شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

9 - 5 - 2014, 07:13 PM

الــــــبـــــآرت الـــــســـــآبـــــع

؛؛
؛

يُوم صَارت مابين القلْب والهَامه ....’،
وش أبِي بـِ الحيَاة اليـَااا انْحَنَىَ راسِي ..؟

:::
:::

رجع من السفر ... وكمل كل الشغل ...
فهد : سلطان ... وين مستندات المناقصه اللي ربحناها
سلطان : موجوده عندي ... اجيبها لك
فهد: ياليت ... وبعد لاتنسى الملفات اللي قلت لك الصباح عليها
سلطان : حاضر .. كلها عندي على المكتب ثواني اجيبها لك
طلع سلطان وترك فهد .. يوقع بعض الاوراق
فهد : غيبه هالشركه اول مره اسمع فيها ... يبي لي اسئل سلطان
دخل سلطان وحامل بين يده الملفات
فهد : سلطان مو هذي شركه جديده
سلطان : ايه .. يقولون بتعاملون معانا ... بس انا ما اعطيتهم رد .. الى ما تشوفها يا
طويل العمر
فهد : مدري بس خبرهم اننا رفضنا عرضهم ... لان دخلني الشك صراحه
سلطان : وانا ماحبيت مديرها ..
فهد : خلاص الغي العقد ... وخبرهم عن قراري
سلطان : تأمر ياطويل العمر ... الا بغيت اقولك شي ياستاذ فهد
فهد : قول ويش عندك ؟؟
سلطان : ودي اخذ اجازة وازور الاهل .. من زمان عنهم
فهد ابتسم له : طيب ... حط المده اللي تبي وانا موافق ...
سلطان : مشكور وجزاك الله خير
فهد : بس قبل لا تروح كل المستندات والاشياء المهمه اعطنياها يمكن احتاجها
سلطان : حـــــآضـــــــر

:::
:::
:::

عبير : هههههههههههههههه وربي انهم نكته
هنادي : زبطيها اليوم كنتي بتوهقينا مع فارس
عبير : ونــــــــــــآســـــــــــــــــــه ... بس تدرين احس ان رائد مو مرتاح لنا
هنادي : حتى انا اصلا نظراته مريبه
عبير : لا يامريبه ... متاثره بالنحووو مررره
جلالي : هنوده ... خلاص انت متى يترك هذا كوره
هنادي : انا اسمي هاني .. سمعت مو هنادي
جلالي : ههههههههههه تيب تيب هاني ..
عبير : وانا عاصم .. مو تنسى
جلالي : لالا انا ماينسى ... هاني وعاصم
هنادي : افففففف .. ريحتي معفنه من الغبار
عبير : اول ما أجي جرررري على الحمام .. باخذ لي شور منعش
هنادي : مين يصدق لي سنه ... وانا على هالحال .. ومحد حس فيني
عبير : عسى ما ننكشف ادعي ربك
هنادي : ياررب ... بس انا خايفه دايم اتحلم اني انكشف
عبير : هذا حديث نفس لانك دايم تفكرين بهالموضوع
هنادي : الله اعلم .. بس فـــلــــه صح
عبير : أم الفله انتي ... افكارك صحيح انها هدامه بس خطيره
هنادي : الحمدلله لا اجسام تدل على اننا بنات ... ولا اصواتنا .. خشنات
عبير بحزن : نكسر الخاطر ... دايم اتحطم يوم يقول ابوي تعلمي الانوثه
هنادي : ياشيخه خلينا نعيش حياتنا ... وبعدها نتعلم الانوثه على قولتهم
عبير :على قولتك ... يالله وصلنا
هنادي ترفع يدها : اللهم اجعل من بين ايدهم سدا ومن خلفهم سدا
عبير : اللهم امـــــــــــيـــــــــــــــن ... آآآآآمــــــيــــن
هنادي : توكلنا على ربنا فهو حسبي ونعم الوكيل
عبير : الله يسعدك يا شوق اللي تحفظينا ادعيه
هنادي : يالله انزلي ... ونزلوا ودخلوا ومحد حس فيهم ابدا ..

