شبكة همس الشوق - عرض مشاركة واحدة

15 - 8 - 2012, 06:40 AM

تابع البــــــــــــــ1ـــــــــــــــــارت
انفتح الباب مره ثانيه و طلعت اميرة ركض و ضمت لتين
اميرة : لتين يعني بتجلسين لحالك
لتين : ليه تذكريني
اميرة : حبيبتي انتبهي لنفسك و لـ خالتي ميرا
لتين : ان شاء الله
اميرة : وين راحت الهنوف
لتين : عند ماما
اميرة : صح ذكرتيني بروح اسلم عليها
راحت لتين لـ بيت ابو سعود و سلمت على الكل و جت بتطلع بس شفت الحديقه الصغيره بس حلوه
دخلت و وقفت في النص و لفت حول نفسها و هي تقول في قلبها " هنا لعبت و هنا طحت و هنا ضحكت و هنا بكيت .. كيف اقدر اتخيل اني مو
قادر اعيش هذي الحظات هنا مره ثانيه "
رفعت راسها و شافت عبد العزيز واقف يشوفها
لتين نزلت دموعها و وقفت تناظره و شهقت يوم شافته يفتح يدينه ركضت بسرعة و ضمته بقوة وبكت على صدر
عبد العزيز بالم : خلاص لا تبكي .. تعرفين ان دموعك غاليه
لتين تتكلم بين شهقتها : عبد العزيز بتتركني لحالي
عبد العزيز : لتين لا تقولين كذا.. انتي تعرفين قدرك عندي
لتين : ما جوبتني .. بتتركني
عبد العزيز : حبيبتي غصب عني .. والله بجي كل يوم
لتين بكت اكثر : عبد العزيز انا بدونك اموت ..اهى اهى يعني انا من الحين ميته
عبد العزيز بسرعه : بسم الله عليك لا تقولين كذا .. انا معك للابد فاهمة
لتين : توعدني انك تكون معي للابد
عبد العزيز : اوعدك .. للابد
و رجع يضمها بقوها يفرغ الشوق الي فيه عشان ما يكثر عليه وهو بعيد عنها
مرت الايام و الاشهر و السنين و عبد العزيز ما جاء ولا مره لـ يشوف لتين
مرت 3 سنـــــوات من مغادرت عائلة ابو سعود
ام لتين : لتــ..لتين
لتين دخلت بسرعة : نعم ماما
ام لتين : بنــ..بنتي لتين يو..يومي قرب
لتين جلست جنب سرير امها و مسكت يد امها و قالت بسرعة و خوف : لا تقولين كذا ماما .. ان شاء الله بعد عمر طويل
ام لتين بتعب : لا اوصيك على نفسك و على وتــ.. كح كح
لتين : بسم الله عليك ماما
ام لتين : لتين عندي شـ..كح كح شيء ابي اقوله لك
لتين تبكي : مو الحين ماما انتي تعبانه .. نامي و اذا قمتي قولي الي تبين
ام لتين : اذا نــ.. نمت مو قايمه حبيبتي
لتين بدت تشهق : الله يخليك لي يمه لا تقولين كذا
ام تين ما كانت تسمعها رفعت اصبعها و قالت اخر جملة : اشهد ان لا اله الا الله و ان محمد رسول الله
لتين صارخت يوم شافت يد امها تطيح و عيونها تغمض : ماما لا تكفين لا تخليني هنا لحالي .. انا مين بقي لي مين ماما انتي تحبيني و
مو مخليتني ماما قومي لا تمزحين معي انتي ما تقدرين تتركيني في هذي الدنيا الظالمة و القاسية .. ماما انا وين اروح بعدك ويـــــن
اهى اهى مقدر استحمل هذا العذاب ما اقدر .. ماما ردي علىي لا تخليني كذا .. ماما اهى مـــــــــــــــــــــــــــــــــامــــــــــــــ ــــــــــــــــــــــأ
