|
تذوب شموع من حولي واخذ للحزن تقرير
 
يعيش الصمـت في حـضن القوافي ويهجر التعبيـر
ويـذبـل حرف من نـادت بـيـوتـه نبض ابياتي
الا يـاصـمـت يكـفـيـنـي بـدا يـوضح عـلي تاثـيــر
الا يـاصـمـت من جـابك تعـيش بوسط طياتي
انا ما اقدر اصوم الحرف ولا اهديه بجفا وتقصيـر
ولا اقدر اطـيـع اللي قـتلـني واعـلـن شـتـاتي
مشيت بسكـتي وحـدي وخلفي من البـحر تصويـر
وقـدامـي الـقـبر مـفـتوح يارب تعين خطواتي
ظلام الـعـوم عايـشـته ادور بالرجا تنوير
ولايهدي شحوح الوقت سوى ظلماء وصداتي
مـجـاديـف الامـل مـاتـت وارتـب لـلـخطاء تبريـر
واحاول احتسب حزني واقول الله بمواساتـي
تذوب شموع من حولي واخذ للحزن تقرير
يقول اني ما استسلم ولا اخضع لجل عبراتي
قـمـر يـعـزف وتـر شـعـري ويهديه البحر تهديـر
ولـيـله قـام بـحـضـور الـنـجـوم ولحن بحاتي
ثـرى يزرع حـروفي بـجـو غـناه الـهوى تعـطيـر
وسـقـاه مـن الـثريا ذوق يواكـب نبض نياتي
لك الله يا صمت ما اقدر اصوم واهجر التحـريـر
وخلفـي موجن يصفق يبي يسمع من ابـياتي |