شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

10 - 5 - 2014, 12:34 PM

فاطمه : والله يايبه عندك كوثر بنت عمي ... نعرفها ونعرف اخلاقها ليش ماتخطبها
ابو سيف : ان شاء الله من كانت صغيره وانا ناوي اخطبها له بس هو الله يصلحه دايم يرفض موضوع الزواج ومقفله .. ويوم طلبني اخطب له .. طلعت لي هالبنت مدري من وين
فاطمه : مستحييييييييييييييييييل يتزوجها ... لو كانت اخر بنت بالدنيا مايتزوجها
ام سيف : غيروا الموضوع

:::
:::
:::

كانت تبكي من درت بالخبر .... اسودت الدنيا بعينها ...
كيف بتقول لاهلها .. كيف راح تبرر لهم موقفها ؟؟!!
... بكت بحرقه والم .. ماحسبت حساب للي صار ... كل الافكار متضاربه في عقلها .. ماهي قادره تركز وتفكر بحل لمشكلتها
...: اهدي ياعمري اهدي ... مافي شي يستاهل بكاك
...: كيف اهدي .. قولي ويش بقول لابوي ... اكيد بطيح من عينه
...: ويش تطيحين من عينه .. ماسويتي شي حرااام
...: عارفه .. والله العظيم عارفه ... بس قدر موقفي خواتي ويش بتكون ردة فعلهم ... والاهم ابوي .. ابوي مايستاهل اللي اسويه فيه ... والله مايستاهل ... ائـــهههههههههى
...: الله يصلحك .. انا افهمه كل شي لا تخافين .. بس كفايه بكاء

:::
:::
:::

اول مادخلت البيت جريت على الحمام وبدت تستفرغ <وانتم بكرامه
رجعت لها حالتها لكن بشكل فظيع .. اتجهت لغرفتها وقفلت الباب ورمت نفسها على السرير وهي تشهق
بالبكاء ... الالم يعتصرها .. صوت انينها تشفق له حتى الجمادات .. فكيف قلوب البشر القاسيه عليها والظالمه ... رفعت وجهها وطلت بمرايتها الجريحه .. وجه شاحب لاينبض بالحياه ..
ملامح اكتساها الحزن منذ زمن ... رفعت بلوزتها وهي تتامل بطنها .. وكلها كره وحقد
ودموعها كانها نار تحرق خدها ...
شوق (( بعد ماغطاني الهم والحزن ... بعد ماضاع شرفي ...مت يبه وخليتني لحالي اعاني
..اعاني من كل شي بحياتي حتى من اقرب الناس لي .. وكله بسببه ... سمعتي راحت جمالي
ماعاد له داعي ..شوهني شووووووووووووووووووووووووووووووووهـــــنــــــــــ ـــــــي
... خلاني جسد بلا روح ... الله لا يسامحه ان شاء الله اشوفه يكتوي بالنار ... يارب لاتسعده في دنياه ولا يشوف يوم حلووو بحياته ... يارب ))
دق باب غرفتها
شوق تمسح دموعها : مـــــــــــيـــــــن ؟؟!!
هنادي : انــــا هنــــادي ابـــيـــك ..
شوق تفتح الباب : ادخلي وقفليه وراك .... دخلت هنادي وهي متفاجئه ماتوقعت ان شوق تبكي
هنادي بخوف : شوق .. ليش تبكين .. ويش يبكيك
شوق نزلت دمعه يتيمه من عينها : مافيني شي بس ويش تبين فيني ..
هنادي : كنت ابي اسولف معك ... بس قولي ويش مضايقك ..يمكن اقدر اساعدك
شوق انسدحت : محد يقدر يساعدني يا هنوده ... انسيني .. بس قولي ويش فيك
هنادي : قلت لك بدردش معك ... بس شكلك متضايقه حيييل ..
شوق : هنادي .. اعترفي ..ويش مخبيه عني
هنادي : مخبيه كل خير ياحلوه بس نخلي كلامنا بعدين .. ابي اشوف بسمتك الحلوه
شوق ابتسمت لها وهي تد� شوق ابتسمت لها وهي تداري دموعها : ياعمري انتي ...
هنادي : ايووه خلك كذا مثل القمر اسم الله عليك
شوق : القمر وين وانا وين الله يسلمك
هنادي : ارفع معنوياتك والا انتي تيس ... رمت عليها المخده
شوق : تيس بعينك يادجاجه ...
هنادي : على الاقل الدجاجه منها فايده مو تيس الله لا يبلانا .. وطلعت من الغرفه
شوق : وربي انها رايقه ... احر ماعندي ابرد ماعندها ... طيب ليش الومها هي ماتدري عن شي

:::
:::
:::