:::
:::
:::

تهاني : يـــمــــه ... يـــمــــه
امها : هــــلآ يأمي .. ويش تبين ؟؟!!!
تهاني : يمه دق ابو منذر وقال انه اخذ اجازة وبيجينا
امها بفرحه : صدق ... متى كلمك
تهاني : توه يمه يقول يوم الاثنين بيوصل
امها : اليوم ويش ؟
تهاني : اليوم الجمعه ..
امها : زين .. قومي خلينا نرتب قسمهم .. عشان بكره نرتب المطبخ وباقي البيت
تهاني: انتي ارتاحي انا بروح ارتبه بساعه وانا مخلصه
امها : الله يوفقك يابنيتي .. واشوفك ببيت زوجك
تهاني تضحك : ياررررب
امها : عجبتك الدعوه .. قمي يالله رتبي قومي
تهاني : طيب ياقميل لاتعصب ... والا يشوفك ابوي معصب ويضحك عليك
امها : انا بكل احوالي اعجب ابوك عشره 30 سنه
تهاني : ايه مرررررررررررره تعجبينه واللي يسمع مناقرتكم كل يوم يقول عبله ولقت عنترها
امها : ويش الخرابيط اللي تقولينها .. يوم اني بنت بسنك
تهاني : يــــــــــــــــمـــــــــــــــــــــه .. والله حفظتها كنتي ازين بنت بالقبيله .. وابوي ميت عليك... وجاب اهله من ديرتهم لديرتكم .. وخطبك .. وعمك وابوك رفضوا بس نخوهم مدري مين .. وبعد مشاورات وعلوم رجال وافقوا .. ...
امها : هههههههههههه ... عشان تعرفين ان امك ماهي بهينه .. وكانوا يكتبون فيني الشعر بزيني
تهاني : وينه زينك يمه ... يقولون البنت مثل امها .. وانا قدامك لازين ولا هم يحزنون
امها : انتي .. اصلا مابك شي مثلي .. طالعه على اهل ابوك ..
تهاني : يعني انتي اللي حسنتي نسل ابوي
امها : ايه وانا امك
تهاني : مير صدقك ... ماشفتي خواتك وجدتي الله يرحمها والله الزين شرق وهم غرب
امها : اقول عطيتك وجه .. قومي شوفي شغلك
تهاني : اجل يمه لا تمدحين اهلك وهم خرطي ... وهربت عشان امها ماتهاوشها

:::
:::
:::

..بـــالـــريــــآض ..

ندى : واللي امس يلاحقنا .. واعطاك الرقم .. ويش كان يبي
ليان : واحد يغازل .. يعني حرام المغازل
دانا : يمكن شافنا وعجبناه وركض ورانا
ندى : طيب ليش تاخذين الرقم وتكلمينه .. بعدين يحسبك ميته عليه
ليان بغرور: ما شفتيه يوم يترجاني عند السياره اعطيه بس نظره
ندى : شافك لاينه له ..
دانا : بصراحه الولد .. عــــــــــــــــذآآآآآآآآآآآآب
ليان : وصوته ... وـآآآآآآآآآآآو .. وكلامه يذوب
ندى : يعني كلمتيه
ليان : ايه ... كلمته تسليه ياحبيبتي
ندى : متى تتركين حركاتك ؟؟!!
ليان : ندو ... البنات كلهم يسوون كذا يتسلوون
ندى : لا مو كلهم ..
ليان : انتي الى متى عايشه في حدودك الغبيه ... اطلعي شوفي العالم كيف
ندى : ويش تبيني اسوي مثلا
دانا : سوي زينا .... فليها ياخالتي

:::
::: بغرفه شهد ورغد

شهد : رورو ... بالله انك متضايقه عشان هذاك القروي
رغد : اي قروي
شهد : عبدالله ... !!
رغد : لا متضايقه ولا شي ... بس مزاجي متعكر اليوم
شهد : روقي يابنت الناس ...
رغد تطالعه بنظرات غريبه (( نشوف اخرتها معاك يا شهد ... لوين بتوصلين ))
شهد : علامك تطالعيني كذا .. كأني مجرمه
رغد : انا .. حرام عليك ... اتامل وجهك
شهد : لاتغيرين الموضوع
رغد : ويش اغير .. بعدين ترى مليت من الغرفه خلينا نطلع على التلفزيون
شهد : طيب باخذ الاب توب واجي

