شبكة همس الشوق - عرض مشاركة واحدة

12 - 7 - 2012, 08:03 AM

الفصل السادس
مشعل دق الباب كانت قافلته تبكي مسحت دموعها بسرعه
ملاك : من
مشعل : انا
ملاك: دقيقه
تلبس عبايتها بسرعه وتزيد الميك اب علشان مايبين عليها البكى
فتحت الباب وعطته ظهرها انها تدور على شي بشنطتها
مشعل دخل وعيونه كلها شرار ويسحب نفس سيجاره سكر الباب بهدوء
مشعل : كيف تتركين عماتي كذا وتقولين عندك موعد والعزيمه كلها على شانك
ملاك : عندي موعد ماني بفاضيه لهم
كانت ترتجف خايفه وهي تكلمه بس مسويه فيها قويه
انا مواعده دلال =تاشر بيدينها واصابعها ترتجف
مشعل حس برتجافها راح لعندها وقف قدامها مع انها طويلهبس صارت قدام طوله ولاشي
ابعدت عنه ولفت عطته ظهرها
راح لعندها ولفها تناظره ارفعت يدينها وكانها تحمي نفسها من ونزلت دموعها
مشعل استغرب نزل يدينها وقال بحنان
مشعل : ملاك لاتخافين ماراح اضربك
ملاك ماكنت مصدقته شاف الخوف بعيونها اول مره بحياته ملاك القويه خفيفت الدمهي نفسها اللحين اللي تبكي وياسه من كل شي صعبت عليه
: اقسم بالله ماراح اذيك
ناظرته كانها طفله تتاكد من صدق حلفه
مشعل : اقسم بالله
ملاك : اكرهك
=حس مشعل ان الدنيا تدور فيه
صرخ بداخله : بس انا احبك ليه انا وش سويت لك كل ذنبي اني حبيتك حتى اني ماذكر اني جرحتك
ضاع بدوامة حبه اللي تقابل بالكره والخيانه يحس انها خانته بهذي الكلمات
اما ملاك تتقطع من داخل الام زاد عن كل مره
حست بوقع الكلمه عليه لانها تدري وشكثر يحبها اندمت على الكلمه بس رجعت قالت بنفسها انه راح يكرها ويبتعد عنها
ترك يدينها بلطف وخذ شماغه وبكيت الدخان ومفتاح السياره وطلع بهدوء
جود شافته عند الدرج
كانت ملاك واقفه باول الدرج لحقته تقوله انها ندمانه بس لما شافت جود وقفت
جود : مشعل ترى تغدينه وينك انت وحرمتك العمات ينتظرونم تتقهون مع.....=شافت وجهه متغير = مشعل وشفيك
مشعل : احبها ياجود احبها احس انها كل دنيتي اذا ابعدت عني بختنق
جود=حست ان اخوها بمشكله كبيره مع ملاك ومحتاج يفضفض
جود : تعال اجلس وقولي عن اللي مضايقك
مشعل والعبره خانقته : مخنوق مب طايق البيت ابغى اشم هواء
جود اول مره تشوف اخوها بهذي الحاله اكيد مصيبه بينهم مب مشكله
جود :بالبس عبايتي واجي
مشعل : حاب اجلس لوحدي
جود : اوكيه انتبه لنفسك
مشعل : جود ماوصيك على ملاك ترى ماكلت شي
جود: اوكيه دواها عندي هالخايسه هههه=اضحكت تبغاه يضحك تلطف الجو تركها ومشى
ركضت ملاك غرفتها
بعد3 ساعات جفت دموع ملاك من كثر البكي
ومشعل طول بيجي وقت العشاء وهو ماجاء
ملاك: بنزل يمكن يكون تحت
نزلت كان البيت فاضي
ملاكك: وينهم هذولا ايوه تذكرت اليوم الخميس اكيد هم ببيت جدتي يابختهمم مبسوطين
اجلست عند التلفزيون تتفرج وبعد دقيقتين دق جوال جنبها نغمته غريببه موجوالها لفت شافت جوال جود على الطاوله ترددت قبل لاترد او تشوف وسكت الجوال
راحت لعنده رفعته تدور بالارقام على رقم مشعل
ملاك: مشعل مشعل ميم ميم ميم مشعل آآآآف وينه هذا اها تذكرت هي مسجلته باسم لدغة البرص
شافت الرقم ترددت قبل لاتدق وباعته دقت بيدين مرتجفه
***********************
مشعل دق جواله ماله خلق يلف ويشوفه ضايق خلقه
قال في نفسه : يمكن ملاك
ضحك على نفسه لحد اللحين عندي امل قالت تكرهك بالعربي الصريح وشبغى اثبات بعد

