شبكة همس الشوق - عرض مشاركة واحدة - اللي حكى فيني بل لايقول شي خله يعدل وقفته لاطراني

2 - 4 - 2013, 11:18 AM

\\

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه

حاولت .. لكن المحاصيل هيّ هـيّ
الطير طـار ولا بقـى الا شجرتـه

وقفّت اشوف شويّ واغمّض شـويّ
واللي انكسر في خاطـري ماجبرتـه

لين الحقت شمسي على بارد الفـيّ
وشفت ان كل اللي جمعته خسرتـه

من كثر ماعزيت ريقي عـن المـيّ
ملّ الصبر من كثر صبـر ٍ صبرتـه

كم هقوة ٍ ضاعت على سكـة الغـيّ
وكم حلم فـ(تراب ) الحقيقه قبرتـه

واقف .. وطعنات الزمن كلهـا فـيّ
وساقي لو انه كلّ منـي /كسرتـه