راحوا للغرفه اللي يجتمعون فيها
سمر : بنات وحده تفهميني المعادلات ... وربي تعبت ولاني فاهمه شي
سحر : اعطيني كتابك اشوف... يمكن اعرفها وافهمك ..
شوق : بنات بروح اخذ شور انتبهوا للعشاء تراه على النار لاينحرق
ريم : اوكي انا انتبه له
رغد : انتم لسى ماخلصتم اختبارات
هنادي : ماتعرفين الدوافير هذول ... باختبار وبدون اختبار ماسكين الكتاب
سحر : قل اعوذ برب الفلق ... ياحبيبتي حـــــنـــــا علمي .. مو زيك ادبي
ريم : ايه متعوده على الدلع كل خمس حصص درس ... مو حنا كيمياء فيزياء احياء رياضيات ..و....و.....
هنادي : احد ضربكم على يدكم وقال ادخلوا علمي
شهد : له مستقبل مو زي الادبي بتجلسين بالبيت
هنادي : ههههههههههههههه ... شهد تتكلم عن المستقبل
شهد : ايه ليكون مو لايق علي
هنادي : ابد مو لايق ...
شهد : لاتحطميني ... خليني احس ان عندي رائي والناس توافقيني فيه
سحر : طيب ليش مو دايم تقولين رايك وحنا نسمعه
شهد تشغل نفسها بالاب توب : بصراحه ... انا عارفه ان محد يتقبل كلامي بهذا البيت
واخر وحده تفكرون فيها .. طبعا انا .. فليش اتعب عمري واتكلم دام كلامي ماله فايده
رغد : مين قال ان هالكلام صحيح ؟؟ غلطانه .. انتي تدرين ويش قد يهمنا رايك !!
شهد : لاتكذبين علي ولا اكذب عليك ... الحقيقه هي اللي قلتها .. وقفت وراحت للغرفه
سمر : اول مره احزن على شهد ... احس في كلام بقلبها تبي تقوله
ريم : واضح ... ماتوقعت انها كذا ...يعني في امل يكون عندها احساس
هنادي عصبت : انتي ويش احساس .. تراها بشر مثلا .. بس تعرفين طبعا ما تبين اللي فيها
رغد : هدوء ... خلاص حصل خير ..." مسكت عكازها" ... بروح اشوفها

:::
:::
:::

ابو مها : الـــــووو .... هــــــلا وعلــيــــكـــم السلام ..ايه انا محمد القايد .... حيــآآك الله
البيت بيتكم ... انا بانتظارك ... الله يسلمك ... مع السلامه
شوق : عمي انت وصلت
ابو مها : ايه يابنتي ... حطي العشاء
شوق : امرك ياعمي ... عمي مين بيجينا
ابو مها : ايه ذكرتيني ... بكره المغرب بيجوني رجال .. زبطي يابنتي القهوة وكل شي
شوق : من عيوني ياعمي ... ان شاء الله بسوي لك كل شي
ابو مها : وين البنات .. ماعاد اشوفهن .. كبروا البنات وصارت كل وحده مشغوله بنفسها
شوق : معاك حق ياعمي ... كبروا بعد ماكانوا صغار .. كل صغير لازم يكبر
ابو مها : ابو مها : وين البنات .. ماعاد اشوفهن .. كبروا البنات وصارت كل وحده مشغوله بنفسها
شوق : معاك حق ياعمي ... كبروا بعد ماكانوا صغار .. كل صغير لازم يكبر
ابو مها : اجلسي ياشوق ابي اكلمك ... مد لها 500 ريال
شوق : ليش ياعمي هالفلوس
ابو مها : خذيها وانا ابوك ... انا سمعت كل شي قالته شهد ... ما ابيها تحس اني مقصر عليها
شوق : ويش الكلام اللي تقوله عمي .. انت ما عمرك قصرت علينا ... "وبخجل ".. وكلام شهد ... كانت معصبه يوم قالته وانت تعرفها ماتحب تطلب الا نلبيه لها
ابو مها : لا يابنتي ... كل شي تبونه انتي وخواتك ما بيه يكون بخاطركم ... انتم امانه الغالي
وبحطكم بعيوني .. وربي يقدرني واسوي لكم كل اللي تبون
شوق تبوس يده : الله يخليك لنا ياعمي ولا يحرمنا منك .. ومن طيبة قلبك

:::
:::
:::

شهد: ههههههههههههههه ياعمري انا .. فديتك
...: يالبى ضحكتك بس... تدوخني
شهد : بس ضحكتي تدوخك ...
...: كلك على بعضك تدوخيني ... جننتيني ياشهد .. ويش اقول بس لي الله حبك يعذبني
شهد : انت ماتدري ويش سويت فيني ...خليت الدنيا بعيني حلوه .. واحلى شي اني حبيتك
...: يعني انتي تحبيني
شهد : افا عليك يا فيصل ... وتشك بحبي لك كم شهر مع بعض وما تدري اني احبك
فيصل : حسيتك تلمحين بس ماتوقعت انه بجد تحبيني
شهد : والله احبــــــــــــــكـ......
فتحت عليها الباب بقوووه
رغد : شـــــــــــهـــــــــــــد .. مين تكلمين
شهد ارتبكت : ما اكلم احد وقبل تقفل الجوال .... سحبت رغد منها الجوال
رغد : الووووووووو .... الــــــــــــــــــــــــــووووو ...ياكلب رد .. لكن مارد عليها
رغد رمت الجوال وقفلت باب الغرفه
رغد : انتي يا شهد ... انتي تسوين كذا .. ما توقعتها تجي منك ابدا
شهد وقفت : انتي ... مافهمتي شي ... خليني افهمك
رغد : تفهميني ... ويش تفهميني هـــاه ... تفهميني انك نزلتي للقذاره .. نزلتي للوحل
شهد : رغد ... خليني اشرح لك
رغد : لاتشرحين لي ولا اشرحلك ... انا ماهي اول مره اسمعك ...لكن قلت يمكن ضنيت فيك ضن السوء لكن ما توقعت انك كذا ... حسافه طحتي من عيني
شهد تمسك يد رغد : رورو ... بليزز خلينا نتكلم
رغد تسحب يدها بقوه : نتكلم ... انتي ماخليتي مكان للكلام ... كل شي فيك غلط ..
شهد : ليش طيب عصبتي ... كل شي بالتفاهم يصير
رغد : طيب بس تقولين لي كل شي ... وياويلك يا شهد لو تكذبين علي .. قسم باللع اقول لابوي
شهد : لا والله اقولك كل شي
رغد : اوكي ... هيا قولي وانا اسمعك

