الجــــزء الـــرابع والاربعيــن...
ما قبل الاخير.."الفصل الاول"
بالمطبخ سمعت صوت رجالي ومعاه ضاري يتجادلون..
: يكون سلطان !!.."لفت على الخدامه" الحقيني بالشاي..
وطلعت لهم ..شافت ظهره هذا مو سلطان..هذا اخوها...سطام !!!
وبشك : سطام ؟؟؟
سطام لف عليها وابتسم من سمع صوتها: اريام...تعالي يا اخت اخوك العزيزه..اشتقت لك..
اريام ضمته ضمه بارده شوي..لانها متعوده دايما غايب عنهم..ومن يرجع تجي معاه الكوارث وبيتهم ما يهدا..
: وانا بعد اشتقت لك..متى وصلت ..
سطام: لسه واصل .."ورجع يطالع ضاري ومدى" هذي مين !!
اريام ارتبكت: هذي ...... ما قلت له يا ضاري !!
ضاري جلس وحط رجل على رجل ومسك ايد مدى وطالعهم وما رد عليه..
سطام رجع طالع اريام ينتظر منها اجابه..
اريام: هذي مدى زوجة ضاري..
سطام الخبر صدمه ووضح عليه هالشي: زوجته !! متى تزوج اصلا؟؟ وليه انا اخر من يعلم؟
اريام: كيف نوصل لك..اذا انت ما ترد علينا ..وعلى العموم ما صار لهم شي متزوجين..
سطام طالع مدى شوي ولف على ضاري وبنفسه" كيف ما فكرت انها زوجته..وانهم كانوا بشهر العسل !!"
وتغير لون وجهه وعصب: وين امي؟؟
اريام بلعت ريقها هذا ما يدري عن شي ..كيف راح تقول له كل الاخبار ..والمشكله كل خبر اهم من الثاني والمفروض يكون عنده خبر عنها..
سطام لما شاف اريام سكتت حس ان فيه شي: امي وينها ؟؟
ضاري تدخل: امك في بيت اخوها..
سطام رفع حاجب وهو مستغرب: وايش تسوي هناك...؟
ضاري: زعلت من ابوك وطلعت..
سطام: على ايش؟
ضاري كل همه ان سطام ينقهر: ما تبيني اجلس بابيت مع بنت عمي ..
كان قاصد يجيب طاري عمه ..ويخلي الدنيا تشتعل في قلب سطام..
سطام حس انه ما استوعب : بنت عمك!! من بنت عمك؟؟
ضاري حط ايده على كتف مدى وبطريقة استهزاء: يا الله صح نسيت انك ما تدري ..طلع لنا عم..
سطام هنا ولع: لحد هنا وبس ..انت تمزح معاي ولا ايش؟؟ معقول كل هذا يصير وانا ما ادري عن شي..
اريام تبي ترقع السالفه: عمي محمد لسه عرفنا عنه ..
سطام توترت اعصابه: وكيف طلع هالعم؟؟
ضاري بكل برود: طلع وبس..عندك أي مانع او اعتراض سيد سطام !!
سطام: ضاري ترى بجد ماني رايق لك..
ضاري: يعني انا اللي مثلا رايق لك ؟؟
سطام: ضاري اتوقع اني ما وجهة لك كلام..
اريام صرخت بعصبيه: بــــس ...لسه واصل وتتهاوشون..
سطام: انا بروح لآمي..وانتي يا اريام راح تجين معاي..بس ابدل وانزل لك..
وطلع للفت..
اريام جلست بتعب: ليش ما قال انه بيجي؟؟
ضاري وقف: مدى اطلعي غرفتك..ولا تجلسي تحت لحالك اوكي..انا طالع للشركه..
مدى: ان شا الله.."وقربت لاريام" ممكن اعرف وش السالفه ؟
اريام: بعدين اقولك ...الحين بروح ابدل ملابسي واروح معاه..
>>>>>>>>>>>>>>>>>>>>>>>>>>>>>>>>>>>>>>>>>>
طلع الدور الثاني معصب " ما ادري هم نسوا ان عندهم ولد ولا ايش سالفتهم..كل هذا يصير وانا مثل الغبي بينهم ..واي عم اللي يحكون عنه ..ابوي ما قد قال انو لنا عم ؟؟"
"وتنهد" : اغيب عنهم كم شهر ارجع احصل الدنيا مقلوبه فوق تحت..
وانفتحت قدامه غرفة دانا..
: فيصل..آآآقصد اشواق..يا الله معليش ترى دايم انسى ما بعد تعودت..
اشواق ابتسمت لها : مو مشكله..حتى انا نفسي ما بعد تعودت..
"وقفت ولفت بشويش لانها حست ان في شخص قدامهم واقف"
طالعته..هو نفسه اللي كان....كان بالصوره..معقول يكون قدامها ...حتى تغير كثير عن الصوره وصار احلى...
سطام كان يطالع اشواق اللي مطيره عيونها فيه ..ومستغرب:
What is this?
دانا ما صدقت عيونها : ســ ...سطـــام !! متى وصلت ؟ وليه ما قلت لنا عشان نستقبلك..
سلطان ابتسم : المهم اني وصلت " وضمها وباسها على خدها" ما تعرفنا على الاخت؟
دانا: هذي صديقتي اشواق..
اشواق كان عندها الوضع طبيعي ومدت ايدها تصافحه..
سطام بأستهزاء: ايوه انتي من الجنس الثالث " وصافحها"
اشواق صدمتها الكلمه : أيـــش؟؟؟
سطام: سوري ..سوري..بس بصراحه حلو ستايلك..احس صعب علي اتخيلك بنوته ناعمه..
دانا بعتب: سطام !!! وبعدين معاك؟؟
سطام ضحك : اسف امزح معاك يا....ايش اسمها؟؟ المهم اني اسف ..ترى ما قصدت ..عن اذنكم .."وراح"
اشواق رجولها ثبتت في مكانها ..كلمته كانت قويه عليها..ما تدري ليش حستها جرحتها..مع انها متعوده دايما تسمع تعليقات مالها داعي..وخنقتها العبره..
دانا حست فيها: اشواق..معليش ترى اخوي والله ما يقصد..هو صريح بزياااده..انتي ما تعرفينه..ما يعرف يمسك لسانه ..هو ما يقصد اللي قاله..
اشواق حاولت تبتسم: احم...لا عادي.. يله انا بروح ...اشوفك بكره..مع السلامه.."وراحت"
دانا حتى ما قدرت توصلها لتحت من كثر ماهي منقهره وراحت لغرفة سطام على طول وفتحت الباب: كيف تقول الكلام هذا لصديقتي؟؟؟
سطام اخترع: با الله ما تعرفين شي اسمه ادق الباب قبل لا ادخل؟
دانا: انت ما تحس..قلبك حجر!! تراها بنت وعندها مشاعر..
سطام: وانا ايش قلت غلط ؟ هي فعلا جنس ثالث..مو بنت ولا ولد ..ايش بتصير؟
دانا: طيب معليش حط لسانه بحلقك مو لازم تعلق..
سطام: طيب قلت حلو ستايلك..دانا اطلعي معليش مو فاضي لك الحين ..عندي الاهم منك ومن صديقتك هذي...
دانا طلعت وسكرت الباب بقوه..واتجهت لغرفة لانا..
لانا مصدومه: سطام وصل !!
دانا: ايوه وبغرفته ..سوى حركه بايخه لاشواق..
لانا: امداه يسوي شي؟؟ ايش صار؟؟
دانا حكت لها السالفه..
لانا خافت: والله بيعلق علي "وحطت ايدها على حجابها وهي تطالع نفسها بالمرايه"
دانا: بيحطك مسخره المجتمع..
لانا: بطلع له الحين وارتاح..على الاقل يعلق الحين..ولا قدام الكل..
