مدخل ..//
كل مافيني يبيك.. // .. حتى نبضي يرتجيك
إنتِ قيدي والمليك.. // .. شوفني كلي بجيك
ارسميني في عيونك في خيالـك بعثرينـي
خلف جفنك صوّريني لملميني من شتاتـي
واقربي لا تلمسيني واتركي الدمعه بعينـي
المحيها عشق طاهر تكتب بخدي وصاتـي
اقري حروفي جروح تنكتب بينـك وبينـي
بالسطر حبر الوريد بالقلم فكري وصفاتـي
ابعدي شوفي المسافه بس لا لا تتهجرينـي
لانك اقرب من وجودي مالكه كلـي وذاتـي
اعشقك نبض واعاني صدق احبك لملمينـي
لاتضني حب عابر صدق في بعدك مماتـي
برخصه لك نبض صادق مايخونك صدقيني
اهجر العالم واجي لك نهر خالد في حياتـي
والعبي لا لا يهمك كـل طيشـك يهتوينـي
راضي بكلك وعندك طحت بالحب وغلاتـي
طنشيني اضحكي لي وإلا تدرين احتوينـي
بزعل بلحظه وانـادي ياملاكـي ياغناتـي
إيه أحبك يا اللعوبه إيه يا آجمـل سنينـي
إيه أحبك في هيامي في جنوني في ثباتـي
إنزعي كل الحواجز واشغلي جوفي حنينـي
جربي مره وذوقي سكرة العشـق بعباتـي
ضيعي في عشقي وقولي ياحبيبي ياضنيني
ما أبي بعدك كفاني شوفني وهـ. ياحلاتـي
بسكت بلهفه وانـادي ضيعينـي ضيعينـي
آهـ. يالريم التعوبه صرت احسك في مباتي
ينشرح صدري والمّك والجدايـل تحتوينـي
اهمس بقلبك احبك إنتي قيـدي وامنياتـي
آتنفس نور وجهك ياضوآ ليلـي وانينـي
اتبعك واتبع شعاعك اغرق وانسـى أهاتـي
احلف بربي اصونك لو تروحي وتجرحينـي
دام قلبي اختار قربك إيتحمل كـل سواتـي
ينجرح يلعن سوآته لـو تقولـي ماتبينـي
ماضربته ولا طلبته يعشق القمرى ويحاتي
مخرج ... //
ليه تشغلني وتروح ..//..وإنت لي قلبٍ وروح
ماكفاني هالجروح .. // .. وإنت في وصلك شحوح