مشعل صوته مخنوق : آ ....آآ.(يتنحنح )..اح اح .... آلو
ملاك:تبكي بنفسها (الله لايخليني من هالصوت )
مشعل : آلو جويد ردي ماني برايقلك
ملاك تبوس بالتلفون وتبكي بصوت مب مسموع )
مشعل : آلو جود ملاك فيها شي جود انا ج
سحبت جود من ملاك التلفون وسكرته
جود: انت ليه تعذبين نفسك وتعذبينه
ملاك :جود انت من متى هنا
وهي تمسح دموعها
جود: صيحي يمكن دموعك تغسل قلبك (بحنان قالت ) ملاك ليه ليه تسوين كذا

ملاك بتكبر وعناد: مالك دخل
جود : لا لي دخل ليه تسوين بنفسك كذا انا مثل اختك واعز بعد مع انك ن
ملاك : لامانتي باختي مابغاك تخافين علي ابغاك تكرهيني
جود: انا اصلا مب خايفه عليك انا خايف على اخوي اللي يموت فيك وانت بعدبس تكابرين ليه عيش
ملاك : انطمي (علاء صوتها اكثر) اقولك انطمي
جود مدت ايدها بكف على وجه ملاك
ملاك ؟؟؟؟؟؟؟؟؟؟
جود: ملاك اسفه ما(تبكي )
ملاك ردت كفها بكف
جود:؟؟؟؟؟؟؟؟؟؟
ملاك :انا مو ملاك اللي قبل
دخل مشعل البيت يركض يدور بعيونه وفجاه شافهممشعل يبكون الثنتين
مشعل بعيونه يسال وشفيكم وشصاير)
صمت عجيب بالبيت العيون تتكلم
حس مشعل ان السكوت يخنقه
مشعل :امي فيها شي
حست ملاك انها تبغى تضحك
على حياتها على نفسها على الموقف السخيف اللي صار قبل شوي
هي وجود يتكافخون من متى وهم اكثر من الخوات
ومرت قدامها ذكرياتها مع جود بلمح البصر
اللكل بالروضه والمدرسه والجامعه يحسدون على صداقتهم
حتى بنات العاليه كانوا يحسدونهم
ياما لعبوا سوا وبكوا سوا حتى يوم ماتت امها محد حس فيها كثر جود
ولما كان ابوها يمنعها من المصروف لانها على قولته ماتسمع كلام زوجته اللي مثل امها كانت جود تعطيها مصروفها
كانت تعرف اللي تبغاه قبل لاتتكلم
كانوا اذا قال احد كلمه ماعجبتهم من عيونهم يفهمون بعض
جود : لا امي مافيها شي
ملاك : جود انا (حست بالم في بطنها ضغطت على بطنها).........انا......بكت.....
(تبغى تقول اسفه تبغاها تطلع بس كيف وهي تحاول تخليها تكرها )
مع الاسف حبها لجود خانها
جود: اسمعي انا
ملاك : انا ماعندي اخت اغلى منك (ضمت جود بقوه )
ملاك : جود مشتاقتلك مره ومحتاجتلك
جود :؟؟؟؟ وانا بعد (بكت)
مشعل كسروا خاطره وحب يخفف على ملاك وده يضمها ويسمع منها كلمة محتاجتلك
مشعل : ملاك (فتح ذراعه ونس اللي سوت فيه اليوم قبل الظهر (
رفعت راسه هي وجود
مشعل : وانا مالي ضمه
ملاك : تغير وجها اللعن بو الفشيله تستحي ماتقدر وقدام جود بعد
مشعل : (نزل ايده ومد بوزه....انقهر ) اذا ماتبغين عادي
جود تراقب
ملاك : (عيونها مدمعه بصوت هامس ) ماقدر ياولد خالتي
وركضت فوق
مشعل : اللحقيها اكيد هاللحين محتاجتلك اكثر من اي وقت فات
جود : مشعل ترى ملاك فيها شي صدقني ان