وانتظروه الثنتين بالصاله اللي فوق..طلع سطام من غرفته بكامل اناقته..ومر عليهم.. وانتبه لدانا..بس الثانيه كأنه شك فيها..قرب منها اكثر..
: لانا؟؟؟؟
لانا وقفت وهي مبتسمه ابتسامه باهته: ايوه..
سطام: ليش لابسه هذا؟؟"ويأشر على راسه".. تطوعتي؟؟
لانا: عشان ولد عمي سلطان..
سطام الخبر اللي لسه ما استوعبه رجع ينعاد له مره ثانيه: ولد عمك؟؟ انتوا من جدكم تتكلمون..؟
لانا: ليه..ما قالوا لك؟
سطام تركهم ونزل الدرج بسرعه ...وشاف اريام جاهزه..وضاري ومدى اختفوا..
: نمشي؟؟
اريام: يله؟؟
وطلعوا مع بعض بسيارته " البورش سبور" لبيت خاله ابراهيم..
دخل بيتهم وصرخ بصوت عالي : مـــوضـــي..!!
موضي وقفت من اللي يناديها موضي حاف كذا ؟؟ وشافت ولدها داخل عليها..
: موضي..ما اشتقتي لولدك؟؟
موضي من شافت سطام وكأنه شافت الخير قدامها..هذا سندها الوحيد..
: سطام بعد قلب امك انت "وضمته بقووه"
سطام ضمها وباس راسها : اشتقت لك يا الغاليه..
موضي وهي تمسح على وجه ولدها: وانا اشتقت لك اكثر..
اريام تطالع الموقف وهي عارفه ان مستحيل تصير الحركه مع أي احد فيهم..سطام مكانته غير عندها ..
" وجلسوا"
سطام: وش صاير بينك وبين ابوي؟
موضي: ابوك يبي يسكن عندي بنت الفقر...
سطام عقد حواجبه: من هي بنت الفقر؟؟
موضي: بنت عمك من غيرها..
سطام: يعني بجد عندي عم؟
موضي بدون نفس: ايوه بجد..
سطام: طيب وينه من زمان؟
موضي تغير الموضوع: سالفتهم طويله..المهم انهم رجعوا من جديد..
سطام: وعمي هذا حي ولا ميت؟
موضي: ما ندري عن اراضيه..بس زوجته ماتت..وانا اللي خذيت عياله وحطيتهم عندي..
سطام : وكم عنده؟
موضي: وجه الفقر مدى واختها ابتهال وسلطان واثنين صغار..كلهم عاله على قلبي..
اريام: يمه ..ما ارضى على عيال عمي..
موضي: ترضين ولا ما ترضين..ما يهمني..
سطام سكت شوي..
ورجع يسأل: متى تزوج ضاري..وليه ما قلتوا لي؟
موضي: تزوج قليل الادب وانا طالعه من بيت ابوه..وما مرت على ملكته اسبوع..وما قلنا لك.. هو انت ترد على احد عشان تلومنا ؟؟
سطام: على الاقل مسج..
موضي: عاد صار اللي صار..
سطام اعصابه تلفت صار يهز برجوله: وغيره وش صار في غيابي اتحفوني...قبل لاانصدم..
موضي طالعت اريام مرتبكه..واريام فهمت اامها ..ونفس الشي خافت من ردة فعله..
سطام طالع عيونهم وحس ان في شي : هاتوا اللي عندكم ..بشروني بالجديد..
موضي بتردد: اختك...اريام..
سطام لف على اريام مستغرب
موضي تكمل: تزوجت..
سطام هنا وقف : لااااااا ..هنا وبس..انتوا ودكم تحذفوني من العائله ولا ايش؟؟؟ اريام تتزوج بدوني ...وحتى بدون ما تحطون عندي خبر؟؟
موضي وقفت مع ولدها: عاد انت افهم السالفه..الزواج هذا تم بدون رضاي ولا رضى خواتك ولا عمتك حتى ..ضاري زوجها اللي تبي ..
سطام وهو ضاغط على اسنانه: ضاري ضاري ضاري ..هذا وش يحسب نفسه ..يسوي اللي يبي في خواتي..
موضي: محد قال لك تبعد عنهم..وتترك لهم مجال..
اريام: تراه اخوي مثل ما انت اخوي..
سطام: ووينه زوجك المصون..
اريام: الحمد لله ربي رحمه ..واخذ امانته..قبل لا يتعرف عليك..
سطام: اريام كلميني بأحترام..
اريام غرقت عيونها دموع: احترام !! وانت خليت فيها احترام..جاي من بعيد بعد غيبه وتبي كل شي يكون على كيفك..
سطام: افهم من كلامك ان ما ودك فيني..
اريام: مو كذا ..انت اخوي على عيني وراسي..بس ضاري بعد ما ارضى عليه..
سطام: ضاري هذا لي تفاهم معاه.. "وطلع وتركهم"
اريام لفت على امها: يمه...ليش تقولين له بالطريقه هذي..انا اللي بغيت سامي..وضاري لبى رغبتي وما غلط..وابوي كان راضي..
موضي: حرتي ما بعد بردت..شوفي حالك الحين..خلي ولدي ياخذ حقي منه...
اريام: وضاري مو ولدك يعني..؟
موضي سكتت وما علقت ..
>>>>>>>>>>>>>>>>>>>>>>>>>>>>>>>>>>>>>>>>>>>>
بالشركه..
فتح باب مكتبه بقوه..
ودخل بغرور: ما شا الله..ايش الاناقه هذي..مكتبك مره شي..
ضاري عارف ان جاي للمشاكل وبأستهزاء: زاد نوره بوجودك تفضل..الشركه شركة ابونا..
سطام: انا عارف انها شركة ابوي..ما يحتاج تقول لي.. بس ممكن افهم يا سيد ضاري..سبب تدخلك بخواتي..
ضاري: اتوقع انهم خواتي مثل ما هم خواتك...
سطام: بس ما توصل تزوج وحده منهم بدون رضى امها..!!
ضاري: هي اللي تبيه انا ما اجبرتها..
سطام ضرب الطاوله بعصبيه: هذي اخر مره اسمح لك فيها تتدخل بدون علمي..ومثل ما لك وصايه عليهم ترى انا اولى منك فيهم..
ضاري ولا كأن تحرك فيه ساكن: خلص كلامك؟؟
سطام سكت..
ضاري: الحين مكتبي يتعذرك.."ورجع يطالع اوراقه"
سطام بأستهزاء: اخليك يا ... يا...ولد السوريه ..." وطلع "
ضاري قفلت اخلاقه : هذا وش رجعه الحين !! لما حسيت نفسي مستقر ومرتاح رجع !! "وضرب الطاوله بقهر"
دخل عليه سلطان: من هذا اللي قبل شوي؟؟
ضاري بدون ما يرفع عينه على سلطان: هذا اخوي سطام..
سلطان: اخوك؟؟؟؟
ضاري: كان برى ورجع..
سلطان: اهاا..الحمد لله على سلامته..
ضاري: الله يسلمك..
وطلع سلطان وهو مستغرب" الله خلق وفرق معقول يكون اخو ضاري !!..هذا وهو لسه واصل جاي يتمشكل ايش سالفته ؟؟"
ضاري سند راسه على كرسي المكتب..وتنهد بقوه لانه عارف ان من اليوم..بداية لخبطة حياته..
>>>>>>>>>>>>>>>>>>>>>>>>>>>>>>>>>>>>>>>>>>>>
رجع لبيت خاله..
: راح ترجعين لبيتك معززه مكرمه..بس خليني اشوف ابوي..
موضي ابتسمت..
سطام: يله اريام خلينا نمشي..مع السلامه يمه..
موضي: بحفظ الرحمن..
احلام لما شافتهم راحوا..طلعت لموضي وجلست جنبها وهي فرحانه: اجل سطام وصل !! يعني بيرجعك..!!
