شبكة همس الشوق - عرض مشاركة واحدة

18 - 12 - 2013, 07:20 PM

( الفصـل الســـــــــــــــــ 7 ـــــــــــــــابع )

في بيت سعد بن فهيد \ في الصالات
الجده وضحى ماصدقت اللي تسمعه .. وجلست تبكي .. وقامت سجدت على
الأرض .. مسحت دمعتها بشرشفها – قم قم ياسعد ياولدي خلني اشوفهن
غاليك وانا امك قم ودني ( الفرحه ماهيب سايعتها وبسرعه تمشي لغرفتها )
عمشا – عمه حتى انا ابي اروح معكم
سعد – لا خليتس اليوم أكيد بيسوي ألهن ضاحي عشاء وتروحين
الجده وضحى تعكز وجابت بشتها وألبسته .. نزلت ريم وشافتهم – وين
بتروحين ياجده
الجده وضحى – ريم يابنتي بنات عمتس ناصر جن
ريم ببلاهه – هاه !!
عمشا ضحكت – ايه لتس عم اسمه ناصر وتوفى وبناته عانيهن عند عمتس ضاحي
ريم بخباله – من وين جن
سكتوا وماحد له نفس يتكلم عقب كلمتها .. وضحى اللي عدلت بشتها – يالله روحنا
ريم وهي تركض على فوق – لحظه احتروني بروح معكم
سعد ضحك – ياربي هالبنت ماتخلي طفاقتها
الجده بحسره انها ضيعت الوقت – عساتس للجدري مهيب صاحيه أرواح
للموتر بس لو نحتريها مارحنا غير تالي الليل
سعد ( ابو فهيد ) وهو رافع صوته – ياريم خطوة امي مثل السلحفاه ان
وصلتي بسرعه لنا قبل نروح والا اقعدي عند امتس
اتجهوا برى للحوش .. وبسرعه مشى وطلع السياره لأمه من المواقف وقربها لها .. في هالأثناء سعد والجد فهيد دخلوا البيت
الجده وهي تركب – ابك عان الشايب مايحرز يعلمني ( وقعدت تبكي )
وسعد (ابو فهيد ) يهدي فيها .. شافها الجد فهيد وسعد وبسرعه قربوا لهم
الجد – علامتس ياوضحى
الجده بتشره – علامي ابك يوم بنات ناصر جن وراك ماعلمتني افرح ابهن
انت ماخفت الله لين هالحين تبي تحرق قلبي
الجد عصب – حسبي الله عليتس ياذا المره سانتس نشبه في ذا ( ويأشر على حلقه )
ريم طلعت وشحاطه في رجل والثانيه في يدها وتصارخ – احتروني احتروني
سعد كتم ضحكته بقوه .. والعيون توجهت إله .. وهي تصارخ مادرت عنه
لين افتحت الباب وركبت وخلته فاتح وصرخت – إنجااااااااااااز اللي سويته
ابوفهيد عصب – خلاص انثبري
ريم انبلمت ورى ابوها يقول كذا لين سعد قرب للباب ابتسم لها – مبروك على
الأنجاز أحلى إنجاز سويتيه ( وسكر الباب لها )
وسط بلاهتها وصدمتها في اللي سوته .. كل ذا تحت أنظار سعد
ابو فهيد عصب من سعد وهرجته بس مقال شي .. لكن الجد أستلمه – انت
ماتستحي على وجهك
سعد اللي توه يستوعب اللي سواه إبتسم ونزل راسه
ابو فهيد حرك بالجده وريم اللي جلست تدمع من الفشيله .. وتحمد النعمه اللي
فوقها برقع ولا طلعت الفضايح عند ابوها .. ضغطت على قلبها وجلست تحمد
الله اللي ألهمها تلبس البرقع وماتنزل وتلبسه في السياره كان صدق سعد يوم
شاف شاف
سعد يوم تذكر على وين رايحين حب راس الشايب – انا بروح تأمرني بشي
الشايب ذكي فهم ليش مستعجل – ايه ارواح انا وإياك لقسم الريجيل بيجيني
شايب ابيك تصب عليه القهوه
سعد بصدمه – هااااااااااااااااااااااه