مشعل باستهزاء: ولو مصدق وباصم بعد (بمراره قال )مااحد يعرفها كثري
وهوبيطلع
مسكت جود ايده
جود: والله بتشوف اني صادقه اللحين بروح اعرف منها كل شي
ابتسم لاخته بحنان:والله اذا خذك تركي مادري وش بسوي من غيرك
الفجر قامت ملاك من النوم تحس راسها ثقيل وكان حد ضاربها عليه بقوه
ملاك: يالله وشهالام
ندق الباب بضربات خفيفه متردده
ملاك: مين
جود:انا
ملاكفي نفسها ): ياربي شسوي اللحين اكمل خطتي والا ارجع اسولف معها مثل قبل
تفضلي
جود : (فتحت الباب )نايمه
ملاك: (والابتسامه شاقه الحلق ) حياك بصلي بعدها بنام

جود: ياحليلك وانت ملاك اللي قبل
ملاك (تغير وجها )
جود: لاياشيخه ماصدقت انك رجعتي ملوكه
ملاك: جود كرهتيني
جود :ههههههههههههه
ملاك:هههههههههههههههه
انفتح باب الغرفه
شموخ : بسم الله خفت ان ملاك صار لها شي تضحك بلحالها لان مشعل راح مع ريان اخوي للبر
ملاك+ جود :ههههههههههههه
شمووخ: ضحكوني
ملاك: متاكده ان مشعل بالبر
شموخ : ايوه ومعهم سلطان
...صلوا وفلوها سوالف لظهر في غرفة ملاك سكاره من الضحك
جود: حسبي الله عليكم مارحت الجامعه
ملاك : دكتوره بتطلعين
شموخ : هذا دكتورة حيوانات ههههههه
ملاك: هههههههههههههه
جود: مستخفين دمكم انت معاها

شموخ: يالله بذمتك ملاك مو كانها مشعل يالله نفس اسلوبه
ملاكاستحت ) : ملاحضت
جود: علينا علينا ملاحضتي
ملاك(بعناد ) مالاحضت زين
شموخ : توها عروس خليها ماصار لها اسبوعين من عرست
دخلت الام
الام : (شهقت ) لحد اللحين مانمتوا يله قوموا وراكم رجال طبخوا لهم
جود: الحمد الله وراي حيطه ماوري رجال
ملاك : فينا النوم
شموخ : والله عذاب ميتين من التعب
ام مشعل : كل سوالف وين التعب
شموخ : والسوالف ماتعب
بعد محاولات ام مشعل اللي جلست تسولف معهم وماقامت لحد مارجعوا العيال من المدرسه
وبعد ماطلعوا حست ملاك ان معنوياتها ممتازه ونامت

مشعل دخل ا لغرفه بشويش علشان مايزعج ملاك شافها رايحه في النوم قرب لعندالسرير يتاملها :يالله هذي البراءه والطفوله يطلع منها كل هذا آه بس لو اقدر اخليك تحبيني
مد يدنه وهو متردد جلس يتحسس وجها يموت فيها غير تعبير وجه كان ذبانه عليه تبعدها بيدينها ابتسم عل شكلها اللي زاد طفوله وبراءه : والله ملاك ملالالالالالالالالاك وهلاك
فتحت عيونها بكسل صارت عينها بعيون مشعل وشمت ريحة عطره القويه حست بنفاسه على وجها
ابتسمت : مشعل
مشعل : عيونه
فتحت عينها لكبر ججم
ملاك: مشعل
مشعل اختفت ابتسامته وتغير وجهه وبعد عنها بسرعه مسكت ايده )
ملاك: وين رايح
مشعل : نامي مراح اض
ملاك :انتظرتك امس تجي كان بخاطري كلام وماقدرت اقوله قدام جود
مشعل رمى ايدها: شبعت من كلامك
ملاك: (بكت وقامت تشهق )
مشعل : ملاك وشفيك
ملاك : متضايقه حاسه اني مخنوقه
ضمها يهديها
ببس كان الاثنين مشتاقين لبعض ...

وانتم تعرفون الباقي