لكن ميرا راحت عند خلقه راحت و معدها رجعه
***********************
مرت سنه بسرعه و اصبح كل من هذا ماضي مؤلم
لتين بعد وفاة امها انتقت عند ابوها
الي ما قد شافته من هي صغيره
لكن كانت معاملته مره حلوه في
البداية و بعد مده تغير فجاة
تعالو نناظر كيف تعيش
***
ام فيصل : لتينوه و وجع وينك يا بنت الـ.....(تسب امها مو ابوها )
لتين تطلع من المجلس بسرعة : هلا خالتي
ام فيصل : انا ما قلت لك لا تقولين خالتي
لتين بهمس : افف ازعجتينا لا تقولين خالتي و لا تقولين خالتي اجل وش اقول عجوز النحس
ام فيصل : وش قاعده تبربرين يا بنت الكافره
لتين عصبت : امي مسلمه .. و اذا عندك شيء قوليه
ام فيصل : ايه عندي يا قليلة الادب .. اكيد ماخذه عادات الكفار من امك
لتين خذت المنشفه و رمتها على ام فيصل : لا تسبين امي يا عجوز النحس امي مسلمه و تعرف ربها و تخافه مو مثلك
ام فيصل : انا عجوز النحس يا بنت الـ... اذا ما علمت ابو فيصل ( صالح ) ما اكون فاطمة
لتين تروح الدرج : قولي له مو خايفه من احد
^^^^^^
اتوقع عرفتو شلون تعيش
بس ما عرفتو مين يعيش معها
>اعرفكم على عائلة ابو فيصل <
ابو فيصل (صالح )/ عمره 46 من اغناء الناس الي في الدمام و شركاته خراج السعودية و داخلها و قبل سنه عرض صفقه مع ابو سعود
( اعتقد عرفتو مين ابو سعود )
**
ام فيصل (فاطمه )/ عمرها 39 شكلها كانها في بداية الثلاثينيات من عمليات التجميل و شد الوجه لكن طلعت عجوز اكثر لما سوت كل هذا .. العجوز الشريرة بختصار كل الصفات الشينه فيها تكرة لتين
لـ سببين وهم انها اجمل من في البيت و السبب ال2 ان لها ورث و تكره عيالها تقول
انهم هم السبب في كبر سنها ( مهبوله )
(و على فكرة بسميها فاطمه مو ام فيصل من الحين )
**
غادة : عمرها 25 طيبة مره و ما ترضا بالخطاء متزوجه من سنه و مسافره من اول زواجه مع زوجه لانه بيكمل دراسته عندها ولد و هي الحين حامل .. مملوحه و حلوه
**
فيصل : عمره 23 مغرور يحب نفسه ويشوف كل الناس حشرات .. وسيم عيونه ناعسه ولونها عسلية فاتحه رموشه كثيفه بشرته حنطيه فاتحه
سكسوكته خيال خشمه سلت سيف فمه صغير و مليان جسمه عضلات طويل بس مو مره شعره بني
**
فهد : عمره 22 مغرور بس انه يخق بسرعه(ههه)وهو مسافر يدرس برا .. و المشكلة هو خوقاقي عيونه عسلية ناعسة رموشه متوسطه بشرته حنطيه سكسوكته معطيه
وجهه شكل خشمه عادي بس حلو على وجهه فمه مو صغير مره شعره بني غامق لين تحت اذنه جسمه عضلات
**
هند :عمرها 20 ضغيفة شخصية بس مو باين عليها من غرورها .. جميله عيونها ناعسه لونها بني رموشها عاديه بشرتها حنطيه فاتحه مره
خشمها طويل و صغير فمها متوسط شعرها بني غامق يوصل لـ نص ظهرها جسمها رشيق.. تكره شيء اسمه لتين لـ جمالها
**
ريم : عمرها 19 مرحه و مرجوجه ما فيها ذرة غرور .. عيونها عسليه واسعه تلمع ببريق يخلي لا واحد ينجذب لها رموشها كثيفه
