الجــــزء الثـــالث والاربعين..
بالمدرسه..
جالسه جنبها وابتسامتها ماليه وجهها وتطالع تفاصيل ملامحها وكأنها اول مره تشوفها..
لفت عليها اشواق منحرجه: ايش فيك تطالعيني كذا!!
دانا بتفكير : امممم احس فيك شي متغير..
اشواق مستغربه :متغير!! ايش اللي متغير ؟؟
دانا: هذا اللي احاول اكتشفه..
اشواق: ههههه اقول بلا هبال اعقلي ولا تطالعيني كذا ..اتوتر..
دانا: ههههه طيب بأعقل ...فصول..متى راح تجي عندي..
اشواق حست ان هذا الوقت المناسب اللي مممكن تفتح فيه الموضوع مع دانا
: دنو..بقولك شي..
دانا سكتت شوي وبعدها ردت بترقب : قول !
اشواق: ياليت ما عاد تقولين لي فيصل..
دانا انصدمت وارتبكت: آآآ..ليش!! يعني ما تبي نناديك فيصل ؟؟
اشواق وهي تطالع ايديها المشبكه : اتمنى هالشي ..انا الحين في مرحلة تغير ..صح صعب علي اني اتغير بسرعه ..بس على الاقل ابدا من اللي حولي ...ابيهم ينسون اني كنت فيصل ونادوني اشواق ويعاملوني على اني بنت ..
دانا صح سعت انها تتغير بس هي حبت فيصل وشخصيته..وما استوعبت طلب اشواق..
اشواق حست انو دانا ما استوعبت الموضوع..
:دنو ..مع الايام راح تتعودين..لاني انا ان كنت فيصل او اشواق بأبقى انا.. لا تخافين ما راح اتغير..
دانا سكتت واخذت نفس وطالعت البنات..ما تدري بأيش ترد على اشواق..المفروض انها تأيدها وتشجعها ..بس ما قدرت ..واتخذت الصمت حل لها..
اشواق وقفت ومدت ايدها لها: قومي نتمشى مع بعض..
دانا مسكت ايدها..بس بالها مو معاها ..بالها مع التغير الجديد اللي هي بعد المفروض تتأقلم عليه وتعايشه..

>>>>>>>>>>>>>>>>>>>>>>>>>>>>>>>>>>>>>>>>>>>>
ابتهال جالسه مع لانا وساكته..وهي مرره متسغربه جلسة لانا بدون دانا..
لانا: اقول بتو..
ابتهال: هلا..
لانا: كنت بسألك عن مشاعل ..
ابتهال استغربت: مشاعل صديقتي ! ايش فيها ؟؟
لانا : مافيها شي ...بس احس ودي اعرف عنها اكثر ..لاني كم مره التقيت فيها ..وحسيت انها عسوله..
ابتهال فاهمتها..وعارفه لايش تبي توصل ..
: والله مشاعل مافي منها بعد قلبي هي..حبوبه وعسوله وقلبها ابيض..صح دفشه وما تعرف للرومنسيه طريق..بس تجبر الكل يحبها ..عفويه واللي على قلبها على لسانها مثلي..
لانا حست بالغيره شوي : اهاااا..شكلها مره حبوبه ..
ابتهال: ايوه لبى قلبها..
لانا: وعلاقتها بأهلك ...كيف يعني ؟؟
ابتهال: امي الله يغفر لها ويرحمها..كانت دايما تقول عنها بنتي ..يعني وحده منا وفينا
لانا: وسلطان..اقصد علاقتها بسلطان..بصراحه احسهم مره قريبين..
ابتهال فيها الضحكه بس ماسكه نفسها: والله من ناحية علاقتها بسلطان وعلاقة سلطان فيها ..ما اتوقع انها تتجاوز الاخوه..
لانا: يعني هي ما قد حكت لك عنه..
ابتهال لفت عليها بخبث: لنو....ليش الاسئله هذي كلها !!
لانا ارتبكت: ها ..عادي مجرد فضول."ووقفت" اقول وين دانا اختي ما اشوفها..عن اذنك بروح ادور عليها..
ابتهال ضحكت على لانا " والله يا اخوي انك مسدح البنات..اتمناك لمشاعل..وما ودي اكسر خاطر لانا اللي تغيرت عشانك..يقطع الحب شو بيذل "
>>>>>>>>>>>>>>>>>>>>>>>>>>>>>>>>>>>>>>>>>>>>
قررت تزور امها..حياتهم صارت مشتته.امها بجهه..وابوها بجهه ثانيه ..وكل واحد رضاه اصعب من الثاني..
دخلت غرفتها..وفتحت دولابها تدور لها لبس..وسمعت رنة مسج على جوالها..راحت وفتحتها..
"انا لسه راجع من المانيا..انتظر رجوعك للمستشفى...........خالد.."
اريام قرت المسج كم مره.. هو بأيش يهمها عشان ينتظرها..او حتى يقولها عن جديده..رمت جوالها مطنشه رسالته ومتجهه لامها..

>>>>>>>>>>>>>>>>>>>>>>>>>>>>>>>>>>>>>>>>>>>>
في بيت ابراهيم..
موضي منهاره: خلاص ..ما عاد اقدر اتحمل هالبيت ..احلام مرت خالك بتطلع الشيب في راسي..
اريام: اجل لا تعاندين وارجعي للبيت..
موضي: وارجع كذا !! بدون ما يترجاني ابوك ارجع له..
اريام: انا اضبط وضعك بس ارضي ان ضاري يكون معانا..
موضي فكرت لثواني وبعدها عندت: لا...مستحيل اغير رايي وارضخ..خليه..خلي ابوك يعاني من بعدي..
اريام انقهرت: يمه..من شوي كنتي بتوافقين..ليه غيرتي رايك..!!
موضي: ما غيرت رايي..هذا راي من اول ما طلعت من بيت ابوك..ضاري وزوجته ما يعيشون معاي..
جات احلام ومعاها العصير: يا موضي..انا قلت لك الحرمه مالها الا بيت زوجها..والله انا خايفه عليك من كلام الناس..بيقولون موضي متهاوشه مع زوجها وتاركه عيالها وطالعه..
موضي صدت عن احلام لانها لو تكلمت خلتها ما تسوى فلس..فا سكتت احسن لها..
اريام تبي تنقذ الموقف لان امها واضح عليها انها وووولعت
: لا امي وابوي محتاجين فتره يبعدون عن بعض شوي..هي كلها فتره وتعدي ا ن شا الله..
احلام حطت رجل على رجل: الله يهديهم بس..
موضي طالعتها بأستحقار وهي ودها تقوم وتذبحها وتفتك منها ...

