((الجزء الواحد والعشرون ..............))
سهام :السلام عليكم
دانه :وعليكم السلام هلا فيك
سهام :اهلين كيفك الحين ان شاءالله احسن
دانه :الحمدالله انت شلونك وشلون امي وعمي واسماء من زمان ماشفتها
سهام :كلهم بخير ويسلمون عليك
دانه :الله يسلمك ويسلمهم
سهام :دانه انتي اكيد عارفه انا ليه هنا
دانه ابتسمت لها :اي عارفه ومافي شئ بتقولينه بغيير رايي
سهام :شوفي حبيبتي انا مالومك بعد الي شفتيه منه
دانه استغربت من كلامها يعني ممكن تكون عارفه عمايل حمد معي :مافهمت
سهام :لا تظنين انك بابودرة وخفي العيوب بتقدريت تخبين اثار الضرب
دانه يعني عارفين انه يمد ايده علي :...............
سهام :لا تخافين محد انتبه الا انا
دانه :شلون
سهام :لان هالشئ كان يصير لاماني الله يرحمها
دانه :كان يضربها
سهام :كثير واحيانا من غير سبب بعد
دانه :ليه طيب يسوي كذا مو حرام عليه
سهام :انا مااقول ان حمد مو غلطان بس صدقيني ظروف هي الي خلت حمد كذا وصدقيني لواني
مو متاكده انه يحبك وانتي تحبينه كان ماجيتك الحين
دانه "يحبني ها كثري منها ":لا تضحكين على انا عارفه ان حمد مايحبني ولا عمره حبني
سهام :وانا متاكده انه يموت فيك بعد
دانه :وشلون تاكدتي ايه باين من ضربه وتهزيئه على الداخله والطالعه ولا زوجاته الي بالمسيار لا
واضح انه يحبني
سهام :صدقيني يحبك انتي ماشفتي حالته كيف كانت يوم طحتي ماتركك الا من بعد ماتاكد انك بخير
بعدها راح لولده وحتى يوم منعتيه من انه يشوفك كان يجي ويشوفك
دانه انصدمت :كيف
سهام :كان ينتظرك تنامين ويدخل عليك من بعد مايرسل ممرضه تصرف الي عندك ويجلس عندك
دقايق ويطلع
دانه :وشلون مانتبهت له
سهام :هذا السؤال مااقدر اجوبك عليه تقدرين تسالينه هو
دانه :ماراح اساله ولا ابي اشوفه خلاص النفس عافته والله تعبت منه
سهام :صدقيني لما تعرفين ظروفه ممكن تعذرينه
دانه بقهر :ولو هذا مايعطيه الحق يعاملني كاني جاريه عنده
سهام "سامحني يارب":سمعيني انتي مالاحظتي كيف تعامله مع امي
دانه عقدت حواجبي :الا وانا مستغربه من جفاف معاملته لها وخفت اساله
سهام :لانه مو امه
دانه وعلامات الدهشه بوجهي :شلون
سهام :اي امي تصير مرت ابوه امه الحقيقيه توفت امي ربته
دانه :طيب امه توفت مو مبرر لتصرفاته معي ولا مع امك
سهام :انتي ليه مستعجله خليني اكمل
دانه :طيب كملي
سهام :حمد ماعاش طفوله طبيعيه زي غيره كان ابوي عصبي كثير عليه وعلينا
كان مذوقنا الويل وكان دايما يقول جنب اخواني ان الحريم مالهم امان وان الرجال الذكي
مايسلم قلبه ولا ثقته لمرة وكان يسب فينا وبامي وامه قدامه وفي يوم كان عمره 11سنه دخل
على امه بغرفتها وانصدم بالسوق الي معها وكانوا بوضيعه مشينه هو انصدم من الي شافه
دانه طلعت عيوني من مكانها :
سهام : وانفجع وراح طيران لابوي وراح لها ومسكها وصار يضرب فيها لحد ماكانت بتروح
في يدينه والكل عرف بالموضوع وابوي طلقها والسواق هرب المهم ابوي كان متزوج امي قبلها وكان
وصار ابوي يملا راسه ويقوله شفت كيف ان الحريم مالهم امان هذا امك وسوت كذا
دانه انصدمت من الي اسمعه :......................
