انا البارحه زاحت هجوسي ، لذيذ النوم
مثل ما اهلال محرم يزيح ذي حجه
هجوسٍ ترادم كوم مقرون له في كوم
ولا باب مغلق ما تداهمه و تفجه
شريط السنين الماضيه فلته في يوم
و كم مشهدٍ قد مات ، تحييه و تسجه
خلي الهموم ان مرته تودعه مهموم
و بعيد المدى تلحق ع أقصاه و توجه
تسوق العباير لين تقبل ع البلعوم
و اكفكف طوارفها و تدوي لها لجه
تلجلج مثل وردٍ ع عيلمٍ مزحوم
راعِ الدور يقرع نصفها و نصفٍ يهجه
عفا الله عن زولٍ ترك ف الضمير رسوم
يزول ل عيني وين ما أروح و أوجه
عليه الفؤاد من التوجاد فيه اثلوم
و عليه العيون تجمع الدمع و تمجه
و انا خابر ان مالي مصد عن المقسوم
لو ان النبات يصد عن مقدم العجه
لكن لو معي من مقبلات الليال اعلوم
يجوز الفجيعه تصغر و تكبر السجه
.. من ذائقتي