شبكة همس الشوق - عرض مشاركة واحدة

10 - 7 - 2011, 06:33 AM

#الـجــزء الـثــالــث/
في غرفتها تبكي بحرقه:يــمــاااه..نايف سبب دخول راشد السجن هو السبب..
ام ساره:هذا انتي قلتيها..دخله السجن بقضيه هدت حيل العايله بكبرها..
ساره:يممه لازم اقول لأبوي..
ام ساره:ابوك يدري..من فصخ نايف التعاقدات مع ابوك..أول شيء سواه نايف بعد مامات ابوه..
ساره انقهرت:والله لأنتقم منه..والـلــه..
ام ساره:اقوول اعقلي..وخليك رااكده...
ساره:عهدن علي لأحرق قلبه على ريما مثل ماحرق قلبي على راشد..

,
,
,
بعد اسبوعين على وفاة بو نايف...
الساعه8ونصف صباحاً..
نايف جالس فالصاله ويشرب قهوه..وقدامه الجريده..
نزلت زينه ومعها ولدها:صباح الخير
نايف التفت ببتسامه:هلا زينه..صباح النور انتم للحين هنا..
زينه جلست ولدها عالكرسي وجلست:أيه زوجي ماعنده اجازه خلاني هنا اسبوعين وبيرجع ياخذنا..
نايف سكت وكمل فطوره..
زينه:أنت رايح مكان..أشوفك لابس..
نايف:أيه رايح للشركه..
زينه استغربت انه مهتم..بالعاده آآخر اهتماماته:رايح تداوم!!
نايف:وش الغريب فالشيء..أنا المسئؤل اللحين..لازم اكون قد المسؤليه..وين امي؟
زينه:أمي بغرفتها مو راضيه تنزل..
سكت نايف..
زينه شافت الجريده وجلست تتصفحها..وصفرت:مـاشـاء الله..هذي الناس اللي عندها عزيمه وطموح..
نايف:وش السالفه؟
زينه نزلت الجريده عالطاوله علشان توريه:نااظر..بالمانشيت العريض.أصغر سيدة أعمال فالرياض:ديمه الفواز..حاطين معها لقاء بعد..صدق عالم عندها مخ..
نايف سحب الجريده وجلس يطالع صورتها..
زينه:هههه أقرأ الحواار لاتقعد اتطالع فالبنت..
نايف:هالبنت...<<سكت
زينه:شفيها هالبنت؟..حلوه قديمه لنا عيون ونشوف..
نايف بلع ريقه:كانت....
زينه:كانت أيــش؟
نايف قام وهو متوتر:أنا طالع عندي شغله فالبنك لازم اخلصها تأخرت..فمان الله
زينه لوت بوزها:فمان الكريم...شكان بيقول عن ديمه الفواز..ذبحني الفضول
زينه رجعت تناظر بصورة ديمه..وشهقت:هـذي نفس البنت اللي جاءت بزواج نـاايف:بروح أسأل أمي..والا بيطق فيني عرق
عند الأم/..
دخلت زينه بهدوء وجلست:يمه
ام نايف ألتفتت عليها ثم صدت:خــيرر..
زينه مدت الجريده على أمها:من هي ريما الفواز؟.
ام نايف سكتت..وهي تطالع الجريده..
زينه:يمه مابي اكون مثل الأطرش فالزفه..هالمره جات في عرس أخوي وقالت انها اختنا من الرضاعه وأختفت فجأه الكل يسألني..من متى وكيف ومن وين؟
ام نايف وقفت معصبه:وأنتي وش خلاك تثيرين هالموضوع هاللحين..
زينه:أخوي نايف قبل شوي لمن شاف الصوره..تنهد..اتقولين ردتله روحه..ومن ثم قال هذي كانت..وسكت...أقص يدي إذا أنتي ماتعرفين شيء عنهم..
ام نايف هدأت شوي وجلست....

,
,
نايف بالطريق طلع جواله وكتب مسج سريع وأرسله....
,
,
,
بطريقها رايحه..وتكلم فالجوال:ايوه سحر..أنا حالياً رايحه عالبنك اخلص واجيك البيت ..باي
سكرت الجوال وشافت المسج من نايف وفتحته بترقب[صباح الخير..كيف الحال..أتمنى تكونين بخير..حبيت اباركلك..بمناسبة نجاحك,شفتك اليوم فالجرايد..منورتها..الله يوفقك..وآسف لو ازعجتك بهالمسج....نايف السواف]
رنفير بدأ يفقد السيطره على السياره..
ريما خافت:رنفييير شفييك وش صاايرلك اليوم..
رنفير بخوف:مداام مافيه "بريك"..خرباان..مايشتغل..
ريما:خفف السرعه الله ياخذك..السياره توها جديده مايمديها تخرب..
رنفير..خفف السرعه يبي يوقف لأنه أقبل عالبنك.بس .ماقدر.. صدم بعامود الأناره..
ريما صاااحت بأقوى ماعندها ويدها على بطنها وتتألم:آآآآآآآآه
رنفير ماصار فيه شيء نزل:مداام مداام
وقفت سياره ونزل نايف ركض..لأنه عرف رنفير:رنفير ايش مشكله..
رنفير وهو يبكي:أنا مافي مشكله..مشكله هنا مدام..تعبان وااجد
ريما سمعت صوت نايف:نـآآآيف ألحقني..
نايف راح لبابها ركض وفتحه..وطلعها بسرعه وشالها:لاتخافين كل شيء بيكون اوكي
ريما وهي تبكي:آآآه آلم بكل مكااان يانايف..ألم..
نايف ركبها السياره:تحملي ثواني وحنا واصلين المستشفى..
اسرع نايف وراح لأقرب مستشفى...