سهام :بعد فترة امه انتحرت وبعد عزها وصلت لابوي رساله منها تقول فيها انها بريئه وكل الي صار
هي ماكانت واعيه له بسبب ان السواق خدرها واعتدى عليها والي اثبت هالشئ ان الرساله جات معها
ورقة تحاليل تثبيت ان بجسمها ذاك الوقت نسبه كبيرة من المخدر الي خدرها فيه السواق وقالت انها
كذا مرة اشتكت له من السواق ومن نظراته لها وهو مااهتم وقال لها انها تتهئ وانا عرفت انه هالشئ
صحيح لاني سمعتها تقول له وتقول لامي تحذرها من انا نركب معه لحالنا
دانه وانا مازالت مصدومه :وشلون وصل لها وخدرها
سهام :هي من اول ماشكت فيه وصارت ماتركب معه تجي مع صديقتها من الدوام او مع واحد من اخوانه
في يوم كانت مظطره تركب معه لان الكل مشغول ولما جات تنزل من السياره خدرها واستغل ان الكل
مو موجود وكان عارف انه محد بيجيها لان عارف ان اليوم مو يومها يوم امي يروح لها ابوي وكان
جناحها معزول عن البيت يعني يقدر يطلع ومافي حد ينتبه له بس الله كتب ان حمد الي يصيده
دانه :طيب امه بريئه صحيح انها صدمه له بس مو سبب يخليه يكون كذا
سهام بتنهيده :لانه ماعرف ان امه بريئه ابوي خبى عنه وقال لاحد يقول له يعني تقدرين تقولين من هالسالفه
حمد متعقد من الحريم وبقوة بعد ومايثق فيهم وانهم مجرد لعبه يتسلى فيهم حتى يوم ابوي اجبره يتزوج اماني
ماكان مهتم ابد كان يعاملها بجفاء قدمنا وكان يضربها بعد وكان مايخليها تطلع لمكان لوحدها ابد ويراقب
اتصالاتها وكل حاجه
دانه :يعني هو مايدري ان امه بريئه
سهام :لا صدقيني ياقلبي حمد تغير من اول مااخذك صحيح تغيير مو باين بس صار يجي البيت لانك موجوده
فيه تصدقين يوم كانت اماني عايشه كان يجي البيت يوم ويغيب شهر اما معك يغيب يوم او يومين بس
وغير كذا كنت اراقب نظراته لك وكيف اهتمامه فيك لما يدق ويسالني ان كنتي اكلت او لا ويسالنا اذا انتي
محتاجه حاجه وهو عند زوجاته
دانه "يعني معقوله تصرفته بسبب كذا ":مهما كان مااقدر ارجع له واعيش بالجحيم مرة ثانيه
سهام :ومن قال سمعيني لاترجعين له والا وانتي مقتنعه وابيك تذلينه وتجيبين راسه حمد يحبك بس مو راضي
يعترف لانه يحس انه يقلل من رجولته وخايف ان الي صار مع امه يصير معك
دانه احترت :يعني مافهمت
سهام ببتسامه :دندون انتي بشطارتك تقدرين تخلينه يثق فيك ويعترف لك بحبه بس مو على طول
لا حسسيه بغلطته خليه يندم على الساعه الي فكر يمد ايده عليك او يهينك
دانه :وتتوقعين اني اقدر
سهام :تقدرين بمساعدتي ومساعدة صديقتك ريهام
دانه كشرت :ريهام ايش دخلها
سهام : مو ريهام تصير زوجة اعز صديق لحمد احمد ولد عمي
دانه انصدمت :احمد تزوج على اسماء ومتى وكيف ريهام ترضى
سهام :تزوجها ثاني يوم من عرسه على اسماء وجابها لنا وعرفنا عليها من بعد طحتي
دانه :واسماء كيفها
سهام :عندنا بالبيت ومصرة على الطلاق