موضي بنفسها " اللي ياخذ روحك ولا يرجعها"
: ايه وصل..
احلام: الحمد لله على سلامته..ما شا الله عليه كبر وصار رجال..
موضي وهي فاهمه تلميحها: الله يسلمك..
>>>>>>>>>>>>>>>>>>>>>>>>>>>>>>>>>>>>>>>>>>>>
وقفت قدام المرايه وهي تتأمل في شكلها..طالعت شعرها البوي وتحسسته..كانت مسويته سبايكي..شكله حلو ..بس هو مناسبها !!..نزلت عينها على وجهها اللي كان خالي من الميك اب ..ومع ذلك كان حلو بس مافيه ولا لمسة انوثه..واخيرا طالعت ملابسها..انيقه ومميزه بس لو لبست شي اكثر انوثه كيف راح يكون عليها؟؟
تذكرت كلمته " حلو ستايلك..بس بصراحه صعب اتخيلك بنوته ناعمه.."
تنهدت...ما قد تأثرت بكلام أي شخص كان.. بس ايش معنى كلمته جات على الوتر الحساس عندها!! وصحت على نفسها وشكلها الخارجي فجأه.. كانت مستبعده فكره التغيير من برى سعت للداخلي ونست الخارجي..
دخلت عليها اختها..
: اشواق..!!
اشواق لفت عليها مخترعه: نعم !!
سجى طالعتها مستغربه: وش تسوين ؟؟
اشواق: ما اسوي شي ..ليه ايش عندك؟
سجي بحماس: تعالي معاي..ابيك تشوفين فستاني حق الزواج..
اشواق: اوكي..
وطلعوا مع بعض وراحوا لغرفة سجى...
لبست سجى الفستان وطلعت لأشواق.
: ها..ايش رايك حلو؟؟
اشواق طالعت سجى من فوق لتحت..ناعمه ..ورقيقه ..واي شي يناسبها وفستانها طالع عليها خيالي..
سجى قربت من اشواق وحركت ايدها قدام وجهها..
: الوووو..اشواق حلو الفستان؟؟
اشواق ابتسمت: لالا حلو مرررره..ولايق عليك..
سجى رجعت تطالع نفسها بالمرايه بفرحه ..
: مره ضابط علي..ان شا الله ما ينقص وزني ليوم الزواج..
اشواق رجع تفكيرها ياخذها لبعيد..
&&&&&&&&&&&&&&&&&&&&&&&&&&&&&&&&&&&&&&
طلعت من الملحق تبي تدخل القصر..بس سمعت بوابة القصر الخارجي تنفتح..ودخلت سياره اول مره تشوفها..بس كان شكلها خيالي وفخم..وقفت تطالع تبي تعرف من صاحبها ..وقفت السياره ونزل صاحبها...الوجه جديد عليها ..سكر باب سيارته ووقف قدام الشباك العاكس صورته وضبط شكله..ويكلم اريام اللي نزلت من جنبه..شوي واتجهوا لعندها..
هي من الصدمه ما تدري وش تسوي..بس كل تفكيرها انحصر تبي تعرف من هذا اللي جاي مع اريام وواضح انه عارف البيت كويس...
وقفوا قدامها بالضبط..
اريام ابتسمت لها: هلا بتو..ليش واقفه؟
ابتهال مطيره عيونها في اللي جنب اريام..وهو كان يطالعها بدون اهتمام..
اريام لفت على سطام ورجعت تطالع ابتهال: بتو..اعرفك على اخوي سطام..
ابتهال انصدمت: اخوك !! .......سطام...انت ...انت ولد الغربه..؟
سطام ضحك: ههههه حلوه ولد الغربه..حتى انتي تقولينها..
ابتهال شافت غمازته وحست ان وجهها قلب وردي وابتسمت ابتسامه باهته
: هه هه..
اريام: سطام..هذي ابتهال بنت عمي محمد..اخت مدى..
سطام جات على باله صورة مدى..ما يدري ليه ..وبعدها صورة ضاري وهو حاط ايده على كتفها ويقول انها زوجتي..
اختفت ابتسامته وبدون نفس: هلا..."ودخل وتركهم"
اريام استغربت حركته بس ما حاولت تدقق كثير..
ودخلوا هي وابتهال مع بعض..
: انا بطلع لمدى فوق عن اذنك..
اريام: اوكي..شويه وجايه معاكم..
ابتهال : اوكي..
وهي تطلع الدرج شافت سطام واقف ويكلم بموبايله وبالانجليش..ومتحمس ويضحك.
ما انتبه لها ..وهي ما حاولت تخليه يلاحظ وجودها..راحت لغرفة مدى ودقت الباب ودخلت..
: ليش جالسه بغرفتك !!
مدى اللي كانت مشغوله ترتب غرفتها: ضاري قال لي اجلسي ولا تطلعين منها لحد ما ارجع..
ابتهال ما زال تأثير جاذبية سطام مأثره عليها..لون وجهها ما كان طبيعي..
مدى رفعت راسها عليها: وش فيك؟
ابتهال بحماس: شفتي سطام !!
مدى : ايوه ..اول من استقبله انا..واحلى استقبال كمان
" وحكت لها السالفه"
بس ابتهال ما ضحكت: تتوقعين راح ترجع المشاكل من اول وجديد..دانا كانت دايما تقول انه اذا وصل وصلت المشاكل معاه...
مدى بتفكير: والله الصراحه من اولها تهاوش مع ضاري..الله يستر هو مو هين..باين عليه انه داهيه..
ابتهال ابتسمت ابتسامه عريضه: بس يجنن..احسه احلى من ضاري..
مدى: لاااا..وين.. ضاري احلى منه..بس ضاري ثقيل.. وسطام روحه خفيفه..
ابتهال: يمكن..
شوي دخلت اريام: هاي..
مدى: هايات..
اريام: بنات من الحين اعلن لكم حالة الطوارئ..
ابتهال ومدى مع بعض: ليه؟؟
اريام بمسخره: سطــــــام اخــــوي وصـــــل..
ابتهال ومدى طالعوا بعض ..ودقت قلوبهم خوف..على الضيف الجديد اللي مع جيته راح يتغير اشياء كثير..
&&&&&&&&&&&&&&&&&&&&&&&&&&&&&&&&&&&&&
الكل مجتمع بالصاله وينتظر حمد وضاري عشان الغدا..وما اخذ دقايق الا دخلوا مع بعض..
حمد كان عنده علم بوصول سطام..
: السلام عليكم..
الكل رد السلام..وسطام وقف ..وسلم على ابوه..
: كيف حالك ابوي ؟
حمد بدون نفس: الحمد لله على السلامه..عسى ان شا الله اخر السفرات..
سطام: هههه انت ادعي انها تكون اخر وحده..ما اظمن لك..
وجلسوا على الغدا..
حمد: اجل وين سلطان؟
مدى جنب ضاري: راح يتغدى برا يا عمي..
حمد سكت وما علق..
سطام رفع عينه على مدى وهي ما انتبهت له تاكل..حس ان ضاري انتبه له ونزل عينه بسرعه..
ضاري فجأه حس بالغيره راح تقتله: يبه ..حفيدك الاول وش تبي نسميه " ومسك ايد مدى"
مدى قلب لون وجهها للاصفر..اي حفيد اللي يتكلم عنه...
حمد ترك الملعقه من ايده وبفرح: مدى حامل !!
ضاري كل اللي يبي يوصل له..علامات الصدمه اللي يشوفها على وجه سطام اللحظه هذي...
اريام ما استوعبت: مدى انتي حامل !!
ابتهال منصدمه: ليه ما قلتي لنا؟؟
دانا: يعني بصير عمه ؟؟
لانا لفت عليها: مدو..جد حامل؟؟
مدى توهقت لانها ما تدري ليش اصلا ضاري تكلم عن الموضوع هذا
: ههه لا وش حامل ..لسه بدري..