في ملحق البنات
وضحى بصدمه – انتي وش تقولين
شيخه بلا مبألاه – اقولتس يخسي اذلف لغرفته
نوره اللي مصدومه – انتي من جدتس
شيخه اللي وقفت – ايه من جدي ( وبحرقة قلب ) قسم بالله لولا الخوف من
ربي واللي قاله لي ابوي قبل لايموت اني ماقعدت عند هالناس
وضحى - خلاص اجل عيب اللي بتسوينه
شيخه ناظرت في وضحى – وضحى وش رايتس وانا اختس اخذ عفشي من
هالحين واطلع للحرمه واقول وين غرفة بعلي العزيز
سمعن صوت صقر عند الباب واقف – وهاذا اللي بتسوينه
خواتهن مسكن افواهن بصدمه .. وشيخه احترقت
صقر بلا مبألاه – تعالي اباتس ياحرمي العزيزه
شيخه ألبست برقعها وجلالها ومشت له تحت إستغراب خواتها .. وقفت عند
الباب وناظرت فيه وصرخت بوجهه – انت ماتعرف تستحي تصنت على
البيبان قللللللللللللللة أدب ( وقرعت الباب بوجهه )
صقر عصب وفي داخله يطبخ غضب ( هاذي والله العوباء .. قسم بالله مااني
بصقر ان ماوريتس يالجنيه ) ودق الباب عليهم بقوه
شيخه فتحت الباب وهي مقهوره – خير شتبي
صقر جرها مع يدها – وش ابي تعالي وانا اعلمتس وش ابي
شيخه انقهرت من مسكة يدها وتجرها منه .. ووضحى طلعت لهم – صقر
خلها
صقر ناظر في وضحى – شغل لي مع حرمتي ( شدد على الكلمه ) بقضيه
واردها لكم بس ولا عليك أمر هاتي عبايتها
شيخه بقهر انه يفرض رايه عليها – نعم وخر مناك بس ( وتحاول تفك يدها )
ماني برايحة معك لو تموت مير فكني
صقر اللي ماسكها بقبضه وحده بيده .. ووضحى اللي ماتدري وش تسوي
وضحى – ا
قاطعها صقر – انتي لين هالحين واقفه هاتي عبايتها
وضحى ناظرت في شيخه تشوف وش بتقول شيخه بقهر- لاتروحين ماني
برايحة معه لمكان
صقر مشى بها – خلاص خلتس سيارتي مغيمه واحسن من هالخيمه اللي
تلبسينها الشهباء
شيخه انقهرت انه يسبها – تخسي ياكلب فك يدي
صقر وهو يجرها للسياره – امشي وانتي ساكته ,, حرمه ماتجي غير بالعين
الحمراء
شيخه تجر يدها منه بقوه وتصرخ بوجهه – اقطع واخس ولوتموت مارحت
معك ابلط البحر ثم تعال أحكمني

في منطقه بريه بعيده عن الأعين

قاعدين يراقبونالكمين جاهز وكل شي .. بس ينتظرون المُسلم للبضاعه
عشان يقبضون عليه .. وقاعدينيرسمون للكمين بحذر

لانهم اخطر عصابه في السعوديه

ضاحي اللي يكلم سلمان الشاب اللي بيستلمالبضاعه بالتلفون لانهم بعيد عنه
بس يراقبونه – اسمع انت لاتخاف ان حسيت بخطر طلعزنادك