بشرتها بيضاء صافية خشمها صغير فمها صغير و مليان شعرها اسود فحمي جسمها صغير .. تحب لتين حب ماله نهايه
**
لتين :عمرها 20 مرحه و مهبوله بس ما تقدر تطلع كل هذا لان الحزن اكبر من كل شيء و شخصيتها قوية لكن شكلها ضغيفه .. جمالها اجنبي لان ام ميرا
( جدة لتين ) فرنسية .. عيونها رماديه مايله لـ اخضر رموشها كثيفه بشرتها بيضاء صافيه ناعمه خشمها صغير بس يناسب وجهها اصغير
فمها حبت توت مليان و وردي خدودها ورديه و فيها غمزات تجنن شعرها عسلي فاتح على اشقر غامق جسمها صغير و حلو
^^^^^^^^^^^^
فاطمه جلست تتحلطم " هذي الي ما تستحي تكلمني كذا انا فاطمه تقولي كذا اوريها السافله بنت السافله .. اذا ما خليتها تبوس
رجليني عشان اسامحها ما اكون بنت ابوي "
انقطع حبل افكارها على صوت فيصل يدخل الصاله و يسلم
فاطمه معصبه : وش تبي جاي .. روح نام
فيصل "بدينا من صباح الله خير " : شبعت نوم ابي فطور
فاطمه بتفكير : طيب انقلع عن وجهي .. انا وش دخلني
فيصل متضايق " ابركها من ساعه .. اشر علي الي جاي اسلم عليك " و طلع و تركها تفكر و تخطط لـ تاذي لتين باي طريقه
فاطمه" لتين باين انها ضغيفه بس شخصيتها قوية و بقوه و لازم اكسرها .. بس ما ابي اكون انا الشريرة ابي اكون الطيبه
و الي بيكسر قوتها و يخليها اضعف من في العالم ابوها الشايب .. بس هو كل يوم يصارخ عليها و يهوشها و ما صار شيء
لازم شيء اقوى من الصراخ و الهواش بــ..."
قطع عليها تفكيرها جوالها .. شافت الاسم و ابتسمت
فاطمه: الو
...... : هلا والله بـ فاطمه
فاطمه : هلا حبيبتي سوسن
سوسن: وش اخبارك و اخبار اخوي
فاطمه : انا تمام بس اخوك الله اعلم
سوسن: هوو زوجك و ما تدرين اخباره
فاطمه : اقول فكينا منه و قولي لي
سوسن : امري انا اسمع
فاطمه : ذاك الي ارسلت لك رقمه وش صار عليه
سوسن : وععععع ابد ابد مو حلو ما عنده اسلوب كلش ما عجبني
فاطمه تضحك: ههه الحمد الله مو انا الي داقه عليه
سوسن : و انتي ورينا ابداعك
فاطمه : انا ههه .. طحت لي بواحد يهبل .. ذوق و اسلوبه شيء و لسانه يقطر عسل
سوسن : ايه تاخذين الحلو وتعطيني المر
فاطمه : هههه حظك كذا
سوسن تبي تغير السالفه : الا اقول وش اخبار العله الي عندك
فاطمه قلبت لـ حقد : يا كرهي لها
سوسن : لا تخربين مزاجك على وحده ما تسوا فلس
فاطمه : مزاجي خرب قبل ما اكلمك
سوسن : ليه وش صار
فاطمه :.....تقوول لها كل السالفه
سوسن : الواطيه بنت الـ.... مين هي عشان تتكلم معك زي كذا
فاطمه : .........
سوسن : فطوم وينك
فاطمه : معك معك بس كنت افكر
سوسن : في ايش
فاطمه : لقيتها
سوسن : وش لقيتي ترا لعبتي فيني
فاطمه : لقيت الخطه الي تخلي لتين تصير زي الحشره الي ما تسوا شيء
فاطمه تكمل : بس ابي مسعدتك يا سوسو
سوسن : سمعيني الخطه بعدين اساعدك في الي تبين
فاطمه : طيب اسمعي ..............