&&&&&&&&&&&&&&&&&&&&&&&&&&&&&&&&&&&&&&
في سيــــدني..
يشمون جنب بعض..ويطالعون حولهم..مدى كانت مستمتعه..وضاري اهم شي عنده ان مدى مروقه وهاديه..
كان يمشي ويعرفها على الاماكن المشهوره ووضحت خبرته فيها..
مدى بداخلها معجبه بثقافة ضاري اللي لحد الان لا تحصى ..كل شي ممكن يتكلم فيه ويكون عارف عنه..
: شكلك زرتها كم مره..
ضاري: حوالي خمس مرات..وما مليت منها ..بصراحه في كل مره ازورها..احصل فيها اشياء جديده.."ولفت انتباهه شي" تعالي تعالي ..بأخذك على مكان روعه..
مدى لحقته مع ان كانت خطوتها سريعه..بس انفسخ الشوز حقها ووقفت تضبطه..وفجأه لما وقفت...ضاري اختفى عن عيونها ..هنا حست بالخـــــوف..وكأن ذكرى المزرعه والصور المريعه والظلام واصوات الكلاب مرت في ذهنها بسرعه..دق قلبها اكثر ..واختفى لون وجهها..تقدمت كم خطوه تدور عليه بعيونها..وللاسف مابين..تقدمت اكثر..وهي تنادي بس من الخوف صاير همس بينها وبين نفسها
: ضــــاري......ضـــــاري..
ودها تعلي صوتها بس العبره خانقتها..وعيونها امتلت دموووع..وحسن ان الناس اللي حولها غريبه ويطالعونها ..
: ضااااري.....ضاااااااري..
اسرعت في خطواتها..يمكن هو تقدم عنها شوي..بس بلا فايده ..وتقدمت اكثر واكثر..ونفس الشي ..نزلت دمعتها غصب عنها ..وقلبها يأس..وقفت بالنص..بين الناس وحطت ايدها على فمها تمنع شهقتها وعيونها على كل اللي يمرون...وين ممكن تحصل ضاري !!..وكيف بترجع للفندق..وهي حتى اسمه ما تعرفه..
حست انه ما فقدها ولا اهتم لها..جلست على كرسي بأنهيار..خلاص ما تقدر تمسك نفسها راح تبكي..ثواني ودموعها صارت سيل على خدودها ..وغطت وجهها بأيدها..
ومن وجهه ثانيه..لف على وراء وما حصلها...
: مدى ..مدى ..."ورجع يدخل بين الناس من جديد...وهو يدور عليها ويناديها "...مـــــدى ...مــــــــــــــــــــــــدى.." طلع موبايله واتصل عليها بس كان مقفل"يقطع الشيطان كيف ما فتحت جوالها دولي.."وصرخ بصوت عاااالي" مــــــــدى..
ومشى بنفس الطريق اللي كانوا جايين منه..تأنيب الضمير اكل قلبه..كيف يتركها لحالها...والحين ايش شعورها وهي ضايعه بسبب اهماله..اسرع في خطوته وحاس ان الدنيا ضاقت في عيونه..
وفجأه وكأن شاف النور قدامه..لمحها جالسه على الكرسي بحجابها المميز..واخترق الزحمه ووقف على راسها وتنفس براحه..بس سمع صوت بكاها وتقطع قلبه عليها..
وهمس لها: مدى...
مدى ما صدقت انها سمعت صوته..رفعت راسها تتأكد من صاحبه..والدموع غاسله ووجهها..
:ضاري !! "ووقفت تتكلم مثل الطفله" ليه تركتني..انت عارف اني ما اعرف ولا مكان..والله خفت..تدري....تدري ان قلبي طلع من مكانه..ليش تركتني ومشيت..انا بس كنت بضبط..................
وقطع كلامها ضمة ضاري الحنونه..
: والله اسف..ما قصدت اخليك..سامحيني..
مدى طيرت عيونها..ودقات قلبها اللي ظنت انها هدت بالعكس زادت وانحرجت منه ومن الناس..
بعد عنها وهو حاضن بأيديه الثنتين وجهها وبأصبعه الابهام مسح دموعها ..
: اوعدك..ما اتركك لحالك مره ثانيه..
مدى طالعت عيونه...فيها كلام كثير...تحكي مشاعر..واحاسيس..وشي اكثر من كذا..حست ان وجهها ولع من نظراته ولمسته لها...نزلت راسها..
مسك ايدها وجلسها على الكرسي..
: انتظريني هنا..لا تتحركين اوك..
مدى هزت راسها وهي تمسح بقايا دموعها: اوكي..
راح ثواني ورجع ومعاه كوفي لها..لان الجو فعلا بارد..ومده لها
: خذي هذا يدفيك ...ويهديك...
مدى خذته منه وهي تطالعه وبنفس الوقت مو مستوعبه ضاري وشخصيته..هو حقيقه كذا !! حنون وطيب ؟؟ معقوله خاف عليها واهتم للدرجه هذي..
واخذت لها رشفه من الكوفي وهي تحس بنظراته لها..بس ما قدرت تحط عينها بعينه..
بعد دقايق..
وقف ضاري ومد ايده..
: الحين تعالي معاي..بأخذك لمكان راح يعجبك..
مدى طالعت ايده وبعدها عيونه..وما تردد دانها تمسكها..عشان ما يتكرر الموقف معاها..
ضاري من لامست ايدها اصابعه..وهو حس بكهرباء بجسمه..وبداخله ابتسم...امانيه بدت تتحقق...والدنيا بدت تبتسم له...مدى معاه رغم كل شي صار وبيصير..
اخذها على برج سدني..شكله من برى ساحر..
مدى تطالع طول البرج: واااااااو..روعه شويه عليه..
ضاري وهو يلاحظ ردة فعلها الدهشه ماليه وجهها..بس فعلا كان البرج يستحق ردة الفعل هذي..
: من داخل راح يعجبك اكثر..
مدى تحمست: يله ندخل..
بداخله مركز تجاري..وكان مكتظ بالناس..
مدى السعاده واضحه على وجهها..وهي تشوف كل شي حولها وضاري ياخذ لها من كل شي تأشر عليه او تبيه..طالعت ظهره وهو يحاول يخترق فيها الزحمه وايده ما زالت شابكه بأيدها..فكرت فيه شوي..هو فعلا انسان مو سئ..فيه اشياء حلوه..ممكن تجذب أي بنت..صح تصرفاته تقهر لكن هي بداخله متأكد خان كل بنت تتمناه..مع انه صار قدرها غصب عنها..وكل الظروف اللي مروا فيها اجبرتها عليه..من بداية شغلها معاه..الى قرار زواجها منه..
جاء في بالها طلبه في اول يوم زواجهم..
" بدايتنا كانت صعبه..في امل تتغير !!"
لسه استوعبت الجمله هذي..يكون قصده...ان وده..تتحسن..ويعيشون مثل أي زوجين..
صحت من تفكيرها على صوته..
وهو يطالع المنظر: ايش رايك؟؟
كانوا في اعلى البرج..ويطل على مدينة سيدني كامله..منظره ما كان عادي..كان فوق الخيااااال..شي خرافي..
مدى بأنبهار: واااااااااااو..ايش هذا !! بجد بجد ما اقدر اوصفه..
ضاري: هذا البرج يطل على سيدني..
مدى قربت من ضاري اكثر واكتفت تطالع بعيونها..
ضاري رفع الكاميرا المعقله على رقبته..
: اخذ لك صوره !!
مدى استحت: لا..لا تاخذني..المنظر هو اللي يستحق..
ضاري نزل الكاميرا عن عيونه وطالعها: انتي احلى منه.."وبسرعه رجع الكاميرا واخذ صوره لمدى مبتسمه بخجل " وطلعت عفويه وحلووه..
ضاري طالع الصوره مبتسم..وما علق..
طلعوا من البرج..واخذوا لهم تاكسي وراحوا لاحد المطاعم العربيع القريبه يتغدون فيها..وبعدها رجعوا للفندق يرتاحون..
مدى حطت شنطتها بتعب وجلست على الكنب وفسخت حجابها ونثرت شعرها..
ضاري كان يراقبها..وجلس جنبها..
: شعرك لونه طبيعي !!
مدى وهي تمسك خصله من شعرها وتشوفها: ليه مبين مو طبيعي !!
ضاري: لا..بس ما شا الله سواده حلو..
مدى حست ان ضاري اليوم متغير كثيييير: لا هذا لونه الطبيعي..
وسكتوا..
مدى تذكرت شي: ضاري..
ضاري طلعت من عفويه: لبيه..
مدى اربكتها شوي بس كملت: انت تعرف هنا احد؟؟
ضاري بعدم اهتمام: هنا ...ما اتوقع ..
مدى سكتت..
ضاري رجع يطالعها: ليه ؟؟
مدى: لابس مجرد سؤال.."وقمات ودخلت الغرفه وقفلت على نفسها الباب..وجلست على السرير.."
: ما ادري...في شي غلط..منه..مني..من الجو !! ولا الاكل ؟؟ مستحيل يكون هذا ضاري الجدار..
ضاري اللي ما حب يضايقها..خلاها على راحتها..ولا حب يضغط عليها..

