شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

9 - 5 - 2014, 09:26 AM

بجزء ثاني من المزرعه كانت بعالم مافيه الا هي
ابوها : شوووقه ...شوووقـــــــــــــــــــه تعالي شوفي وش جبت لك
شوق جات تجري : شــــــــــــجــــــــــــــــره
ابوها : ايه ويش رايك نروح بكره نزرعها بالمزرعه
شوق شوي وتبكي: بس هذي صغيره يبه مرره صغيره انا ابي مثل شجره جيراننا
ابوها : راح نسقيها بعدين تكبر وتصير زي ماتبين
شوق بزعل : طيب طيب .. نزرعها بس يبي لها سنه عشان تصير كبيره
ابوها : اكيد ..يالله شليها بالحوش وحطي لها مويه وبكره اخذك انتي والبنات ونروح نزرعها
اختلطت عليها ذكرياتها ولكن ما انمحى اي شي من ذكرياتها ابدا كل شي كانه مدون في كاتب ودايم تسترجع ذكرياتها فيه .. طالعة شجرتها الشامخه اللي كانت الذكرى الوحيده اللي تركها لها ابوها ...تعشق المزرعه بكل شبر فيها لانها اغلى مايملك ابوها الله يرحمه .. قربت اكثر
وبانت التواريخ المنحوته على الجذع وبعض الاسماء ... لفت يدها على الشجره وخانها دمعتها .. دمعه ذرفتها وتلتها سيول من الدموع بكت بصمت ..وبألم كل شي تحاول تخفيه وما تبينه ..لكن هيهات وهيهات .. صحت من دوامة بكاها على صوت صهيل الخيل ..وصوت ضحك خواتها وبنات عمها .

:::
:::
:::

هنادي : تحرك يالله تحرك ...اووف عنيد هالخيل
سمر: والله لو تشوفك شوق غير تدفنك هنا انزلي بسررعه
هنادي : ليش ما يتحرك الا معاها ويسمع كلامها حتى انا ابيه يسمع كلامي
سحر: ياخبله هذا مربية شووق من اول ما انولد اتركيه وروحي للغلا