شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

9 - 5 - 2014, 08:33 AM

..بـــــمــــــكــــــآن ثــــآنـــــــي وديــــــــره ثــــــــآنــــيـــــه ..

...: كيفك اليوم ؟؟
...: الحمدلله زين ... والشــــلــه وينهم ؟؟!
...: قصدك القروب لسى ما اجتمعوا
...: متى ناوين يجتمعون ان شاء الله ؟
...: مدري عنهم ...بس تعال معاي للكراج تشوف الدراجه اللي وصلت من المانيا
...: هي وصلت ...متى ..وليش توك تقول لي ؟؟؟
...: هو انت فاضي لنا مانشوفك غير من فين لفين ... يالله تعال معاي
...: يالله مشينا
:::
:::
:::
هنادي : ياسلام احس اني صحصحت ... بعد الاكل
شهد ترتكي على الكنب : اظن مابقى مكان اشرب ببسي
سمر: الله يخليك يامهاوي كسبتي فينا اجر الليله
رغد: مهاوي كل اربعاء العشاء عليك سلامة وصولك من القريه
مها: ياسلام المفروض انتم تعشوني مو انا اعشيكم
شوق: يفداك العشاء واصحابه خلاص الاسبوع الجاي راح نعشيك
ريم: يازين الواحد لاصار معه راتب يقدر يجيب اللي يبي
مها تتفل على نفسها : بسم الله علي ...اذكري الله يابنت
ريم: مشاء الله ماشاء الله
شوق: يالله كل واحد تروح تنام الساعه 12 وبكره ورانا روحه للمزرعه
شهد تآفف : يوووه نسينا انك تعشقين العفن ....الله وهالمزرعه نخلتين وشجرتين وفرحانين فيها كل اسبوع رازين الوجه فيها
سمر: احمدي ربك في غيرنا يتمنى ارض فاضيه يطلعون فيها وحنا مزرعه وماهي عاجبتنا
مها: لولا هذي المرزعه ماكنا نحلم اننا نكون بحالتنا هذي
شهد : طيب ترى ماقلت شي عشان تشبون فيني؟؟
شوق : خلاص بليزز اسكتي ..
شهد : ماني ساكته ...عندك اعتراض انسه شووق
مها: بس بس بتبدون بالهواش ...يالله شووق خلينا نروح غرفتنا
شهد : احسن هوونا شوي ....كاتمين علي انفاسي
شوق عصبت : شـــــــــــــــــــــــهـــــــــــــــــــــــــ ـــــــد ...احترمي اللي اكبر منك..
مها: الظاهر مالقيتي اللي يربيك يا شهد
شهد: مخليه التربيه لك يا ابله مها
شوق: شهـــــد وبعدين معك ...الظاهر مثل ماقالت مها ما لقيتي اللي يربيك
شهد: أي تربيه.... انتي اخر وحده تتكلم عن التربيه ...رجاء لا تلوثينها وانتي تتكلمين عنها ....اصلا اصيع وحده بالبيت وماعرفت التربيه ابدا ..انتي بلا منازع ماحست الا بكف على خدها الناعم من مها اللي حست كلامها سكاكين تقطع قلبها وتجرحه قبل تجرح قلب اختها .... الـــكــــل منصدمين ما توقعوا ان مها بيوم تمد يدها على احد لانها رقيقه وماتحب شي اسمه ضرب
شـهد : تمدين يدك علي يامها ؟؟!!
مها: انتي اللي حديتيني امد يدي عليك لانك ما تثمنين كلامك قبل تقولينه
شوق والحزن مكتسيها : خلاص يا مها اتركيها
شهد : هين يا مها راح تدفعين ثمن هالكف غالي
مها : ويش بتسوين بتقتليني مثلا ..
شهد تبتسم بخبث : طبعا لا يا انسه عانس ... بخليها لك مفاحاءه
رغد تسحب شهد: خلاص يا شهد امشي معي تكفين
مها: لا خفت منك انا ..مابقى الا بزران تخوفني ..
ريم: تعوذوا من الشيطان ياجماعه .. ومايصير اللي تسوونه
مها معصبه مرره: كيف نتعوذ من الشيطان والشيطان عايش معانا طول حياته
شهد وصلت معها انا شيطان ياحقيره يا واطيه ..
شوق تسحب مها: خلاص يامها مشينا يالله خلينا نروح الغرفه عشان خاطري
شهد: والله لا اوريك انتي وشوق هين ..
راحت معصبه لغرفتها ولحقتها هنادي ورغد ..... ومها وشوق اتجهوا لغرفتهم لانهم مع بعض

:::
:::
:::