بس حاولحاول ياسلمان مايموت نبيه حي

سلمان – ابشر طال عمرك

ضاحي – خلاص اجلتراه قرب لك

سلمان قبل لايسكر صدم ضاحي – طويل العمر شكل معه احد وشكلها حرمه

ضاحي بصدمه – ايششششششششش حرمه !!
سلمان – نبطل العمليه
ضاحي – لا اصحك الحرمه هاذي أكيد تمويه بس حنا لها يالله سكر يابطل
وقواك الله وأعرف أن حنا كلنا معك ووراك
سلمان – إن شاءالله طال عمرك
بعد فتره بسيطه
وقفت السياره ونزل منها بو خضر ( رجل في الخمسين في العمر .. يبان عليه
من الشخصيات الهامه )
سلمان قرب منه ,, وبو خضر يناظر فيه
بو خضر – كلمة السر
سلمان اللي نظارته فوقه ولابس لبس رياضي – 123 , 321
بوخضر مو مرتاح ومايعرف ليه – ليش ابو زهره ماارسل غيرك اول مره
اشوفك
سلمان رد النظاره بثقه لعينه – افا ليه خايف يعني
ضاحي والظباط كانوا يسمعون التسجيل اللي مشبك في لبس سلمان
بو خضر ناظر فيه بنص عين
سلمان يأشر على اللي في السياره – مين !!
بو خضر لف رقبته على السياره ورد ناظر في سلمان – بنتي
سلمان ابتسم على جنب – تمويه
بو خضر – عليك نور
سلمان – زين وين البضاعه
بو خضر – اصبر لحظه بقولك شي
سلمان – تفضل
بو خضر – ماتفتش البضاعه
سلمان شك – ليش !!
بو خضر – بنتي ماتعرف السالفه
سلمان في باله صدق عالم غريبه – زين بفتش ورى بدون ماتشوف
بو خضر – زين لحظه
وراح يطلع البضاعه من السياره .. وسلمان لف على الجهه الثانيه .. جاب
البضاعه له .. سلمان فتحها وعشان الفرقه تسمعه – مضبوط هاذا الشغل
الصح ( الكلمه السريه للشرطه )
ضاحي من سمع هالكلمه .. أمر بالهجوم .. وبسرعه وسيارات الدوريه معهم
وماعرفوا ان حتى العصابه بتسوي كمين لأبو خضر اللي يبيع من وراهم
وصار طلق النيران .. بو خضر بيهرب بس سلمان مسكه وكتفه وكلبشه
بسرعه قرب منهم ضاحي .. اللي تولى العمليه بنفسه .. اخذ بو خضر وركبه
بسيارته ورى وكلبش رجلينه .. وركب بسرعه جنب البنت اللي كانت تصيح
ومفجوعه – من انتم ياكلاب
ضاحي يسوق ومو معبرها .. وابوها يصارخ – ياكلب فكني والله اني ما أعدي
اللي سويتوه فيني
ضاحي صرخ فيهم – بسسسسسسسسسسسسس
البنت خافت وناظرت في ابوها اللي مكلبش بيدينه وحتى رجلينه وصرخت في
ضاحي – فك ابوي فكه من انت من انت وتضرب فيه وهو يسوق .. وهو
حاس ان فيه حد يتبعه .. صرخ فيها يوم بغوا يصدمون – بسسسسسسسس انا
من الشرطه ان عدتي اللي سويتيه والله لحطك في السجن بسسسسس
البنت قعدت تصيح وتضرب راسها .. وابوها يناظر في بنته اللي ظلمها باللي
سواه .. وقعد يدمع هاذي نهايته .. ليته سمع كلام عبداللطيف ولا لعب على
العصابه ويوم لعب طاح في يدين الشرطه
طلع ضاحي جواله ودق بسرعه على سلمان – شصار
سلمان – أكتشفنا انهم على سياره وحده وفيها اثنين واحد تصاوب والثاني
انحاش وطلبنا الأسعاف
ضاحي بتعب – حد فيكم صار فيه شي
سلمان – خالد إصابه في رجله شظيه بس
ضاحي نفث الهواء ورفع عينه للسياره اللي تتبعهم – زين بلغ النقاط اللي
قدامي بتبليغ بالسياره ابيهم يفسحون المجال وقلهم وراي سياره لاند
كروزر سوداء شاك فيها خلهم يوقفونها لين اتصرف
سلمان – إن شاءالله طال عمرك
سكر ضاحي وهو يسمع البنت تبكي .. وأبوها يصارخ – فكوني فكوني
ضاحي بهيبه وصراخ – قلت بــــــــــــــــــــــــــــس انطم انت وإياها .. البنت
عصبت وأخذت الدركسون تلف فيه يمين ويسار .. ضاحي عطاها ضربه على
البطن .. صرخت منها البنت .. وأبوها يصرخ فيه – ياكلب بنتي بنتي
ضاحي بعصبيه - توك تعرف بنتك
قرب من نقطة تفتيش ووقف .. طلب من حدى العساكر يرافقه ..السالفه خطيره
والبنت وابوها يخوفون

