جيتي حشيمه وان رحلتي حشيمه
،،مدخل،،
حبك مجنب بي عن الغيد مـجناب
قـلـبـي مـعـك بـيـن المحـانـي وديعه
أنتي دوا قلبن من الوقت منصاب
وأنتي سرور الـقـلـب وأنـتي ربيعه
((قدر وحشيمه))
الحب لو يطغي على خطو الأحلام **
مايعتبر في شرع الأريا هزيمه
والصد لو يهمل معاذير الأوهام **
ماعاد يبقى بالنفوس الرحيمه
ياساحرتني أعتقي روس الأقلام **
جيتي حشيمه...وأن رحلتي حشيمه
وش موجب ٍقلب من العام لوام **
ليه المحبه بالحنايا مقيمه
لو هي على قولة هل العرف منضام **
سقت الصراحه والرجا بالغنيمه
واللحظة اللي حيلته طق الأبهام **
ماعودت منها الطواري سليمه
ياعلها فدوة مشاريه الأيام **
دام العواقب بالنهايه وخيمه
يشتالها قلب ٍعلى الدوم عزام **
كلش ولا تبقى الغلا مستضيمه
دام الغنج سلم على مشي الأقدام **
لزم على باقي الجسد بالعزيمه
الطيب واليشموم مع وردة الشام **
بخدودها لو ماوصفته ظليمه
ياخوخ ياعناب ياشوووق الألهام **
ياغصن موز ٍعلله صب ديمه
وش حيلة الطير النداوي إليا حام **
وأدلى بعد ماذبها للخريمه
قلب الوحش لو يكثر الصيد لزام **
وافي...ولكن علته مستديمه
ياما تمادا في غرامه...ولا سام **
حب ٍتغلغل بالحشا يافهيمه
أن ضايقه هرج ٍعلى غيبتك شام **
لو كان ماعله من الوجد غيمه
ياما سأل شوقه على صدك شمام **
وشلون ينسى في حياته نديمه
ياقلبي اللي يحتضن كل ماهام **
طيف الغنوج اللي دموعه يتيمه
وياقلبي اللي محترق شوق وهيام **
أسمح تراها بالرجاوي عليمه
وأن كان ظرفه دون الأشواق مادام **
يبقى لها بالجوف...قدر وحشيمه
؛؛خروج؛؛
أدري هـويـتـيـنـي وأنـا مـا جبرتك
وتـدريـن فـيـنـي مـاتـغير كما كنت
صـادق بـحـبـي لـوهجرتـي عـذرتك
هذي الظروف ودايما تجبر البنت