,
فالطوارئ../
واقف نايف وينتظر على جمر...يارب سترك..
طلعت ممرضه معصبه:أخ نايف
نايف خاف من نظراتها:نعم..
الممرضه:تعاال شوفلك صرفه مع زوجتك.. تقول ماتبي تاخذ الأبره إلا لين تجي انت..
نايف تذكرها ماتحب الأبر وياما..عقدته لمن يطعمون أو تحلل,دخل واتجه نحوها ببتسامه..
ريما والدمعه بعينها وكأنها طفله صغيره:نـآيف الحقني بيعطوني أبره..
نايف مسك يدها وباسها..وغمز للممرضه تبدأ:لازم ياقلبي..تاخذينها علشان تثبت البيبي وتسكن ألآمك..ماراح تحسين فيها ابد..
ريما دخلت جو بعيونه...
الممرضه:خلاص..
ريما فرحت:يعني مافي ابره
نايف:ههه لا ياقلبي عطوك ابره وخلصوا وأنا اكلمك..
ريما ابتسمت من الخجل لأنها ماحست بها:..
الممرضه:انتي بأي شهر مدام..
ريما خافت تجاوب,وغيرت الموضوع:نادي الدكتوره ابي الدكتوره..
الممرضه:اصلن هاللحين لازم تروحون للدكتوره...علشان السونار..لازم نشوف البيبي سليم والا ..
ريما مدت بوزها:لازم
نايف:ههه مووبكيفك..غصب..هذا ولد ريما الفواز مو حيالله ولد..
ريما ابتسمت..وهي تخفي حزنها..لأنه مايدري أن هاللي ببطنها ولده..
,
,
,
,
حسام..تعب وهويتصل فيها وماترد..فالأخير اتصل فالبيت ومحد يرد..
تذكر رنفير..واتصل:ألووه رنفير
رنفير:نعم بابو
حسام:وين المدام؟
رنفير:بابو هازا اليوم سوي اكسدنت بعدين يجي سير نايف ودي هوسبيتل..
حسام قام مفزوع:ليش وش صاير تعبت..
رنفير:وااجد تعبانه وااجد..
حسام:طيب وين المستشفى..
رنفير:ماافي معلووم
حسام سكر التلفون بوجهه وقام وطلع......
,
,
,
,
في العياده/
وعلى سرير الكشف..مستلقيه ريما وعينها عالشاشه جنبها..
الدكتوره ببتسامه:مـاشاء الله..ولد..
ريما ببتسامه فيها دمعه:كنت حاسه أنه ولد..
نايف:شمعنى؟
ريما:كـذا..احساس لا اكثر..
نايف جلس يطالعها ..
الدكتوره:هذي رجلينه..وهذي يدينه..
نايف يطالع وعينه كل شوي على ريما:كيف صحته؟
الدكتوره:كوييس..اسمعوا هالصوت..
ريما تسمع:وش هذا..
الدكتوره:هذي نبضات قلب البيبي..
نايف يسمع وهو مقهووور..هذا الولد اللي قلبه ينبض برحم ريما من رجال ثاني..مو منه..هالشيء مووته غيره.بس ساكت..
ريما نزلت دموعها:اتصدقين أول مره اروح دكتوره من حملت!!
الدكتوره:هههه طيب ليش؟..
ريما:البزنس ماخذ كل وقتي..
الدكتوره التفت عليها:عرفتك انتي ديمه الفوااز..اصغر سيدة اعمال
ريما ابتسمت:ههه حلو صرت مشهوره
الدكتوره:والله ماشاء الله عليييك يعطيك العافيه
ريما:الله يعافيك مشكوره
الدكتوره:..أنتي تدخنين؟
ريما:ايوه..
الدكتوره:وليه؟..حرام عليكي..احتمال كبير هالولد يطلع ضعيف..
ريما خافت:ضعيف!!
الدكتوره طلعت صور ثابته وعطت كل واحد نسخه..:ايوه..ضعيف وماعنده مناعه
راحت الدكتوره وجلست عالمكتب..
ريما خافت من جد..
نايف عرف وش تفكر فيه حط يده على بطنها بحنان:لاتخافين..أنتي بس بطلي تدخين وكل شيء راح يكون أوكي
ريما جاتها قشعريره من لمسته,أول مره يسويها ويلمس بطنها بهالحنان..وكأنه يعرف أنه أبو الولد,مدت يدها وحطتها على يده,,ببتسامه فيها دموع...
الدكتوره:ههههه الله يخليكون كملوا الباقي فالبيت موهوون
نايف وريما استحوا...
,
,

