تكفـون خلو شرهتي والملامي
بليت فيـه ما بقى لي مجـالي


ون كان تبغون الصريح بكلامي
يكفي عن العالم ليا قال غـالي


حبـــه .. بحسبت واحدً من عمامي
أي والله أحبه ولو كان سالي


حبـــه .. دفان وموهنً بالعظامي
مقدر عليه مسلمًـ كل حـالي


حبــه .. ورد نهر المحبين ضامي
ورواه قلبي بالعذي الزلالي


لاحدً يلوم القلب زايد هيامي
حبــه .. وهبه الله عزيز الجلالي


ودامـه سكن مجرى الوريد الغرامي
خلـوه ساكـن دام حبه حلالي