دانه :صدقيني سهام ماكنت عارفه ان ريهام بتتزوج احمد
سهام :عارف ياقلبي عارفه بس المهم فكري بالي قلته لك وان شاءالله بمساعدتي ومساعدة ريهام بتقدرين
دانه :سهام مااقدر انا مو قويه مثلك وحمد يعرف هالشئ
سهام :مشكلتك انك تقللين من نفسك لا ياعمري انتي قويه واقوى منا كلنا ولا في واحده تقدر تصبر وتتحمل
الي تحمليته من غير لاتشتكي لاهلها
اليوم اطلع من المستشفى وتفجات بابوي يقولي لي ان حمد ينتظرني :لا يايبه الله يخليك ماابي اروح
ابو عماد :طيب فهميني ليه
دانه :الله يخليك يمه قولي له ماابي اروح معه ابي اجي عندكم ابي ارتاح "وصرت ابكي "
ام عماد تحضني :خلاص قوله انها ماراح تجي معه يابوعماد ماتشوف حالتها
ابو عماد طلع يقول لحمد اني ماراح اجي معه بعد ثواني انفتح الباب بعصبيه :وليه حضرتك مو جايه
دانه رحت ورا امي :قلت لك انا ماابيك ابيك تطلقني
حمد ماسك نفسه قدام امي :نروح البيت ونتفاهم
دانه :مماني رايحه معك خلاص ارحمني ماابيك
حمد بحده :دانه قلت لك نتفاهم بالبيت مو تظنين اني تركتك على راحتك خلاص خذتي راحتك يلا قدامي
دخل ابوي :ياحمد هد اعصابك ماله داعي الصراخ يعني ماتشوف حالته وشلون خايفه منك خلاص
خلاها تجي عندنا البيت ترتاح كم يوم وبعدين يصير خير
حمد :بس
ابو عماد :لابس ولاغيره البنت محتاجه راحه ياولدي راعها
حمد بعدم اقتناع:طيب بس قول لها ياعمي تشيل من بالها فكرة الطلاق لاني مو مطلق
ابو عماد :يصير خير ان شاءالله
وانا طالعه مسكني حمد :لاتلعبين بالنار يادانه بتندمين
دانه حاولت ماابين له خوفي :مو كثر ماانا ندمانه على اليوم الي عرفتك فيه
وتركته ومانتظرت اسمع رده لي
احمد وريهام :السلام عليكم
الكل :وعليكم السلام
احمد :تعالي ريهام سلمي على امي
اسماء بصدمه :ريهام
ريهام تحب راس ام احمد:شلونك خالتي
ام احمد :الحمدالله بس انتي مين
احمد :يمه هذي مرتي
الكل انصدم :مرتك
احمد :اي مرتي
رغد :متى وشلون
احمد :متى وشلون خلوها بعدين انا جبتها عشان تتعرفون عليها
اسماء بستحقار :حقييييييييره
ريهام خافت وتخبت ورى احمد
احمد وبحده :اسماء
ام احمد :احمد من متى وانت متزوج وليه
احمد :صار لي فترة
اسماء :ليه ياحمد ليه تتزوج على ومين صاحبتي
احمد :قسمه ونصيب هذا الي ربي كاتبه
اسماء :وانت يلي ينقال عنك صديقه شلون ترضين تاخذينه وانتي عارفه انه زوجي
ريهام بخوف :اسماء
اسماء بصراخه :لاتنطقين اسمي
احمد :رغد خذي ريهام وطلعوا فوق
رغد :طيب
ام احمد :ليه ياحمد وشلون تتزوج من غير مانعرف
احمد :يعني لو قلت لكم بتوافقون
ام احمد :مدري بس المفروض ماتسويها من غير شورنا وغير كذا ايش راح يقولون الناس توك ماصار
اسبوع من زواجك على بنت عمك تروح وتتزوج عليها
احمد:صدقيني يمه مافكرت بالشئ هذا وانت عارفه ايش موقفي من زواجي من اسماء
ام احمد عارفه انه ماكان يبيها بس ابوه اجبره عليها :..............