&&&&&&&&&&&&&&&&&&&&&&&&&&&&&&&&&&&&&&
رجعت من المدرسه..
وفتحت الباب الرئيسي للبيت..
: هاي مام..بروح ابدل ملابسي بسرعه وانزل..انتظروني على الغدا..
ومشت تبطلع الدرج..بس وقفتها صوخت امها..
: ريمااااس..وقفي..
ريماس دق قلبها خوف..ووقفت ...لفت على امها..وشافت العصبيه مرسومه على ملامحها..
: يس مامي..
لطيفه ..مشت ووقفت قدامها ومدت ايدها..
: ممكن تفسرين لي هذا ايش ؟؟
ريماس نزلت عيونها على ايد امه تطالع وش ممكن يكون فيها..وانصدمت وتغير لون وجهها وما عرفت وش تقول او بأيش ترد..
لطيفه: بسرعه..ابي اعرف كيف وصل لغرفتك..
ريماس حست انها لازم تدافع عن نفسها بس ماهي عارفه كيف: من اعطاك هذا ؟؟
لطيفه صرخت: انا سألتك جاوبي بسرعه..ايش جاب اليسقاره هذي لغرفتك !!
ريماس: هذي...مو مني..انا ما ادري كيف جات..شوفي من اللي يبي يتبلاني..
لطيفه مدت ايدها على ريماس واعطتها كف: بس ولا كلمه..ياخسارة التربيه والتعب فيك..حراك انتي تكونين بنتي..لو انها بنت شوارع ما سوت سواتك..انا كذا ربيتك..انا كذا علمتك..هذي ثمرة تعبي فيك..هذي نتيجة ثقتي فيك!!
ريماس امتلت عيونها دموع: ماما..والله هذا مو مني..
لطيفه باستحقار: لا تحلفين..لا تحلفين بالله كذب..انا ياريماس لما اعطيتك الحريه..لا تحسبيني غبي هاو ما افهم..انا تركتها لك..لاني توقعت عرفت اربي..واكيد ما فكر ان بيجي يوم وبنتي تصدمني.. بس يا خساره..خاب ظني فيك يا ريماس يا بنتي..
خاب ظني في بنتي الكبيره..اللي قلت لنفسي راح افتخر فيها..ونعم الاخلاق ياريماس..تدخني !!
ريماس ما عندها شي تقوله...بس ودها تبرر موقفها..في اللحظه هذي تمنت الارض تنشق وتبلعها..امها بجد كانت غير عن كل الامهات..كالنت مهتمه وحنونه وفاهمه وواعيه..تاركه مجال تتنفس بس موضحه لها الحدود..ومع ذلك خيبت رجاها..
ريماس برجاء: يمه تكفين سامحيني..
لطيفه غمضت عيونها ودمعتها سالت على خدها: اطلعي غرفتك..لا اشواف وجهك مره ثانيه..
ريماس: يمه تكفين اسمعيني بس..
لطيفه صرخت بصوت عالي: ريمااااااس..قلت لك..وجهك لا اشوفه مره ثانيه..وصدقيتي لو فكرتي تنزلين ما راح تشوفين خير مني..اتوقع سكت لك بما فيه الكفايه..بسرعه انقلعــــي عن وجهــــي..
ريماس طلعت بسرعه على الدرج..ودخلت غرفتها وقفلت الباب على نفسها..
وهي تبكي حسره وندم..وقهر وآه...يا صغر وجهها وهي طاحت من عين امها الي كانت تشوفها بعيونها كبيره..عينها بتظلم كسوره كل ما فكرت ترفعها..مستحيل تجدد الثقه اللي انجرحت بينها وبين امها حتى لو فكرت تتغير..بتظل ولا شي بعين امها..اللي كانت رافعه وعازه شانها..
دخلت رهام البيت لسه وصلت من المدرسه...شافت امها واقفه عند الدرج وتطالعه..
: هاي مامي..انا جيت..
استغربت ان امها ما لفت ولا ردت عليها...قربت منها
: يمـــه !!
لطيفه الحسره والقهر والغصه والالم كلها اكلت قلبها.. مازالت تحس انه حلم ودها تصحى منه بأسرع وقت ..هذي ثمرة تربيتها !! معقول ما عرفت تربي ..هذا اخر التعب ..بنت تدخن !! وتمنت ان السالفه تكون متوقفه على دخان وبس..ونزلت دموعها ونزل راسها بالارض..
رهام وقفت قدام امها وشافت دمعتها..ودق قلبها..
وبخوف: يمه ....تبكين !!
لطيفه طالعت رهام وتسأل نفسها ممكن رهام تكون مثل اختها ؟؟
رهام دمعت عيونها: يمه تكفين ردي علي..ايش فيك..وش صاير؟؟
لطيفه: مافي شي...بسرعه روحي بدلي ماباقي شي ويوصل ابوك.."ومسحت دموعها وتركتها"
رهام ما ارتاح قلبها..حاسه ان صاير شي وكبير بعد..امها تبكي !!
بسرعه طلعت فوق وراحت لغرفة ريماس ..حاولت تفتخ الباب بس كان مقفل..دقته..
: ريمو...ريمو افتحي بسرعه..
ريماس سمعت صوت رهام زاد صوت بكاها..
رهام ضربت الباب بقوه: ريمو افتحي بسرعه..امي تحت تبكي ليش ؟؟
ريماس فتحت الباب وبسرعه رمت نفسها بحضن رهام..وتبكي بصوت يقطع القلب..
رهام ما عاد تتحمل اكثر ..زاد خوفها واختفى الدم من وجهها.. حاولت تبعد عن ريماس
: ريماس..وش فيكم تكلمي ؟؟
ريماس: امي ...امي عرفت ان ادخن..
رهام كأن ضربه جات على راسها ..وصارت مثل الغبيه تردد الكلام..
: امي انا ؟؟؟ عرفت انك تدخني..
ريماس ما تكلمت بس دموعها تكفي انها تثبت كل شي..
رهام نزلت دموعها وبأستحقار طالعت اختها: كله منك.. انتي اللي جبتي البلا لنفسك..نصحتك كثير..وفهمتك..بس كنتي مصره تمشين رايك وافكارك الغبيه..وهذي النهايه.."رفعت اصبعها بتهديد بوجه ريماس" لو حصل لامي شي..انتي المسؤوله..وراح تدفعين ثمن كل دمعه نزلت منها ..امي يا ريماس سوت المستحيل عشانا .مستعده تضحي بروحها عشان بناتها..ما تطاله بهالدنيا..الا انا وانتي..وانتي خيبتي ظنها..ونزلتي راسها..وكسرتي في نفسها اشياء مستحيل تتصلح...للاسف انك بنت لطيفه .."وطلعت وتركتها "
تركت ريماس تعاني من الحسره ..والندم..وتأنيب الضمير..تتمنى لو الدقايق والساعات ترجع وتعدل كل شي ...هي كل اللي فيه وسوته عشان ضاري..بس السبب مو ضاري...السبب مدى..لو مدى ما طلعت في حياتها ما كان أي شي من هذا كله..بس لازم مدى تدفع الثمن معاها..مستحيل تخليها تتهنى بحياتها..وهي تعاني لحالها..لازم احد يشاركها معاناتها..