<<<<<<<<<
نوقف شوي عشان نعرف سوسن او ام سلطان و عائلتها
ابو سلطان ( خلف ) : عمره 45 مغرور و ما يملا عينه شي .. دايم مشغول ما ينشاف كثير يحب يقعد لحاله و متملك
..
ام سلطان ( سوسن ) : عمرها 39 صديقة فاطمه و اخت صالح ( ابو فيصل ) تحب فاطمه موت و تكره اخوها نفس فاطمه تقول العيال هم السبب في كبر سنها
تكره لتين وهي الي مقنعه صالح يتزوج فاطمه
..
سلطان : عمره 22 انسان كئيب يحب يجلس لحاله ولد بين اربع بنات .. و بسبب نقصانه من حنان الام و الابو صار من الايمو و دايم يلبس اسود و ولا مره ابتسم او
ضحك او لبس لون غير الاسود ( اظن الكل يعرف الايمو بس بقول
لكم وش هم للاحتيط .. الايمو اشخاص انحرمو من الحنان و اتجهو الى الطريق المظلم و اذا حسو بـ الالم و الحرمان في داخلهم يجرحو نفسهم او يحرقو نفسهم )
..
انفال :عمرها 20 مغروره و شايفه نفسها ما لقت الحنان من امها و ابوها رحت تدوره برا عندها اصدقاء السواء جمالها مو مره بس حلوه نفس الشيء
تكره لتين موت
..
رهام : عمرها 19 مرحه مهبوله عندها حنان الدنيا عشان كذا ما انحرفت او صارت ايمو .. بنت طيبه و تحب ريم و تحب لتين و مرة تشفق عليها
..
ريتاج :عمرها 13 هادية تحب تسوالف ما تحب تلعب تحس ان الدنيا فوق راسها على صغر سنها .. حنان اختها يكفيها و زود و هي متعقده من شيء
تعرفونه مع الروايه .. وهي تحب لتين مره
..
ريوف :عمرها 7 اخر العنقود بريئه توها في اول حياتها تعتبر رهام امها مو اختها هي الي تلعبها و تدرس معها و كل شيء .. اكثر وحده تحبها
لتين و رهام
>>>>>>>>>>>>
نرجع بس نروح لـ بيت سوسن نشوف جزء من حياتهم
رهام راحت تشوف ريوف و ريتاج و تمر على سلطان يمكن يبي شيء
رهام راحت اول لـ ريوف فتحت الباب بشوي شوي و لقت ريوف على سريرها الوردي نايمه زي الاميرة الصغيرة
قربت منها و باست راسها و غطتها زين و راحت و سكرت الباب وراها
و مشت شوي لـ توصل لـ غرفة ريتاج شافت نور خفيف من تحت الباب
دخلت لقت ريتاج فاتحه اللاب وهي جالسه على المكتب الي في اخر الغرفه
رهام تركت على الباب : وش مصحيك للحين
ريتاج ابتسمت بـ هدوء : شوفت عينك على اللاب
رهام بشويت مرح : و وش الشيء المهم الي مخليك صاحيه للحين
ريتاج بحزن مكبوت : والله اقراء رواية " بشروه اني برحل " ( الله يعافي الي كتبها بس ليه حزينه كذا انا جلست اصيح .. و اتمنى انك ما تتضيقين اني حطيت اسم روايتك في روايتي )
رهام تعرف الروايه ذي لانها دايم تبحث في النت و تطلع رواية حزينه : طيب ليه تقرين مثل هذي الرواية و تضيقين صدرك
ريتاج رجعت ابتسمت بـ هدوء : ما عندي شيء اسويه
رهام راحت عندها و سكرت اللاب : الا فيه بس انتي رافضه تسوين اي شيء صح علي او لا
ريتاج منزله راسه و بـ هدوء :صح .. بس انا ما احب العب و اركض
