شبكة همس الشوق - عرض مشاركة واحدة

31 - 7 - 2012, 04:15 AM

(مساء الخير)...

مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي

هلا باللي علي يقسى وأمـاريبه هلا باللي أبـد مـا لان لعتـابي