&&&&&&&&&&&&&&&&&&&&&&&&&&&&&&&&&&&&&&
في بيت مرام..
جلسة قهوه وسواليف ..
مشاعل:والله ابتهال ناقصتنا..
مرام: المشكله صعبه جيتها هنا ..من يوصلها دايم..
مشاعل فاتحه سيرة ابتهال قاصده: الا على طاري ابتهال..ما قلت لك..اني كلمت ابتهال عن عبد الله اخوي..
مرام تحمست: جد !!! وايش ردت عليك.؟؟
مشاعل: في البدايه ما قالت شي..بعدين قالت انا اعتبره مثل اخوي سلطان..
مرام زعلت شوي: معليش ربي يعوضهم خير..
مشاعل: ان شا الله..الا عزام اخوك ما فكر يخطب..
مرام بعدم اهتمام: ما ادري عنه..ما اتوقع انه يفكر بالزواج..
مشاعل: ليه !! ايش ناقصه ما شا الله..ضابط آآآد الدونيا..وكل بنت تتمناه..انتوا اسألوه..يمكن يبي ومستحي..
مرام بدت تفكر: تتوقعين نسأله ؟؟ يارب يقتنع لان امي بتموت على ما تشوفه معرس..وانا نفس الشي ..متحمسه لزواجه..قبل كم سنه كنا دايم نجيب له طاري الزواج وهو كان رافض..لكن الحين برجع المح له.
مشاعل: تبين نصيحتي..اخذوا له ابتهال..والله لو يلف الدنيا ما راح تلاقون له احسن منها..
مرام في البدايه انصدمت من الفكره بعدين تحمست لها: والله لو ابتهال توافق على اخوي...ان بطير من الوناسه...بجد تناسب عزام اخوي..وخصوصا ان عارفتها وعارفه اخلاقها..
مشاعل ابتسمت براحه: اجل روحي على طول لامك وكلميها..ابتهال بنت ما تتفوت..بسرعه لا تطير منكم ترى الخطاب طوابير عند بابهم..
مرام دخلت الفكره براسها وبتحاول تقنع اخوها فيها...
بسيــــــدني..
بغرفتها..وذبحها الملل ما تدري وش تسوي..سكرت التلفزيون الموجود بالغرفه.. لانه حتى هو ملت منه..
: ياربي..ودي اطلع "وصارت تدور بالغرفه" اطلع ولا ؟ آه يا هلي اشتقت لكم "وبسرعه راحت لموبايلها بعد ما فتحه لها ضاري دولي واتصلت على ابتهال"
ابتهال شافت رقمها وما صدقت: الووو..هلا والله وغلا بهالصوت..
مدى اشتاقت لها ولصوتها : هلا فيك يا بعدي..اشتقت لكم موووووووووت احس اني بأبكي..
ابتهال بكت بس تحاول ما توضح: حتى احنا والله ضايعين بدونك..
مدى: فديتكم والله..اخبارك واخبار سلطان والصغار؟؟ ان شا الله كلكم بخير..
ابتهال: احنا تمام ..انتي طمنيني عنك وعن ضاري؟؟
مدى: بخير الحمد لله.
ابتهال بتردد: تهاوشتوا؟؟
مدى بخبث: نتهاوش ؟؟ ليه...وانا في اول ليله كنت بحضنه ..
ابتهال تفشلت: ههههههههههههههه يا حليلكم والله..
مدى: ابتهال..احس اني ماني عارفه وش اسوي...
ابتهال: في ايش؟؟
مدى : مع ضاري..ماني عارفه كيف اتعامل معاه...
ابتهال: مدو ترى ضاري طيب..انا دايم اجلس معاه وانبسط وما امل منه..شخصيته حلوه..حاول تتقبلينه..وراح تشوفينه بنظره ثانيه..
مدى سكتت شوي وغيرت الموضوع: واخبار عمي؟؟موضي رجعت؟؟
ابتهال: عمي والبنات بخير..بس موضي ما رجعت..
مدى: احسن لحد ما ارجع مابيها ترجع وانا موجوده ..
ابتهال: انتي لا تشلين همنا بس...خليك في زوجك وانتبهي عليه...تراه كنز..والبنات عيونهم عليه...
مدى بدون نفس: ايه صح كنز..يله اكلمك بوقت ثاني تامرينن على شي !!
ابتهال: لا سلامت قلبك بس اهم شي الهدايا..ترى ما راح نستقبلك بدونها..
مدى: ههههه ابشري..ما راح انساها..سلمي لي على الكل ..باي..
ابتهال: يوصل باي..
مدى رمت موبايلها على السرير..
: اهلي وكلمتهم...وبعدين !!
وفجأه سمعت دق الباب..
: مــــــــــــدى..
مدى فز قلبها وخافت : هلا..
ضاري: نايمه؟؟
مدى وهي تضبط شكلها قدام المرايه: لا ...مو نايمه..
ضاري بنفسه " اجل ليه جالسه "...:اوكي انتظرك برى..
مدى : طيب " وتنفست براحه" يمه..ليش خفت..احس صوته يخرع..
ضاري جلس على الكنب وهو منقهر منها ..مو نايمه ليش حابسه نفسها بالغرفه..وسمع صوت قفل الباب ينفتح وطلعت عليه لابسه جينز برمودا وشيرت "قميص" مااره نايس وردي..وراقبها بعيونه لحد ما جلست وواضح انها مستحيه لانها ما حطت عينها بعينه..
ضاري اذا شافها يحس وده يبتسم..كذا يكون سعيد بدون ما تقدم له شي ..وجودها يكفي..
مدى توترت من نظراته وصارت تضبط شعرها..تطالع اظافرها..ترتب الشيرت..وتطالع قصر البرمودا..
ضاري قطع الصمت: كلمتي اهلك..
مدى اخترعت:ها...ايوه..قبل شوي كلمتهم..
ضاري: وان شا الله الكل تمام..
مدى اخذت نفس عميق من الربكه: لا الحمد لله ..الكل بخير..
ورجع الصمت من جديد..
ضاري بجد وتره هالصمت..ليه ساكتين..معقوله مافي موضوع يفاتحه مع مدى..
: نطلع ؟؟
مدى: براحتك..
ضاري: اجل يله...بدلي ملابسك بسرعه وتعالي؟؟
دخلت مدى وبسرعه بدلت وطلعت له..وكانت متدفيه شوي لان الجو ربيعي عندهم..
وطلعوا..
مدى تمشي جنب ضاري..ودايما معاه تحس بشعور بالامان..في كل مره..تكون خايفه فيها..ويجي عندها تحس بالامان..في كل مره تكون فيها خايفه..لما يجي عندها حست بالر احه والامان..قربت منه اكثر..
: كيف سلطان معاك بالشركه؟؟
ضاري اول شي انبسط بأنها هي اللي تكلمت حتى لو كان عن اخوها بس على الاقل حابه تتكلم معاه في شي..
: لا ما شا الله مره شاطر وذكي..هو الحين سكرتير مكتبي بدال ياسر"وسكت شوي" بس بعدين بعطيه ادارة قسم..
مدى بجديه: ضاري..ممكن اتكلم معاك في موضوع ياسر وبهدوء..
ضاري اللي ما وده وبداخله الغيره بدت تشتغل: وتحسين هذا وقته..
مدى: هذا انسب وقت..
جلسوا على طاوله صغيره وكرسيين قريبين من بعض..
: احم ..ضاري..رجع ياسر مكانه..
ضاري: هذا الشي يرجع لي..مالك دخل فيه..
مدى: ضاري..انا قلت لك انك فاهم السالفه غلط..وبالاصل ما كان في بينا شي..لا تقطع رزق الولد وانت ظالمه..
ضاري: انا ما ظلمت احد..انا حكمت على اللي شفته..
مدى: بكون صريحه معاك..انت ظلمتني وظلمته..بس انا سكت عشان..كنت..ابي..انا سكت عشان كنت مقهوره منك وابي اردها لك..ولا ياسر ما اعرفه ولا يعرفني..وعلى فكره هو كلمني مره وحده قال ابيك في موضوع خاص..قلت له مهما كان موضوعك تعال في بيت عمي..وهو جاء على كلامي..ما اتوقع انه سوى جريمه تستحق العقاب..وانا ما قلت لك هالشي عشان ابرر لك..قلت له ل كلاني بجد مابي يكون ذنبه علي..وانت يرجع لك القرار..
ضاري وده يصدق: يعني الحين تقنعيني ان ما بينكم شي..!
مدى: ما اعرفه..وما اعرف عنه غير اسمه بس..
ضاري واضح عليه انه تشتت تفكيره..مايدري وش يسوي..يصدق مدى ويرجع ياسر..ولا يصدق ظنونه..
مدى بصرامه: واذا فكرت تشك فيني وفي تربيه امي مره ثانيه..صدقني ما راح اسكت لك..
ضاري ما علق على الموضوع..لان بجد لو كانت ظنونه غلط..بيكون شك في اخلاق مدى وياسر..وظلمهم وظن فيهم السوء..وطرد ياسر فوقها..
تنهد وهو يوقف..مدى وقفت معاه..ومشوا لحد ما اخذول لهم تاكسي..
اخذها على منطقة على منطقه شعبيه ..وكانت بجد حلوه..لان السايح يقدر ياخذ منها حاجات وهدايا حلوه للذكرى..
مدى بحماس وتأشر لبعيد: ضاري شوف هناك المدينه الترفيهيه..
ضاري: هذي اسمها ليونا بارك..
مدى: نروح لها..؟؟
ضاري مستغرب: بتلعبين ؟؟؟
مدى: ايوه..ليش فيها شي ؟
ضاري: لا مافيها..بس ما توقعتك من الناس اللي تحب اللعب..
مدى بعفويه: لا انا اموت في الاكشن..خلينا نروح لها..
ضاري: يله امشي لها..
وفي وسط اليونا بارك..
مدى بدهشه: واآآآآآو ..احس هذا في الاحلام بس..
ضاري وهو يطالع الالعاب حوله والناس والزحمه ورجع يطالعها وابتسم بأستهزاء: اجل يله عيشي احلامك..
مدى طاالعته بنص عين: ايوه بأعيشها.."ومشت كم خطوه" اول شي ابي هذا ..حلاو قطن..
ضاري طير عيونه: حلاو؟؟؟؟
مدى وهي تتجه للكوشك: ايوه بسرعه تعال ابي واحد..
ضاري حس ان مدى وكأنه طفله..ما توقعها تحب الاشياء هذي قرب من الكوشك واخذ لها واحد..
مدى: لا خذ لك معاي واحد..ما احب اكل لحالي...
ضاري: لالا انا ما احب الاشياء هذي..
مدى: عشاني خذ واحد..ترى مره لذيذ..