اريام:ضاري تستهبل علينا..
ضاري وكأنه ما سوى شي : ليه انا وش قلت غلط؟؟ بس مجرد سؤال وانتوا اللي طرتوا بالسالفه..
البنات ضحكوا..
سطام بأستهزاء: لهدرجه مستعجل..اصبرعلى البنت شوي..
ضاري: والله مستعجل ابي اول حفيد لحمد يجي بأسرع وقت..ومن بنت اخوه..
سطام وقف بدون نفس: انا ما ادري ليه انسدت نفسي..اريام بكره بدليني بمكانك "وراح"
مكانه كان مقابل لضاري..ومكان اريام كان مقابل لمدى..كان قصده واضح لضاري..لكن خافي على الكل...
بعد الغدا..
حمد يشرب الشاي ويقرا جريده..عاده يوميه ما تتغير..
ضاري معاه الملفات..وجنبه مدى واريام يسولفون ..والثلاثي مع بعض..سطام اللي كان فاضي وطفشان بينهم..
شوي ودخل سلطان..
: السلام عليكم..
تعالت اصوات الجميع..والكل مبتسم: وعليكم السلام..
سلطان باس راس عنه وجلس جنبه..وحس ان في شخص زايد..
طالعه شوي وهو يحاول يدقق بملامحه قد شافها..بس وين..
سطلم كانت صدماتها متلاحقه وما بعد قدر يستوعب شي..
صح عرف ان عنده عيال عم..بس ما تخيل انهم بالعمر هذا ..ثاني شي العلاقه بينهم وبين اهله مره قويه وكأنهم يعرفون بعض من سنين..
حمد: سطام..هذا ولد عمك سلطان..
سلطان وقف بسرعه وراح له ..بعكس سطام اللي ما فكر يسلم وكويس انه وقف..
: هلا والله..اسف ما عرفتك..مع اني شفتك اليوم بالشركه بس راح عن بالي انك وصلت
سطام: لا ..عادي..هلا فيك..
سلطان جلس جنبه: انت لسه واصل من وين؟
سطام: كنت بكندا..ومريت على سيدني وجيت هنا..
ضاري وقف عن قراية الملفات..
مدى بلعت ريقها..
ضاري رفع راسه عليه: كنت بسيدني !!..متى؟
سطام ابتسم ابتسامه خبيثه: قبل اسبوع..
ضاري حاول يمثل البرود بس ما قدر:ووين كنت ساكن؟
سطام: وين بسكن يعني..اكيد بالفندق اللي دايم نسكن فيه...ليه تسأل !!
ضاري: يعني ما التقيت فيني ولا مره..مو معقول !!
سطام حط رجل على رجل وسند ظهره على الكنب : ومن قال اني ما شفتك..
ضاري انصدم..مدى اختفى الدم من وجهها..
سطام كمل: اسأل مدى..كم مره التقيت فيها..
هنا تمنت الارض تنشق وتبلعها..كل العيون اتجهت لها..وجنبها شخص صار يوزع هواء حاار تقدر تحس فيه..
سطام ابتسم ابتسامه على جنب على ردة فعل ضاري..من زمان ما شافه بالعصبيه هذي...دايما يقدر يمثل البرود..اليوم عرف نقطة ضعفه..
سلطان انتبه لنظرات سطام اللي واضح الخبث فيها..وحب يرقع السالفه..
: اكيد راح يلتقون بس مدى ما عرفت انه سطام ..طيب انت ايش كنت تدرس..
حاول يغير الجو..وفعلا بدا يتغير الا على ضاري اللي كانت ايده ماسكه القلم والملف ..وعينه ثابته على الملف اللي ما يدري وش مكتوب فيه اصلا..
ابتهال بهمس: ايش يقصد اخوك..!!
دانا: اكيد شاف مدى كم مره..وكلمها والحين يبي يقهر ضاري..
لانا: احنا ما صدقنا العلاقه تصفى بينهم هذا اللي بيرجعها مثل ما كانت واسوأ..
ابتهال طالعت سطام وهو يسولف ويضحك..بس كل شوي عينه تروح لجهه مدى وضاري..
ضاري وقف: عن اذنكم ..مدى تعالي معاي.."وراح"
اريام بسرعه همست بأذن مدى: حاولي تكوني هاديه..
مدى هزت راسها ولحقته بسرعه..وطلعوا غرفتهم..
سطام فجأه قطع كلامه : اوك سلطان..انا بطلع الحين.".ووقف " اشوفكم على خير..
>>>>>>>>>>>>>>>>>>>>>>>>>>>>>>>>>>>>>>>>>>>>
بالغرفه..
دخلت مدى وسكرت الباب وراها.. وهي تشوف ضاري يرمي الملفات على الطاوله..قعد على الكنب وحط ايديه على وجهه شوي واخذ نفس..وبعدها رفع عينه عليها..
مدى وقف قلبها..
:وين شفتي سطام فيه ؟
مدى اخذت نفس عميق: شفته بالفندق مره..والثانيه باليونا بارك..
ضاري رفع حاجب: ايووه..وليه ما قلتي لي ؟؟
مدى: انا ما كنت اعرف انه اخوك وسألتك تعرف احد بأستراليا وقلت لي لا..وسكت..
ضاري طلع سيقاره من العلبه ورماها على الطاوله..وولعها واخذ نفس منها : وكلمك !!
مدى عرفت انه ما يدخن قدامها الا اذا كان يحاول يضبط اعصابه..
مدى ارتبكت: ايه...لا...لا ما كلمني..
ضاري يأكد على كلامها: ما كلمك !!!!
مدى ما تبي المشاكل بينهم..
: لا ...ما كلمني.."وراحت تجلس جنبه" ضاري لا تحرق نفسك عشانه..هو مراهق واخذها فرصه عشان يقهرك..
ضاري يمثل البرود: ومن قال اني من قهر منه..انا بس ابي اعرف وين شافك فيه..لاني عارف انه حتى لو شافني ما راح يكلمني...بس فكرت ان اكيد كلمك..
مدى نزلت راسها وسكتت..وتأنيب الضمير بدا يغزو قلبها..
ضاري لف عليها مسك ايدها: ثقتي فيك كبيره..بس اللي لحد الان ما اثق فيه........."سكت شوي وكمل " محبتك لي !!
مدى حطت عينها في عينه: ضاري..انا وانت عارفين كيف كانت بدايتنا مع بعض..صعبه لدرجه ان اللي يشوفنا بيفقد الامل بأنها تستمر..بس انت بحبك لي ..وتمسك فيني قدرت تتجاوز صعوبات كثيره..واولها كسرت الحاجز اللي بيني وبينك..وبدت محبتك تتغلل بداخلي..انا نسيت كل شي راح ..وابي اعيش حاضري وبس..لان مافي الماضي شي يستحق اعيش على ذكراه..بس حاضري غير حياتي..وخلاني احس بطعم الحياة.."وضغطت على ايده" ما حسيت بهالشي الا معاك.. ابيك تثق في حبي لك..
ضاري : طيب ابي اسمعها منك..
مدى نزلت رايها بحياء: في وقتها احسن..ابي اقولها وانا متأكده ان حبك تمكن مني..
ضاري ترك ايدها ووقف: ايش عندك اليوم..
مدى وقفت وراه: ما عندي شي ...ليه..!!
ضاري: خلينا نطلع نتعشى سوى..
مدى ابتسمت : اوكي...
&&&&&&&&&&&&&&&&&&&&&&&&&&&&&&&&&&&&&&
بأخر الليل...
السهره كانت بغرفة دانا..الكل مجتمع وعلى الدي في دي ...ويطالعون لهم فيلم..
حطت ايدها بالصحن:يؤ خلص..وقفي وقفي الفيلم يا لانا..
