شبكة همس الشوق - عرض مشاركة واحدة

11 - 1 - 2014, 03:32 AM

((الجزء الثامن والعشرون ................))

ريهام :خلاص حبيبي انتظرك

احمد :دقايق وانا جاي

ريهام :مم جبت معك الخوخ

احمد :هههههه اي جبته دوختيني لحد ماحصلت الحامض

ريهام :سوري تعبتك معي

احمد : تعبك راحه ياقلبي

ريهام :باي

اسماء :لاتفرحين كلها كم يوم واخليك تندمين

ريهام بخوف :اسماء من متى وانتي هنا

اسماء :من يوم "تقلد صوتها "خلاص حبيبي

ريهام تجهلتها وراحت عنها :..........

اسماء :تعالي هنا يازفته انا لما اكلمك ماتعطيني ظهرك

ريهام :اسماء لو سمحتي حسني الفاظك

اسماء بتحدي :واذا ماحسنتها ايش بتسوين

ريهام تراجعت على ورى من الخوف :اسماء اقصري الشر

احمد :السلام

ريهام شافته وراحت طيران له :وعليكم السلام هلا تو مانور البيت

احمد ببتسامه :بوجودكم "وهو يطالع اسماء "

اسماء جات لعنده :حبيبي احط الغدا

احمد :ايه جوعان مره ايش طابخه اليوم

اسماء :سمك

ريهام كشرت بوجهها لانها من حملت صارت ماتحب الاكلات البحريه :انا لاتحسبوني

احمد :ليه

ريهام :صايره مااحب السمك ولا توابعه

اسماء كانت عارفه ان ريهام متوحمه على الاكلات البحريه ومسويتها عناد وببراءه :يوه ياريهام

ليه ماقلتي

ريهام كانت تبيت تحشى أي احتكاك بينها :حصل خير

احمد :طيب وش راح تاكلين تبين اطلب لك حاجه

ريهام :لا مايحتاج انا بسوي لي حاجه خفيفه لاني ابي انام بعدها

اسماء :يلا حبيبي روح غير على مااحط الغدا

احمد :اوكي

بعد الغدا تفجانا من اسماء داخله علينا بفستان قصير لحد الركبه ومخصر على جسمها وعلاق ومسيحه شعرها

وحاطه فل ميك اب وجلست عند احمد الي شوي وبتجلس بحضنه :حبيبي

احمد يبلع ريقه :هلا

اسماء بدلع :مو قايم تريح

احمد يقزها قز :الا

اسماء :يلا قوم عشان تلحق على صلاة المغرب

احمد خق خلاص صحيح هو مايحبها بس اسماء جميله وبدلعها تذوب أي رجال :يلا

ريهام او مره اشوف احمد كذا معها حسيت بالغيره :احمد

احمد وهو يطالع اسماء :ها

ريهام اول مره يرد علي كذا وبقهر :متى راح توديني للموعد

احمد يطالع باسماء الي تسبل بعيونها له :............

ريهام :ااحمد

احمد :ها ..هلا

ريهام شوي وبتنفجر :متى بتوديني للموعد

احمد :ايه بعد مااصحى ان شاءالله

اسماء تسحبه من ايده :يلا حبيبي عشان تلحق تريح

احمد :ايه يلا

دخلو على غرفتهم واحمد خاق على الخر على اسماء :حبيبي تبي اطلع لك بيجامه

احمد يحواطها من خصرها ويقربها له :ماله داعي

اسماء بدلع :بتنام بملابسك

احمد بنظرات :من قال اني بنام

اسماء :ههههههههههههههههههه

احمد :اقول اسوم

اسماء :هلا

احمد بغمزه :طفي الضو

اسماء وتسبل بعيونها :من عيوني

.................................................. ........