فالبيت /
الكل جالس على اعصابه ينتظرها..
حسام انقهر:مومعقوله انشقت الأرض وبلعتها..ولا مستشفى موجوده فيه وين رااحت..
ام ريما جالسه وتبكي:آآه يابنتي
فاديه:اذكري الله يانادين
حسام ولع..
,
,

الساعه10 ونص بالليل...
فندق الشيراتون..
طلعت ريما مع نايف من الفندق..وركبوا السياره والسكوت عنوانهم..
ريما تطالع بالجهه الثانيه وساكته..
نايف:كيف حاسه اللحين؟
ريما تبلع ريقها:مرتاآحه..
نايف اخذ يدها وباسها:..
ريما ساكته وتكلم نفسها((ليش اسوي كذا))..
نايف:حبيبتي.راح احاول أسوي مثل ماقلتي.واطلع من حياتك..اوعدك ماعاد راح تشوفيني..
ريما التفتت عند الجمله الأخيره ونزلت دمعتها وبلعت عبرتها..وهي ساكته...
نايف:إلا ماقلتيلي وش بتسمين الولد..
ريما:ابوه يقول إذا الله رزقنا بولد..راح نسميه"عبدالعزيز"..
نايف تذكر أنه قد قالها هالكلام:يعني بعد زوجك هذا يحب اسم عبدالعزيز..
ريما هزت راسها بالإيجاب..
نايف سكت وكمل طريقه..لين وقف عند باب بيتها:تفضلي
ريما التفتت تطالعه ودها تقول شيء ومتردده:نايف
نايف:سمي..ريمي تبين تقولين شيء
ريما ترددت:هااه..لا لاخلاص..تصبح على خير
نايف:أوكي وانتي من اهله..انتبهي على نفسك..وخذي هالورقه
ريما:وش هذي؟
نايف:ورقة المستشفى..علشان لو أحتجتيها راح تلاقينها
ريما حطتها فشنطتها:ثانكيو..باي
دخلت وسكرت الباب..
نايف تنهد:باي ياقلبي..
مشى وهو ناوي يتركها تتهنى بعيشتها..خلاص..اتعبها هو وأمه بما فيه الكفايه..
,
,
,
,
..

فالبيت/
الكل راح لغرفته ونام ماعدا ام ريما وحسام جالسين ينتظرونها
دخلت ريما وهي توزع ابتسامات:مـسـاء الخير..
ام ريما استقبلتها وضمتها:بنتي حبيبتي..شلونك وش صار معك يقولون صارلك حادث..
ريما:ماما مافيني شيء..بس انتي اللحييين وجعتيني هههه..
حسام بنص عين:بس رنفير يقول انه صار حادث..
ريما:بس الحمدلله جات سليمه..
ام ريما وهي تفقد بنتها:أكييد
ريما:ايوه يمه اكيد..يله انا طالعه ارتاح..ودي أنـااام..
ام ريما:طيب بوديك أنا..
حسام وهو يطالع ريما بطرف عينه:ارتااحي ياخاله أنا بوديها..
ام ريما:طيب دير بالك عليها..
ريما خافت من نظرات حسام..
حسام مسك ريما ومشى:بعيوني ياخاله..
راحت ام ريما لغرفتها..وهم راحوا لغرفتهم...
,