ضاري: انا عارف انه لذيذ بس مابي..
مدى كتفت ايديها وزعلت بطريقه طفوليه : اجل انا مابي..
ضاري يطالعها وهو فيه الضحكه ورفع حاجب مستغرب: مدى !!
مدى حست انها صارت عفويه بزياده..وضاري مستغرب هالشي..بس اعجبها الوضع..
: خذ لك واحد ولا مابي..
ضاري تنهد: امري لله.."واخذ له "
مدى مستمعه لابعد حد.. تاكل حلاوها المفضل..وتصور مع دمى افلام الكرتون..
وجلسوا على الكراسي..
مدى ما زال حماسها مستمر: ترى بعد شوي بلعب..
ضاري صار يعطيها على قد عقلها : اوك شوي وألعبك..
مدى لفت عليه: ما راح تلعب معاي..
ضاري بسرعه: عاد هذي انسي..لا تحاولين معاي..
مدى بدون نفس: انت الخسران..
ضاري: تبين بوب كورن..
مدى هزت راسها: ايوه..مو مشكله..
ضاري: طيب خليك جالسه ما راح اتأخر..
مدى طالعته وهو يمشي..فعلا ضاري مثل ما قالت اريام مو سئ..وكأنه انسان ثاني قبل الزواج..ما تدري سبب تغيره..تعبت من التفكير وحطت السبب اكيد في تقلب مزاجه الدايم..
لفت للجهه الثانيه وانصدمت من اللي قدام عيونها ويطالعها مبتسم..واضح انه كان يراقبها من فتره..
: انتي اللي شفتك بالفندق صح ؟؟
مدى بطفش: ايوه انا..تامرني على شي..
قرب منها اكثر: انتي تدرسين هنا ولا ايش؟؟
مدى: ما تلاحظ انك تمون..
الولد وهو يطالع ضاري من بعيد: لا بس حبيتا سألك وشلون تعرفتي على هذا ؟
مدى لفت على ضاري ورجعت تطالعه: هذا شي ما يخصك ورجاء ابعد عني..لا اتفاهم معاك صح..
الولد: بس بجد انا اول مره اشوف بنت مع هذا الانسان فا حبيت اسأل..
مدى بدت تعصب: اقولك روح بالطيب احسن لك..
الولد رجع كم خطوه: اوكي اوكي..لا تعصبين..بس تبين الصراحه جمالك فتني..وما قد شفت مثله..هذا اللي كنت ابي اقوله..راح نلتقي مره ثانيه..انا متأكد...باي..
مدى تنفست براحه وهي تشوفه يبتعد..
: بجد هذا المريض من وين وطلع لي ؟؟معقول يعرف ضاري هالمعرفه لدرجه ان يقول اول مره يشوفه مع بنت.."وابتسمت" شكل ضاري عاقل وما يعطي وجه وانا البنت الاولى بحياته..
وسمعت صوته فوق راسها: وش عندك توزعين ابتسامات..
مدى وهي تاخذ البوب كورن حقها والعصير: تذكرت شي وابتسمت..
ضاري جلس جنبها: وما يصلح اعرف الشي هذا ؟
مدى: لا ما يصلح..
وبعدها طافت مدى كل الالعاب..ولعبتها تقريبا كلها..وفي كل مره تحاول تقنع ضاري وهو رافض..
: طيب هذي...هاديه وحلوه..
ضاري: مدى..روحي العبيها وانبسطي انتي..انا جالس هنا انتظرك..
مدى: انت جربها طيب ..
ضاري جلس: لا انتظرك هنا احسن..
مدى: اوك خلاص براحتك..بس لو جربتها كان احســـ
ضاري قاطعها: مدى..!! ايش فيك صايره حنانه..خلاص روحي العبيها وانا هنا جالس انتظرك..
مدى: اوك اوك خلاص بروح لحالي.."وراحت"
ضاري ابتسم : والله قلب طفله..
ركبتها وسكرت الحزام..وحسن ان واحد دخل بسرعه وجلس جنبها وسكر حزامه..مدى ما انتبهت له ..
: يؤ ...شكل القدر جمعنا بسرعه..
مدى وقف قلبها ولفت عليه: انت !! انت وش تبي مني ؟؟
الولد: انا ايش ابي منك؟؟ مابي شي..بس اتوقع القدر حاب يجمعنا..
مدى لفت وجهها للجهه الثانيه عنه..واللعبه راح تبدا بعد شوي..بس هاديه..
: طيب بسألك حبيتي الانسان اللي معاك هذا ؟
مدى: تعرفه.؟؟
الولد: ايوه اعرفه..ومعرفه قويه..
مدى: اجل الانسان هذا له اسم واسمه ضاري..
الولد: لا انا ما اقدر على الحب ..وتدافعين عنه..بصراحه انجز الضاري..
مدى ملت منه: صبرا جميل والله المستعان..
الولد: شكل العلاقه اللي بينكم رسميه..او لسه متعرفه عليه..
مدى ما ردت عليه..
: طيب هو انتي اللي رحتي له ..ولا هو اللي طلب يتعرف عليك..
مدى نفس الشي ما ردت عليه..
: وانا اقول ليش الولد يحب سيدني ويروح لها دايم..يمكن عشانك انتي فيها..
مدى خلاااص وصلت معاها: هيه انت..ترى انا جايه هنا انبسط وافلها لا تنكد علي..وبعدين ايش عليك..تعرف علي..تعرفت عليه..احبه ولا ما احبه.. اتوقع كل هالامور ما تخصك..
الولد: اوك هدي اعصابك..بس اللعبه حلوه..
مدى طالعته بنص عين..شكله على جنب واو شي خيالي...واكثر شي يجذبب في هذا الشخص ستايله وطريقة لبسه مره انيقه ومميزه..
كملوا اللعبه كانت لما ترتفع يرفع ايديه ويصرخ وهو يضحك
مدى ما ودها تضحك عليه وحطت ايدها على فمها تمنعها..
الولد: سوي مثلي..بتحسي بشعور غريب..
مدى تبي تبين له انه سخيف..وطالعته بأستحقار.
: جربيها والله ما راح تخسرين..
مدى: ما راح اجربها..
الولد رفع ايده ويصارخ: صدقيني احلى شي في الحياة انك تتمتعب بأبسط شي فيها..عيشي حياتك..
مدى وهي تشوف اللعبه توقف: بأعيشها بس مو جنبك.."ونزلت وبسرعه راحت لضاري"
: انبسطتي؟؟
مدى لفت على ورى تبي تلحق تشوف الولد تخلي ضاري يشوفه..بس فجأه اختفى..
: ايش فيك؟؟
مدى: لالا..ولا شي ....نمشي ؟
ضاري وقف: يله..
وطلعوا منها..
: الحين وين نروح...ايش باقي ما اخذتك عليه..
مدى: اتوقع كل الاشياء باقيه..ما بعد رحت شي..
ضاري ابتسم ابتسامه صغيره: طيب بأخذك على مكان هادي..
مدى : اوكي محتاجين هادي..بعد اللعب والدوخه..
دقايق..وهم بوسط الباخره..
مدى تطالع البحر: اول مره احس بشعور جاك وروز اللي بالتياتينك..
ضاري: ههههههههههه..بس قديمه جاك وروز..
مدى: هذا اول شي جاء في بالي..."وانتبهت لضحكته.."
بجد لما يضحك..يطلع احلى..وتبان شخصيته الحقيقه..وقف جنبها والهوا كان قوي شوي..مع انها ما كانت تمشي بسرعه..
: مدى بسألك سؤال..
مدى لفت عليه..
ضاري: اول مره شفتيني فيها..ايش كان انطباعك عني؟؟
مدى في البدايه استغربت سؤاله..بعدين حبت نمط الاسئله عشان تعرف عنه حاجات كثيره..
: امممم اول مره شفتك فيها قلت عنك هذا مغرور...وانا؟؟
ضاري: انا اول مره شفتك فيها قلت عنك مميزه..
مدى صدمتها الاجابه: مميزه؟؟؟ليش ؟
ضاري: لانك بجد مميزه..
مدى استحت وبدت خدودها تورد: طيب لما عرفت اني بنت عمك ايش كان شعورك؟
ضاري: اول شي فكرت فيه..اني اتعرف عليك اكثر....وانتي؟
مدى بحياء من اجاباتها: انا ما حبيت ان يكون عندي عم وعيال عم..
ضاري: طيب ولا مره حسيتي ان شي حلو يكون عندك اولاد عم..؟؟
مدى: لا الحين شعوري يختلف..لاني حبيت عمي..وعرفت معدنه وتعلقت فيه..وحسيت انه مثل ابوي واكثر..
ضاري بتردد..: وانا ؟؟؟
مدى حست ان السؤال صعب...ضاري ايش بالنسبه لها؟؟
: انت ولد عمي..
ضاري: بس !!
مدى: ايوه ولد عمي ...الحريص علينا ...بس..
ضاري سكت شوي..الاجابه حطمت كل اماله..توقعها افضل من كذا..
: بس انتي ما كنتي بنت عمي وبس..
مدى لفت عليه..وقلبها يدق..
ضاري كمل بدون ما يطالعها: انتي من البدايه كنتي غير عندي..ولما اكون معاك احس اني مو ملك نفسي ..عشان كذا كانت تصرفاتي غريبه لما تكوني موجوده..كنت انقهر من نفسي..ليش معاك اتخربط وساعات اضيع..بغيتك لي..ومهما كان الثمن..لانك انتي اللي خلت هذا يدق "وحط ايده على قلبه" لما يشوفك تضحكين يضحك..ولما يشوفك تبكين يتألم عليك..اتوقع انه حبك وبكل دقه يثبت انه حبك..المشكله اني ما اقدر اتحكم فيه...قلبي صار ملكك..
مدى ماتت من الحيا..ومره مستغربه المشاعر الجياشه اللي طلعت عند ضاري..وضاري يحبها !! مستحيل..
ضاري لف عليها: لهدرجه هذي ما توقعتي اني احبك..
مدى وجهها اصفر ووردي وكل الالوان..
:لا ...اقصد..ان..
ضاري وقف جنبها ومسك ايديها: انا اعترف لك اني معاك اكون ضاري ثاني..واتمنى من كل قلبي انك تبادليني نفس الشعور..
مدى وهي تطالع عيونه..كانت تحكي كلام كثير..وكانت حارقه لدرجه ان وجهها صار احمر..ارتفعت حرارة جسمها من ايديه ..نزلت عيونها وهي ما تدري وش ترد عليه..
ضاري رفع راسها بأيده وقرب منها بهدوء..وطبع بوسه على شفايفها..ومدى كانت مثل اللعبه في ايديه مستسلمه له..

