لبيه يالبى قـلبه / كل ما قال | لبــيه
ويالبى صـــوته / كل ما قال :لي هــاهـ
بالحالتين ان ترجمت شفته /إيـهـ ..
أضـــيع مـن كلي وادورنــي ما القـاه
يشل عقلي كل ما جيت أحاكيــه
وأنسى أني أصلاً/ كنت في شي أبغاه
أذوب في حرفه .. وصوته يحليــه
واللي يجنني إذا حـــرّك إشــفاه
يضماه سمعي وانتظر لين يرويه
والمشكله حتى وهو يمي أضماه
حُبه مثل | طـيرٍ | يبي بيت يأويه
وانا ادري انه داخل القلب مأوآه
وحده بقلبي دوم محدٍ يساويه
وانا بقلبه طول هالعمر أملاه
الشوق محدٍ غير صوته يداويه
ويجــذ نار الغيض فيني من اقصاه
صوته مطـر في جيته / في تجليه
تطفي عذوبة قطرته شوق مضناه
صوتهـ صدى تغريد طيرٍ يغنيه
صوته نسيم الصبح في طلعة إضياه
صوته نغم تطربني رقة اغانيه
صوته عليه أدمنت ودواي من داه
صوته هدير الموج لااا مر شاطيه
وانا بشوقي كل ماالريح وداه
يذهل شعوره مسمعي كل مدعيه
كـني على ضفة بحر يحتري مـاه
أرقب طيوفه كل ما زارني فيه
ويدق قلبي كل مااا مر طرياه
وان حظّني وقتي بشوفه اداريه ..
عن كل مخلوقٍ يضره وانا معاه
ما ودي حتى الشوك تلمس رجليه
واغااااااااار من نسمه / تداعب محياه
والود ودي وسط عيني أخليه
والحفـه رمشي وبالعين أدفاه
يعيش بي حلمٍ سرقني بيديه
واعيش به واقع مَلك كل ما جاه
لين أوصل بشوقي لحده واناديه
واحاول القاني وانا ضايع وياه
ويرد لي من رقة إشفاه | لبيه |
واضيع من ثاني /وانا اقول لهـ |هاااهـ..!!!|
الموضوع الأصلي :
البى قلبه كل ماقال لبيه || الكاتب :
بلسم الروح || المصدر :
شبكة همس الشوق
