ياصـاحبـي ويش العـذر لمن بدينا بالعتاب=بتكون صادق بالعذر ولا أنت كالعاده .. كذوب
عطني عذر يدمح لك أيام التغلي والغياب=مدام صارت قصتي وياك .. غالب ومغلوب
عجزت أعديها بلا كلمه ولا حتى حساب=أخاف بكره ينفتح للشك بيبان ودروب
من يوم غبت وضيقتي كانت بداية لأكتئاب=وأن ضيقتي عدت على ضيقة ربعنا اللي جنوب
شفت العذاب الله يبعدنا من أصناف العذاب=حتى الشروق اللي عرفته صار في بعدك غروب
وان التوجّد صار طبعٍ لي وانا توي شباب=صرت أنعزل من عالمي واكذب واقول انه هروب
أحرمتني وأحرمت نفسي كل مالذا وطاب=حتى المزايا اللي تميزني بها صارت عيوب
ياوجد حالي والسؤال أبطى يدور للجواب=وهموم قلبي هي سبب ذيك المواجع والحروب
الين صرت القصه اللي ماتحملها كتاب=واحد عيني للبكاء كني على الدمع أمغصوب
ياما مسحت أسمك وياما قد كتبته بالتراب=صارت حروفك موطني ودموعي صارت لك شعوب
تجرعت روحي بحبك صرت لي مثل الشراب=ماقدر على بعدك لو ان قربك يحملني ذنوب
مرات أشوفك كالخيال بعيد وأحياناً سراب=واجيك من زود أشتياقي لك ويخالفني هبوب
والقلب وان جيته فتح لك ياحبيبي كم باب=ويديني لمنها غدت في ايديك احس انها تذوب
وأن صورتك دايم وهي مابين عيني والسحاب=صرت أتنفس صورتك وأشرب مزاياها شروب
لكن غيابك نفّذ بقلبي محاولة أنقلاب=وأثر الجفا والصد من أسباب تحطيم القلوب
ليتك تعلمت السهر أو عشت حالة لأغتراب=حتى تعرف الزين من شين التعامل والسلوب
قلي وعلمني وريحني وش أسباب الغياب=وأبيك صادق ما أبيك تكون كالعاده كذوب