ريما طلعت من الحمام بعد مابدلت ملابسها..وراحت تفك شعرها وتمشطه..وخايفه من نظرات حسام اللي جالس على السرير ويراقبها..
حسام بهدوء:وين رحتي مع نايف؟
ريما بلعت ريقها من الخوف..
حسام:ماتسمعين؟
ريما:كنا فالمستشفى..
حسام:اي مستشفى..لهالوقت..من الساعه ثمانيه..للحين وانتي مثل ماشوف مافيك الا العافيه..
ريما:أفهم من كلامك انك مكذبني
حسام:مو قصة مكذبك..بس وجودك مع هالنايف هذا موترني..
ريما راحت لشنطتها..وفتحتها وطلعت الورقه اللي عطاها نايف وراحت ومدتها على حسام:تفضل..هالورقه علشان تتأكد بنفسك..
حسام جلس يطالع الورقه:كل هالوقت بهالمستشفى..طيب اتصلنا وماقالوا انك عندهم..
ريما:اوكي اتصل اللحين وشوف وتأكد بنفسك..يمكن كانوا غلطانين..
حسام اخذ جواله واتصل على المستشفى:لو سمحت ممكن اسأل عن مريضه اليوم راجعت عندكم..
ريما بلعت ريقها من الخوف(اللحين بيكتشفني)..
الموظفه:اسم المريضه لو سمحت
حسام:أسمها ريما الفواز
الموظفه:ريما الفواز....كانت موجوده عندنا اليوم..وطلعت قبل شوي..
حسام:طيب شكراً
ريما وهي مرعووبه من ردت فعله..سكتت وهي معطيته قفاها:هـااه ارتحت عرفت اللي تبيه
حسام قام ببتسامه وراحلها:حبيبتي..والله آسف..والله آسف..المستشفى أكدلي انك من صبح عندهم وتوك طالعه.سامحيني شكيت فيك
ريما استغربت واستانست فنفس الوقت((آآه فديــت روحك يانــايف..منت سهل))..
حسام جاء ووقف قدامها:حبيبتي قلتلك آسف
ريما نزلت دمعتها:وأنا آسفه..مقدر أسامحك..أنت شكيت فينبي ظلم وماكفااك أني قلتك..رحت تسأل وراي..كل هذا عدم ثقه
حسام:ما ادري بس نايف حاسه يلف عليك..مابيه يخرب حياتنا
ريما :انت متى بتنسى سيرة نايف..كل شوي والثانيه نايف نايف...هذي مو عيشه..إذا مابيننا ثقه..
حسام:طيب انا أعتذر اللحين..
ريما:وأنا معي حق أقبل عذرك أو لا..
حسام:يعني ماراح تقبلين عذري
ريما صدت عنه:اللحين لا..
حسام:طيب متى؟
ريما:متى ما حسيت أنك رجعت تثق فيني من جديد..
حسام سكت وراح للسرير:أمري لله..
ريما:هيي وين رايح؟
حسام:بنام
ريما:برااا..ماراح تنام جنبي وأنا زعلانه عليك..
حسام:بسس..
ريما قاطعته:بــرااا
حسام قام وهو يحس بإحباط:طـيـب.
طلع وسكر الباب..
ريما راحت للسرير وحاولت تنام ../
,
,
,
.
عند أسفل الدرج ويدها عالدرابزين..تنتظر أخوها..
دخل نايف واستغرب وقفتها بهالوقت:مساء الخير
زينه:قوول صبااح الخيير..وين كنت فيه؟
نايف:ههههه خير أشوف صايره محقق..شعندك؟
زينه:نايف..أنا عرفت شبينك وبين ريما الفواز..
نايف ببتسامه:طيب والمطلوب..
زينه قربت منه وهي تطالعه بنص عين:أنت أي نوع من الرجال..
نايف:أفآ..وش هالسؤال يازينه..
زينه:انطق..وش تفسيرك للي سويته في ريما..؟
نايف مارد عليها.. راح وجلس واسترخى..فالصاله..!
زينه عصبت من تصرفه لحقته:نــااايف رد علي..أنت ليش سويت كذا مع البنت؟ ممكن اعرف..
نايف عصب:بسسس...ياينه اسكتي واللي يرحم والديك..اللي يسمعك اللحين يقول ماتعرف..ناسيه ان أمك وراء مصايبنا..زوجتك غصب عنك ودبستك برجال ..وخلتني اتزوج بالسر..بدون علمها وكنت سعيد..بس لمن كشفتني..دمرتني
خلتني أطلقها بحجة انهم مو من مواخيذنا...وإلا بتحرمني من كل شيء..لا وزياده على كذا.هي السبب في انها جابت لأبوي الجلطه..وذبحته..تتحكم في كل شيء.كل شوي تذكره ترى نص هالحلال حلالي..طفشته مايشك خيط ببره لين
الا بعلمها..ابوي ماقدر عليها..تبيني أنا ياولدها أوقف بوجهها
زينه تأثرت ونزلت دموعها:بس أنت..نسيت شيء مهم..أنا صحيح مغصوبه أتزوج صالح..بس شوفني عايشه حياتي على مايرام..زوجي يحبني..ومايرفض لي طلب..و..
نايف:حطي عينك بعيني:تحبينه؟
زينه سكتت..
نايف:بالله عليك كم لك متزوجه..كيف عايشه..صحيح صالح ونعم فيه ورجال مافيه عيب...بس قلبك مايبيه..حتى لو مافي بالك أحد معين..بس مو صالح اللي ناسبك وأرتحتي معه..أنا فاهمك يازينه..
زينه مسحت دموعها:نايف بس عااد..
نايف:ناظري حولك..مافيه أحد يستحق أنك تتعذبين علشانه..وحتى لو زوجك مو مقصر معك في لبس واكل وشرب وفلوس..فالنهايه أنتي مو بهيمه ينكد عليها اكل وشرب وبس..لك متطلبات لك قلب لك رووح..لك مشاعر..ناظري شكلك
واضح..ذبولك حتى بشعرك..
زينه جلست ماعاد تتحمل هالكلام:واللي يرحم والديك نايف خلاص
نايف:لا مو خلاص..يمكن أنا أنتهيت وريما ماعاد راح ترجعلي..لكن أنتي بيدك مصيرك..إذا ماتبين صالح انطقي..قولي مابيه..صارحيه..مو مهم الناس شبتقول الناس ترى مادروا عنك وانتي تبكين بالليالي وحيده..
زينه سكتت تفكر بكلامه..من جد صادق....
نايف قام..وراح لغرفته..
,
,
,
,