منى :جلسي عاد بلا مصاخه

هنادي :والله مااقدر كثر خيره خلني اجلس للحين

دانه :يوه هنادي على الاقل الليله بس

هنادي :اذا هو قدر فانا مااقدر

دانه :اوفف وين الي كانت تبيت كنسل الزواج

هنادي :ههههههههه بس فضحتينا

منى نطت :ليه كنت تبين تكنسلينه

دانه :هههههههههههه وش يفكك منها الحين

هنادي ترد على جوالها :هلا حبيبي جايه الحين

منى :افف منه ماصدق خبر قلتي بروح وسنتر على الباب

هنادي :وجع قولي ماشاءلله

منى بعناد :ماني قايله زين

هنادي :لو بجلس معك لبكره ماني خالصه يلا باي

منى ودانه :باي

منى :وانتي لا يكون تدقين على زوجك

دانه "وينه زوجي اكيد مع واحد من حريمه ":لا يمه منك ماني داقه

منى :ايه على بالي بعد

دانه "غريبه وش عنده داق يمكن رجع لا مااظن بس ماراح ارد عليك ":...............ز

منى :ردي جوالك يرن

دانه :مالي خلق

منى بفضول :مين

دانه "والله لو اقولك حمد سويتي لي فضيحه ":واحده من ربعي ايام الجامعه

منى :وش اخبار رهوم من زمان ماشفتها

دانه :الله يكون بعونها مسكينه

منى :محد قالها توافق تتزوج واحد متزوج

دانه :هذا نصيبها

رجع حمد دق بس حطيته على السيلنت وكملت سوالف مع منى بس انتبهت للجوال يهز شفته الا مسج

"دانه ردي ابي اقولك حاجه بتفرحك "

دانه "لا لايكون بيطلقني "وعلى طول رفعته لما دق:الو

حمد :يعني لو ماقلت لك انها حاجه بتفرحك ولا كان مارديتي

دانه :حمد خلصني

حمد :افف الاخلاق قافله

دانه "استغربت انه ماهزئني لاني تجاهلته ومارديت ":حمد

حمد :عيونه

دانه :غريبه شصاير بالدنيا شكلك فرحان

حمد بفرح :وبطير من الفرح

دانه :والمناسبه

حمد :عبود صحى من الغيبوبه

دانه فرحت كثير :والله قول والله عبود صحى

حمد :ايه تو نايف مكلمني وانا الحين جاي بالطريق

دانه من غير لا انتبه لنفسي :ياربي حبيبي ماني مصدقه عبود صحى

حمد مو مصدق :ياقلبي انتي

دانه "يي شفيني خرتها ":انا اقصد عبود حبيبي مو انت لاتفرح

حمد بخيبة امل :اذا انتي تحبينه كانك تحبيني

دانه :اذا لسه ماتهنيت مع الجديده لاتقطع شهر العسل انا بروح اجلس معه

حمد عصب :أي جديد هواي خرابيط ووين تجلسين معه لحالك

دانه :اكيد ماسافرت الا طايح على زواجه

حمد بقهر :وعادي عندك

دانه وانا اتطنع البرود:واكثر من عادي انت ناسي لما قلت لك انك ماعاد تهمني

حمد يصر على اسنانه :دانه

دانه :يلا حمد انا مشغوله الحين

حمد :دانه

سكرت الجوال وانا ماودي سويت كذا بس لازم اتعامل معك كذا لما تشوف التجاهل مني هو الي بخليك تتعلق

فيني ياحمد

الكل فرح بصحوة عبود والكل تجمع عنده وصارت غرفته ماتفضى الا لما تنتهي الزياره وقال لنا الدكتور

انه بيطلع من المستشفى بعد اسبوعين لانه بيسون له علاج فيزيائي بسبب نومته الطويله

حمد :يلا دانه انا برا

دانه :مانت داخل تسلم على هلي

حمد :لازم

دانه بعتب :ياحمد حسسني اني مهم عندك

حمد :وانا ايش جالس اسوي مو لما رجعت من السفر وجيت اخذك قلت بتجلسين ومارفضت

دانه :انا مااقصد من هالناحيه اقصد حط لاهلي اعتبار اسال عنهم سلم مثل ماهم يسالون عنك ويفرحون
بك اذا جيت

حمد "ايه صادقه والله اني مقصر بحقهم كثير ومامره شفتهم يعتبون على ":طيب هم موجودين

دانه :بتدخل

حمد :ايه يلا شوفي لي طريق

دانه بفرح :طيب ثواني

حمد :ههههههههههههههههههه الله يقطع شرك ياراكان

راكان :والله هذا الي صار

عماد :هههههههههههههههههه

راكان :في بعد ثانيه في واحد بالجامعه تخصصه عن علم الطيور او حاجه مثل كذا المهم

الرجال ابد مايحضر محاضرات ولاشئ جاى يوم الامتحان وصار يذاكر لحد ماحس انه حفظ المنهج