:::
:::
:::

دق جوال هنادي .. كانت على فراشها .. لا شافت الرقم ارتبكت ...
هنادي (( ويش هالورطه ... ويش اسوي كيف اكلمه هنا .. مالي الا اقفله اريح راسي
وافتك من اسئلت ريم وسحر اللي ما تنتهي .. ومن نظرات سمر اللي تخوف ))
قفلت الجوال .. ورجعت انسدحت ...
ريم : مين يا هنو؟؟!!
هنادي : تهاني بس اعطيتها مشغول .. نعسانه مره وهي تطول اذا كلمتني
سحر : حطي سايلنت ... لاني ابي انام مابي شي يعكر علي
هنادي : طيب الحين احطه
سمر : بلا قرقره ... اسكتوا الساعه 12 ابي انام عشان اصحى الصباح بدري
ريم : بس بكره الجمعه
سحر : ليش مافيك نوم انتي
ريم : لا والله مافيني نوم بس بحاول يمكن انام
سحر : طيب اذا ماجاك نوم .. بشويش امشي لا تزعجينا
ريم : ماني بزاعجتك .. بس نامي

ناموا الكل .. وما بقى الا شوق صاحيه ... بعد ماصلت صلاة الليل وقراءة قران .. راحت للصاله... وتفقدت المطبخ كالعاده لايكون في مفتوح .. ومرت على البنات وشافتهم كلهم نايمين
راحت لغرفتها ونست تقفل باب غرفتها ... وقالت اذكار النوم .. ونامت ..

:::
:::
:::

فهد : يا ليزا ... تعالي خذي فنجان القهوه
ليزا : تيب ... ما يبغى شي ثاني
فهد : لا روحي نامي ... وقفلي باب المكتب وراك
ليزا : حاضر ..

رجع على ورى ومسك راسه .. الصداع بيفجر راسه ومشاكل شغله كلها فوق راسه رفع شعره عن وجهه ... ووقف وراح لغرفته اخذ له شور ولبس شورت وجلس على سريره
شاف البوم الصور على الطاوله .. اتجه له ...واخذ يقلب فيه .. صوره وهو صغير وباليخت
.. صوره وهو مع جده .. صور بالخارج .. صور مع امه .. وصورته وهو يوشم على عضلة
يده .. وبجنبه ريان ووليد وخالد .. وكلهم نفس الوشم بنفس المكان اعلى اليد وقريب من الكتف ... كانت فكرة وليد عشان يميزون قروبهم عن باقي القروبات ...كان بعمر 23 لما وشم
على يده ... استرجع الذكرى .. واسترجع الالم معها ... الم الوشم لكنه تحمله وهو يستمتع
بمنظر الدم اللي بيده ويستمتع بالالم اللي يحس فيه اكثر ...وقف قبال المرايا .. وطالع بشكله
جماله كل يوم يزداد .. وشغله كل يوم يتوسع اكثر من اللي قبله .. كل شي بحياته ناجح .. الا شي واحد .. مو قادر يتخطاه .. يحسه اكبر عتبات حياته ..