لانا وقفته: ابتهال وش عندك !! قطعتي علينا الحماس..
ابتهال: خلص البوب كورن..
مدى: ابتهال !! بجد سخيفه..طيب كملي بدون ما تبلعين..
ابتهال: ما يصلح ضروري اكل..
اريام: طيب روحي سوي لك بسرعه وتعالي..
ابتهال: لا ..انا اخاف.."وقربت جنب مدى وابتسامتها واصله لآذنها" مدو..اختي..قلبي..بتسوين لي واحد صح !
مدى: ابتهال انتي تشتكين الفراغ..يا سوي لك..ولا خلينا نشوف الفيلم..
ابتهال: والله اخاف انزل لحالي..انتي ما تخافين بسرعه سويه وتعالي..
دانا: تكفين مدو اخلصي علينا..ترى ما راح نفتك من لسانها..
مدى اخذت الصحن منها: الله يزوجك وافتك منك..
ابتهال طاحت على لانا: وهـ خقيت..والله احلى دعوه واهم شي انه...."وسكتت وهي تضحك"
مدى وهي تفتح الباب: وجعه..ما تستحي "وطلعت"
نشبت فيها دانا : ابتهال..مين اللي تبينه !!
ابتهال: سر..
لانا: نعرفه؟
ابتهال: اممم انتم ما تعرفونه شخصيا..بس نعرف اهله..
دانا تفكير: مين ؟؟؟
اريام: خلوها على راحتها ما تبي تقول..
لانا: لا ما يصلح..ما دام نعرف اهله لازم تقول لنا..
ابتهال: اذا خطبني عرفتوا.
دانا: شكلك مردده يا ليل مطولك..
ابتهال ماتت ضحك: والله انك ذكيه..لانه مستحيل يجي..
لانا: اجل ليه تبينه..
ابتهال سكتت..وكان ظلام..ما يعرفون ايش ردة فعلها..
دانا قربت منها: ابتهال....ابتهال..
ماردت.
لانا خافت انها تبكي: ابتهال والله نمزح..خلاص لا تقولين..
اريام: قلت لكم من الاول اسكتوا ..بتو لا تعطينهم وجه..ما عليك منهم..
وفجأه ضحكت بصوت عالي: هههههههههه وقسم مخفات هههههههههههههه
قاموا الثنتين جلسوا عليها عقابا لها...
>>>>>>>>>>>>>>>>>>>>>>>>>>>>>>>>>>>>>>>>
واقفه عن المايكرويف..تنتظر البوب كورن يخلص..
وتغني بهمس: اذا ناوي تروح
ابفهم وين اروح
تخليني اعيش بعدك
بألم و جروح
,,,,,
و اذا عني مشيت
و اذا غيري لقيت
منو غيرك انا بلقى
يا روح الروح
وفجأه سكتت..حست ان في ظلال وراها وقريب منها..وطويل..
ابتسمت اكيد انه هو من راح يكون غيره..
: ايش جالسه تسوين؟؟
الصوت صدمها ..مو صوته لفت عليه مخترعه: سطام !!
سطام كان قريب منها بشكل فضيع..
: ايوه سطام.. "وابتسم وبانت الغميزات"
مدى بسرعه رجعت كم خطوه ورى لداخل المطبخ..
سطام وقف عند المايكرويف وشاف ايش فيه : عندكم سهره على move..
مدى حطت ايدها على جبهتها : ايوه.." وحست بخصله من شعرها وتلمست باقي شعرها تذكرت انها بدون حجاب..
" يقطع الشيطان كيف نسيت حجابي..تعودت اني ما البسه"
سطام: وايش نوع الفيلم..احسك تحبي الرومنسي على شوية كوميدي....
مدى ما ردت عليه ..مع انو فعلا كان هذا ذوقها..
سطام كتف ايدينه: قلتي لضاري انك شفتيني ولا ؟؟
مدى حست ان ايدها بدت ترجف..وقلبها يدق ..خافت من اسم ضاري ما تدري ليه..وقعدتها مع سطام بدون حجاب خلت ضميرها يشتغل.
سطام ما شاف منها تجاوب سكت شوي وتكلم بهدوء: ليه ما قلتي انه زوجك؟
مدى انصدمت وطالعته مستغربه..شافت في عيونه نظرة عتب ..بس عتب على ايش؟؟
سطام لما شاف نظراتها صد عنها : سهره حلوه..وتصبحين على خير.."وراح"
مدى من طلع قدرت تتنفس وحطت ايدها على قلبها : وهـ ..يمه قلبي بيطيح..ايش فيني ما عرفت ارد عليه..!!\
دخلت عليها اريام: ها مدو..وينك تأخرتي..
مدى ابتسمت بس وجهها ما كان طبيعي: كنت راح اجي.."اخذت البوب كورن وحطته بالصحن " يله مشينا..
يوم جديد..
وفي بيت العمه..
سطام جالس وهو ماله خلق..
لطيفه: خلاص ما عاد لك نيه ترجع هناك؟
سطام: والله ما ادري يا عمه..على حسب..
لطيفه: على حسب ايش!! خلاص يا ولدي اقعد واستقر في ديرتك وش لك بالسفر..
سطام: ان شا الله بحاول..
وشاف رهام دخلت عليهم..وسلمت عليه بحياء...
: الحمد لله على سلامتك سطام..
سطام: هلا رهام..الله يسلمك..
وجلست جنب امها ..وهي تسرق النظرات له وتحاول تكون طبيعيه..هذا حب طفولتها كان يعجبها بكل شي ..حتى في عناده وطريقة كلامه ..وشقاوته..كلها كانت اشياء تجذبها فيه..بس ما عمره وضح لها بأنه تهمه بأي شكل من الاشكال..وهي عارفه انها اخر شخص ممكن يفكر فيه ...عشان كذا خلت مشاعرها بقلبها ..احسن من تفضحها للعلن وتكون بس محط رحمه لهم..
دخلت ريماس وواضح انها مجبوره..وسلمت عليه وجلست جنبهم..
سطام انتبه ان فيها شي متغير: ريمو..شكلك تعبانه..
ريماس تجامل: لا عادي..
سطام: ليه ما تجون معاي لبيتنا..هناك البنات وفله..
لطيفه بشده: لا ...خلهم في بيتهم..بكره عندهم دوامات..
سطام: واذا عندهم دوام..راح يرجعون بدري..يله امشوا معاي للبيت..اشكالكم تجيب المرض واضح ان الطفش واصل عندكم..
ريماس لفت على امها تشوف رايها..
لطيفه اضطرت انها تسكت..
ريماس ما صدقت على الله انها بتطلع وعلى طول راحت وضحت الفرحه عليها وراحت هي ورهام يبدلون ملابسهم..
سطام وقف: انا انتظرهم برى..مع السلامه يا عمه..
لطيفه: بحفظ الرحمن..
دقايق ونزلوا البنات وركبوا معاه بسيارته..
ريماس كانت جالسه جنبه قدام..
سطام بدون ما يطالعها وحاط ايده على ذقنه بتفكير: في شي بينك وبين عمتي؟
ريماس انصدمت وارتبكت: ها...لا مافيه شي.. ليه؟
سطام: واضح ان بينكم شي وكبير بعد..
ريماس سكتت..
سطام : رهام بسألك..كيف بنات عمي؟؟
رهام حست ان الدنيا مو سايعتها من الفرحه واخيرا وجه لها كلام..قربت بينهم في الوسط بين سطام وريماس
: من أي ناحيه تقصد ؟
سطام: من كل النواحي...
رهام: مدى تجنن وشخصيتها حلوه..ابتهال عسل وحبوبه..وسلطان شي ثاني..
سطام متردد شوي: ومدى كيف علاقتها بضاري ؟
ريماس لفت عليه بشك..ما تخفى عليها الحركات الشباب..