لما دخل الامتحان تفجاء ان مافيه الا سؤال واحد بس ...الدكتور حاط لهم رسم لرجول الطيور وكاتب

تعرف على الطيور من رجولهم ....طيب الولد توهق ماعرف يجاوب قام يسلم للدكتور الورقه وهو

يسلمها قال له الصراحه اسوء اختبار والاسوء منه الدكتور الي حطها

قال الدكتور وهو معصب :اعتبر حالك راسب من الحين

ولما شاف الورقه شافها من غير اسم قال له ايش اسمك انت قام الولد رفع ثوبه وانحاش وهو يركض

قال :اعرف اسمي من رجولي اذا في امك خير <<<<<القصه حقيقيه قريتها من احد المنتديات

الكل :ههههههههههههههههههههههههههههههههههههههه

حمد :ههههههههه اااه يابطني هههههههههههههههه

راكان :ههههههه شفت كيف اني فله

حمد :وانا اشهد هههههههههههههههههههه

دانه :من مستلم الحين الاخ

راكان :ولا احد بس شكلي بستلمك الحين

دانه :لا شكرا عندك المجلس مليان استلم من تبغى

راكان يلعب بحواجبه :دوين كم تعطيني والا اطلع فضايحك

دانه كشرت بوجهي له :ووجع ان تكلمت ماتلوم الا نفسك

حمد عجبه الوضع :راكان لك الي تبي بس طلع من هالفضايح طلع

راكان :لي الي ابي

حمد :لك بس قول

راكان يسوي نفسه يفكر :مممممم ايه تدري ا نمرتك نذله وبقوه بعد

حمد :شلون

راكان :مره كان اخر الليل طيب وطلعت وشفتها تاكل تويكس وانا كنت جايع ومافي محلات فاتحه

وغير كذا اهلي ماراح يخلوني اطلع

حمد :ليه

راكان :لاني كنت بالمتوسط ومسوين على حضر ذاك الوقت المهم قلت للشيخه البريئه الي جنبك عطيني

قالت لي لا قلت لها يلا عاد جايع حدي اسوي لك الي تبين قالت بنظرات كلها شر ونذاله الي ابي

وانا البرئ والي على نياتي قلت ايه قالت اعطيك بس بشرط ترقى وتنزل من الدرج ثلاث مرات وانت

تقول انا حمار

حمد :هههههههههههههههههههههههههههههه وسويتها

راكان :صدق لا قالوا الجوع كافر أي سويتها

الكل :ههههههههههههههههههههههههههههههههههههههههههه

بندر :والله كثر ماتنعاد السالفه ماامل منها هههههههههههههههههههههه

حمد :ايه يما قالوا يما تحت السواهي دواهي

دانه نظراته وانا رافعه حاجبي :والمغزى من هالكلام

حمد :هههههههههههه ولاشئ

راكان :ايه ياما ذقت الويل من مرتك حتى احيانا توصل فيني ان ودي اشيلها واحطها بكرتون

واهز فيها لحد مااطلع كل حرتي

حمد :ههههههههه والله بتدخل فيه وبيصير في مجال لشخص ثاني

دانه قهروني مستلميني :ياسلام

حمد :والله ماتشوفين شكلك صايره نتفه حتى احيانا اذا مسكت يدك اشك اني ماسك شئ من كثر ماهي

ضايعه بيدي

دانه :اجل انتوا الي يدينكم بر من كبرها

راكان :ايه والله ياحمد مرتك طلعت طفره جينيه بينا كلنا طوال الا هي حتى اذا رحنا مكان

نخاف تضيع علينا

حمد :هههههههههههههههههههههههههههه

دانه برطمت وجيت بقوم بس حمد مسك يدي :جلسي وين رايحه

دانه :ليه اجلس عشان تتمسحرون علي ماني جالسه

حمد :خلاص ياراكان لاتتمسخر على زوجتي

دانه :لا تو الناس يوم شبعت قلت له لاتتمسخر

حمد :ههههههه

راكان :ولايهمك الحين اراضيك

وقام ورفع ثوبه :فتحي يدينك

دانه بخوف :ليه

راكان :بجي احضنك

حمد بجراءه جرني لحضنه :لا يارجال ماني مستغني عن حرمتي ناوي تذبحها

دانه انا قلب وجهي ميه لون من الاحراج :...............