فهد (( ماهو من طبعي اليأس والفشل ... ماهو فهد الجابر اللي يستسلم .. انا كل شي يوقف
بطريقي..اسحقه .. وانهيه من الوجود ... ))
اتجه لسريره .. ونام ...بسلام

:::
:::
:::

صحــــى كل البيت على صراخها ... وبكاها اللي كان بشكل هستيري ومزري للغايه
ابو مها : شووق ... شوق ويش فيك ..
رغد : يبه قوم نوديها المستشفى .... كانت تستفرغ .. والسرير كله دم
شهد : الدم هذا من ويش .... شووق ردي علينا ...
كانت تحارب الموت ... ما بينها وبين الموت الا خطوه .. تمسكت بالحياه لاخر نفس
شوق والتعب كاسيها : ابـــــــــــــــي ... ابــ.. مــ...ـــويــــــ.....ـــه
راحت سحر جري تجيب لها مويه .. وعمها مايدري ايش يسوي لها
رغد : نوديك للمستشفى
شوق : لا ... ابي انام ... تعبانه .. وقامت تبكي وصوت بكاها يقطع القلب ...
شهد : قومي خذي شور ... واحنا نغير السرير ..
سندتها ريم وسحر بعد ماشربوها مويه لانها كانت ترجف بقوه وما تقدر تمسك شي .. ووصلوها للحمام << وانتم بكرامه ...
ريم : لاتقفلين الباب ...
شوق : تيب .. سحر .. وصليني للبانيو
سحر ودموعها على خدها : هيا يالله ...
مسكت يدها ووصلتها للبانيو .. وساعدتها بنزع ملابسها ... واستنتها الى ماخلصت عشان توصلها لسريرها .... بعد ما وصلت للسرير .. كانت ترجف كأنها بردانه
سمر : شوق .... انتي بردانه
شوق كانت تهذي وتتكلم كلام مو مفهوم لان حرارتها ارتفعت ... راح عمها جاب لها دكتور
د: يابو مها لازم ننقلها المستشفى حرارتها مرتفعه مررره
ابو مها : طيب والحل يادكتور
د: انا اعطيتها مهدي ...لان نفسيتها مرره تعبانه
ابو مها : وتحتاج تروح المستشفى
د: ايوه لازم .. على الاقل 6 ساعات نراقب حالتها ...
ابو مها : اجل توكلنا على الله الحين ناخذها للمستشفى
بعدها بنص ساعه اخذها عمها وسحر لاقرب مستشفى ...

:::
:::
:::

يــــــوم الـــجــــمــــــعــــه

بعد صلاة الجمعه ... الكل مجتمعين على طاولة الغداء
ابو رياض : انا رايح لجده
ام رياض : وليش يابو رياض ؟؟
ابو رياض: بحاول اقنع فهد ... يجي ويسكنا معنا
رياض : بس هو رافض الفكره من اساسها يبه
ابو رياض : مو بكيفه ... انا قلت يجي يعني يجي .. مو انا اللي كلمتي تنزل الارض
ندى : طيب يبه انت ليش .. طلقة ام فهد الله يرحمها
ابوها طلعت عيونه قدام وخافت منه ... تكهرب الجو ...
فزاع : ندى تعالي ابيك بموضوع
ندى تركت كل شي وراحت لغرفتها
ام رياض : هدي اعصابك يابو رياض تعرف ندى جاهله .. وماتدري عن شي
ابو رياض : خير خير .. ماحصل الا كل خير
رياض : يبه خلني انا اروح لفهد بالاول امهد له الموضوع واحاول اقنعه .. ومايصير زي المره اللي قبل .. تتهاوشون ويترك البيت
ابو رياض : اجل روح .. وحاول تقنعه باي وسيله ..
رياض : ابشر على خشمي ..

بـــــغـــــرفـــــــة نـــــــدى
ندى شوي وتبكي : والله ماكان قصدي ياهزاع .. احلف لك
هزاع : والله عارف ياندو ... بس انتي تعرفين ان امي وابوي مقفلين هالموضوع من زمان
ومحد يعرف السبب الا هم الاثنين .. انتبهي المرة الجايه تجيبين السيره ذي .. ترى المره هذي سلمتي .. والمره الجايه ماتدرين ويش بتكون ردة فعل ابوي
ندى : ودي .. ودي اعرف ويش السر اللي مايبون احد يعرفه ... سالت امي وهاوشتني
وابوي تغير وجهه .. في سالفه كبيررره
هزاع : انتي ماتتركين اللقافه .. قلنا لك شيلي الموضوع من راسك
ندى : ياربي ليش كلكم علي ... خلاص طيب بشيله
هزاع : والله اني عارفك زين ... ماترتاحين الا وتعرفين السالفه .. بس لاعرفتيها قوليها لي
ندى : خليني اعرفها .. وما لك الا اللي تجي وتقولك
هزاع : هذي ندوو اللي اعرفها ... خخخخخخخخخخخخخخ يالله بروح اخذ لي قيلوله