الصباح../
الكل جالسين يفطرون..
نزلت ريما وجلست:صباح الخير
الكل:صباح النور..
حسام بجديه:على فكره جاني تقرير السياره حقتك..
ريما بإهتمام:ايوه..وش فيه؟
حسام:تانكي زيت البريك مخروم بفعل فاعل..مما أدى إلي تسريب زيت الفرامل..
ريما خافت:يعني؟
حسام بجديه:يعني في أحد مستقصد..يقتلك..
ام ريما خافت:يقتلها..
ريما تشتت تفكيرها:ومن هذا اللي يبي يقتلني..
حسام:مادري اسألي نفسك..
ريما تحاول تتذكر:بس أنا مالي اعداء
فاديه:متأكده يابنتي..تذكري
ريما تفكر:حتى لو فيه ما اعتقد توصل للقتل..
ام ريما:تأكدي يابنتي..
ريما حاولت تتذكر وتذكرت تهديد أم نايف:اييه تذكرت أم نايف جاتني مره تهددني..بعد مانايف طلق زوجته..اتهمتني أني ساحرته..وقالت بتحرمني من ولدي اذا ما ابعدت عنه...
ام ريما عقدت حواجبها:والله هذي جباره وتسويها..
فاديه:طيب والحل..
حسام:الحل نقولها الحقيقه..
ريما خافت:لا ياحسااام لا
حسام:طيب ابو نايف ومات..انتي وش خايفه منه بعد؟..
ريما سكتت وصدت..
حسام عصب:علميني الصرااحه أنتي وش تبين بالضبط..ترى أنا ماعاد صرت أفهمك..
ام ريما:أنتم عن وشو تتكلمون..
حسام:ريما أنا راح أقولهم كل شيء..
ريما خزته بنظرات ناريه:لا ياحساام..راح تخرب كل شيء بيننا..
حسام بإنفلات أعصاب:ليش هو ظل فيه شيء ماخرب..
ام ريما عصبت:حسام قول شيء..انا عم اسمعك..
ريما قامت من طاولت الطعام..
ام ريما مسكتها:اجلسي ياويلك ان قمتي..
ريما جلست غصب..
فاديه:تكلم ياابني..
حسام:آسف ياريما مضطر اقول كل شيء..بس علشان حياتك بس..
ام ريما عصبت:تكلم بسرعه ماعليك من ريما
حسام:طيب..أول شيء..لازم تعرفون شيء مهم..أنا مو الأب الحقيقي للولد اللي حامل فيه ريما..
فاديه انصدمت:انت وش تقول؟
ام ريما خافت:شو معنات هالحكي؟..لا تكون ريما..غلطت وانت اللي حاولت تستر عليها
ريما بكت:نايف هو الأب يمه..ولا تفهمين خطأ..أنا لمن تزوجت حسام كنت حامل بثلاث شهور وانا ماكان عندي علم..وعرفت ليلة الملكه وقلت كل شيء لحسام وهو ماقصر قدر وضعي..واختار انه يقعد معي مهما كان..
فاديه انكرت فعلهم:بس هذا حرام..شلون تتزوجين..وانتي حامل..مايجووز..
حسام:زواجنا كان على ورق وبس..كل واحد بغرفه لين جيتوا اضطرينا نقعد بغرفه وحده..ولاتخافون ماسوينا شيء..
ام ريما وهي تبكي:طيب ليش مخبيه عن نايف مثل هالخبر..أنتي ناسيه..أنه كانت امنيته تحملين..
ريما:لا يمه لا..إذا عرفوا اهل نايف..وخصوصي أمه هالشريره هذي..بتاخذ ولدي ولاعاد بتخليني اشوفه مره ثانيه..اعرفها انسانه متسلطه..
ام ريما سكتت ماتدري شتسوي..
فاديه:والله اغرب من خيال هاللي اسمعه
,
,
,
,
,
في مركز ريما فاشن.....
سحر وهي تكلم في جوالها..وتتمشى..
دخلت زينه المحل..وجلست تناظر المكان بنظره بانوراميه..
سحر شافتها وسكرت جوالها:أهلين أختي..أقدر أخدمك..
زينه ابتسمت:ياليت والله..
سحر ببتسامه:تفضلي..حيااك معك سحر المسؤله عن هالمكان..
زينه ابتسمت وراحت معها...
,
,
,
حسام وهو طالع:ريما تبين شيء؟
ريما بدون نفس:لا شكراً
حسام حاس بإحساس غريب بس سكت:أنا طالع
ريما:الله معك..
طلعت ام ريما من المطبخ وهي تخز بنتها بنظرات وجلست:..
ريما:يمه وشفيك تناظريني كذا كأني متهمه
ام ريما:أسكتي سودتي وجهي..
ريما مدت بوزها:مـامـا مو وقتك بالمره..أنا تعبانه ومافيني
ام ريما:تستاهلي كل اللي بيجيكي.
ريما حز بخاطرها..وسكتت وهي تكتم ألآمها..
ام حسام جاءت ومعها الشاهي:أحلا كاسات شااي راح تشربوهن من يديني..
..لاحظت ريما مو طبيعيه:ريما حبيبتي في شيء
ريما وهي تضغط على بطنها وتقوم:لا ياخاله مافيني شيء..بروح أستريح شوي..أحس بتعب..
راحت ريما...
ام حسام:شفيها ريما يا نادين
ام ريما: شو بدك فيها تصطفل..هيي يالللي جابت هاد لنفسها..
ام حسام:يالله يعني راح تكوني والزمن عليها..أتركيها بحالها..اللي صار صار..
ام ريما:ماني مستوعبه أنها حامل من غير حسام..ياحرام والله ماتستاهل.بنتي يضحي من شانها
ام حسام:يالله خلاص اللي صار صاار..ادعيلها الله يقومها بالسلامه..أنا حاسه أنها قربت تلد..
ام ريما خافت:شووو
ام حسام:احسبي من ساعة ما أطلقت للحيين..9شهوور تمااام..
ام ريما قامت تحسب:اي والله مزبووط..
صوت صرااخ من فوق:مــامــااااا
..
,
,
,
,
,
في الشركه/
جالس خلف مكتبه..ويتابع شغله..
رن جواله ورد:نعم؟
ساره فالجوال:مـررحبااا..
نايف عرفها:سااره!!
ساره:لا كـابووس حياتك وماضيك الأسود هههه
نايف:هههههه
ساره:ههههه أضحك اللحين..لكن أوعدك ماراح تضحك علطول.
نايف:وش قصدك؟..وش بتسوين يعني؟
ساره:هههه لاتستعجل ياروح أمك..اللي بسويه..راح تشوفه بعيونك..
نايف:علبالك أني خايف منك ياحشره
ساره:ههههههههه
نايف أنقهر من ضحكتها وسكر الجوال بوجهها...:الله ياخذك
صوت مسج على جواله وفتحه[جهز نفسك ..في مفاجأت بإنتظارك..]
,
,

