لحظه قبل لا تطلب البعد وتغيب
وتنـهـي معـايـه مرحـلـه مــن حـيـاتـك
أخــذ الـهـدايـا والـصــور والمكـاتـيـب
دامــي خسـرتـك مـــا أبـــي ذكـريـاتـك
يمـكـن يـكــون فـراقـنـا رأيٍ مـصـيـب
خـيـره .. كتـبـهـا الله جـتـنـي وجـاتــك
مـع انـي ادري انــت ماعـنـك تجنـيـب
كـنـك موصـيـنـي وقـاضــب وصـاتــك
رح واتـرك بقلبـي لـك أربـع معـازيـب
مـعـزتــك طــاريــك حــبــك غــلاتـــك
وإن شفتني أجمع شتاتي .. ماهو عيب
بـاكــر مـــع الأيـــام تـجـمـع شـتـاتــك
وإن شفتنـي شـايـل جــروحٍ معاطـيـب
بـاكـر يصـيـر الـجـرح أبــرز صفـاتـك
أكـبـر مصيـبـه فــي زمــان العـذاريـب
إنّـــي أحـبــك وأنـــت حـبــك لــذاتــك
الطـيـب لــو إنـــك تـجـازيـه بالـطـيـب
مـاكـان تـالـي الـوقـت هــذي سـواتــك
يا صاحبـي لا صـرت أغـلا الأصاحيـب
لا تـزعـل بكـيـفـك وتـطـلـب رضـاتــك
أنــا حبيـبـك مـبـعـد الـشــوح مـانـيـب
مــن ضـيّـع جهـاتـه .. يــدور جهـاتـك
إن كـــان مـاعـديـت روس المـراقـيـب
مـانـي كـفـو أصــلاً أنــام فــي عبـاتـك
شفنـي مـقـدر عـنـد عـكـف الأشانـيـب
مانـيـب مــن تـومـي علـيـه بعـصـاتـك
رح للـفـراق إلـلـي تـركـنـا مـصـاويـب
شمّـت اعداتـي قـبـل تشـمّـت أعـداتـك
الله مـعـك .. رح ويــن مــاودك تغـيـب
هـذي حيـاتـك .. وأنــت حــر بحياتك