رهام تجلس على المكتب الصغير : ليه ما تحبين تلعبين .. احلى شيء و انتي صغير اللعب و الوناسه و الضحك
ريتاج بضيق : خلاص رهومه انا بنام
رهام ما تبي تضغط عليها : اوكي نامي
ريتاج تتوجه للسرير : تصبحين على خير
رهام تبوس جبهة ريتاج : و انتي من اهله
طلعت من عندها و مشت وصلت غرفة انفال سمعت ضحكتها و كلام الغزل عرفت انها تكلم واحد
تعدت غرفتها لتوصل لـ غرفة سلطان الي في اخر البيت
شافت الباب االي عليه كلمت f.....و من الكلمات القذره و الجمجمات و هاكذا
طقت الباب بخفيف و دخلت دخلت راسها بس سمعت صوت حزين يقول : رهام تعالي لي واقفه
رهام ما تشوف شيء : سلطان ما اشوف شيء
سلطان شغل لمبه لونها خافت بس على الاقل تشوف شوي
رهام مشت مسرعه لـ سلطان لانها تخاف من غرفته الي هي عباره من لصقات حقت فرق روك و لون الغرفه لسود بالكامل كل شيء اسود و اللمبات حمرا يعني تخوووف
رهام بخوف : سلطان ترا اخاف من غرفتك هذي
سلطان لف عليها بوجهه الحزين الي ما فيه ولا تعبير للفرحه :طيب اذا تخافين ليه جايه
رهام لفت عليه : ابي اشوف تبي شيء او تبي تاكل
سلطان نفس الحاله : لا ما ابي ابي انام بس انتي خربتي علي .. الحين ممكن تروحين
رهام بـ بحزن على حال اخوانها : ليه تبيني اروح .. ليه ما تحبني .. ترا انا احبك مره و ابيك تكون فرحان
سلطان بشبه ابتسامه كلها استهزاء : من وين القاء الفرحه و انا عايش على هذي الدنيا
رهام نزلت راسها وهي حزينه على اخوانها الي كل واحد حالته من الاسواء لاسواء : خلاص ما ازعجك اعرف انك ما تبيني بروح و اريحك مني
مشت خطوتين بس وقفها صوته وهو يقول : رهام لا تقولين كذا انا احبك بس انا تعبت من هذي الحياة
رهام لفت وهي مبتسمه : انت يا اخوي تعبت لانك اخذت طريق الخطاء .. روح طريق الصحيح و كل شيء يصير احسن .. ما اطول عليك تصبح عل خير
طلعت و سكرت الباب وراها
سلطان جلس يفكر بكلم رهام " ااااااه يا رهام لو تحسين بالي احس فيه ما لمتيني على الي اسوي بنفسي .. بس انا استغرب كلامك .. كلامك كبير و انت
صغيرة ااااه يا اختي انتي الي تهتمين فيني انتي الوحيده الي ترااعيني اذا مرضت انتي الوحيده الي تشوفني نمت او قايم جوعان او عطشان
الله يخليك الي ولا يحرمني منك "
اما رهام طلعت وهي تفكر بـ حالتها هي و اخوانه " ماما و بابا هم السبب في كل شي .. هم السبب في كئبت سلطان هم السبب في انحراف انفال
انتم السبب في تعقد ريتاج انتم السبب في بكاء ريوف كل يوم عشانها ما تلقاكم جنبها انتو السبب في تشتت هذي العائلة و الحين وينكم
ماما بين حفله و عزيمه و بابا بين سفره و سفره .. و احنا كاننا مو فيه .. الله يسامحكم يااا رب الله يسامحكم "
><><><><><><><><><><><><><><><><><><>
تبون تعرفون اكثر عن حياة هذي الشخصيات
والشخصيات الثانية تابعوني في البارت2
لا اوصيكم ابي ردود عشان اتحمس زيادة