خالد : انساها يابن الحلال اكيد مشبهه عليك
فهد : مشبهه علي .. وتطالعني كاني صرصور عندها
ريان : الحين ليش معصب البنت ومارجعت .. روق اعصابك
فهد : مو معصب بس مستغرب منها
خالد : اقول انسى يالله انا عازمكم على العشاء بمطعم يحبه قلبكم
:::
:::
:::
ريم : يبه ... ابي اتكلم معك ممكن
ابوها : اجلسي يبه .. ويش بغيتي
ريم : يبه انا استخرت اكثر من مرره .. ومرتاحه للي تقدم لي
ابوها : يعني نعطيهم خبر الموافقه
ريم : ايه يبه
ابوها : بس يبه انا رحت سألت عنه ..
ريم باهتمام : ويش صار ..؟؟
ابوها : والله يابنتي .. يقولون انه سكير .. ولعاب .. وانــــــــ...
ريم : ويش معنى لما رجعت سألت قالوا لك هالكلام ..
ابوها : هذا اللي وصلني يابنتي
ريم : خلاص انا موافقه يعني موافقه
ابوها : فكري زين ياريم ... هذا زواج مافيه لعب
ريم : يبه انا استخرت خمس مرات واكثر ومرتاحه .. يمكن الكلام كذب ...
ابوها : ويش مخليك متاكده ؟؟!!
ريم : احساسي ...
ابوها : ارجعي فكري زين ... لا تستعجلين
ريم : يبه انا فكرت شهر .. والحمدلله مقتنعه فيه
ابوها : بكيفك .. بكره بكلمهم .. وارد لهم
ريم تبوس راس ابوها : تسلم يبه ... يالله بروح انا ....بكره وراي مدرسه
ابوها : تصبحين على خير يابنتي
ريم : وانت من اهل الخير يبه .. واتجهت للغرفه وهي تفكر بكلام ابوها .. نامت على سريرها
تتقلب بكل اتجاه بس النوم مجافيها .. تفكر وتفكر
ريم (( آآآه بس من الحيره ..ويش اسوي ارفض او اوافق ... طيب انا ماشفته ولا اعرفه كيف اوافق عليه .. بس انا استخرت واحس اني مرتاحه ...لالالا لازم اراجع نفسي قبل ... يارب ساعدني ودلني على الطريق الصحيح ))

::: يوسف : عبووود ... بويش تفكر ؟؟!!
عبدالله : افكر بأهلي .. مشتاق لهم .. باخذ اجازة وبروح لهم
يوسف : اي والله ذكرتني من زمان ماكلمت امي وخواتي
عبدالله : بتسافر لهم ؟؟
يوسف : لا ... خلني لما اخلص مره وحده الرياض مشوارها طوووويل
عبدالله : اجل روح معي لديرتنا ... منها تغير جو
يوسف : اممممم .. خلاص اجل بروح معك وامري لله
عبدالله : اقلك شي ...
يوسف : ويش ؟؟
عبدالله : جبت رقمها ... ويش رايئك ارسل لها رساله
يوسف : مين ذي اللي بترسل لها ؟؟
عبدالله : يعني مين .. رغد
يوسف عيونه طلعت قدامه : كيف جبت رقمها ... اثاريك منت سهل ياولد
عبدالله يضحك : جبته ... بطريقتي الخاصه ... بس هاه قولي ويش اسوي
يوسف : امممم .. دق عليها شوف اذا ردت كلمها .. قول انك غلطان فكر شوي
عبدالله : اقول .. باحتفظ برقمها عندي ... خايف من شي بس مدري ويش هو
يوسف : بكيفك ... بس لا تتعجل .. اركد شوي
عبدالله : والله ماتروح من بالي يايوسف .. افكر فيها ليل ونهار
يوسف : آآآآآآآه من الحب .. قطع قلوب البعارين
عبدالله يضربه على كتفه : بعارين بعينك
يوسف : الله واكبر ليش عيني عين فيل
عبدالله : هههههههههههههههههههه ... انا الغلطان اللي اشاورك والا انت منت كفو مشوره
يوسف : استاهل ... اجل لا تكلمني
عبدالله : عن الزعل ياسوسو
يوسف يطالعه بنظرات استغراب : لالالالالالالا .. لاتقول سوسو تذكرني بدلع البنات السامج
عبدالله : ههههههههههههههه ... اجل ليش تكلمهم
يوسف : تسليه .. بس وربي دلعهم يمغصني ... ووووووع .. مافي وحده دلعها طبيعي
كلها تصنع
:::
:::
:::

اليوم اللي بعده
هاني : ماودي ارفض بس الظروف اقوى مني ومنك
ماجد: والله ياهاني انت وعاصم كل ماعزمناكم اعتذرتوا والفريق ماينقصه غيركم
عاصم : حنا والله اشغالنا كثيره يعني اعذرونا
رائد : هذي المره مافي عذر .. بتحضرون يعني تحضرون
هاني : نقول ان شاء الله نقدر ونحضر ومايكون الوالد ملزم علينا نسافر معه
الكل : ان شاء الله
ماجد : اقول هاني .. ابيك بكلمه راس... اخذ هاني على جنب بعيد عن رائد وعاصم
عاصم (( بسم الله ... شوي وياكلني ... لايكون شاك فيني .. يؤؤؤؤؤؤؤ هذي روحت مع ماجد وتركتني الحين يفترسني .. بس خلوني اطلع سالفه اشيل الارتباك والقلق عشان ما يحس بخوفي .. ))
عاصم : اقول رائد .. انت من المدينه
رائد : لا والله انا من الجنوب .. بس ولدت وعيشت هنا بحكم شغل الوالد
عاصم : والله شكيت من طريقه كلامك والستايل حقك
رائد : ستآآآآآيـــــل ... ويش هذا ؟؟!!
عاصم : قصدي من طريقة لبسك وعقالك
رائد : والله ياعاصم اني مرتاح لك .. وودي نكون اصحاب طول العمر
عاصم (( بديت تخر علومك ... ياويلي بس عز الله رحنا وطي )) : لي الشرف اننا نكون اصحاب
رائد : انت من متى تعرف هاني ؟؟
عاصم : من زمان حنا جيران طول عمرنا .. وماتفرقنا .. وصداقتنا مستمره للحين