احمد :يمه والله ماعرفت طعم السعادة والراحه الا من بعد مااخذتها هي الزوجه الي ابي اكمل حياتي
معها هي الي ابيها تكون ام عيالي لاني اخذتها بقتناع مني ومو مجبور
ام احمد ببتسمه :يمه هذي حياتك ومن حقك تختارها الله يسعدك يارب ويوفقك
اسماء الي كانت تتسمع عليهم عصبت ورقت بسرعه لريهام
رغد :عذرينا ريهام بس كانت صدمه لنا
ريهام :لا عادي عذرتكم
انفتح الباب بقوة :انتي ياخرابة البيوت ياحقيرة
ريهام خافت ورجعت على ورى :اسماء صدقيني ماكنت اعرف انه زوجك
اسماء بصراخ :كذابه
ريهام بخوف :والله يوم تقدم لي عرفت انه ولد عمك بس ماكنت اعرف انه زوجك وانتي ولامرة جبتي سيرته
او اسمه كل الي كنت اعرفه انه ولد عمك بس ايش اسمه مدري وبعد ماملكنا عرفت
اسماء بستحقار :انا ابي اعرف على ايش ماخذك انا اجمل واحلى منك
رغد :اسماء اهدي مايصير هالكلام
اسماء تتجاهلها :وحتى مستواك المادي مو من مستونا وانتي طبعا ماصدقتي تطلعين من الفقر فرصه وجاتك
على صحن من ذهب وشلون ترفضين
ريهام :مااسمح لك تهنيني وانا مااخذته عشان فلوسه احمد رجال والنعم منه واي بنت تحلم بزوج مثله
اسماء بستهزء :لا تعمين البنات مايتمنون رجال متزوج قولي الي مثلك واشكالك الي يدورون الفلوس
باي طريقه
ريهام :اسماء انا ساكته لك عشان عذرتك بس الى هنا وبس
اسماء تتقدم لها وتعطيها كف :قلت لك لاتنطقين اسمي انا مااتشرف ان حثاله مثلك تنطقه
احمد بحده :اسماااااء
اسماء خافت :............
احمد تقدم لها وصار مقابل لها وريهام وراه :شلون تتجراين وتمدين ايدك عليها
اسماء بخوف :..................
احمد :سمعيني ان سمعتك او شفتك مرة ثانيه تهينينها او تجرحينها بكلمه او تمدين ايدك عليها
ماتلومين الا نفسك فاهمه
اسما ماتحملت وطلعت من الغرفه احمد لف على ريهام الي الدموع ماليه وجهها :مسحيها بوجهي حبيبتي
ريهام رمت نفسها بحضنه :ليه تهيني كذا عارفه اني غلطانه اني اخذتك منها بس ليه تقلل نت قدري
احمد :بس ياقلبي عذريها هي منصدمه الحين
ريهام تمسح دموعها :لو كنت عارفه انها زوجتك قبل مانملك كان ماوافقت
احمد بزعل :افا يعني انتي ندمانه انك تزوجتيني
ريهام :صدقني انا ندمانه على الايام الي قضيتها من دونك احمد انا احبك
احمد ببتسامه :اي هذا الكلام الي يفرح
ريهام :بس ماكنت ابي اكون بالموقف هذا
احمد يبوس راسها :خلاص الموضوع انتهى الحين "ورفع راسها يشوف الضربه "تالمك
ريهام تحط ايدها على خدها :لا عادي
احمد يبعد يدها ويبوس خدها :لا تزعلين ياقلبي واوعدك من اليوم ورايح ماراح اسمح لاي مخلوق
يمد ايده عليك مره ثانيه
ريهام تحضنه :الله لا يحرمني منك
احمد :ولا منك
مر على وجودي بيت اهلي اسبوعين كلمت ريهام وبعد مهزئتها على تصرفها بس مااقدر اقاطعها لانها
اختارت حياتها وعلى الي سمعته منها انه مرتاح معها وماكان يبي اسماء اخذها لانه مجبور اما عبود
صار في تحسن بحالته بس ماصحى من الغيبوبة اما حمد صار كل يوم يدق على وانا ماارد عليه صار
يرسل ويهدد بس ماعبرته خلاص ياحمد انسى دانه الطيبه والغبيه ذبحتها ياحمد ماراح اخاف منك
بعد اليوم "والله ياحمد والله لا اجيب راسك واخليك تحفي لحد ماتوصل لرضاي "