بيت ضاحي ( بو محمد )
وصلت سيارة بو فهيد وأمه وبنته .. وشافوا صقر واقف وقدامه شيخه
ويتهاوشون
نزل بو فهيد ومشى لهم – خير خير وش فيكم
شيخه ناظرت فيه – كملت من أنت بعد
صقر خزها بنص عين – انقلعي للسياره
شيخه رفعت أصبعها تهدد – ماني برايحه وأعلى مابخيلك اركبه ( وعطته
ظهرها ومشت وخلته )
صقر صارخ فيها – وقفــــــــــــــــي
شيخه تكمل ولا همها .. مشى ووقف في وجهها ورفع وجهها – انا يامحترمه
يوم اتكلم ماتعطيني ظهرتس
شيخه نزلت يده بقوه – انت شتبي تبي تفرد عضلاتك علي تخسي
صقر عصب هالكلمه هزته .. جرها بيدها وسط صراخ الكل ومتابعتهم ..
وخواتها اللي واقفين ومايقدرن يسون شي .. الجده قربت منه وتعكز بعصاها
وباين انها متأثره – صقر وانا جدتك فكها
شيخه ناظرت في هالعجوز تصير جدتها .. ماتدري ليش ماكرهتها نفس
هالعائله
صقر معصب – جده ابعدي عن طريقي تراها حرمتي وانا اتفاهم معها على كيفي
الجده دمعت – تكفى ياصقر وانا جدتك فكها لاتضيمها
صقر ويجر شيخه متجهه لداخل البيت – ماني بظايمها
شيخه اللي تصرخ فيه وتجر يدها – فكني فكني
منيره اللي كانت جالسه في الصاله هي وضاحي وفارس وقفوا على
هالاصوات
صقر وهو يصرخ – بتمشين يعني بتمشين
فارس ركض له – صقر وشفيك فكها
ضاحي صرخ فيه – انت صاحي ولا انهبلت مو معناها تزوجتها تضيمها
وتبي تسوي اللي براسك غصب
وضحى وبو فهيد والبنات وريم دخلوا وراهم
الجده وهي تعكز – حسبي الله عليك من ولد هو وينه
صقر بعصبيه – قلت لكم مالكم خص هاذي حرمتي خلاص كلن ياقف عند حده
شيخه صرخت فيه – تخسي انا اللي بو
صقر مسك فمها بيده وهي تحاول تفك يدها – اقطعي اقطعي
وضحى قربت لعمها وهي تعرج وبقهر– عمي نخيتك فك أختي من شره
ضاحي جاء بيقرب له .. صقر وقفه بيده وهو ماسك فمها – وقف ياابوي في
محلك قلت لكم وبعيدها هاذي حرمتي ومالكم خص فيها
ضاحي قرب وأخذ شيخه منه – حرمتك لعطيتها المهر وصار العرس نقول
حرمتك هالحين رح لشغلك وفكنا من شرك
صقر انقهر وعصب عطاهم ظهره وطلع
شيخه بعصبيه – قليل الأدب والله اني مااخلي اللي سواه يعدي على خير
ويشوف
ضاحي مسكها بيدها وجلسها جنبه – تعالي ياابوتس جنبي وخليه ماعليتس منه
الجده بتعب وتمش دموعها – ضاحي ياولدي وراك تزوجها هالمقرود ولدك
أمداكم تكتبون كتابهم من دون ماتعلمني وأنا اللي محترق قلبي على شوفتهن
( تناظر في بنات ناصر ) – قربن قربن تعالن سلمن علي انا جدتسن وضحى
ياحي ذا الشوفه يابنياتي ,, ( وقعدت تبكي وتمسح دموعها بمروجلها
(( المقصود به شرشفها ))
وضحى ونوره متأثرات بدموعها ومترددات ,, وشيخه تدخن من اللي سواه
صقر فيها
هند قربت عندها وسلمت عليها ,, ساره تشجعت وقربت لها
الجده تناظر في نوره ووضحى وشيخه – وانتن قربن تعالن وانا جدتسن
( وتأشر بيدها )
نوره مشت لها وسلمت عليها – كيفك ياجده