: تقصد قبل الزواج ولا بعده..!!
سطام حس ان ريماس ذكيه وممكن تفهمه..صرف الموضوع
: انا شفت ان علاقتهم شوي متوتره ورسميه..خمنت ان كان بينهم مشاكل..
رهام على نيتها: اول مدى وضاري مستحيل ما يتهاوشون...بس الحين طيور الحب يجننون..
سطام: احم..اهاااا..."ودخل تفكير عميق مع نفسه"
لحد ما وصلوا القصر..
واول ما دخلوا ..ريماس كانت فرحانه ومتحمسه
: هــــــــــــــأي..."واختفت ابتسامتها فجأه"
ضاري جالس جنب مدى ويضحكون مع بعض ..صح الكل كان يضحك بعد..بس ما انتبهت الا لضاري...الابتسامه هذي ما قد شافتها مرسومه عليه..الا لما يكون مع مدى..
لانا انتبهت لها: ريمو !!!! "وبسرعه راحت ضمتها" اشتقت لك والله..
ريماس تحاول تبعد عينها عنهم: وانا كمان..
سطام كان واقف جنبها وشاف نفس المنظر..ما يدري ليه حسه انه اختنق ومتضايق..وداخله يحترق.
: واضح ان جمعتكم حلوه..
جات رهام من وراه: مفاجأه صح..."وراحت تسلم على الكل "
وجلسوا مع بعض.
اريام: ايوه مدى ..كملي السالفه....
مدى من لما دخل سطام وهي تحس بربكه..نظراته لها توترها..صح تكون نظره وحده بس تكفي انها توترها طول الجلسه..
مدى: وين وصلنا؟
لانا: لما جلستي تبكين..
سطام على طول رفع عينه عليها..
مدى: ايوه صح...جلست يمكن شوي وبعدها جاء ضاري لعندي..
اريام: كيف حصلتها ؟
ضاري مسك ايدها: قلبي دليلي..
مدى لفت عليه وطالعته بنظرات شكر وكأن احساس ذاك الموقف رجع لها من جديد..
ريماس ماتت قهر وتبي تغير السالفه: سطام وين كنت ؟
سطام نفس الشي جمعه مع ريماس ..وحس بمشاعرها..
: انا كنت بسيدني ..صار مصادفه اني كنت مع المعاريس.. بس المشكله ما كنت عارف انهم معاريس ولا كان ما حاولت اكلم مدى واضايقها واخرب عليها الجو..
سطام كان متأكد مليون بالميه ان مدى ما قالت لضاري كل شي .. وتأكد اكثر لما شاف ان ضاري ترك ايد مدى..
كمل: مدى ..قلتي لهم عن الصدفه اللي جمعتنا بنفس اللعبه وكنتي جنبي ؟
ضاري طلع سيقارته..ووضحت رجفة ايده لانها طاحت منه وهو يحاول يولعها..حس نفسه مثل الغبي كان معاها طول الوقت ولا انتبه للي يصير من وراه ..
مدى بلعت ريقها..سطام ابدا مو ناوي خير لها ..الخوف ملى قلبها ..وحست دمها بااارد ويمشي بعروقها ...
وطالعت سطام بعيون عاتبه..
الكل سكت وتوتر الجو..
دخلت بسة دانا..
دانا بسرعه غيرت الموضوع وضحكت: آآآه يا بستي الحلوه..لالي وين كنتي " وراحت تاخذها" سطام شفت بستي..
سطام وقف لما حس ان طفى قهره شوي: هذي لحد الان على قيد الحياة!!
دانا ضمتها: بسم الله عليها ترى اموت بعدها..
سطام: هههه تحطين عقلك بعقل cat..يله يا جماعه بصراحه قعدتكم ما تنمل بس مضطر اطلع..see you..."وراح"
ولع النار في قلب ضاري وطلع بكل سهوله..بعد ما تأكد ان البركان راح يثور اليوم وما راح يهدا مثل المره اللي راحت..
&&&&&&&&&&&&&&&&&&&&&&&&&&&&&&&&&
ريماس عجبتها حركة سطام..بس اكدت لها ان له غايه للحركه هذي..بس ما بعد تأكدت من غايته مدى نفسها ولا ؟؟؟
بعد وقت..
البنات طلعوا لغرفة لانا..
واريام نفس للشي راحت لغرفتها..
ما باقي بالصاله الواسعه الا ضاري ومدى..
ضاري كان ساكت بطريقه مخيفه..
مدى تدري ان هذا الهدوء اللي يسبق العاصفه..وفكرت انها هي اللي تبدا ...
: انا ...انا ما قلت لك عشان ان..
ضاري وقف: مابي اسمع شي منك..
مدى وقفت معاه: بس يا ضاري .....وسكتت
كانت نظرته لها قوووويه ومخيفه ..كفيله بأن تخلي قلبها يوقف عن الدق..ويقلب لون وجهها للاصفر..
: قلت مابي اسمع منك شي..اتوقع كلامي واضح..
اخذ مفتاح سيارته وطلع..
مدى ما زالت على نفس وقفتها ...ورجفتها ودقات قلبها اللي راح وما بعد هدت..
&&&&&&&&&&&&&&&&&&&&&&&&&&&&&&&&&
آخر الليل..
دخل القصر..
ومتجه كالعاده للغرفه الخارجيه عشان ينام..حصلها واقفه عند الباب وكأنها تنتظر احد..الجو كان بارد شوي ...الشتاء راح يدخل قريب..
وقف عندها: لانا !!
لانا رفعت راسها له: سلطان !! جيت !!
سلطان طالع ملامح وجهها..واضح انها بردانه
: ليش واقفه هنا ؟؟
لانا نزلت عينها بخجل: احم.......كنت ...انتظرك..
سلطان استغرب: تنتظريني انا !! ليه؟؟
لانا: ممكن نجلس شوي..
سلطان : اوك.."وجلسوا على كراسي الحديقه"
لانا شافت سلطان ينتظرها تتكلم : احم ..ترى مافي شي مهم مره..لا تخاف..
سلطان تنفس براحه: الحمد لله..خوفتيني..اول شي جاء في بالي الزفت ذاك رجع يهددك ولا شي..
لانا عقدت حواجبها بضيق على سيرة اياد...
: ايش جاب سيرته الحين !! لالا الموضوع بعيد عنه..
سلطان تحمس لموضوعها: طيب ..الحين قولي موضوعك..
لانا: انا...ما ادري كيف بقولك..بس انا ملاحظه انك تغيرت شوي عن اول ...ما عاد تجلس معانا ولا حتى على الوجبات ما ادري اذا متضايق من شي او احد قال لك شي !!
سلطان لما عرف موضوعها ابتسم ابتسامه حلوه..لهدرجه لانا مهتمه فيه..لدرجه انها تلاحظ تغيره..وحركاته ..
وبعفويه: يهمك وجودي !!
سلطان انتبه لنفسه ما يدري كيف طلعت منه ...ونزل عيونه..
لانا حطت عينها بعينه: واكثر..
سلطان سكت كثير وهو يشوف الاصرار بعيونها ..تكفيره تشتت..قلبه بدا يدق..حط ايده ورى رقبته: اوعدك اكون اقرب لكم..بس الايام هذي مع جية سطام احس الوضع متلخبط..
لانا وقفت : بس تذكر ..دايما ان في ناس ما تستغني عن وجودك..ويهمها هالشي..عن اذنك ..وتصبح على خير .."ودخلت القصر ركض"
سلطان ضحك وقلبه يدق بشكل جنوني..
دخل الغرفه الابتسامه ماليه وجهه..
فتح النور وانصدم من المنظر اللي شافه قدامه...واختفت ابتسامته..نايمه على الكنب وهي شبه عاريه..ما عليها الا بس شورت ..وبلوزه خفيفه وقصيره مطلعه بطنها..