>>>>>>>>>>>>>>>>>>>>>>>>>>>>>>>>>>>>>>>>>>>
على الغـــــدا..
الكل جالس وينتظرها..
حمد: روحي نادي اختك..
دانا وقفت: ان شا الله..
ولسه بتطلع الدرج شافتها نازله منه..بس !!!!!
دانا:لانا؟؟؟ لابسه حجاب !!!
لانا متوتره: ليه مو حلو علي ؟
دانا ما استوعبت لحد ما وقفت جنبها: ليش؟؟
لانا: عشان مفروض البس..ما تشوفين سلطان جالس معانا..
دانا حطت ايدها على خصرها واكبر علامة استفهام على راسها واحقتها..
دخلت لانا صالة الطعام..متوتره وواضح عليها..
: احم..السلام..
الكل طالعها ...وانصدم...
حمد انتبه وما علق..
اريام ما استوعبت...لانا لابسه حجاب؟؟؟؟
ابتهال مطيره عيونها وتأشر لها على راسها " ليش لابسه؟"
لانا تأشر على سلطان " وتقصد عشانه موجود"
ابتهال طالعت سلطان..كان مبتسم ومنزل راسه..
وداد: لنو..انتي حلوه كذا..
لانا ماتت من الاحراج: انتي احلى يا قلبي..
بدر: تقلدين ابتهال !
سلطان: بدور اكل حبيبي..
وبعد الغدا..
جلسوا الثلاثه برا..
: لا بجد لانا وش اللي خلاك تلبسينه؟
لانا: قلت لكم عشان سلطان موجود..
دانا: سلطان موجود من زمان..
لانا: بس لسه حسيت ان مفروض البس..
دانا: لنو..لا تحسسيني اني الوحيده اللي ما تستحي على وجهها..
لانا: اجل استحي على وجهك والبسي..
مر سلطان من عندهم..وطالعها وابتسم ..يشكرها..
لانا ردت له الابتسامه بحياء وبسرعه وقفت وراحت له..
سلطان انصدم ما توقع تسويها وتجي تكلمه قدام البنات..
: عجبك؟
سلطان: ايوه ..لايق عليك..
لانا: اهم شي انو عجبك..تصدق ان شي مو صعب ..بالعكس حسيت براحه اكثر..
سلطان:كل ما تمسكتي بدينك اكثر..كل ما حسيتي براحه اكثر..
لانا: مشكور سلطان..
سلطان: ليه تشكريني ؟
لانا: من لما جيت هنا ..وانا احس براحه يوم عن يوم..واشكرك على هالشعور..
سلطان ابتسم ابتسامه واسعه ويصاحبها خجل: انا اللي اشكرك كل مره تحسسيني اني مسوي شي عظيم..
لانا: لان كانت في عيوني عظيم ..
سلطان طالع البنات: روحي لهم..ترى شكلهم يحشون..
لانا فهمت انه مايبي يدخل في سالفة المشاعر: اوك ..بتطلع الحين ؟؟
سلطان: ايوه بروح لثامر وراجع..ترى بأجي واطلعكم استعدوا..
لانا فرحت: اوك انتبه لنفسك..ننتظرك.."ورجعت للبنات"
ابتهال: اختك هذي هايمه في اخوي..
دانا: اتوقع وصلت لدرجه اكثر من الهيام..
وصلت لانا: بالله وش كنتوا تقولون عني..
دانا: اقول خفي على الولد شوي..
لانا تنهدت وتمثل بطريقه حالمه: هذا اللي عشقته وتملكني وش اسوي..
ابتهال سكتت..لهدرجه لانا متعلقه فيه..وصديقتها مشاعل؟؟؟؟؟