الجده – بخير وانا جدتس يامشاءالله يامشاءالله افصخن براقعتسن بشوفتسن
ومسكت يد نوره وجلستها عندها
الكل اتجهت أنظاره على فارس اللي خجل وقعد يتحنحن – احم احم ايه انا
بطلع غرفتي تبون شي
منيره – لا وانا امك مانبي غير سلامتك
فارس بسرعه طلع وهو منحرج
الجده تناظر في نوره – هافصخي وانا جدتس اوخيتسن راح
نوره فصخت برقعها والكل ذكر الله ( وجهه دائري زي القمر خشم طويل
وعين حاده كثير تشبهه الصقر في نظرتها فيها حبة خال في خدها وفمها مليان
وصغير بس فيها جمال لدرجة ان العم بو فهيد لف وجهه من جمالها
الجده – بسم الله مشاءالله ربي يحفظتس ياعين ابوي انتي تشبهين ابوتس الله
معطيه من الزين ومغطيه لإله إلا الله عليتس ربي يحفظتس
وناظرت في وضحى – وانتي تعالي وراتس ماتجيني
وضحى عينها في عين الجده ناظرت فيها فتره وهي تدمع بعدين عرجت
بسرعه ومشت لها .. ضمتها بقوه وبكت .. الجده بكت لبكاها وبكن فتره من
الوقت
فكن بعض .. وفكت الجده منها برقعها ( وجهها طويل لتحت ومليان شوي
عينها اليمنى فيها حور معطيها جاذبيه رموش عينها كثيفه بالمره ومكحله
خشمها حاد بس فمها وسيع شوي بس يجذب لانه مليان
الجده سمت عليها وذكرت الله وهمست لها – انتي تشبهيني وانا جدتس
وضحى ابتسمت
ناظرت في شيخه اللي جت وسلمت عليها – كيفتس
الجده – بخير وانا جدتس يمال الخير افصخي وريني وانا امتس وجهتس
شيخه مسكت برقعها – بعدين ياجده تشوفين وجههي انا مااحب اكشف
الجده بطيب – على راحتس وانا امتس
ناظرت في هند وساره – وانتن افصخن ورني زينتسن
هند فصخت برقعها ( عيونها صغيره بس مكحله ورموشها كثيفه خشمها حلو
وفمها صغير كثير ومليان ووجهها دائري وحلو بإختصار فيها نعومه أكثر من
أنه يكون جمال وحلا
ساره فكت برقعها والكل شهق بداخله ويسمي عليها ( جدا جدا جميله وعند
وصفها يصعب الوصف عين وسيعه مره وحواجب مرسومه رسم وجهه
دائري وخشم طويل فم صغير .. الكل تذكر صورة أمها فيها تشبهه أمها لدرجه كبيره
الجده لفت وجهها عنها لانها ذكرتها بأمها واللي سوته في ولدها .. ودمعت
عينها
ابو فهيد وريم قربوا لهن وسلموا عليهن وحده وحده – وانا عمتسن أعذرنا في
اللي صار ابوي قاسي بالحيل بيض الله وجهه ضاحي اللي جابتسن
ضاحي يبتسم لهن – والله انه ياسعد من دخلن بيتي والبركه حالة فيه الله
يسعدهن
ابو فهيد يبتسم لهن – عرفني عليتسن انا مااعرف غير وضحيه وشيخه
عهدي فيهن الباقيات ماعرفتسن
ساره – انا ساره ( وتأشر على نوره ثم هند ) هاذي نوره وهاذي هند
ريم بطيب لهن وبمحبه – وانا ريم بنت عمتسن سعد وباقي موضي بتجي الليله
هي وأمي
في الشقه
دخل وفهيد معه .. جلس على الكرسي بتعب
فهيد – خل عنك وين الغرشه
نايف زفر – كبيتها
فهيد – ايشششششششش تدري كم دافعين في الوحده
نايف – ايه اعرف كم دافعين
فهيد معصب – ماتنلام دكتور هالثمن مايأثر على حسابك بس انا وراي ابو
يسألني ليش وكيف ومتى

