شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

10 - 5 - 2014, 12:46 PM

رائد : مشاء الله تبارك الله ... تقولي من زمان ... هــــــاه
عاصم : اي والله من زمان

جاء ماجد وهاني يضحكون .... وعاصم متوتر مررره من اسئله رائد الاستجوابيه

هاني : يالله استئذن اللحين ... بروح ارتاح تعبت اليوم
عاصم : خصوصا الجو حار اليوم
هاني : تبي اوصلك بطريقي
عاصم : ايه ياليت والله
هاني : اجل يالله مشينا ... تامرون بشي يا شباب
الكل : سلامتك
هاني : مـــــــــــع الــــســــلامـــــــــــــــه

:::
:::
:::

فيصل : هلا حبيبتي ... ويش مسويه
شهد : اشتقتلك ياظالم
فيصل : ظـــالــــم ؟؟!! ... ليش تقولين كذا ياقلبي
شهد : يومين ما تدق ... اكيد مو غاليه عليك والا كان كل يوم تدق تسمع صوتي
فيصل : انتي اغلى الناس على قلبي ... وانا ارسلت لك مسج وقلت لك اني مشغول
شهد : وصلني .. بس مايمنع تدق بس تسلم وتقفل والا شغلك اهم مني
فيصل : مافي شي اهم منك ياحياتي انتي ... خلينا من العتاب وقولي ويش اخر اخبارك
شهد : على حطت يدك .. بس انتظرك عشان اسمع صوتك
فيصل : كل ذا اشتياق لي ..
شهد : بلاك ماتدري ويش مسوي فيني .. متسلط على عقلي وقلبي وكل مافيني
فيصل : آآآآآه بــــــــــــس ... ما اتحـــمل الكلام هذا يجنني
دخلت رغد واعطتها نظره لكن شهد استرسلت بكلامها ولا اهتمت لوجود رغد
اللي النار شابه فيها ... هي خايفه عليها لكن ماقدرت عليها وغصب عنها تسكت عشان ما تأذيها .. وماتبي احد يزعل عليها او يحتقرها

:::
:::
:::
ابو مها : مبرووك ياولدي ..
سيف والفرحه بعيونه : الله يبارك فيك ياعمي .. يعني ابشر اهلي
ابو مها : اي ... وتقدرون تجيون البيت وتخطبون رسمي
سيف : ان شاء الله بكلم اهلي واحدد معك موعد
ابومها : على خير ان شاء الله ... مع السلامه
اول ماقفل الجوال .. بسرعه نزل للصاله
سيف : يممممممممممممه ....... ييـــــــــــــــــبـــــــــــــــــه
امه : خير يمه علامك تصارخ ... باس راس امه وضمها
سيف : ابشرك يمه .. ابشرك اهل البنت وافقوا
اخواته انصدموا بالخبر .. وانصبغت وجيههم بجميع الالوان .. نغزه قلبه .. ماشاف
الفرحه بوجههم .. تحطم وصابه برود ...
سيف بهدوء: انتم رافضين صح
ساميه بغرور : ايــــــه رافضــــيــــن
فاطمه : نفسي اعرف كوثر ويش ناقصها
سيف : انا ماهمني رايكم .. انا اللي بتزوج مو انتم ... يعني القرار قراري اولا واخيراً
ام محمد : اجل ليش تسالنا اذا موافقين والا لا .. روح اخطب وتزوج الله يوفقك
ساميه بعصبيه : حط براسك .. زواجك مستحيل احضره
ام سيف صرخت عليها : ســـــــآآآمـــــيـــــه .... هذا اخوك واكبر منك احترميه
ساميه : انا بفكه من شري وبطلع غرفتي ابرك لي وله .. وطلعت معصبه ومقهوره
دخل ابوه .. وشاف الجو متكهرب .. والكل معصب وزعلان ...
ابو سيف : خير ... ويش صاير ؟؟
الكل طالع بسيف وكانت نظراتهم كأنها اسهم مصوبه له
:::جات على صوت نغمه الرسايل تنبها على رساله جديده

