[rainbow] ياصاحبـي طالبـك خلنَـي بـحآلـي
ما أبي "أضيّق خاطرك" وأنت مرتـاح
ياصاحبي وإن غبت عنـك " ليالـي "
غـلاك بـاقـي بـالحنـايـا ولا راح
تبي أسولف لك ،، وش إللي جرالي ؟؟
أخاف يمسـح قولنـا الصبـح لا لاح
أجـل تعـال أجلـس هنيّـا قبـالـي
دام الحطب طاح وكثير العتـب طـاح
لو كل شخص إليـا عطيتـه وفالـي
ماكان بـالدنيا حـزن ليـل وجـراح
ولو كل غالي قـدّر إحسـاس غالـي
ماشفت ذاك الدمع من محجـره سـاح
ولو كل قلب من الحسد جـاك خالـي
مايشتكي مـن شـحّ الأمطـار فـلاّح
ولو كل واحـد جـاك طبعـه مثالـي
ماكان بـالدنيا سجن نـاس وإصـلاح
ولولا الذنوب إللـي بـكبـر الجبالـي
ماكان جيش الكفر لـبلادنـا إجتـاح
ولو الردي يعرف وش معنـى عيالـي
ماقطّ ( أبوه ) بـدار الآلآم يـا صـاح
هذا بعـض حـزن السنيـن التوالـي
طير الحزن مبطي على خافقـي نـاح
مـا أقـول إن الخيـر مالـه مجالـي
لآ والذي يفلق مـن الليـل الإصبـاح
لكن هنـا ،، بعـض الألـم ياحلالـي
وأنا أدري إن العود يوم أحتـرق فـاح
أول أقـول إنـي صبـور وشمـالـي
واليوم ،،، لآ والله أنفجر سدّي وبـاح
ماقلت لـك ياذيـب خلّنـي بـحالـي
هذا أنت ضقت ،،، وأذكرك جيت مرتاح
[/rainbow]