اعتذر لو كانت المعلومات معروفه لدى فئه كبيره ولكن حبيت اوضح لعل وعسى يستفيد اي شخص
اول سؤال يخطر ببال اي شخص جديد ويرغب في شراء الايفون
من فين اشتري ؟؟ ايش الافضل ؟ امريكي ، بريطاني ، او من هنا ؟؟
راح اخش في صلب الموضوع
اخواني لايجي اي شخص ويضحك عليكم ويقول بريطاني افضل من امريكي وهونق كونق سيء
وفرنسي مضروب والخ ...
الايفون واحد في العالم كله الاختلاف في 3 شغلات
1 - هل الجهاز مفتوح على جميع الشركات او مغلق على شركة معينه
مغلق : يشغل شريحه لشركه معينه فقط ومايقبل غيرها
مفتوح : يشغل اي شريحه من اي شركه في العالم
وهنا لازم نسال قبلها ... والان في مواقع كثير تقوم بفتح الايفون المغلق بمبلغ مادي
2 - موديل الجهاز Model وهنا راح اتكلم عن iphone 5
الموديل : A1429 يدعم فور جي في دول الخليج لبعض مزودي الخدمه وفي السعودية يدعم كل المشغلين الثلاثه وفي حال عدم توفر 4g راح يشغل 3g
الموديل : A1428 : راح يشغل جميع الشرائح ولكن على 3g فقط . لايدعم فور جي في الخليج ابدا
3- شكل الشاحن : البريطاني مثلا الفيش ابو 3 .. الامريكي ابو 2 والخ
اجهزه السعوديه المعتمده من شركات الاتصال : جميعها موديل A1429 الفرق انه بدون فيس تايم فقط . وفي نظري في برامج بديله
لماذا البريطاني !! السبب الرئيسي انه اول ستور في العالم يبيع الايفون مفتوح وبدون عقد وبدون اشتراطات
سبب ارتفاع سعر البريطاني : الضريبه VAT تقريبا 12٪ يعني مبلغ 450 ريال زياده على سعر الجهاز
ارخص ستور يبيع الايفون هونق كونق وممكن في ارخص
كيف اعرف الايفون من اي ستور بدون ماافتح الجهاز ؟
طبعا نقدر نعرف بدون فتح الكرتون من الخلف في شغلتين مهمه
- model number تحدد رقم الموديل كمثال A1429
- PART NO كمثال MD54B/A
رقم القطعه اللي هو PART NO يوضح بلد الشراء للجهاز كمثال في الاعلى اخر حرفين BA
الان راح اوضح بعض الاحرف لاشهر الستور في العالم
ZP هونق كونق
LL امريكي
BA بريطاني -- نفس المثال في الاعلى
EA نسخه دبي والسعوديه وبعض دول الخليج
صوره من جهاز ايباد 4 من اي ستور؟؟ اللي فهم ياريت يكتبلي بلد الشراء للايباد 4
هذي صوره للموديلات