ام ريما:يابنتي شتبين قاعده تصارخين..
ريما بضيق:يمه أبي أطلع من هنا..خلينا نطلع انتمشى
ام حسام:وأنتي بهالحاله..
ام ريما:يابنتي شكلك تطلقين..
ريما بإلحاح:يـمــااه..ابي اطلع تكفييين ساعديني..
ام ريما:خلاص طيب بس لا ترفعين صوتك..
ام حسام جابت عبايتهم ولبسوا وطلعوا..
ريما:ماما مابي حد معي ابي اطلع لحالي..
ام ريما:مو بكيفك..
ريما:تكفين يمه
ام حسام:عالأقل خذي أمك معك ماحنا بمخلينك بهالحاله..
ريما طلعت وتركتهم...
ام حسام:نادين روحي معها وديري بالك عليها..
ام ريما:اكيد..يلا ادعيلنا..
ام حسام:الله يستر عليكم...
,
,
,
,
وهي جالسه تتمشى فالحديقه..حست بهدوء نوعاً ما ببطنها..
ام ريما:أنتي فيك شيء..
ريما:كأن الطلق خف شوي..
ام ريما:يعني نرجع البيت..
ريما حست براحه:شوي بس يمه..تدرين أني كملت 9شهور من أسبوع..ومتضايقه..متى بأولد..
ام ريما ببتسامه:قربتي خلاص...هانت ياحياتي..
ريما:شقد يمه الحمل متعب وصعب..الله يجزاك الجنه شقد تعبتي..
ام ريما:تعب حلو ياقلبي..وهذا أنتي قدامي وراح تجيبين لي حفيد..مافي أحلا من هالهديه...
ريما:الله لايحرمني منك يمه.
ام ريما:ولامنك يابنتي..
ريما جلست تتفرج حولها بهالناس..الكل مبسوط..وكل عايله جالسه مع بعض وسعادتهم باينه على محياهم..و أولادهم يلعبون كوره قريب منهم..
أم ريما:حبيبتي شرايك نرجع البيت..خلاص
ريما قامت ببطئ:مشينا..
شاب كان واقف من بعيد مغطي وجهه..شات كورته متعمد..وضربت ريما في بطنها...!
ريما صــرخـت..وكأن روحها طـلـعـت..طاحت مكانها.عجزت تبكي من عذابها..وغرقت بالدم..وهي تحاول تتنفس ومو قادره..
أم ريما بغت تنجن قامت تستفزع اللي حولها:بــنــتـــي ياناااس الحقوووني..
جاءوا حريم يساعدونها واتصلوا عالإسعاف...
,
,
,
,
,
,
غرفة العمليات//
ام ريما واقفه على أعصابها وتبكي...
اقبل حسام ومعه امه..
ام حسام:وش صاار يانادين..
ام ريما:كنا مبسوطين وكل شيء تمام..بس فجأه جات كوره طايشه من مكان بعيد وضربتها على البطن..ونزفت نزفت كثير وتألمت يا فاديه تألمت..
ام حسام:ادعيلها الله يهون عليها...
حسام راح يكلم الدكاتره ويستفسر عن حالتها...
الدكتوره طلعت مستعجله:ياجماعه نبي دم بسرعه الله يخليكم..
ام ريما بكت:ليش حالتها خطره
الدكتوره:ياخاله ريما للأسف جالسه تنزف نزيف حاد..لازمها دم..
حسام تذكر صديقه:أنا اقدر اتبرع..خذوا قد ماتبون...
الدكتوره:مو مكفي..نبي زياده
حسام:بتصل في صديقي نفس فصيلة الدم..راح يجي بس اللحين خذوا مني

