شبكة همس الشوق - عرض مشاركة واحدة

#1 13 - 3 - 2014, 11:26 PM

يوم هب الوقت واعماني عجاجه

يوم هبّ الوقت وأعماني عجاجه .. /
الفرج عيّا .. وأنا بالصـــبر راهي ..

ويوم مال وطال ميله وإعوجاجه .. ]
رحت أدوّر شي ٍ يشششد إنتباهي /

وشفت زولك مقبل ٍ مثل إنفراجه .. )
كنّه اللي جااايبٍ عزّي و جاهي ..

يــاهـ ياضيقات صدري وإبتهاجه .. #
تذكر آخر مرة ٍ شفتك متى هي !

صاحبك من يومها زاد إحتياجه .. /
وأمتطى ظهر المصايب والدواهي ..

سولف الليله على قلبي و ناجه .. $
من بقى لي غيرك أفخر به وأباهي ..

يابعد من كدّر غيااااابي مزاجه .. ]
ويابعد من مرّت حروفه شفاهي ..

رغم حيرة قلبك ورغم إنزعاجه .. /
الزمن .. ماغيّر احساسه تجاهي ..

ورغم وحشة بعدك وقسوة سياجه .. |
كل حاجه فيك ظلّت مثل ماهي ..

الخجل في وجهك أول مـ نتواجه .. #
والبراءه في عيونك وانت ساهي ..

وبسمتك لامن بغيت تقول حاجه .. }
وغيرتك لاشفت كنّي عنك لاهي ..

قبل أشوفك .. والزمن عاقد حجاجه .. ]
أسألهـ : وش فيك ؟! وألقى العذر واهي ..

ويوم شفتك قلت للوقت وعجاجه .. /
هيه ياللي في طعونك كنت راهي ..

أنت لو غيّرت فينا ألف حاجه .. )
القلوب البيض تبقى مثل ماهي .. / .

...........القلوب البيض تبقى مثل ماهي ..

الموضوع الأصلي :‎ يوم هب الوقت واعماني عجاجه || الكاتب : || المصدر : شبكة همس الشوق