فتحت الرساله بكسل وخمول يصاحبها برووود طاغي على كيانها

ابحكيلَڪ عِن "آحَوالي" وآبيڪَ تشٍوف ليَ صرفِه
خيالَڪ دآيِم فـ بـَآلي وآحَس بشِئ ,,مآ آعرفه ,,
يودَيني الفڪَر ويجيِب وشَوقي لڪِ معَنيني
لأأنڪِـ لّما عنَي {تغيَب} تضِيق الدنيآ فيٍ عيَني
وش آحِڪي لڪَ وشَ آفسِر عَن آحِوآلي وعَن عِلومي
ڪثرَ شوقِي لڪِ تصَور آشوفِڪ حتَى فَي |نومِي ~!!
قفلت الجوال .. واسندت راسها على وسادتها .. تفكر بشي غريب عن احساسها ... شي ماتعرفه ولا جربته من قبل ...
بجهه ثانيه ..كانت جالسه لحالها تفكر وتفكر وتفكر .. ودمعتها تخونه بكل رمشه ترمشها
حوطتها اسوار الالم والحرقه .. تذكرت موقفها وآهاتها تنطلق من صدرها .. وتبدأ مسيرة عذابها مع الذكرى المؤلمه لها ..
كان عمرها 16 سنه .. لما صار لها الحادث ... لكن مو أي حادث ... ماكنت متوقعه انه مكتوب لها ومقدر عليها ...
كانت رايحه للمدرسه لحالها لان عندها اختبارايام المراجعه وهي بالصف الاول ثانوي ... والثانوي مسافتها بعيده شوي عن بيتهم القديم والطريق فاضي ... كانت تمشي بطريقها
وماحست بنفسها الا بسياره غريبه موقفه بجنبها ونزل القزاز شوي وكان فيها 3 شباب .. خافت منهم وطنشتهم وكملت طريقها بأمان الله .. لكن زادوا باذيتها .. لدرجه انهم مسكوا يدها وسحبوها لداخل السياره .. كانت تصارخ وتبكي .. وتترجاهم يتركونها لكن محد سمع لصراخها
وبكاها وطلبها للمساعده ... خافت منهم ومن اشكالهم ... بدوا يهدونها .. ويطمنونها انها اذا سكتت وماصارخت بيرجعونها .. لكن كل وعودهم كذابه ... اخذوها لمكان ماتعرفه بعد ماغطوا عيونها .. مكان كانت المره الوحيده اللي تزوره وتشوفه بعيونه وترك فيها اثر مستحيل تمحيه الايام بمرورها ...
...: يــــاكــــلــــــــــــــب ... اترررررركـــــنـــــــــــي ..
...: لا لا لا .. ترى ازعل عليك .. واذا زعلت عليك بيصير شي مو طيب بالمررره
...: ائـــهههههههئ ... رجعوني لاهلي ... ابي اهلي
...: بنرجعك بس مو قبل ما اشبع منك ياقمر
كانت تدافع عن نفسها وتحاول تهرب منه لكنه بجسمه وبطوله اقوى منها بكثير .. سحبها على غرفه كانت هي المكان اللي ماتت فيه ... واندفنت فيه جثتها

:::
:::
سمر : يابنات ... يابنات مها تقول بكره بتجي
رغد : متى كلمتك
سمر : قبل شوي .. تقول بكره راح توصل
هنادي توها داخله : من اللي بيجي ؟؟!!
سمر : مها .. اتصلت قبل شوي
هنادي : اهــــــــا ... ايه لها شهر ماجاتنا
رغد : ذاك اليوم دقيت عليها ماترد علي مدري ليش
جات شوق ..لقتهم بالصاله
شوق : ايش اسوي عشا
البنات : مانبي ... نبي من برا
شوق : انتم بس تحبون المطاعم .. الحمدلله على النعمه اكلهم ماله طعم
رغد : اقول ريم وينها مالها حس .. فيها شي ؟؟
سمر : ماتدرين انها وافقت ومستحيه ماعرفنا لها � سمر : ماتدرين انها وافقت ومستحيه ماعرفنا لها مره تبكي ماتبي تتزوج ومرره تقول ابي اتزوج
شوق : بروح اشوفها ... راحت للغرفه وقبل تفتح الباب
ريم تبكي : سحر انا خايفه .. بيجون يوم الخميس ابوي قال لي الظهر
سحر : مبرروووك ياحبيبتي ... بس ويش له داعي البكي
ريم : افهميني .. مين بيوقف معي .. مين بيقولي ويش اسوي لاتنسين ان ماسبق لاحد تزوج منا
سحر: عماتي ماراح يتركونك .. وبيوقفون معك وحنا معاك لاتخافين
ريم : سحر .... محتاجه لامي
سحر : ريم لا تقولين لاحد هذا الكلام خصوصا قدام مها وشوق
ريم : لا لا تخافين مستحيل اقول
سحر : وبعدين عن الدلع يالله .. المفروض تكون خدودك حمراء والضحكه شاقه حلقك مو تبكين
ريم تمسح دموعها : بروح اغسل وجهي عشان اطلع للصاله ومحد يشك
سحر تبوسها على خدها : هذي ريومه اللي اعرفها خليك قويه

