شبكة همس الشوق - عرض مشاركة واحدة

28 - 4 - 2014, 02:09 PM

***

وصلت للبيت ..
محتاره من هالانسان
تناقض غريب وعجيب ..
معقوله اللي يحمل كل هالصفات يكون بهالقسوة ..
اكيد الرجال يعاني وعنده مشكله .
ولا مارفض الزواج بإلحاح وقال لها هالكلام والمعروف عنه الطيبه والحنية ..!
نزلت عبايتها وهي تتذكر كلام خلود عن عماد واعجابها فيه
وانبهارها بشكله
" يابختك ياشادن ماشاء الله ماشاء الله لايجيك مني عين ولاحسد "..
"عن جد وااااو جنتل مان "
" ياعيني ياعيني كل هذا عشان الحبايب "
غمزاتها المتكررة لها وهي تقول " تبغى شي ناقصها شي تكمل ولا ترجع .. كل هذا حب "
" خلاص قررت اتزوج واحد من الاجواد اذا هم زي عماد "
" شوفي شوفي ياسهام كيف مايطالع ناحيتنا يبغى يثبت لها انو مايطالع في الحريم ولا يهمه غيرها "
بدلت ملابسها ولبست بيجامه قطنية وراحت تصلي العشا لأنهم وصلوا متأخرين على غير عادتهم بسبب تعطل السيارة ..
كملت صلاتها وسمعت صوت تعرفه زين بدا يلجلج في البيت ..
يهدد ويتوعد مثل عادته ..
: نايف هذا مو رجال ..
وشغلكم كلكم عندي انتي وولدك وبنتك ..
اجل يخلي صالح يطلقك وبدون ماتعطونه حتى ريال واحد ..
ويزوج اخته لمدري من .
اخذت نفس عميق وهي محتاره وش تسوي ..
تطلع وتواجهه وتوقف بوجهه ..
ولا تجلس بمكانها لحد مايهدى ويرجع ..
سمعت امها تقول نايف مو هنا الحين اذا جا تفاهم معاه .
آخر شي وصلها كلام خالها اللي هز امها وبكت بخوف وهلع منه : اوريكم انا اذا ماخليت بنتك تتطلق وولدك يدخل السجن ماني محمد وشغلك عندي ياعزيزة تعرفين تتحديني هاه .!
كانت بتطلع لخالها تقول أي شي ..
المهم ماتترك امها تواجهه لوحدها ..
بس قبل اخذت جوالها ودقت على نايف ..
: نايف تعال خالك عندنا ويهدد ويتوعد وامي منهارة خايفة علينا منه وتترجاه انه يهدي حاله تحسب انه بيسوي لنا شي .
تأفف نايف قال : وانا اقول ليه ادق على جوالها ماترد ..اسمعي ..! انا في ابحر الحين واذا رجعت ماراح اوصل قبل ساعه ساعه ونص على الاقل ..