حبيبي كيف اوصفك
حبيبي كيف انثر اوصافك .... جفاني عجيب النثر وخاصمني
ردت الشعر ينجدني بقصيدة ... تمجد شعوري واحساسي
لكيتة يشتكي بحروفة ويكلي..... ما تكفيج اوزاني وقوافي
ردتك رسالة يرسلة كلبي.... بنبضة لكل الجسم وعروكي
شفتة اتوقف واعلن اضرابة ... يكلي اخاف تستغنين عني
رحت للعقل يرويني بافكارة ... عشكني وصور احساسي
ومن عشكة خضع كلبي ... وانفاسة صارت كلهة بايدي
ووزان الشعر طاعت سيل ....اهاتي من صرت انت قوافي
كيف اجمع اوصافك بحروف .... تمحيهة الليالي وايامي
انت غواص ما انوجد مثلك .... طلعت لؤلؤة بحر كلبي الدافي
انت الربيع الي ملا روحي.... وبزهورة انعطرت كل انفاسي
ييك ارتوت سنيني وايامي ... لانك ماي الفرات العذب الصافي
حبيبي اوتار صوتك انغامي ... الهة كال بتهوفن اعلن استسلامي
كلامك مهما كان عادي .....هو احلا من كلام الغزل عندي
انت مفتاح كلبي واجوبة .... كل اسئلتي وعلامات استغرابي
بحبك نورت شمعة كلبي.... وبفقدانك تنطفي كل احلامي
طيفك بخاطري يعدي كل ما....جار الزمن والامة قطعت اوصالي
اسمك دوة بشفافي انطقة .... يصير حصن جسمي ويشافيني
وريحك وعطر انفاسك شلت ... انفاسي وخدرت عقلي وتصاريفي
انا كتابك انت سطرت حروفة ... بقلم سري لان انت رموزي