شوق (( يــآآآآآرب ياكريم ... الطف بحالنا انت اعلم فينا .... كل يوم اشيل هم زياده عن
اللي قبله )) ..
راحت غرفتها ... وجلست على كرسيها وتطالع بالطاقه والغرفه مظلمه .. ظلام يشبهها
وملامح اختفت .. مثل ملامحها ..
فقير حظ وراس مالي ثيابي
وأبسط طموحاتي تهز أعمدتهم

فاتح لهم قلبي وطيبي وبابي
وعيونهم قبل الحكي فاضحتهم

قالوا وقالوا واشبعوا بأغتيابي
هذي نواياهم وذيك ألسنتهم

حتى وأنا اتألم وأموت فعذابي
دمعات عيني بالحزن
فرحتهم

:::
:::

يوم الاربعاء وصلت مها للبيت والكل فرحان ...
رغد : تاخرتي هذي المره
مها : ايه عشان صحباتي كانوا ينزلون والحين اخذت اجازة اسبوع
سمر : اشوى عشان في مجلس امهات بالمدره ابيك تحضرين
مها تبتسم : من عيوني كم سموره عندي .. طلت بشهد اللي تتحاشى الكلام معها
مها : شهد .. كيف حالك ؟؟!!
شهد طالعتها : الحمدلله بخير .. انتي كيفك
مها : تمام ولله الحمد .. كيف دراستك ان شاء الله شاده حيلك
شهد : الحمدلله اسوي اللي اقدر عليه
شوق : مهاوي وربي اشتقت لك ... فرحت يوم قالت سمر بتجين
مها : راح تشبعين مني جالسه عندكم اسبوع كامل
شهد (( اووف بتجلس على قلوبنا ))
سحر: مهاوي دريتي ان ريوم انخطبت
مها تضم ريم لانها بجنبها : ايه دق ابوي وقال لي .. باستها .. مبروووك ياقلبي
ريم : الله يبارك فيك
مها : ياحركات .. مستحيه ... سبحان مغير الاحوال
هنادي : الله يرزقنا بس
رغد وشوق : ههههههههههههههههههههههههه
سحر : ياويلي مستعجله على ويش انتي .. الزواج غثاء
مها : ابوي يقول بيجون بكره امه وخواته ... صح
شوق : ايه صح ... رحنا للسوق واشترينا لها لبس تلبسه
مها دمعت عينها : والله كبرتوا يابنات
ريم : يؤؤؤؤؤؤؤ الحين تقلبونها مناحه ...
شهد : عشانهم يعشقون النكد .. مايخلون فرصه للواحد يفرح
كلهم سكتوا
هنادي : اقول يا بنت .. قرري ويش بتسوين بشعرك
ريم : اممم مدري .. انتم ويش رايكم
شوق : استشوريه ... ولفلفي اطرافه يطلع حلوو
رغد : انا رغد : انا مع شوق .. وانتي سوي اللي تبين
مها : بوديك مشغل ياريم .. لازم تتكشخين
سمر وهنادي : ياهــــــــــــــــــــووووووووووووووو
وقفت مها بتروح الغرفه تبدل ملابسها ...
رغد بشهقه : مـــــــــــهـــــــآآآآآآآآآآآآوي
مها : بسم الله عليك ويش فيك
رغد : ويش هالسمنه يالدبه .... صاير لك كرش
مها تضحك : والله من الكسل .. ما اتحرك بس اكل وجالسه
سحر : الظاهر ماتشتغلون بالشقه اللي مستاجرينها انتي وصحباتك
مها : ا نشتغل بس الشغل قليل تحسبونا بزراين
شوق : بس وربي صايره دبه ... جسمك كان حلو الحين راح يخرب الحقي على عمرك
هنادي تلمس بطن مها .. لكن مها بعدت بسرعه وكأنها مقروصه
هنادي : ويش فيك بعدت عني ؟؟
مها : ماحب احد يمسك بطني .. بروح اغير ملابسي واجيكم ..
الكل : طـــــــيـــــــــــــب
ريم : بروح اسوي السلطه قبل ابوي يجي .. ونجهز العشاء
شوق : هيا نروح المطبخ
سحر : بجي معكم ...
سمر : هذي بس قاطه وجهها مع ريم
هنادي : يقولون لك ومن الحب ما قتل
قاطعهم صوت مسج .. على الجوال ...على طول فتحته وكان محتواه