ريهام :المهم الي فهمته من احمد ان حمد يذوب على الدلع يحب المرة تدلعه والي فهمته انه مايقدر
يقاوم برائتك وعفويتك
دانه :ايه باين
ريهام :شوفي حبيبتي صدقيني يموت فيك وهو مو حاس يقول احمد عن سالفة حبوب منع الحمل
لما ساله ليه متضايق لانه هو ماكان يفكر انه يجيب عيال قال له:تصدق اني حريص على موضوع
موانع الحمل مع الباقي الا هي انسى ومافتكر حتى فيه
احمد :طيب ليه قومت الدنيا عليها مدامها سوت الي تبيه
حمد :لا مو على كيفها انا ابي عيال ومنها هي بالذات
احمد :ليه هي بالذات يعني تبي تربطها فيك اكثر
حمد حط يديه على وجهه :مدري مدري
احمد :طيب ليه ضربتها مو حرام عليك
حمد بندم :صدقني مااحس بنفسي لما اضربها واتمنى ان ايدي تنقص قبل لامدها عليها بس مااقدر امسك
نفسي والي قهرني انها هي الي فكرت بموضوع الوانع هذا معناته انها ماتبيني وماتبي حاجه تربطها فيني
احمد :يعني انت تتمنى انها تحمل
حمد :صدقني مع حريمي عمري مانسيت الموانع وكنت اتاكد منهم انهم ياخذونها قدامي اماهي يمكن بلا
وعي مني كنت اتمنى طفل منها
احمد :حمد انت تحبها
حمد : لا لا انا عمري ماراح اسلم قلبي لحد وانت عارف رايي بالحب انه خرابيط مراهقين
احمد :يعني على كذا انا مراهق
حمد :والله انك فاضي
دانه :يعني انتي تنصحيني انفذ الي ببالي
ريهام :اذا مازلت تحبينه وعندك القدرة سويها
دانه بتنهيده :احبه صدقيني لما يترك العصبيه عنه مافي احسن منه احب فيه غيرته على احبه لما يحضني
بين يديه احس بالدفا والامان وانا بحضنه
ريهام : ياعيني ياعيني وينك ياحمد تسمع الغزل بس ان شاءالله ياعمري تنالين الي تبينه وتخلينه
يعترف انه يحبك بس ماقلتي لي ايش بتسوين
دانه :كل شئ بوقته حلو مو الحين بقولك
ريهام :ووجع دوين قولي
دانه بضحكه :نو نو
ريهام :حمدي ربك ان احمد وصل ولا كان ماسكرت منك الا وانا عارفه
دانه :يلا روحي لقيسك
ريهام :واحلى قيس باي
احمد :يعني انا صرت قيس الحين
ريهام تقوم له وتحاوط رقبته :واحلى قيس بحياتي
احمد يمسك خصرها :قلبي ولهت عليك
ريهام :وانا اكثر ..احط لك الغدا
احمد :اي ميت جوع
ريهام :ثواني ويصير جاهز
احمد يبوس جبينها :الله يخليك لي
ريهام بحيا :ولي
اسماء :اتركها ياحمد احسن لك
حمد من غير مايطالعها :انا ماطلبت رايك
اسماء :ما تشوف صديقتها الخوانه اكيد هي مثلها
حمد :الله يالدنيا الحين دانه صارت خوانه وين كلامك انها مثل اختك
اسماء بقهر :هذا قبل لاتخوايني صديقتها وتاخذ رجلي
حمد :في معلومه حاب اوضحها لك
اسماء :الي هي
حمد :ان ريهام مالحقت رجلك ولا حلمت فيه حتى هو الي جرا وراها وخطبها وانا كنت معه يومها
اسماء بصدمه :يعني انت تعرف انه متزوج علي وانت بعد الي رافقته "وتصفق له "ونعم الاخو
حمد :لاتتمسخرين وانا اقولك هالكلام مو علشان احرك او احرق قلبك بس ابيك تعرفين واقعك ان احمد
مااخذك حبا فيك كان مغصوب مثل ماانغصبت اخذ اماني
اسماء وبدت تبكي :بس هذا مايعطيه الحق انه يتزوج على ومتى ثاني يوم من زواجنا
حمد راح لها وحضنها :صديقيني ياسماء لو كان في امل ولو واحد بالميه ان احمد بيحبك ويتقبلك كزوجه
كنت انا الي وقفت بوجه وابيك تعرفين ان مافي رجال ينجبر على شئ ويقدر يتقبله بعدين
اسماء تشاهق :................