اختفى الدم من وجهه..وبلع ريقه..وقلبه بدا يدق بسرررررعه..
رجع كم خطوه ورى وهو حاس وكأن جبل طايح على راسه..
ايش راح يسوي فيها هذي !! ..وهي ايش قصدها من الحركه؟؟؟
مع انو ابتهال نايمه داخل ؟؟؟
&&&&&&&&&&&&&&&&&&&&&&&&&&&&&&&&
بغرفتها ...
تطالع نفسها بالمرايه وعلى وجهها مرسوم ابتسامه خبيثه..
طالعت قطعة ملابس من ملابس مدى...
: بشوف يا مدى من راح يضحك بالاخير !!
&&&&&&&&&&&&&&&&&&&&&&&&&&&&&&&&&
في جناح ضاري..
مدى جالسه بالصاله ومتوتره..ودها تكلم ضاري بالموضوع..وبنفس الوقت خايفه من ردة فعله تكون عنيفه..
: مدى تشجعي..وقولي له كل شي ..يعني ايش بيصير..
قربت من الغرفه وطلت فيها..شافت ضاري يبدل ملابسه..ويلبس بيجامة النوم..
دخلت ..وجلت على كرسي التسريحه واخذت كريم وبدت تحط منه على وجهها..
: يا الله..اليوم احس بتعب مو طبيعي .."ورفعت عينها على المرايه تطالعه"
شافته يقعد على السرير وياخذ البطانيه ويتغطى فيها ...وحط راسه ...وطنشها..
حطت الكريم على الطاوله..وراحت وجلست على طرف السرير..
: ضاري..
مارد عليها..نغزت رجله..
: ضاري..طيب بكلمك شوي..
ضاري: نامي..
مدى: طيب خلني ابرر لنفسي..على طول تظلمني..
ضاري بعد البطانيه عنه وجلس على حيله وطالعها بعين قويه...
: انا سألتك..وانتي كذبتي..ايش راح تبررين!!
مدى : انا ما كان قصدي اني اكذب عليك بس خفت من..
ضاري قاطعها: شوفي يا مدى انا عندي كل شي ممكن يهون الا سطام يمسك علي شي ويصغرني عنده..
مدى: بس سطام اخوك يا ضاري..وانا ما قلت لك عشان ما ودي بالمشاكل..
ضاري: اصلا المشاكل من اول موجوده..يعني انتي ما راح تغيرين شي ..
مدى: بس ان..
ضاري: تبين الجد..ترى سطام ولا امه يهموني..عشان كذا لا تشيلي هم من الاساس..
مدى صدمتها الكلمه: سطام اومه؟؟ ليه ماهي امك كمان..
ضاري سكت احتار يقول لها...ولا يخبي عليها..
مدى دمعت عينها: انت ما حسيت بقيمة الام عشان كذا قلت الكلام هذا ..لو فقدت امك وعشت يتيم الام عرفت قدرها وفهمته..ضاري من اول اكثر شي كان يبعدني عنك تصرفاتك مع امك..واللي ما فيه خير لاهله مافيه خير للناس..
ضاري بهدوء: انا حاس بشعورك..وعارف قيمة الام..وعندي استعداد ابيع روحي واشتري يوم واحد معاها..
مدى ما فهمت شي..كيف يقول الكلام هذا وامه موجوده..
: طيب روح لها الحين وخذ برضاها..
ضاري: موضي مو امي...
مدى الخبر كان بالنسبه مثل الصاعقه الي نزلت عليها فجأه: أيــــــــــش؟؟؟
ضاري تنهد بقوه: انا مو اخوهم من الام..انا الوحيد اللي امي غير..
مدى صدمتها الكلمه صدمه قويه..وجات مثل السهم على قلبها ...ضاري مو اخوهم من نفس الام!! كان يعاني من زمان ؟؟
: طيب..والبنات ما يعرفون؟
ضاري: ما يعرف الا سطام..
مدى اكتشفت الحين ليش الخلاف دايم بينهم مستمر..
ضاري رجع يطالعها: بس لحد الان ..ما عرفت مبرر كذبك علي..!!
مدى : انا ما كان قصدي اكذب..بس خفت اسبب مشاكل بينكم..
ضاري بجديه: اذا تكررت السالفه وطلعتيني صغير قدام سطام..صدقيني يا مدى ما ودي نخسر بعض..عشان كذا انتبهي للموضوع هذا...وكثير بعد..
مدى سكتت" معقول لدرجه هذي الوضع متأزم بينهم !!"
: ابشر مالك الا اللي يرضيك..
ضاري قبل لا يحط راسه: وسطام حاولي ما تقعدي عنده..
مدى استغربت وبنفسها" ما اقعد عنده !! عشانه ما يبيه وسبب الخلاف اللي بينهم ولا عشان شي ثاني !!"
رجعت لفت على ضاري تبي تسأله عن السبب بس شافت انه غمض عيونه وبدا يروح في نومه عميقه..
&&&&&&&&&&&&&&&&&&&&&&&&&&&&&&
ما زال على نفس وقفته...اخذ نفس..وقرب منها شوي وبصوت واطي
: جانيت...جانيت..
ماردت عليه..
: يا الله...ايش اسوي بهذي بعد !!
فكر شويه وبعدين راح داخل ورجع...وفي ايده بطانيه ورماها عليها..ودخل غرفته..
وقعد على السرير وهو مستغرب منها..اول مره تصير..اولا ليش تنام بالصاله..وثاني شي ليش لابسه كذا وهي عارفه اني هنا !!
: استغفر الله ...استغفر الله واعوذ بالله منك يا ابليس..
وحط راسه يحاول ينام..وطيف لانا وهي خجلانه ما غاب عن باله...
&&&&&&&&&&&&&&&&&&&&&&&&&&&&&&&&
يوم جديد..
على طاولة الفطور...الكل مجتمع..وياكل بهدوء..
سطام كان يطالع مدى وضاري ويشوف نتيجة امس هي اخذت مفعولها ولا؟ بس كأن الوضع عادي بينهم..معقوله ما تهاوش ضاري معاها!!
وصحاه صوت ابوه..
: سطام ...ما تسمع انت!!
سطام متفاجئ: يس داد..سوري ما سمعتك..
حمد: الى متى ا ن شا الله ناوي تجلس بالبيت !؟
سطام ما فهم: كيف يعني ؟؟
حمد: ياتشتغل بالشركه ولا ارجع للديره اللي جيت منها..
ضاري رفع راسه على ابوه وهو قد ما يقدر ما يبين صدمته ..مو معقول سطام يشتغل معاهم..كان دايما يرفض وماله أي ميول للشغل..
سطام بتفكير: ايوه بشتغل معاكم...خلاص انتهى وقت اللعب واتوقع انه جاء وقت الجد..واهم شي اكون مسؤول عن خواتي وحلالهم..
مدى الحين صدقت كلام ضاري امس..فعلا واضح انهم مو اخوان من نفس الام..وبدليل نغزات سطام بالكلام المستمره لضاري..
حمد وقف: كويس..اليوم تداوم بالشركه وتبدا تتعلم الشغل..بس شد حيلك..
سطام: ابشر..
اريام وهي تشوف ابوها طلع من صالة الطعام: واخيرا قررت ترسم طريق حياتك بجد..
سطام ماخذ السالفه تحدي: ضروري اثبت نفسي..واعرف اللي لي واللي علي...
&&&&&&&&&&&&&&&&&&&&&&&&&&&&&&&&&
في بيت لطيفه..
نزلت عند امها بعد ما فضى البيت...وشافتها تكلم وحده من صاحباتها ..جلست جنبها متوتره...
لطيفه استغربت نزلتها بس ما اهتمت لها وكملت مكالمتها..
