شبكة همس الشوق - عرض مشاركة واحدة

23 - 4 - 2013, 04:39 PM

اختلفت الامور من واحنا صغار لين كبرنا عن الاسباب الي تبكينا يمكن واحنا صغار صار امور مختلفه واجد بن المردسه بين الناس لما يكون شئ بنظرها واجد تافه لكن بنظرنا واجد كبير
صح يمكن تفاهتنا واحنا صغار تختلف لما نكبر يمكن في بعض الحيان لما نحس كنا نبكي على اشياء ماتسوى ولمن نكبر
الحين قاعدين تضحكون انك ماتصدق نفسك انك كنت تبكي على لعبه ولا على زواره ولا على ان امك طلعت ولا خذتك ولا على ابوك طلع وقال ما رح اودك للجمعيه كانت ذاك الوقت اشياء واجد كبيره ولكنها في ذا الزمن صاارت واااجد صغيره

الامور تغيرت الاعمار كبرت حتى الطموح ختلف
صرت ابكي الحين على كسرات ما توقعتها بالدنيا
صرت ابكي الحين على حظ يمكن يخوني
صرت ابكي الحين تضرعا وايماناا وبدعهة صادقه لرب العالمين ان يفك مشكله قاعد اوجها في حاتي

لما كانت ابرز طموحاتي لعبه صارت ابرز طموحاتي تنحل في عقده
افتك من مشكله ابتسم اببتسامه ورها صج راحه البال
على ان الاشياء كلها اختلفت من الصغر لين كبرنا الا في شئ واحد بس كان يبكينا واحنا صغار بكانا واحنا في عمر المراهقة وبكانا واحنا في سن النضج يبكينا واحنا كبار يبكينا حتى واحنا شياب راح يظل يبكينا االى اخر يوم في عمرنا
ولو لان محد يحب يتكلم عنا ولو ان اهو صج شئ يجيب النكد صج شئ يضيق الخلق
ولكن هذذا الشئ الوحيد الي يجمعنا في طفولتنا
الدمعه هذي الدمعه الي تردك طفل لو مهما صار الدمعه هذي اهي الدمعه الي بتخليك تحس بمعنى الدنيا اكثر
بكينا واحنا صغار لما فقدنا شخص عزيز علينا سواء كان بسفر علاج او طوله العمر لكل الي قاعد يسمع وفاة
تكسرت كل امانينا ضقنا تعبنا موضوع الموت محد يحب يتكلم فيه

لكن الدمعه الي انزلت في ذاك الوقت اهي نفسها و تشابها الدمعه الي تنزل من عينك الحين اهي نفسها وتشابها الدمعه الي راح تشوفها لما تفقد انسان عزيز وغالي عليكم كان يعني لكم واجد كبير في حياتكم في يوم وليله وبدون سابق انذار يختفي يرووح ...يروح الحس ....يروح الكلام ...يروح حتى الطبع
تلاقي نفسك ضايع تلاقي نفسق قاعد تبكي مثل الطفل
حتى لما يجون يقولو لك لاتبكي شفيك جاهل؟
حزتها لاول مره بحياتك تعترف ان انت جاهل وبكل فخر
لان دموعك في هاللحظه هذي دموع قاعده تخونك
دموع قاعده ترد لك طفولتك اذا فقدت انسان عزيز وغالي على قلبك رفيج كان اخ اخت عم جد جدة ام كانت او اب
حزتها انت تعيش حاله الصدمه بعده تبدي تتذكر بعدها تبدي تشوف
على ما كثر ان دموعك محد راح يلومك عليها محد راح يكلمك محد يقولك ولا شئ
رح يخلونك تطلع كل الي فكبدك
راح يخلونك تعيش عمر الطفوله لحظتها راح يخلونك تعيش ذاك الحزن في ذيك اللحظه
قلت لكم كان طموحنا في ذيك اللحظه لعبه
ولكن كانو الناس القراب علينا اهم من اللعبه
مثل ما كانت تبكينا اللعلبه هم يبكينا فقدان هذي الناس

كبرنا الحين ولا يزال هذا الموضوع ياثر فينا قصه تضل في هذا القلب ما تروح لو ايش ما صار
مارح تنسى ابتسامه وضحكه وكلمه راح تتذكر حتى بطفولتك شلون عامولك لين كبرت شلون ربووك
راح يضل هذول الناس اليفقدتهم راح تضل تنزل دمعه
راح تظل تذكر هذيل الناس الي البكاء في لحظتها والبكي يكون حقهم حب واحترام وخوف من الدنيا والي ممكن ما تخشى عنه
الله يرحمهم برحمته الواسعه
ادعي الله ان نتلاقه وياهم في جنات الخلد في كل انسان
غاب توفى راح مات ورافق رب العالمين في هذا اليوم ادعي ربي
يالله ياربي تصبرني على فراقهم
واعذرونا يا بشر اذا في يوم من الايام ارجفت الايد نشف الريق خانا الاحساس وانبح الصوت ونزلت الدمعه بمجرد ذكرا
وبان بالصوت كل الحزن
نكد؟! اي نعم نكد
حزن؟! اي نعم حزن
دنيا
ما فقدت لعبتك الي كنت تبكي عليها وانت صغير
ولا قفدت النومه بيت خالتك لما كنت تبكي عليها وانت صغير
ولا فقدت حتى اغراض الجمعيه ولما كبرت كانت بالنسبه لك شئ مهم وانت صغير

ولكن فقدت الانسان الي غاب عنك في صغرك او غاب عنك في كبرك
صح راضي بالقسمه والنصيب ....صح قدر محتوم ...صح نؤمن بالقضاء والقدر والله نؤمن بس صدقوني الدمعه في هذي اللحظه واجد الدمعه في هذي اللحظه راح تذكرك في ناس تحبهم بس كل الي تقدر عليه تقوله لهم الله يرحمكم