راكان يضحك :يارجال خلني اراضيها

حمد :تراضيها قال قل ناوي تمسحها من الوجود والله ان طبيت ماعاد نشوفها

عماد :ههههههههه بتصير هي والارض واحد

بندر :هههههههههه خلاص مو قادر

دانه فكيت نفسي منه بالقوة وطلعت بسرعه من المجلس وانا بقمة الاحراج من الي صار

حمد :ههه يلا نشوفك على خير

عماد :وين يارجال تو الناس

حمد :والله قعدتكم ماتنمل مره ثانيه ان شاءالله

بندر :حياك باي وقت البيت بيتك

حمد :الله يسلمك

دانه :مو رايحين البيت

حمد :الا بس بنروح نتعشى قبل

دانه :بس انا موجايعه

حمد :بس انا جايع

وقفنا عند المطعم ونزلنا وطلبنا الاكل واكلنا وانبسطت كثير حمد متغير كثير صاير يمزح ويضحك

وطول جلستنا وانا اضحك

حمد :تصدقيني تصيرين غير لاضحكتي

دانه :كيف يعني

حمد :انت من غير شئ وتهبلين بالواحد وتضحكين بعد لا رحت وطي

دانه خجلت من تعليقه :حمد

حمد :عيونه

دانه :يلا نمشي تاخرنا

طلعنا بعدها رحنا للمجمعات نتمشى وحنا نتمشى لحقونا مجموعه من الشباب وحمد طول الوقت يلف

عليهم ويعطيهم نظره

الشاب بكل وقاحه :اقول ياحلوا اذا نام ابوك اليوم عطيني دقه ورمى على الورقه

حمد لف عليه وبحده :أي الكلب ياحقير

شكلهم انصرعوا منه ماشفت الا غبارتهم ولف على وهو حده :وانتي عاجبك الوضع غطي عيونك

دانه :ماحبيت اتناقش معه لانه ارعبني الصراحه :...................

بعدها صرنا ندور بالمجمع لحد ماجلسنا بالكوفي

حمد بهدوء :فتحي غطاك اذا تبين

دانه مارديت عليه :............

حمد :دانه انا اكلمك

دانه :.............

حمد بشويه حده :دانه

دانه :لو سمحت قصر صوتك احنا بمكان عام

حمد :علمي نفسك ليه ماتردين يوم كلمتك

دانه :ليه ارد عليك عشان تطول صوتك على طيب هو جاى انا وش ذنبي مااظن اني شجعته

انه يجي لعندي

حمد ببتسامه :ادري ياقلبي بس انا طبعي كذا لعصبت مااحس ايش اسوي

دانه :ياسلام ماتحس وانا الي اطيح فيها

حمد :ولا يهمك ماراح اعيدها مره ثانيه

دانه :.................

حمد :طيب وش تبين اطلب لك

دانه :ولا شئ

حمد :خلاص دندون

دانه :..........

حمد :ياقلبي ماقدرت امسك نفسي وانا اشوفه يرقمك وبوجهي بعد انا رجال واغير"وسكت "وماارضى

حد يتعدى على املاكي

دانه"ليه يعني ماتعترف انك تغار " بقهر :ياسلام صرت من املاكك وش شايفني طاوله ولا كرسي

حمد :يادانه فهميني

دانه :حمد الله يخليك سكر على الموضوع لانه بيكبر بعدين

حمد :طيب وش تبين الحين

دانه :مافي شئ على بالي

حمد :بطلب لك عصير زيي

دانه :طيب

رجعنا البيت وصعدنا الجناح ورحت بسرعه غيرت ملابسي ونمت وحمد كان بالحمام يتروش

ماابي يصير بينا أي احتكاك الحين وقفلت على نفسي بالغرفه الثانيه

طلع حمد من الحمام ويظن اني بغرفتنا وتفجاء باني مقفله على نفسي جاى طق الباب بس مارديت

عليه

حمد "طيب يادانه بس هالوضع ماراح اسكت عليه كثير "وراح هو ينام بعد