ريماس شافت امها ما عطتها أي اهميه..قبل لو جلست جنبها وهي تكلم على طول تسكر وتشوف رغبتها..بس الحين كل شي تغير صار ت تطنشها بشكل جنووووني..وكأنها ما تشوفها من ارضها اصلا..حست ان العبره خنقتها بس مسكت نفسها..
لطيفه خلصت المكالمه وسكرت السماعه..ولفت عليها ببرود..
: نعم !! فيه شي؟
ريماس توترت: ايوه فيه..مامي..ابي اروح لعند مرت خالي موضي...
لطيفه استغربت: عند موضي !! وش عندك معاها ؟
ريماس: هي اتصلت علي..وقالت ابيك..وما قالت لي ايش عندها ..
لطيفه طالعت ريماس بشك..
ريماس عرفت ان امها ما صدقتها : والله..حتى اسأليها "واخذت موبايل امها ومدته لها "
لطيفه: اوكي..بأخلي السواق يوصلك لبيت ابراهيم..وانا بكلم موضي بنفسها ترجعك لي..
ريماس وقفت بحماس: اوكي...يله باي..
لطيفه عقدت حواجبها مستغربه: موضي!! ايش تبي في بنتي ؟؟ "وحست قلبها مو متطمن "
ريماس بسرعه بدلت ملابسها واخذت شنطتها وراحت لبيت ابراهيم..
وفي بيته..وبالضبط جنب موضي..واصواتهم كانت منخفضه..
: قدرتي تجيبي اللي قلت لك !!
ريماس ابتسمت بخبث: ايوه "وحطت ايدها على الشطنه" ومعاي هنا..
موضي وهي تتأكد اذا جاء احد او لا : كويس...انا بروح ابدل ملابسي واجي معاك..
ريماس: اوك انتظرك..
شوي جات احلام..
: ريماس عندنا !! يا هلا والله ومرحبا..
ريماس ابتسمت مجامله: هلا والله..
احلام جلست: ما عندك داوم؟
ريماس: لا..اليوم بروح انا وخالتي موضي لمشوار..
احلام: مشوار !! وين على الله..في الوقت هذا ؟
ريماس توهقت فيها: ابيها تجي معاي عندي جلسة علاج لبشرتي وامي مشغوله..
احلام: اهااا.."وشافت موضي جايه عندهم"
موضي بدون ما تطالع احلام: يله ريمو...مشينا..
وتركوا احلام ميته من القهر..واللقافه ماكله قلبها...متأكده ..ان ريماس عندها شي اهم من اللي قالت لها عليه..
&&&&&&&&&&&&&&&&&&&&&&&&&&&&&&&&&
دخل الغرفه الخارجيه..
وما كان فيه الا هي..حس انه توتر وهو يتذكر شكلها امس..نزل راسه ودخل بسرعه لغرفته..اخذ شماغه واغراضه وطلع مره ثانيه...وحصلها واقفه بوجهه وواضح عليها الحياء..
: سوري سلطان..امس نمت بالصالون وما حسيت بحالي..ومشكور كتير انك فكرت تغطيني .."لان البطانيه كانت بطانية سلطان "
سلطان بدون نفس وهو متوتر: العفو..بس مره ثانيه نامي بغرفتك.."وجاء بيمشي عنها "
بس وقفت في وجهها من جديد: سلطان !!
سلطان وقف ووقف كل شي حوله...الهواء..الدم..قلبه ..وش تبي هذي منه..
جانيت رجعت شعرها المموج بطريقه حلوه عن وجهها: مستر سلطان ...انا..انا..
وفجأه انفتح الباب..
: سلطـان..يلـــ
وسكتت..كان منظر جانيت وهي قدامه ووجهها صاير وردي..وسلطان كان مخترع..يحسس أي احد بالكون ان فيه شي غلط..
ابتهال بلعت ريقها وقلبها يدق بجنون..وصارت تتلعثم بالكلام
: كنت ...بقول...ان ..
سلطان دف جانيت عن وجهه..ومشى عند ابتهال..ومسك ايدها وطلع معاها برى..
: ما تأخرتي عن المدرسه انتي !!!
ابتهال طالعته وبعيونها عتب: الا بس كنت ابيك توصلني..
سلطان كرهه نفسه وهو يشوف النظره هذي بعيونها..عارف ان ابتهال فاهمه غلط..بس ما يدري ايش يقول لها..
: طيب..اوكي خليني اوصلك..
وركبوا السياره وطلع فيها بسرعه..
جانيت بالغرفه جلست على الطاوله اللي كانت اقرب شي لها ..
: شو كنت راح اعمل!! شو صار لي !!! "وحطت ايدها اللي ترجف على فمها"
&&&&&&&&&&&&&&&&&&&&&&&&&&&&&&&
في احد الاحياء البعيده..والمهجوره..المكان غريب ويخوف..البيوت قديمه مره..وواضح ان سكانها تركوها..الحي كله ما فيه احد ممكن يمر من عنده..
بلعت ريقها بخوف: خالتي...انتي متأكده انه هنا ؟؟
موضي ما كانت اقل منها خوف: هم قالوا لي انه هنا..امشي معاي اظن قربنا للبيت..
مسكت ايد موضي ومشوا مع بعض والسايق كان وراهم..لحد ما وقفوا عند باب مفتوح نصه..
موضي لفت عليها: اتوقع انه هذا..
ريماس طالعت البيت كله ورجعت تطالع الباب: هذا !!!
موضي فتحت الباب كله وتقدمت خطوه: امشي يله.."ولفت على السايق" انت خليك هنا لحد ما نطلع..
ودخلوا..
ريماس ماتت خوف:خالتي..خلاص هونت ..خلينا نرجع بس..
موضي: نرجع بعد كل هذا ؟!..امشي خلينا نخلص شغلنا ونطلع ولا عاد نرجع..
شوي طلعت لهم بنت صغيره..وواضح انها افريقيه من ملامحها..
ريماس تمسكت اكثر بموضي..
موضي دق قلبها خوف..الصغيره ..وهي طفله شكلها كان يخرع..
: هذا...هذا بيت ام طارق !!
البنت الصغيره: ايوه... تفضلوا..
موضي سحبت ريماس معاها ودخلوا..حصلوا ام طارق جالسه وشكلها غريب والمكان اغرب ..وريحته عفن..
وقفوا على راسها..
ام طارق: اجلسوا ليه واقفين ؟؟
موضي وريماس من الخوف جلسوا على طول بدون نقاش..
ام طارق: ايش عندكم !!
موضي: احم..احنا جايين هنا..نبي نسوي عمل (سحر) لوحده..
ام طارق: وايش فيها الوحده هذي ؟
موضي: ابيها تبعد عن ولدي..
ام طارق هزت راسها بتفهم...وبدت في شغلها ...
ما قبل الاخير.."الفصل الثآني"
بالمدرسه..
جالسه معاهم بس ساكته..
دانا لفت عليها..هذا حالها من اول ما داومت ..حطت ايدها على كتفها..
: ابتهال !!
ابتهال تفاجأت ولفت عليها : هلا..
دانا: ايش فيك مو طبيعيه !!
لانا: طول الوقت ساكته!!
اشواق تحاول تلطف الجو: اذا تحبين قولي لنا ..
ابتهال ابتسمت ابتسامه باهته: مافي شي..
دانا: لا فيه شي...قولي..
ابتهال وهي تتذكر شكل جانيت وكيف نظراتها لسلطان...وقف شعر جسمها وبسرعه ردت
: لامافيه شي..بس تذكرت مشاعل صديقتي وافكر ازورها..
لانا على طاري مشاعل صدت..
دانا واشواق طالعوا بعض..وهم متأكدين ان صاير معاها شي..
ابتهال بنفسها" ابتهال شيلي الافكار هذي من بالك مستحيل جانيت تسوي شي..ومستحيل اخوي يغلط معاها "