضحكت بدلع وراحت على المطبخ وفيصل وراها هع
^
^
^
^
عند تهاني
بالمطبخ تغسله
اجت رغد عندها
رغد : تهاني ليه انتي تسوين كل شي وين الخدم
تهاني بابتسامه ارهاق : حبيبتي انا طلبت هذا من وليد
رغد : ماتتعبين ؟
تهاني تنهدت : الا اتعب بس عادي
رغد بضحكه : شرايك اساعدك
تهاني : لا روحي انتي انا باكمل
رغد بعناد : قلت باساعدك يعني باساعدك
تهاني : بس انتي ماتعرفين تسوين شي
رغد : عادي اتعلم
تهاني : طيب بس مو الحين اصلا انا خلصت شغلي
رغد ترفع اصبعها بتهديد : بكره راح اساعدك
تهاني بضحك : من عيوني
وليد اجا عليهم وهو يلمس الجدار عشان يوصل للي يبيه
تهاني : آمر وليد شتبي
وليد كشر وبصوت عالي : رغـــد وينك
رغد : نعم انا هنا
وليد : جيبي لي مويه حبيبتي
رغد : طيب
راحت تجيب له مويه وتهاني تنهدت بقههر
سمعت الجرس
راحت تفتح
فتحت تهاني الباب تحسبه ريان
بس اول ماشافت الولد اللي واقف عند الباب اطرافها تجمدت
وهو رفع ناظره شافها وانصدم مين تكون هذي
تهاني استوعبت وقفلت الباب بوجهه
راكان بصوت مسموع : وجع وين اللباقه > عرفتوه راكان ولد عم خالد
تهاني سمعته وضحكت على كلمته
طلعت ونادت وليد له وهي طلعت غرفتها وصارت تتذكره وتتذكر صوته وتبتسم
^
^
^
^
يارا ونوف ومتعب جالسين يسولفون
(متعب ماعلم احد على سحر نوف)
متعب : ما افكر ابدا
يارا : ليه طيب
متعب : لما تتزوجون افكر اني اتزوج
نوف : اها شكلك بتطول
يارا : ههههه اما عاد ليه يطول انا باتزوج قريب ان شاء الله
متعب يضرب راسها بخفيف : ماتستحي هالبنت
يارا : لا حياء في الدين
متعب : ههه احلفي
يارا : اي والله
رن الجرس
راح متعب يفتح
كان رائد
رائد : هلا متعب
متعب : هلا رائد كيفك ؟
رائد : زين الحمد لله وانت كيفك ؟
متعب : الحمد لله على كل حال
رائد : اليوم سهره تجي ؟
متعب : مين بيجي
رائد : اللي دايم يجونن بالسهرات
متعب : خلاص اتفقنا الساعه 10 زي دايما
رائد : اكيد
متعب : خلاص
عند وليد : سولف مع راكان شوي
رن جواله ورد
وليد : السلام عليكم
شخص : وعليكم السلام ورحمة الله وبركاته .. وليد ال.... ؟
وليد : وصلت
شخص : تقدر تتفضل عندنا مستشفى ال....
وليد بخوف : ليه عسى ماشر
شخص : تعال وبتعرف
وليد : ان شاء الله
قفل منه
وليد : راكان طلبتك قولــ..
قاطعه راكان : تم
وليد : وصلني مستشفى ال.....
راكان : ليه وش صاير
وليد : ما ادري اتصل واحد يقول تعال
راكان : يلا
راحو نفس المستشفى
الدكتور : انا اللي اتصلت عليك بصراحه كنت ابي اخبرك عن المريضه سديم اال......
وليد : اي انا اخوها وش فيه
الدكتور : بصراحه انا ما ادري ايش اقولك بس الاعمار بيد الله انا اسف اني باعلمك هالخبر بس سديم توفت قبل ساعتين حاولنا بشتى الطرق نسعفها بس ماقدرنا
وليد الكلام كان اكبر من اللي يتحمله
طاح مغشي عليه
شالوهـ نقلوه لغرفه
^
^
^
^
الساعه 9
طلعت سوسن من الحمام (اكرمكم الله)
خالد كان يناظرها وهي طالعه من الحمام وهي تحاول تشغل نفسها باي شي عشان نظراته اللي خلتها تنحرج زياده واخذت ملابسها وراحت غرفة التبديل
بدلت ورجعت مشطت شعرها ورفعته
حطت روج احمر
ونزلت لان خالد دخل الحمام ياخذ شاور
نزلت عند البنات وكانو لسى موجودين
وكان معهم مي وام خالد
غنج كانت تشرب عصير لما شافتها غصت بالعصير وهي تبي تضحك
سوسن : احسن عشان ماعاد تضحكين
غنج : هههه مشتاق لك اخونا
سوسن باحراج : غنآآآآج
بسنت وهي تغمز لارجوان
ارجوان : اشوف فيه علامات وبعدين رحتي وانتي لابسه سكري رجعتي لابسه وردي كيف
سوسن : شدخلككم
جلست جنب سلافه بعد ماباست ام خالد على راسها
سلافه : هاه كيف كانت لحضه اللقاء .. كان مشتاق وما استبعد اذا انتي ماكنتي مشتاقه
سوسن فتحت عيونها : ياكلبه وشدت شعرها
سلافه : آآآه وجع بس كنت ابي اعرف اللحضه كيف كانت
ام خالد مافهمت شي : اقول بنات وش السالفهه
اشجان : كل مافي السالفه ان خالد نزل قبل ساعتين وناظرت في البنات : ركزو اني حاسبتها ساعتين
ام خالد : ايه بعدين
اشجان : اجا اخونا ويقول ابي زوجتي
ام خالد : طيب ؟
اشجان : لما سالناه وش تبي فيها ؟ قال مشتاااق شدت على الكلمه وغمضت عيونها
ام خالد ضحكت : الله يرج ابليسكم
سوسن وجهها قلب اشاره
ومي مقهوره
خالد نزل من الدرج شبه يجري
وكان واضح انه ماخذ شور من شعره اللي مانشف زين
البنات بصوت واحد : تعال ياللي مشتاق
سوسن مسكت في سلافه تخبي وجهها
خالد دخل يدور على سوسن شاف لبسها ضحك وناظر فيهم : خير
سلافه : كيف كانت لحضه اللقاء
خالد ياخذ نفس ويغمض عيونه : آآه لحضه ولا بالدنيا بعد شوق كبير دام طويلاً
غنج : اومايقود .. وانا اقول ايش بها البنت هاديه اثاريك لعبت فيها
خالد : Yes, they were exciting
البنات بصوت واحد : واااااااااااااااااااااااااااااااااااااااو
سوسن ماعاد قدرت قامت من مكانها تبي تطلع
قبل ماتطلع سد خالد المكان عشان ماتطلع
خالد يناظر في البنات : متاكد اذا طلعت بتزعل راضوها انتو ما اتدخل
سوسن بهمس : خالد وخر
خالد يناظر فيها : تؤ تؤ مابوخر
ام خالد تضحك على سوسن : خلها ياخالد تطلع
خالد : طيب طيب بس اول لازم تسوي شي قدام الكل عشان اتاكد انها مو زعلانه
ارائكم + تقييمكم اذا عجبكم البارت