:::
::: كانت نايمه على السرير الابيض .. والمغذي بيدها .. تحاول تفتح عيونها .. وتحس بثقل فظيع
حاولت مرات ومرات وبالاخير نجحت ... لكن كل شي كانه سراب .. ماتدرك اللي حولها
سحر تمسك يد اختها : شووقه ... صحيتي
شوق بتعب واضح : انا وين ؟؟
سحر : بالمستشفى حبيبتي ..لا تتكلمين ارتاحي
شوق : آآآآآه ... راســي يــألــــمــنــي مـــررره ..
سحر : سلامتك .. تبيني انادي النيرس
شوق : لا بس ابي اطلع من هنا .. ما احب المستشفيات
سحر : الدكتور قال لازم تجلسين تحت المراقبه لو 6 ساعات
شوق : من متى وانا هنا
سحر : من الساعه 5 الفجر
شوق استغربت : من 5 ... الحين كم الساعه ؟؟
سحر : 3 الظهر ... طولتي وانتي نايمه
شوق : ماحسيت فيكم ... ولا حسيت يوم جبتوني هنا
سحر : ايوه حبيبتي .. الدكتور اعطاك مهدئ ونمتي
شوق : قولي لعمي خلاص ابي ارجع البيت .. ريحة المستشفى تمرضني
سحر : الحين اورح له واشوف ...
بعد ماطلعت شافت عمها طالع من غرفة الدكتور .. وكلمته
عمها : بروح اشوف الدكتور ... اذا وافق يطلعها نطلعها
سحر : حاول معاه ياعمي هي ما تطيق المستشفيات
عمها : روحي لها وانا بروح للدكتور
سحر : طيب بروح لها ...

:::
:::
:::

هنادي : بنات ترى ابوي قال ان في ناس مهمين بيجون المغرب
رغد : بيجون للبيت
هنادي : ايه ... فياليلت ترتبون المجلس وتبخرونه ..
ريم : خلاص انا برتبه ... وابخره ..
رغد : تر البخور عند المبخره .. شفته اليوم الظهر
ريم : تيب .. سمر انتي امسحي مراية المدخل ..
سمر : بس اخلص من حل الواجب اروح امسحها
اتجهت كل وحده لشغلها .. ورغد كانت جالسه على برنامج شبابي حلوو .. لانها تعشق هالبرنامج..وكانت منسجمه فيه ... وكان موضوع الحلقه عن الشباب العاطل
والموضوع مرره حماسي ... جات شهد وتابعت معاها البرنامج .. وهنادي .. وريم وسمر بعد ماخلصوا شغلهم ....
ريم : والله خطير هالبرنامج ... كل الناس يحبون المذيع
رغد : عشان شكله يحبونه ... وكمان البرنامج له دور وكل مواضيعه اجتماعيه
سمر : طيب اسكتوا بشوف اللقاءات اللي مسوينها
رغد : اكره الفواصل ... تبيخ الحماس
شهد : هــــــــــــــــــــــــــــــدووووووء..
دق جوال هنادي .. وراحت للغرفه تتكلم على راحتها وماتزعج البنات
هنادي تخشن صوتها : هـــــــــــــــــــــلا واللـــــــــــــه
ماجد : هـــــلا بك اكثر ... كيف حالك
هنادي : بخير عساك بخير ... بشر ويش اخبارك
ماجد : الحمدلله ... اقول ترى العيال عازمينك على العشاء بالاستراحه يوم الاثنين
هنادي ارتبكت : والله مقدر احضر ... اعتذر لي قول لهم هاني مرتبط بموعد مهم
ماجد : افــــا .. وليه ماتقدر
هنادي : عندي موعد مهم مع الوالده ...
ماجد : اجل نأجلها ليوم الاربعاء تكون فاضي
هنادي : ان شاء الله بحاول .. وارد لك
ماجد : اجل صار توصي شي
هنادي : سلامتك .. سلم على الشله
ماجد: يووووصل ... مع السلامه
هنادي بعد ماقفلت الجوال شوي وتبكي (( يارررررررررربي ويش التوهيقه ذي ... ويش السوات مالي الا اقول لعبير تنقذني من الورطه هذي .. ))

:::
:::
:::