حمد يشد عليها :وانتي عارفه انه مايقدر يطلقك بسبب ابوه وابوي وهو ماكان يبي يظلمك بس هذا الي ربي
كاتبه لك وانتي لازم تتقبلين حياتك معه وبوجود ريهام
اسماء :شلون تبيني اتقبل اعيش مع واحد مايحبني
حمد :مو شرط الحب يكون اساس زواجكم اهم حاجه يكون بينكم الاحترام وبعد العشرة ممكن يحبك ويمكن لا
بس حطي ببالك انه ماراح يقصر عليك بشئ
اسماء :يعني تبيني ارجع له
حمد :انتي بترجعين له برضاك او من غيره وانتي عارفه ابوي
دانه :الو
حمد :معقوله الشيخه دانه متكرمه وداقه
دانه ببرود :اسمعني حمد انت مو راضي نتطلق صح
حمد :صح
دانه :اوكي
حمد :مافهمت ايش تقصدين
دانه :اقصد اني موافقه ارجع لك بس بشروطي
حمد :نعععععم
دانه احاول ماابين خوفي :الي سمعته والا ماراح ارجع
حمد بحده :بترجعين لاني طلاق ماراح اطلق والله لاخليك معلقه لا مطلقة ولا متزوجه
دانه :وانا عادي عندي الوضع لاني بصراحة عفت الزواج بسببك وكذا بتخلي لي عذر لو تطلقت منك
وتقدم لي اي احد
حمد بقهر من برودي :يعني عادي تكونين معلقه
دانه :واكثر من عادي اسمعني بتخليني معلقه على راحتك تبيني ارجع اوكي بس بشروطي
حمد وهو يصر على اسنانه :وايش شروطك
دانه :بقولك بس ماابي اي مقاطعه منك
حمد :خلصيني
دانه :اولا اسلوبك هذا تعدله معي انت مو جالس تكلم خادمه او صبي يشتغل عندك لازم تحترمين وتكلمني
باحترام
ثانيا لاتحلم اذا رجعت لك انك تمد ايدك على مرة ثانيه لاني ماراح اسكت لك سامع
حمد بستهزاء :وايش بتسوين
دانه :بسيطه اطلع فضايحك ياستاذ حمد زواجاتك وضربك لي بسبب ومن غير سبب
حمد بقهر :خلصتي
دانه :لا باقي شرط وهو الاهم
حمد :تفضلي طربيني
دانه :لما ارجع انت تكون بغرفه وانا بغرفه يعني مايجمعنا سرير واحد
حمد :خيييييييييير
دانه ببرود:لو سمحت لاتصرخ
حمد :انتي سامعه ايش تقولين
دانه :اي انا مااقبل انك تقربني لحد
حمد بفضول :لحد ايش
دانه :لحد مارجع احبك واتقبل وجودك بحياتي مرة ثانيه
حمد بصدمه :يعني انتي
دانه :ايه ياحمد ماعدت احبك انت زرعت بقلبي لك كره عمري ماتخيلت اني اكره حد بهالطريقه
حمد مو مصدق :لا انتي تكذبين انتي تحبيني
دانه :لا غلطان ياحمد ابيك تعرف من بعد طيحتي دانه القديمه ماتت دانه المطيعه ماتت دانه الغبيه الي تنهان
وتنداس كرامتها ماتت دانه الي حبتك بيوم ماتت وانت الي ذبحتها بمعاملتك اسمعني عدل من اليوم ورايح
