يا صدري الضايق على ويش ضايق
ما يستحق اللـي مزعّلـك ضيقـة
خلّك على ما قيـل فايـق ورايـق
واللي زعل خلّه يصالـي حريقـة
يا قاطع حبـال الصلـة والعلايـق
حبّي قوي وجذور حبـي عميقـة
كل الدلايل فـي يـدي والحقايـق
لا تحسب اني جاهـل ٍ بالحقيقـة
وادري بتعرض في طريقي عوايق
لكن جعلت لكـل عايـق طريقـة
قل للذي شـبّ الفتـن والحرايـق
نارك طفت والحب عايـن بريقـه
في خافق العاشق غيول وحدايـق
لو ما بقى في الارض غيل وحديقة
اللي لحمل الحـب ما هـو بطايـق
أحسن يدوّر حمـل شيّـن يطيقـه
يا صاحبي لا زلت شفـق ٍ وتايـق
مثل الـذي تايـق لشوفـة شقيقـه
آليق بك ما دمـت بالحـب لايـق
واشتاق لك لو غبت عنـي دقيقـة