على صلاة المغرب

وصل ابو مها ومعاه سحر ... وشوق
شهد : كيفك الحين شوووقه ؟
شوق : الحمدلله .. بس ابي انام
رغد : طيب روحي ارتاحي
ابو مها : جهزتوا القهوه لان الناس على وصول
ريم : كل شي بالمجلس يبه ..
ابو مها : الله يوفقكم يابناتي .. ولايحرمني من شوفتكم
الكل : امين
شوق راحت ترتاح .. وسحر دخلت المطبخ تسوي لشوق عصير ليمون والباقين راحوا على التلفزيون
الساعه 7 ونص ... بمجلس ابو مها
ابو سيف : وهذا طلبنا يابو مها .. الله يسلمك
ابو مها : يابو سيف جيتك على عيني وعلى راسي .. وبس لازم اشوف رائي البنت
وهي اخر سنه بالدراسه ...
ابو سيف : الزواج نأجله ولا يهمك... وانت فكر بالموضوع وشاور البنت وعطانا الرد
ابو مها : اعطوني مهله شهر
سيف فز : يؤؤؤ طويله
ابو سيف : خذ الوقت اللي تبي .. وهذا كرتي فيه كل ارقامي
ابو مها : الله يقدم اللي فيه الخير
سيف : تكفى ياعمي لاتطول علينا
ابو سيف : علامك ياوب انهبلت خل الناس تفكر براحتها
ابو مها : هههههههههههه الظاهر عريسنا مستعجل
سيف (( مستعجل وبس .. ودي الزواج اليوم قبل بكره ))
ابو سيف : يالله طولنا عليك يابو مها
ابو مها : البيت بيتكم يابو سيف شرفتنا بوجودك
ابو سيف : نستأذن الحين وننتظر ردك
ابو مها : ان شاء الله خير

:::
:::
:::

رغد : مين تتوقعون اللي عند ابوي
سحر : هو قال ضيوف ... مدري مين
سمر : مين تتوقعون ... احس في سالفه
رغد: اذا جاء ابوي ... بسئله .. واشوف ويش يقول
ريم : سبحان الله ياللقافه ... يمكن موضوع خاص
رغد : عاد ابي اعرف الموضوع هذا
سحر : شوفوا عمي جاء
ابو مها : سويتوا عشاء ؟؟!!
ريم وسحر : ايه سوينا ...
ابو مها : متى يخلص ؟؟
ريم : باقي له شوي ...
رغد: يبه مين الناس اللي كانوا عندك ؟؟!!..
ابو مها : رجال جايين يخطبون ....
ارتسمت الف علامة استفهام على وجيه البنات .. وكلهم يطالعون بعض بنظرات شك ويحولون يعرفون مين اللي انخطبت بينهم
سحر : يــــخــــطـــــبــــــوووون ؟؟!!!!!
ابو مها : ايه يخطبون ... بس انا ماعطيتهم رد ... لين اسمع رائيها
سمر : ومين هذي ياعمي اكيد رغد او شهد ...
اول ماسمعت رغد كلام سمر .. رجف قلبها تلخبط كيانها.. كأنها اول مرة تسمع بهذا الشي ماجاء ببالها الا شخص واحد .. شخص ماتدري ويش شعورها تجاهه ... ماقدرت تفسر احساسها ناحيته .. وزاد غموض مشاعرها الحين ..
رغد (( مقعوله اكون انا ... لالا مستحيل اوافق .. وعبدالله ...آآآه ويش هالافكار هذي اللي
تجيني .. ويش مصدرها )) ابو مها بعد فتره من السكوت وهو يتامل وجيه البنات اللي انصبغت بجميع الالوان
ابو مها : لا ... لا شهد ..ولا رغد
سحر وريم : اجــــــل مــــيـــــن ؟؟!!!
هنادي : يبه حمستني ... مين اللي انخطبت
ابو مها طالع بكل البنات : اللي انخطبت هي .....
توتر الجو زياده ... كل وحده دافعها الفضول ...
ابو مها : انتي ياريــــــــــــــــــــــــــــــم
ريم بصدمه : آنــــــــــــــــــــــــــــــــــآآ...
ابو مها : ايه يابنتي انتي .. اللي انخطبتي
ريم : بــــــــــس انا لسى صغيره... ابي اكمل دراستي
ابو مها : طيب يابنتي هالكلام انا عارفه وقلت للناس ..وقالو بس يبون الموافقه والزواج بعد ماتخلصين
ريم بخجل : بس يبه ماعرفت مين اللي خطبني ؟؟
ابو مها : واحد اسمه ... سيف ناصر السالم
هنادي : مرر علي هذا الاسم ... بس مدري وين
ريم بتعجب : يبه انت متاكد ؟؟
ابو مها : ايه ... صحيح اني ما اعرفهم بس ناس طيبين ماعليهم خلاف
سمر : اممممم .. احس ان مر علي هالاسم
ريم : يبه خلني افكر واستخير وارد لك خبر
ابو مها : على راحتك يابنتي .. فكري زين .. وكل شي قسمه ونصيب ... واذا جاك نصيبك
راح تاخذينه
رغد : اهم شي الاستخاره يا ريم
ريم : ان شاء الله بستخير وافكر بالموضوع ..
على طول راحة الغرفه .. ولحقتها سحر وهنادي
هنادي : مين قدك ياريم ... انخطبتي .. عقبالنا
ريم ودموعها بعيونها : عديمه احساس
هنادي وسحر : افاااا ليش ؟؟؟
ريم : كيف اتزوج واخليكم ... واترك بيت ابوي اللي طول عمري عشت فيه .. كيف اتزوج
انسان ما اعرفه ولا قد شفته بحياتي .. كل هالاشياء ماجات ببالكم
سحر : ريم فكري بحياتك كلنا بنروح لحياتنا .. محد بيهدم حياته عشاننا ..
ريم : ويش تقولين انتي؟؟ ..كيف اترك مها وشوق .. وهم ماتزوجوا .. وشهد ورغد وانتي وهنادي وسمر ... مقدر اتركم لو ايش يصير
هنادي : ريم ... انتي استخيري .. يمكن تتزوجين وتعيشين حياتك وتكونين سعيده
ريم : بـــــس انــــــا ...
سحر : لا بش ولا شي انتي لسى مصدومه ... احنا كبرنا ياريم .. وبالتاكيد راح تتغير حياتنا
كل وحده بتتزوج وبتعيش مع زوجها وتخلف اطفال وتلتهي فيهم ...
هنادي : ريم انتي ليش ماتبين تتزوجين .؟؟!!
ريم : مابي اتزوج وبس ... ابي اعيش بينكم .. حياتنا كذا حلووه مانقصنا شي
سحر : اول مره احس تفكيرك محدود
ريم : آآآه ياراسي ... ماني قادره افكر
هنادي : بنطلع وفكري على كيفك
سحر : بروح اعطي شوق الدواء ... سيوووو