>>>>>>>>>>>>>>>>>>>>>>>>>>>>>>>>>>>>>>>>>>>>

وهي تشوف اخوها خلص غدا..وجالس عند التلفزيون..
جلست جنب امها وحبت تفتح الموضوه عنده..
: يمه..بالله ايش رايك بأبتهال صديقتي..
عزام سمع الاسم بس ..ركز معاهم..
ام عزام: والله من زينة البنات..
مرام: يمه..ليش ما نخطبها لعزام..
ام عزام: هو خليه يوافق على الزواج..وبعدها نتكلم..
مرام همست لها: اجل خلينا نقنعه..
ام عزام لفت على ولدها : يمه عزام..متى بترفحني فيك واشوف عيالك..كل الامهات زوجوا عيالهم..وانت ما ينقصك شي ..كامل والكامل الله..
مرام قربت من عنده: وبعدين ابتهال صديقتي ووحده عارفتها اخلاق ودين وجمال...فكر فيها قبل لا تروح منك..
عزام بتردد: يعني في احد يخطبها؟؟
مرام انبسطت على الاقل تجاوب معاها: هو كان فيه..بس رفضته..
عزام وقف: اجل سوو اللي تبونه..
مرام ما صدقت ولحقته: لحظه لحظه..نسوي اللي نبي..يعني نخطب لك؟
عزام: ما تبون بكيفكم..
ام عزام: الا نبي بس تعالي انتي عنه لا يهون..
عزام ضحك عليهم وطلع..
مرام جلست جنبها: يمه بجد وافق..
ام عزام: ما سمعتيه يقول سوو اللي تبون..
مرام: يعن بناخذ له ابتهال..
ام عزام: ان شا الله..

>>>>>>>>>>>>>>>>>>>>>>>>>>>>>>>>>>>>>>>>>>>>

بسيـــــدني..
وبالفندق..
فتحت عيونها..وشافته نايم جنبها..تذكرت ليلتها امس وحسن ان وجهها احمــــــر من الحيا..
ودخلت دورة المياه..وبعدها طلعت وصلت الفجر..وتبي تصحي ضاري بس الخجل مانعها..
حس بحركتها وفتح عيونه..
مدى على طول بعدت عيونها عنه..
ضاري: صليتي؟
مدى: ايوه..يله قوم صلي..."وطلعت من الغرفه"
ضاري رمى البطانيه وهو مبتسم..ودخل دورة المياه..
مدى واقفه عند الثلاجه وناشبه فيها تشرب مويه..
: وجهي وين اوديه..
شوي ورجعت الغرفه وهي متوتره..بس شافته رجع نام ارتاحت..دخلت الغرفه وسكرت الباب ورجعت للسرير ونامت للجه الثانيه..ما حست الا بضاري يحاوطها بأيديه وحاط راسه على رقبتها
: اشتاق لكب سرعه..
مدى مغمضه عيونها بقووه.. وقلبها يدق بسرعه..مشكلة ضاري كل شي يقوله..ودايما مستعجل..

>>>>>>>>>>>>>>>>>>>>>>>>>>>>>>>>>>>>>>>>>>>>

لابسين وينتظرونه..
ابتهال: تأخر ولا؟؟
دانا: الساعه 10 ما عاد يمدينا نطلع ونرجع واحنا عندنا دوامات..
لانا: هو قال استعدوا..
ابتهال: بأتصل عليه.."طلعت موبايلها من شنطتها واتصلت عليه"..الوو سلطون وينك؟...طيب اوك..باي......... يقول انه قريب..
وبعد نص ساعه دخل عليهم بالصاله..
: السلام...اسف تأخرت عليكم..
كلهم طالعوه بصدمه..
لانا وقف قلبها من الخوف: ايش فيها ايدك؟؟
ابتهال وقفت: مجبره؟؟؟؟
لانا بسرعه راحت لعنده ولا شعوريا مسكت ايده وطالعت وجهه تتأكد ان مافيه شي
: سلطان ايش صار عليك..في شي ثاني يألمك؟؟
ابتهال جنبها: سلطون..ايش صار لآيدك؟
سلطان لاحظ اهتمام لانا وحط ايده الثانيه ورى على رقبته دايما يسويها اذا خجل: ايش فيكم اكلتوني..خلوني اجلس..
دانا: اتركوه..خلوه يرتاح..
جلس سلطان ولانا على يمينه..وابتهال على يساره..
: مافيني شي خفيفه ان شا الله...
لانا دمعت عينها: امانه سلطان وش صار عليك..
سلطان شاف دموعها وحس قلبه عوره: لانا..والله مافيني شي..بس كنت بقطع شارع وصدمتني سياره وصدمه خفيفه مره..
ابتهال: متأكد مافي شي ثاني يألمك؟؟
سلطان: لسه جاي من المستشفى..مافيني شي الحمد لله..
لانا حطت ايدها على قلبها: الحمد لله..
دانا: وقسم تجيبون الجلطه..انا قلبي كان بيوقف بسببكم ومن حركاتكم..
سلطان طالع لانا وهي ترد على دانا..
: ماشفتي ايده..قلبي عليك والله..
وطاحت عينها بعين سلطان..وسلطان كسر عينه بسرعه..ولف على ابتهال
:وانتي ارتحي..؟
ابتهال حست انها بتكي وضمته:بسم الله عليك..ما تشوف شر يا اخوي..
سلطان: هههه خلاص يا بنت شوفيني قدامك..ليش تبكين..
ابتهال: مابي افقد احد منكم..كفايه اللي راحت..
سلطان: الله يرحمها..ربي يجمعنا فيها بالجنه ان شا الله..
ابتهال تمسح دموعها: ان شا الله..يله سلطون قوم نروح عشان ترتاح..
وقف ووقفت معاه: معليش وعدتكم اليوم ولا طلعتكم..بكره نطلع مع السايق ..
لانا: مانبي نطلع..اهم شي سلامتك..
دانا: ما تشوف شر يا ولد عمي..
سلطان: الله يسلمكم...تصبحون على خير..
وطلعت ابتهال وسلطان معاها..

&&&&&&&&&&&&&&&&&&&&&&&&&&&&&&&&&&&&&&

يوم جديد..
نزلت ريماس وهي متردد..وخايفه من ردة فعل امها ..
وجلست على الكرسي..
لطيفه كل ما شافت ريماس عورها قلبها وتذكرت اللي صار..
رهام: يله انا شبعت الحمد لله..باي..
ريماس وقفت معاها: وانا بعد..
لطيفه: انتي اجلسي..
سيف: ليه ! عندها مدرسه خليها تروح..
لطيفه: لا ابيها..عندها موعد بالمستشفى بأخذها له..
سيف وقف: اوكي..انا شبعت الحمد لله..مع السلامه..
لطيفه: مع السلامه .."وطالعتها" ما قلت لك طلعه من البيت مافي ؟؟لازم تحرجيني مع ابوك..حتى مدرسه ما راح تروحين..
ريماس: ماما بس هذي اخر سنه لي..
لطيفه بشده: انسي الدوام..
ريماس طلعت غرفتها بسرعه..
لطيفه تنهدت: وش اسوي معاها هالبنت...ربي يهديها ويصلحها..

&&&&&&&&&&&&&&&&&&&&&&&&&&&&&&&&&&&&&&

تغير سريع في علاقتهم..قلبها فوق تحت..بس كان احلى تغيير..صاري الدنيا احلى في عيونهم..بدوا يعيشون قصة حب مثل اللي بالقصص الافلام..مشاعر جياشه ومتضاربه يمرون فيها الاثنين..
ضاري تغير مدى دفعه قدام كثير..وحبها زاد اكثر واكثر..
مدى بدت تميل لضاري..اكتشفت انه انسان اكثر من رائع..وفعلا كل بنت تتمناه..يمكن كان هذا شعورها في داخلها من اول..بس كانت تخفيه بأشياء ثانيه..تزيد نفورها منه...تغيرت طريقة التعامل.والاسلوب..وحتى السوالف..صارت احلى بكثير ..وانسجموا مع بعض..
وعاشوا فعلا مثل أي زوجين..واحلى بعد..كل واحد ذايب في الثاني..

