يمه قومي..مريولي توسخ
يمه..تكفين إسمعيني
يمه..بسألك شي!!!جاوبيني!
هو صحيح اللي يموت داخل القبر يصير حي؟!!!
يمه أسمع أنا صوتك كل يوم أسمعه
وإذا حاكيتك..هاوشوني
قالوا إنسي!!! روحي يالله إلعبي.
يمه تعالي إرجعي
والله خلاص بسمع كلامك
ماأخرب ألعابي..وإن قلتي يالله روحي نامي أروح حتى ماتزعلي
يمه تكفين..إرجعي
اليوم حطت لي المديره..نجمه
يمه..سمعتها تقول:مسكينه..هالبنت صارت يتيمه
قالت أبله منيره:مسكينه
توه البنت صغيره
وش كانوا يقصدون؟؟
يمكن عشان صرت عاقله!!!
وإلا عشاني دايم أسرح!!!
يمه مريولي توسخ..ماكان قصدي أوسخه
بس تذكرت إنك تقولي بعد شهرين..بشتري..لك ثاني..
يمه تعالي إشتريه
يمه تعرفي مها صديقتي!!!
اللي معي زاعلتني..
تقول ماصرت أنا أضحكها
راحت تدور غيري عشان تلقى أحد يونسها
يمه خلاص لاتمزحي
يالله قومي
تعالي معي البيت..إرجعي
يمه نسيت شي
ترى بيتنا صار فاضي
ماأحد يجينا..وكل اللي فيه..أنا وأخواني..
ليه وين أقاربنا؟!!
وين خالتي اللي كانت تجينا؟؟
يمه.قومي تعالي..تكفين تعالي
ماودي أرجع لحالي..والله خايفه..
ترىأمس جيتك مادريتي؟!حسبتك نايمه!
أو أقولك خلاااااص أنا بجيك بكره.
إذاراحواااا من هنا الناس..
تكفين..يمممممممه.بكره إصحي..
تكفين..يمممممممه.بكرهإرجعي