بعد ساعات..
طلعت الدكتور....
استقبله حسام:هـاا يادكتور بشر..
الدكتور:بصراااحه..ماني قادر أقولكم...بس
حسام فقد أعصابه:قول أي شيء انطق
الدكتور:ما أظن راح تعيش..لأن.اللي تعرضت له أقوى منها..
حسام انصدم..وظل واقف مايدري شيسوي..
الدكتور:عالعموم..الولد بخير وصحه..ووديناه الحضانه..تقدرون تشوفونه وتاخذونه متى مابغيتوا..
ام ريما أقبلت وسمعت آخر كلامه:وش قصدك ناخذ الولد؟..يعني أمه..
الدكتور:يااختي افهمي حالتها خطره..وما ندري وش راح يصير..
ام ريما جلست تبكي وتندب حظها
,
,
,

توه داخل البيت ودايخ من الشغل..
نزلت زينه واستقبلته:هلا بنايف..
نايف جلس بتعب:اهلين
زينه ببتسامه:جاي متأخر اليوم وشكلك تعبان..شعندك..
نايف:شغل ومعاملات متراكمين من وفاة الوالد الله يرحمه..
زينه:الله يعينك..
نايف:أمين..إلا أنتي كاثره جياتك عندنا هالأيام..شعندك
زينه:هههه مليتوا مني!!
نايف:بالعكس..كذا أزين..يصير للبيت طعم..ماتشوفينه زي بيت الأشباح..
زينه سكتت..بدون تعليق...
نايف:إلا..لايكون بس في مشاكل بينك وبين صالح..
زينه ابتسمت:لا الحمدلله..مافي مشاكل..
نايف:عادي أنا أخوك..تكلمي قولي الحقيقه..إذا..
زينه:لا ياخوي..أنا حامل..
نايف تفاجأ:حـامل!!.بعد كل هالسنين؟.طيب وإذا؟
زينه:يعني حياتنا بتتغير..بيجيلنا بيبي..وأنا ماني حابه أحرمه من أبوه..وأعيشه بنارين..قلت لنفسي مافي مانع من بعض التنازلات..مدام صالح شاريني بروحه.
نايف:الله يكملك بعقلك يا أختي..
رن جواله...
نايف:من هذا؟ماني رايق له بالمره...
زينه:ماعليه شوف مين منت خسران حاجه..
نايف:قولتك خلني أشوف..ألــوه
ساره فالجوال:هــاااي
نايف بتأفف:أنت ماتزهقين..فوق ماسوويت فيك وش تبيني أسوي
ساره:هههه.
نايف:شكلك تبيني أأدبك..مابعد تأدبتي للحين..
ساره:على هونك انت ليش صاير ماتطيقني؟!!..أنا بس حبيت أعزيك..
نايف:تعزيني!!
ساره:يقولون ريما الفواز بين الحياه والموت..ومالها أمل كثير تعيش هههههه
نايف:يالمـلـ...ـ
ساره:هههه باااي..
نايف سكر الجوال وهو مو على بعضه:مستحييل..
زينه خافت:نايف شفيك حمر وجهك ..شقالتلك ساره؟
نايف:اتقول ريما بين الحياة والموت فالمستشفى
زينه:لاحول ولاقوه إلا بالله مسكيينه...بس أنت وش دخلك فيها؟..علامك اختلف لونك كذا!!
نايف ماقدر يفسرلها:
زينه:انت وش دخلك فيها..وحده متزوجه غيرك وحامل منه وشلك فيها
نايف نزلت دموعه ماقدر يمنعها..........
,
,
,
بعد يومين/

طلعت الدكتوره..وهي متغير لونها..
ام ريما:خير يادكتوره اخبار بنتي..
الدكتوره:البقــاء لله..ادعولها بالرحمه..
ام ريما..صرخت

نايف قام مفزوع وهو يمسح دموعه وطلع ركض زي المجنون..وأخذ جواله...
,
,
,
,
,
بالسياره/رن جوال نايف..ورد بسرعه:هااه عرفت بأي مستشفى؟..خلاص..مشكور..
لف نايف بسرعه وأتجه للمستشفى اللي هي فيه...
دخل وسأل عنها فالريسبشن..وأتجه لغرفتها ..ماكان وقت زياره بس علاقاته وأسمه خلته يدخل..
,

