كسرتي حاجز الرهبه وسألتيني ليه انا مغــــــرور=تحسبينة غرور ان كان قلبي يرفــض اخضوعــــه.
تمردتي علي احساسي وخذلتي الخاطر المكســـور=وسول لك ضمير الغي تناسي الحب واشروعـــــه.
وصفتيني شقى دنيا وحسبتــيني عــديم اشعــــــــور=وحسافه كلمتك كانت برغم الظلم مســـموعــــــه.
حسبت انك علي ظني وفي عشره ثلاث اشهـــــــور=عرفتي كل شي فيني وعيدي شــبــت اشمــوعـــه.
ومدام انها ثلاث سنين مـــرت والــزمــان يـــــــــدور=ولازالت مفاهيمك عن الاحساس مردوعـــــــــــه.
فانا بعلمك طبعي وبمشى لك علي الدســتــــــــــــور=و بشرح لك هوى قلبي وعن الخفاق وطــبــوعــه.
أنا واستغفر الخالق الهي كاشــــف المســتـــــــــــور=من كلمة (أنا) يابنت صفــاتي عنــك مرفــوعـــــه.
انا فيني شموخ الشمس مافيني شمـــوخ النــــــــور=لأن النور قطره ماي يجــيها تكــســر ضلــوعــــه.
انا فــيني الفــخر والمــجد وفـــيني كبرياء دهــــور=كسبت العز والناموس غصب (ن) ماهو بطأوعـه.
انا طــبعي اسوق الجــود لاكـاره ولا مــجــبــــــــور=ولدت الطيب بعروقي واجنب روس مـصـــدوعـــه.
وعلي رغم الفـخر تـذرف عــيوني دمعة المقــهـور=اذا شفت الطفل ساكت وحزنه يفــرض دمــوعـــه.
انا بعد الولي ربي لــمكسور الخــفـوق اجـبــــــــور=ويجرح خاطـري المحتـاج اذا جا يشتـكي جـوعـــه.
انا فيني جمال الكون يـنبت فــي الخــفوق زهــــــور=وقلبي مزهرية حــب من الألماس مصــنــوعــــــه.
واذا قلتي (أنا) كلمــة انانيــــه وكســـر شعـــــــــور=فأنا عنــدي لهــا معني غريب ويختلف نــوعـــــــه.
أنا عندي (الالف) تعني أحب وخاطــري مكســــــور=ومعني (النون) في نفسي نزاهة شيــخ مزروعـه.
وثالثها( الف) شامخ ومعناته أدب وحضـــــــــــــور=ترى ماهي مجرد قول ثلاث حروف مطـــبوعــــــه.
اذا كان الوفاء والطـيـب وكتمان الشعـــور غـــــــرور=فانا اشهد لك أنا مغرور والهامات مرفــوعــــــه.
ختــام القول (يامهرة قصيدي )أسألي الدكتـــــــــور=اذا يقدر يعيش انسان وعروق القلب مقطـووعـه.