نايف عصب منه – من قالك ماتشتغل
فهيد – وانا لقيت شغل وقلت لا
نايف – طيب تعال اشتغل في المستشفى عندنا اخبرهم يدورون إداري
فهيد فرح – صدق
نايف – ايه بس لازم نبطل شرب لاتنسى انه مستشفى ومهم في الدوله بعد
فهيد – صعبه
نايف اللي تلاشى حماسه للتغيير – من ناحية صعب صدق صعب رح لدالوب
اللي جنب راسي طلع لنا ثنتين هاتهم راسي يعورني اصلا

في الشرطه \ مكتب ضاحي
ضاحي بعصبيه – تخسي تعرفهم بس تدري من بيجيب قرارك النقيب صقر
نادى على العسكري اللي وقف – سم طال عمرك
ضاحي – وده عند النقيب صقر
العسكري اللي رحم بو خضر اللي بيطرحه في يدين صقر اللي بيشبعه تكفيخ
واللي باين انه جاي هالحين معصب
العسكري – سم طال عمرك ( مسك بو خضر واتجهه فيه لصقر )
ضاحي – خلوا بنته تجي
بو خضر وقف العسكري – تكفى دخيلك بنتي مالها ذنب والله ماتعرف شي
ضاحي – انت هالحين رح وبعدين يصير خير

في مكتب صقر
ضربه على علباه – تكلم من وين تعرفهم
بو خضر اللي بدأ يقر – خلاص خلاص بعلمك كل شي بس خل النقيب ضاحي يحضر
صقر اللي بدأ يزر كموم بدلته واتجهه عند الباب ولقى الشرطي – خل النقيب
ضاحي يجي
العسكري – النقيب ضاحي عنده بنت المتهم وقاعد يستجوبها

في مكتب ضاحي
عطاها مويه تشربها – خلاص امسحي دموعك يانور
نور – ماتوقعت ابوي يسوي اللي يسويه انا ابي ارد كندا عند امي
ضاحي – هالحين بتقعدين عند دار الرعايه الأجتماعيه لين تخلص هالقضيه
لاتنسين ان حتى المباحث ببتدخل في القضيه وفيه محكمه وفيه سين جيم
نور تبكي – وابوي شبيصير فيه
ضاحي اللي ريح ظهره على الكرسي – بيأخذ جزاة خيانته لديرته يمكن
قصاص ويمكن سجن 15 او 20 سنه قضيته كبيره وعلى مستوى الدوله
نور جلست تبكي وتتحسر على ابوها اللي فقدته – طيب ابي اشوفه
ضاحي – هالحين مانقدر انتي بتروحين مع العسكر للدار وعقب فتره تقدرين
تكتبين معروض يخلونتس تشوفينه
نور اللي مصدومه باللي تسمعه – مااشوف ابوي !!
ضاحي – كيف تشوفينه وهو يتحقق معه انسي ابوتس هالفتره

في الليل
فارس اللي كاشخ بالعمامه شاف وحده من بنات عمه في المطبخ .. اتجهه لها
فارس – احم احم انتي هند صح
هند اللي ارفعت عينها بصدمه وناظرت فيه بنظرات بريئه
فارس ابتسم لها – اكيد تسألين كيف عرفت صح
هند رفعت حاجب
فارس – انتي الوحيده بين خواتس المليانه
هند انقهرت منه وكان في يدها كوب ماء كانت تشرب منه وكبته على ثوبه
وسط صدمته – انتي وش سويتي
هند اتجهت للمغسله ابرود وتغسل الكوب – ابي اعلمك فنون الحوار مع الناس
فارس انقهر – تقومين تكبين المويه على ثوبي الجديد والناس بيجون
هند ناظرت فيه – اسهل وسيله كانت في يدي
فارس عصب – قسم بالله انتس ماتستحين وانا الغلطان اللي جاي اتكلم مع
وحده مثلتس انقلعي يالله
وطلع معصب وتاركها وهو شاد ثوبه بيده عشان ماتمتلي ملابسه الداخليه

في الملحق \ بيت ضاحي
وضحى تربط برقعها زين – جدتي ضعيفه تبي تشوف وجهتس
شيخه – انتي عارفه اني مااحب اكشف وجهي
وضحى وهي تمشي بإتجاه الباب وقفتها شيخه – وين رايحه
وضحى – بروح اساعد عمتي في العشاء
شيخه – اقعدي بس
وضحى – عيب عليتس ياشيخه الحرمه ماشفنا منها شي وعيب اللي تسوينه
شيخه – آآآآآآآآه قاهرني قاهرني ولدها بس ماني بنت ناصر ان ماطلعت حقي
من عيونه
وضحى وهي خايفه على اختها – الله يهديتس ويصلحتس ياشيخه
شيه انقهرت – اقعدي ترى الضيفه لنا ومايصلح تطبخين
وضحى – اهم شي اساعدها اتخيلي هالمره امتس بترضينها توقف في المطبخ
بلحالها من دون مساعده
شيخه اعرفت كلام وضحى صحيح – بكيفتس روحي