شبكة همس الشوق - عرض مشاركة واحدة

5 - 3 - 2013, 08:46 AM

غرد على غصن الوله أمس عصفور
وحدر الغصن بالضبط كانت حمـامـه
غنى لها : حب وأحاسيس وشعور
وعبّـر عَبر تصفيرته عن غرامه
يوم أيتمادى فالغزل كان معذور
يجر صوته لجل يرضي يمامه
المشكلة :عصفورنا من أبلقور
والآنسة أصولها من الثمامه
واللي جمعهم فالسما أنهمْ أطيور
أول لقاء مابينهم في غمامه
خطاه صادق حيل مايقبل الزور
وهي صدوقه بس تجهل مقامه
كانت أغانيّه على فجة النور
لاهاب لليله وأنخرع من ظلامه
اليا صمت صمته موآويل وبحور
اليا تكلم قال شعر إبكلامه
من يجهله جهلاً يسميه مغرور
ومن يعرفه يكف عنّه ملامه
هادي ولا شاف الخطا من الـخطا أيثور
ما دس راسه مثل طبع النعامه
ما يخذل الوافي ولا يقبل قصور
ولا إيتراجى حاجته من عمامه
ما دورّ الـشهره صنع له جمهور
من طيب ساس وطيب قلب وشهامه
وأضف على ذآلك قصايده بلور
وفوق القصيد العذب يملك وسامه
وحضور طاغي حيل ما يشبه أحضور
الا حضوره في حضور الفخامه
راكد طـبع واليا زعل ينقلب كور
من يزعله يرجي وراه السلامه
به كبرياء ما تقبل الذل والجور
وفيه اللباقه أتقاد وفهامه
عدا الصفات اللي مـضت طايل اشبور
ما غيرّه وقته وغير نظامه
باقي رغم سود المقادير مـستور
ويبقى كذا الين يوم القيامه
صدق حمامه طايحه أبحب عصفور
؟
معقول هالعصفور يعشق حمامه؟