:::
:::
:::

بـــعــــد شـــــهـــــر
بالمدرسه .. وتحديدا بالفسحه
لينا : وااااااااااااااااااو يابنات امس رحت الراشد
تهاني : ويش لقيتي فيه
لينا : في محل ... في شباب .. قسم بالله يابنات عليهم زين ماعمري شفته بحياتي
ريم : محل ايش ؟؟؟ ...
لينا : محل بالراشد ... في عيال يخققوووووووووووووووون ...
سحر : قصدك انهم حلوين
لينا : ملائكه مشاء الله ... ايش الشعر والجينز والجمال .. وكله كوم وواحد صاروخ كوم ثاني
تهاني تحمست : تكلمي قولي اوصفيه لنا ..
لينا : واحد فيهم اطخم المجموعه كلها .. وربي يابنات شفت البنات بعيوني يرقمونه وهو يعطيهم.. نظرات احتقار .. وطنشهم
سحر : وليش طنشهم بالعاده مايحسبون بالبنات
لينا : هذاك يقول للقمر قم بس قم
ريم : ههههههههههههه قم بس قم ... كملي يا بنت شكلك غرمانه لشوشتك
لينا : لو تشوفينه ياريم تعذريني
سحر : نروح نشوف ويش ورانا
جات هنادي وصحباتها ...
نوره : هاي ليونه
لينا : هااااياااات
نوره : قلتي لهم عن الجمال اليوسفي اللي شفناه امس
لينا : ايه جالسه اقول لهم
عبير : الله لا يبلانا انتي واختك ضاربه فيوزكم
نوره : اقول لاشفتيه .. بيتغير كلامك
عبير : تدرين ان اخر تفكيري الشباب
هنادي : اصلا جوالي خربان بوديه اصلحه
البنات : ههههههههههههههههههههههههههههه
ريم : ترقعين .. قولي تحمستي تشوفين توم كروز العرب اللي شافوه لينا ونوره
هنادي : تبين الحق .ز ايه بطلب شوق اليوم نروح
سحر : خلاص نطلبها حتى انا تحمست

:::
:::
:::

وليد : الله يرحمنا بس محد عبرنا كل الترقيم لفهد
فهد : خذ من الارقام ودق .. والله ما سالت فيها
ريان : شكلك يافهد تركت سوالف الترقيم والجوال
فهد : تبي الصدق ايه ... الحين بشوف شغلي ومستقبلي
رامي : ويش شغلك غير المحلين اللي عندنا
فهد طالع على الطاقه وبهدوء : بكون نفسي من مشروع صغير <<< محد يدري عنك يافهد ويش وراك
وليد : الله يوفقك
فهد: امين

:::
:::
:::

بيت ابو مها

هنادي : تكفين ياشوووق الله يخليك .. روحي معنا
شوق : اليوم الاثنين .. بكره وراكم مدرسه .. كيف نروح ؟؟
سحر : انتي ماعليك احنا مذاكرين وكل شي .. بس روحي معنا عمي قال اذا شوق وافقت روحو ا
شوق : طيب ازعجتوني بروح بس عشان اشتري لي جوال بدل الخربان اللي عندي
ريم : يقولون في كل شي ... بس روحي معنا
شوق : اوكي نروح بعد المغرب .. بس تجهزوا
كلهم يبوسونها .. وهي مستغربه اصرارهم انهم يروحون ...