ماراح اسكت عن حقي ماراح ا لك سكت لو انهت
حمد :واذا ماعدت تحبيني ليه قابله ترجعين لي
دانه :لاني ماعندي خيار ثاني ولاني ماابي اكون عاله على اهالي اوسبب لقلقهم علي ويمكن واقولك يمكن
بعد ماتنفذ شروطي واحسك تغيرت يمكن ارجع واحبك
حمد :وبعدها
دانه :بعدها ماحد يعرف علم الغيب
حمد :وانا موافق
دانه بعدم مباله :تقدر بكرة تمر وتاخذ اغراضي وبعد ماترتب غرفتك تمرني
حمد :غرفتي
دانه :اي الغرفه الثانيه الي بالجناح راح تكون لك
حمد بقهر وسعادة بنفس الوقت :اوكي ومايحتاج نخلي جيتك يوم ثاني بكرة امرك لان غرفتي
بتتجهز الحين
دانه :اوكي سلام
وسكرت "اااااااااه اشتقت لك ياحمد اكثر من شهر وماشفتك اكذب على مين واقول مااحبك انا اموت فيك
ومااتخيل حياتي من غيرك بس لازم اكسر غرورك ياحمد وان ماخليتك تجري وراي تطلب رضاي مااكون
دانه يارب عطني القوة يارب مااضعف قدامه واحن له يارب "
هنادي :نايف
نايف :هلا
هنادي :ايش تتمنى يجي ولد ولا بنت
نايف يجلس جنبها ويحط ايده على بطنها :الي يجي من الله حياه الله مايهمني
هنادي :يعني لو جبت بنت ماراح تزعل
نايف :بالعكس بفرح كثير مافي احلى من البنات ودلعهم وعاد اذا صار مثل دلع امها شئ ثاني
هنادي :والله
نايف :والله بس ليه في احد قالك اني راح ازعل
هنادي:الصراحه اي اسماء مدري ليه صايره تحب تنكد على اسماء تغيرت كثير نادر مااشوفها واذا شفتها
سمعتني كلام مو حلو
نايف :مثل ايش
هنادي :تقول اني سمنانه كثير وانت بتخاف من شكلي وبتتركني وانك اذا جبت انا بنت بتتزوج علي
نايف يحضنها :اموت ولا اتركك انتي عارفه اني احبك انتي وبس ولاغير سكن قلبي واما عن البنت
قولي لها نايف مايبي الا بنات سامعه وبعدين عذريها هي تمر بظروف تخليها تتصرف كذا
هنادي :عارفه عشان كذا مازعلت منها واحاول اتحاشها عشان مااغلط عليها
نايف :ياقلبي انتي
هنادي بدلع :احبك احبك ولا اتصور حياتي من دونك
نايف خق :وانا امووووووووت فيك
اسماء :انا موافقه يبه ارجع لاحمد بس بشرط
ابو عبدالرحمن :وهو
اسماء :انه يسكني مع زوجته الثانيه بنفس البيت
ابو عبد الرحمن :متاكده يعني انتي موافقه تعيشين مع ضرتك
اسماء "ابي اعرف على ايش حبها انا اجمل منها وابيض منها ابي اعرف ليه متعلق فيها كذا والله ياريهام
لااخليك تندمين على اليوم الي فكرت فيه تتزوجين فيه احمد ":اي متاكده
ابو عبدالرحمن :على راحتك