&&&&&&&&&&&&&&&&&&&&&&&&&&&&&&&&&&&&&&

بعـــد اسبوع..
دخلت الغرفه الخارجيه: انا وصلت...وينكم يا عرب..
طلت عليها ابتهال وكأنها مو مصدقه: مدى !!
مدى: ايوه مدى اختك الكبيره والعروسه..
ابتهال ما صدقت عيونها وبسرعه طارت لحضن اختها
: وحشتيني وحشتيني موووووووت..
مدى ضمتها بحنان: وانتي واحشتني اكثر..والله فقدتكم وتمنيتكم معاي..
ابتهال من بين دموعها ضحكت: معاكم بشهر العسل متأكده؟؟؟
مدى رجعت تضمها وضربتها: دوباا..وسخيفه..انا بأربيك من جديد على قلة الادب اللي انتي فيها..
ابتهال: الحمد لله انك رجعتي لي..
مدى: وين الصغار..وسلطان؟؟
ابتهال: سلطان برى..والصغار اكيد بالحديقه..
مدى: امشي نطلع لهم..
ابتهال طلعت وشافت ضاري ينزل الاغراض من السياره...
وراحت له: الحمد لله على السلامه..
ضاري ابتسم لها: الله يسلمك..كيفك؟؟ اشتقت لك تصدقين..
ابتهال انصدمت في البدايه ن الاسلوب بس مشتها: ههههه وحتى انا اشتقت لك.. بس لا تسمعني مدى وتذبحني..
ضاري طالع مدى بحب وهي تحضن الصغار وتسلم عليهم
: ههههه لا ما تغار منك..
مدى ضمتهم بقوووه..اكثر ناس قلقت عليهم واشتاقت لهم الصغار..
وداد: خلاص ما راح تروحين مره ثانيه..
مدى: لا خلا ص..
بدر: لا تروحين..عشان وداد تقول انا مدى الكبيره لحد ما ترجعين..
مدى: هههه بعد سرقتي اسمي...
جانيت: الحمد لله عـ السلامه مدام مدى..كتير اشتقنا اليك..
مدى: الله يسلمك..وانا كمان اشتقت لك...
ودخلوا الصاله وشافوا لانا ودانا اريام..وسلمو عليهم..
اريام: والله بجد فقدتك..وكثير بعد..
مدى: القلوب عند بعضها.. انا اشتقت لك اكثر..
دانا: ابتهال ضاعت بدونك..
مدى: لبى قلبها والله..
لانا: البيت بدونك هادي وماله طعم..
مدى ابتسمت لها لما شافت الحجاب: وانتي احلويتي كثير..
لانا فهمت انها تقصد بالحجاب: الله يسلمك عيونك الحلوه...
دخل ضاري وسلموا عليه وجلسوا مع بعض..
ربع ساعه ودخل سلطان..
وشاف الشناط..
وبصوت عالي: الحمد لله على سلامتكم نور البيت..
وسلم على ضاري: الله يسلمك..
سلطان: اشتقت لك يا مديري..
ضاري: ههههههه ان شا الله الشغل تمام يا السكرتير النجيب.
وسلم على مدى: وحتى اختي الكبيره اشتقت لها وخافت..." سلطان ايش فيها ايدك.؟؟
سلطان: لا تخافين ضربه بسيطه..
ضاري: ايش صار عليها؟
سلطان: ضربتني سياره بس خفيفه والله..
مدى قلقت: بجد !! احلف انها خفيفه..وما صار لك شي ثاني..
سلطان: والله خفيفه..
وطلع حمد من مكتبه على اصواتهم
: وصل ضاري !!
ضاري راح لابوه وباس راسه: ايوه وصلت..
حمد: الحمد لله على سلامتك..
ضاري: الله يسلمك..
مدى راحت تسلم عليه وباست راسه..
: الحمد لله على سلامتك يا بنتي ..البيت بدونك اظلم..
مدى: الله يسلمك يا عمي..
ضاري طير عيونه: وانا؟؟ البين بدوني ما تحرك فيه ساكن؟
حمد: ههههه لا انت متعودين عليك دايم تسافر..
ضحك الكل عليه..
ضاري: انا شكل محد يحبني في البيت هذا..
اريام: يكفي حب مدى لك..
مدى قلب وجهها وردي بسرعه
ضاري طالعها مبتسم: أي والله يكفيني..
البنات: يا هووووو يا رومنسي ما نقدر على كذا..
دانا بهمس: لانا اخوك شارب شي..
لانا: ملاحظه !! صاير روميو زمانه..
ابتهال: ههههه هذي اختي فجرت مشاعره ..
وضحكوا البنات..
اريام: ضحكونا معاكم..
ابتهال : المشكله انها للمراهقات فقط..

>>>>>>>>>>>>>>>>>>>>>>>>>>>>>>>>>>>>>>>>>>>>
الكل راح بيت العمه يسلم عليها..
لطيفه: الحمد لله على سلامتكم..
ضاري: الله يسلمك يا عمه..
لطيفه: ما طولتوا هناك.
ضاري: اول شي الشركه ما اقدر اتركها..وعندك بنت اخو من اول يوم تبي اخوانها..
مدى: وش اسوي ما اقدر ابعد عنهم..
لطيفه: الله يخليكم لبعض..
لانا: وين ريماس..
رهام: بغرفتها..
لانا: بطلع لها..
طلعت الدرج وشافت ريماس تطل من فوق على الصاله..وتطالع ضاري ومدى اللي جنب بعض..
: ريمو !!
ريماس انتبهت لها: لانا ؟؟
لانا قربت منها وسلمت عليها: ما فكرتي فيني ولا اشتقتي لي ؟؟
ريماس: انتي ما اهتميتي فيني ولا عرفتي وش صار علي..
لانا حست ان في شي: ليه صار شي جديد؟
ريماس: تعالي احكي لك..."ودخلوا الغرفه"
لانا مصدومه: ويلي...ما اتخيل عمتي ونظرتها..
ريماس: تخيليها علي..الغرفه هي ما اتعداها..بس مليت قلت لها ندمانه وما راح ارجع اسويها بس ما رضت..
لانا: ترة اللي شافته مو قليل.
ريماس : طيب انا ندمت خلاص..ابي تطلعني..
لانا: اصبري كم يوم واكيد راح تحن عليك..
ريماس بأسى: امي ما عاد صارت تطيق تشوفني..امي كرهتني..
لانا: لا مافي ام تركه بناتها..
ريماس تنهدت: بس انا خيبت ظنها..وحطمت كل امالها..بدال ما تشوف بنتها عروس..ولا معاها شهادة ترفع الراس..شافتها تدخن..
لانا: حزنت على ريماس كثير: صدقيني عمتي قلبها طيب راح تتغير..بس انتي اثتبي لها انك تغيرتي..
ريماس سكتت..

&&&&&&&&&&&&&&&&&&&&&&&&&&&&&&&&&&&&&&
بعـــد اسبوع..
جالسه قدام التلفزيون..وبالها بعيد..تفكر في موضي وكيف راح ترجعها البيت..

دخل وحط شناطه بالصاله ومشى على اطراف اصابعه وشاف وحده جالسه وتطالع التلفزيون..جاء من وراها وحط ايده على عيونها..
: سبرااااااايز..
مدى عقدت حواجبها وحطت ايدها على ايديه تبعدها عن عيونها
: مين !!! "ولفت عليه وكانت الصدمه الكبرى"
هو طالع الملامح..مو وحده من خواته..هذي ..هذي !!
مدى: هذا انت؟؟؟؟؟؟؟؟؟؟
: انتي ايش جابك هنا
وسمعوا صوت اللفت ينفتح..
: مدى انا طالع..تبين شي؟؟
ودخل عليهم...شافه...جنب مدى..اصلا شوفته سببت له صدمه..
: سطام !!!! متى جيت..
مدى طالعت ضاري شوي ولفت على اللي جنبها وهي مو فاهمه شي ..
: سطام ؟؟؟؟
سطام بدون نفس: لسه وصلت ...