الموضوع
:
رواية نصف عذراء في احضان المجهول
عرض مشاركة واحدة
28 - 3 - 2014, 06:34 AM
#
370
عضويتي
»
3916
جيت فيذا
»
10 - 3 - 2014
آخر حضور
»
6 - 3 - 2015 (04:11 AM)
فترةالاقامة
»
3942يوم
مواضيعي
»
51
الردود
»
1342
عدد المشاركات
»
1,393
نقاط التقييم
»
79
ابحث عن
»
مواضيعي
❤
ردودي
تلقيت إعجاب
»
0
الاعجابات المرسلة
»
0
المستوى
»
$32 [
]
حاليآ في
»
حسـآوية
دولتي الحبيبه
»
جنسي
»
العمر
»
سنة
الحالة الاجتماعية
»
مشروبى المفضل
»
الشوكولاته المفضله
»
قناتك المفضلة
»
ناديك المفضل
»
سيارتي المفضله
»
الوصول السريع
رد: رواية نصف عذراء في احضان المجهول
جاوبته: في السيارة برجع البيت!!....
بعد لحظات صمت قال: غادة!!...لازم تعرفي إني ما انظرلك غير زي أختي!!....ولازم تفهمي إني واحد متزوج وماينفع......
قاطعته بسرعة: لو سمحت يا هارون!!... راح أقفل الحين....
وقفلت من غير ما استنى رده.....
لا فيه الخير داق يطمن عليا!!....حسبي الله فيه وفي أخوه!!....
انتبهت لصوت يحيى: إيش يبغى منك!!
التفت عليه بحدة وقتله: وإنت إيش لك!!...إلزم حدو....
مسكني من ذراعي وشدني له وقال وهوا يضغط عليه بقوة من دون ما يطل عليا:جاوبيني أحسلك!!
قتله بألم: آآآه ...يقلي ....إني زي أخته....ويبغى يطمن عليا!!
دفني وقال بتريقة: وإن شاء الله فهمتي الحين!!
حطيت يدي على ذراعي بالم وجاوبته بإنكسار: كثر خيرك!!....فهمتني الدرس مزبوط!!....
ماعلق على كلامي...ورجع الصمت بينا مرة ثانية.....
وأخيرا وصلنا...وقفني عند باب البيت...وكانت سيارتي وصلت....على طول نزلت من غير حتى ما التفت له!!....رزعت الباب بكل قوتي.....ودخلت البيت أجري....من المدخل الخارجي لغاية غرفتي ....آلام مو قادرة استحملها!!...كأن في مسامير جالسة توخزني في جسمي كله....وأخذتها!!.....
أرتميت على السريروأنا حاسة بروحي إرتدت ليا!!...أختفت الآلام بسرعة غريبة....كنت أطل على السقف وروحي غايبة عني!!.....هذه حالتي كل ما آخذها...أحس إني جالسة أسبح في فراغ!!....
وراحت السكرة وجات الفكرة...إيش حصل في الأسطبل!!....هل فعلا يحيى ما قربني!!....أو إنه قال كذا عشان بس يتهرب من مسؤوليته !!....
بدأت دموعي تنزل من جديد...ليه حطيت نفسي في هذا الموقف!!....ليه رضيت أكون رخيصة!!....لكن أنا ماكنت واعية للكلام إلي قلته لهارون!!...وهذه مصيبة أكبر!!...بسبب السم هذا كنت بضيع!!...هذا إذا ما ضعت أصلا!!
وقمت من مكاني زي المسروعة....دخلت الحمام (الله يكرمكم)....أخذت لي دش ساخن فوقني....
طلعت وأنا متأكدة 60 % إن يحيى ما لمسني....لكن باقي أتأكد أكثر!!
طليت على الساعة كانت 3 إلا ربع....خفت أنزل الحين!!...لكن إيش أسوي!!...راح اتجنن!!...لازم أعرف الحقيقة...لانه لو حصلي شي مستحيل أترك حقي...راح أفضحه قدام الدنيا كلها....والله يا يحيى ما راح أرحمك!!....وهوا الغبي تركني أطلع ....والله تدفع الثمن مضاعف يا حقير..
دقيت على السواق إلي كان لسى صاحي...لانه وهوا إلي فتحلي الباب الخارجي ...طلبت منه يصحي زوجته ويجهز السيارة....
ونزلت...
وقبل ماتعتب رجلي باب البيت لقيته في وجهي ساد الباب عليا!!...
قتله بإستغراب وغضب: إنت!!...إيش جابك!!
قلي ببرود: فين رايحة!!
قتله بعصبية: يحيى إبعد عن طريقى أحسن لك!!....تراها واصلة معايا !!
يحيى: ماجاوبتيني فين رايحة!!
قتله : وإنت مين تكون عشان تسألني أو تدخل في شؤوني!!
جاوبني: ولد عمك!!...
فترة الأقامة :
3942 يوم
الإقامة :
الاحســآآء
معدل التقييم :
النادي المفضل :
الاتحــآآد
نوع جوالي :
blackberrry 9720
زيارات الملف الشخصي :
1238
إحصائية مشاركات »
المواضيـع
الــــــردود
[
+
]
[
+
]
بمـــعــدل :
0.35 يوميا
دلوعة ابوها
مشاهدة ملفه الشخصي
البحث عن كل مشاركات دلوعة ابوها
28 - 3 - 2014, 06:34 AM