شاعر يرثي صديقة وهو على قيد الحياة
مسلط الرعوجي من ال هذال شيوخ عنزة اشتهر بالفروسية منذ الصغر واول معركة خاضها كان هو ومحمد بن منديل بن هذال واول ضربة من مسلط سقط الفلو وقضى عليه الرعوجي
واما محمد بن منديل بن هذال فقيل ان والده لما خطب امه من اهلها من بني خالد من اهل الحناكية طلبوا ثمانين وضحا من الابل وثمانين مشخص من الذهب وبئر عيلم مشهور في الحناكية وقبل الشرط وعندما وصل اخذ الخالدي منه ناقه عشاء لهم واعاد الجميع عليهم لذا اعطاه البئر وكان اول ركوبه للفرس بغيبة والده وال هذال كانوا غزووقالت له والدته ابوك ساق علي كذا وكذا يريد ولد يفك ابله من الاعداء وان رجعت مافكيتها سوف اقطع الثدي اللي غذاك وارميه للكلاب فزادت شجاعته وصلابته
ومسلط الملقب الرعوجي انه ضرب فرس للظفير لقحه بالشلفا فطاح ولدها من بطنها وقيل رعجها ولقب الرعوجي
وقال الرعوجي عند ماكسرت رجله وكان اهله قرب الحريق وهو من اصدقاء محسن الهزاني فلما حضر محسن عنده وعزم وقومه على الرحيل وكان يائس من الحياة التفت الى محسن وقال هل سترثيني ان مت فقال محسن نعم فقال اسمعني اذا قبل اموت ثم طلب منه حفر قبرة وتجهيزه وانشد متالما لان احد رفاقة قبل الرحيل اخذ عباءته الجديده والبسه عباءه قديمه
قال الرعوجي مسلط وافي الاذكـار=عصـر الخميـس وحفرتـي جددوهـا
شـدوا وخلونـي عـلـى دمـنـة الــدار=ياحيـسـفـا حـتــى عـبـاتـي خـذوهــا
عقب العقاب الصيرمي طفيت النار=لـو جمعـوا كـل الحطـب ماوقـدوهـا
ياحيف نسيوا هدتي هـي والاذكـار=مـواقـف صـعـبـه علـيـهـم نـسـوهـا
مانـي بغابطهـم حـذا حـل الامـطـار=لاخـيــلــوا وسـمــيــة ونـجـعــوهــا
اسـلاف يبـري بـه مغاتيـر ومهـار=وسمـيـة صـبـيـان وايـــل حـمـوهـا
بمصافـق الابطـال بالموسـم الحـار=نوضـا نهـار الكـون مازعزعـوهـا
ياحيف يانوضـا غـدت بنـت نجـار=وبنـت المويضـي بالغنـم سرحوهـا
لاجوعت ضيـف ولا زعلـت جـار=ياحيفـنـا وان كـــان هـــم زعـلـوهـا
وفعايـلـي تبـقـى تـواريــخ واذكـــار=تـفـخـر بــــه الـتـالـيـن لاوردوهــــا
وانـا بقبـري فـوقـي الـبـن وحـجـار=تبقـى ولــو طــال الـمـدى جـددوهـا
سوالـفـي تبـقـى جـديـدات واعـسـار=تفـخـر بـهـا وايــل الـــى وردوهـــا