بالغرفه جالسه..أم ريما عند بنتها..ودمعتها على خدها..بصمت..وتراقب شوي بنتها وشوي ولد بنتها لأنهم حطوه معها بنفس الغرفه..بطلب من أم ريما...
طق باب الغرفه ودخل علطول,ووجهه مايتفسر بس وااضح أنه يبكي:
أم ريما وقفت مستغربه:نآيف!!
نايف وعينه على ريما:أيه ياخالتي..مساء الخير..
أم ريما ماحبت تطرده:مساء النور...بس شدراك باللي صار
نايف قرب ووقف جنب سرير ريما:حسيت..بس ليش محد قالي
أم ريما خافت:وش نقولك؟!
نايف:ليش ماقلتولي أنها تعبانه لهالدرجه..كم يوم وأنا أدورها بالمستشفيات..
أم ريما ارتاحت:مايصير ياولدي..تراها على ذمت رجال..
نايف:كونها على ذمة رجال..مايلغي أنه كان بينا بيوم من الأيام علاقه..تدرين أنها حياتي..
أم ريما ارتفع ضغطها:ويومها حياتك ليش تتخلا عنها عند أول مشكله..
نايف سكت مالقى رد...
أم ريما:أنا رايحه أشوف الدكتوره...عن اذنك..بس انتبه عليها
نايف:ان شاء الله..
طلعت أم ريما وخلته عندها...
نايف مسك يدها وباسها وجلس يمسح عليها وهو يبكي:ليت التعب غلطان ساااهي ولا جـآك..
تحركت أصابع ريما.ومسكت كف نايف,وتكلمت بتعب:ولـدي..وين ولدي..
نايف ابتسم وسط دموعه:موجود ياريما موجود..
ريما فتحت عيونها وشافت نايف قدامها,وأبتسمت بتعب:نـآيف
نايف:إيــه رووح نـآيف أنتي..
ريما بخوف:أبي ولدي..وينه؟..جيبوه لي..
نايف ألتفت لسرير المولود وقام يجيبه:هذا هو هنا لحظه أجيبه لك
ريما حاولت تستقعد قد مافيها..وهي تراقب نايف رايح يجيب ولدها..
نايف وقف عند سرير المولود حس بأنه مخنوق ومو قادر يطالع في الولد كل مايتذكر أنه من غيره..بس قرر يطالع فالولد علشان يشيله..وتلقائياً أبتسم..بعد ما شاف البيبي يبتسم..أخذه وضمه:بسم الله ماشاء الله..
ريما تطالعهم وهي تبسم بدموع,حاسه بالذنب وهي ماقالت لنايف أن هالولد منه..
نايف:ماشاء الله ما كأن هالولد ولد في ستة شهور..توقعت ألاقيهم حاطينه فالعنايه ..بس ماشاء الله صحته كويسه .
ريما بلعة ريقها..شلون كان مركز معاها ويحسب..
نايف راح ومده عليها:تفضلي..
ريما أخذته وكأنها أستردت روحها ضمته بحنان على صدرها:ياحبيب مـامـا..الله يخليك لي..
نايف:سكت وهو يطالعها مقهور"مو مصدق أن ريما بيدها ولد مو ولده هو"..قرر يطلع حس بضيق...
ريما ألتفتت عليه:تعاال وين رايح..
نايف:طالع خلاص ماعاد لي لزوم..بتركك مع ولدك..
ريما حست بإحساسه وعارفه بإيش يفكر بس ماتقدر تقوله شيء:طيب ممكن تاخذ لنا صوره أنا وعزوز
نايف طلع جواله:من عيوني..
ريما:لا أخذ جوال أمي هذاك هو
نايف صورها بجواله..وابتسم..
ريما:ليييش؟
نايف ببتسامه:كيييفي..اوكي بصورك بجوال أمك لاتخافين..
ريما ابتسمت له وهي تضم ولدها..وصورهم..
نايف عطاها الجوال..
ريما طالعت فيه:وش جابك؟
نايف:هههه
ريما:ليش تضحك
نايف:ههه تووك تسألين وش جابني..
ريما استحت..وصدت..
نايف قرب منها ول وجهها عليه:جيت أتطمن عليك وأباركلك..خفت..أنجنيت..الله أعلم بحالي لمن دريت شصارلك..
ريما سكتت وراحت تطالع في ولدها اللي بحضنها..
نايف:على فكره ولدك هذا يجنن..توقعت أني أكرهه علشانه من غيري..بس ماقدرت اكرهه من أول ماشفته حسيت بإحساس غريب احساس حلو..وهو أبتسملي وحبيته..
ريما تعذبت وهي تسمع كلام نايف...
دخلت أم ريما وماصدقت:بنتي..
الدكتوره استانست:الحمدلله..
نايف شافهم انشغلوا عنه..تركهم وأنسحب بسكااااات...
,
,