شبكة همس الشوق - عرض مشاركة واحدة - ابجديات قلب مدونة الشاعره اميرة الورد تالا

14 - 2 - 2013, 01:53 AM

عزاه ياقلبٍ عنا الهم طاويـــــه
من زود مابي زايداتٍ طعونـــــه

جرح سطى داخلي ماني بقاويه
اتعب حياة اللي زمانه يخـــونه

جرحٍ بقلبي ياترى من يداويـــه
ياهل ترى هل من قلوبٍ حنونه

عيني لذيذ النوم عيت تخاويــه
لاقلت غض الجفن زادت جفونه

تســهر تراقب كل نجم وتبــاريه
تنطق دموعي عن خوافي حزونه

ويلاه ياوقتٍ كثــيرة بلاويـــــــه
دايم معي قاسي ولابك ليونه

أون ونةٍ من فقد شوف غاليه
غدا به اللي لاحضر مايرونـــه

أو ونة اللي ضاع وامه تـــناديه
بـأرضٍ خليه مارجاهم يجـــونه

ماني بعشقان يتوجد لغاليـــه
حل الفراق ودمعته في عيونه

لاشك مابلقلب ماحدٍ بداريــه
حزنٍ وهم سنين مايذكرونـــه

همٍ بداخلي ماكــــنت اخفيه
وماصابني والله مايصدقونـــــه

رجواي بالي كل مخلوق يرجيه
عالم بما يخفى ومايعلــــمونه

يعين منهو ذاق بالمر صافــــيه
وذاق العذاب وذاق مر المهونه