مراحب يامراحـب يامراحـب**بمن رسل مع الطــــــــارش جوابـه

أكرر فايق الترحيـب واجـب**عدد قطر السحـــــــــايـب ياهلابـه

قريت الخط في الوقت المناسـب**وفسرتـه ورديـت الإجــــــــــابـه

كتابه عندنا باغلـى المكاسـب**عسى ربـي يخلـي لـه شــــــــــــبابـه

رجع يمي مثل ماكنت حاسـب**وجد وضعه معا وضعي مشــــابـه

بعد ما ردلـي هـاوي وراغـب**حمدت اللي هدى الغالي وجـــــــابـه

يطفي نـار جوفـي واللهايـب**ويســــــــــعد قلب غارق فـي عـــذابــه

وذاك اللي مشى مابدَى السبايب**يربيه الـــــزمـن حضـرت جنـــابـه

بعد ما أصبح معي له وضع سالب**وعمَق جرح قلبـي مـن عتــــــابـه

منحته في الغرام أعلـى المراتـب**وكثَرت العطا ، واصبـح نهـــــــابـه



اجمل التحايا