ياكثر ماجيت في بالي
........... وانـا ناطـر
يمكن تحس بغلاك اللي سكن صدري
تدري وش اللي يحز [ويكسر الخاطر]
انك تمر بخيالـي وانـت ماتـدري

اول ماقرته ...ارتبكت وبان عليها .. نفس الرقم يرسل لها ثاني رساله .. رجعت قريت الرساله مره ومرتين وثلاث .. لكن ماقلت تفسير ... استولت على تفكيرها والاوهام والظنون
واكتفت بالسكوت والتفكير
شهد : رورو .. وين وصلتي
رغد : معاكم ... ليش تسالين
شهد : مجرد سؤال ... مين اللي ارسل المسج
رغد : ساره ... تقولي تنسي اللي وصيتك فيه
شهد : ويش وصتك فيه ؟
رغد : طلبتني انزل لها من النت اسماء كريمات .. وعطور عشان تكمل اغراض زواجها
شهد : ويش رايك احنا نجيب لها هديه ونتكفل بالعطورات .
رغد : والله فكره حلو .. اوكي بس نسويها لها مفاجأه
هنادي : اي مساعدة تراني جاهزة ..
مها : بويش تتكلمون ؟؟؟
رغد : نفكر بهديه لساره صديقتنا
مها : وليش تبون تجيبون لها هديه
شهد : عشان بتتزوج .. ولازم نجيب لها هديه
مها : اهــــــآآآ ... طيب وين البنات
سمر : بالمطبخ يجهزون العشاء
مها : غريبه ابوي تاخر مرره الساعه 10 .. وماوصل
هنادي : يمكن تاخر بالمكتب .. دايم يسويها ..
جات ريم ومعاها جوال مها اللي ازعجها بالاتصال
ريم : مهاوي خذي جوالك وربي يمكن 10 مرات دق
مها سحبت الجوال وراحت للغرفه تتكلم فيه ..

:::
:::
:::

هديل : ابي اروح يعني اروح ... تكفين يمه
ام هديل : قلت لا يعني لا .. كيف تروحين بيت خالك والناس بيجونهم
حنين : نبي نروح عن ريم .. نرقص ونفلها .. لا تنكدين يمه
امهم : لا ... لا تحاولون مافي روحه يعني مافي
هديل : يابخت خلود .. يابختها ... امها مو زيك معقده
امهم : ولي معقده عشانك مابيكم تروح تربشون الناس وهم مشغولين
حنين : يمه بنساعدهم اكيد بيحتاجوننا
امهم: انتن كيف تفهم اظن اتكلم عربي ... كلمتي ما اتراجع عنها
هديل تبكي : ياسلام ماتبيننا نوقف مع ريم بيوم مهم زي بكره .. اجل متى نوقف معاها
امهم : مو لازم تروحون ..
حنين بعناد : رجلي على رجلك .. والله ماتروحين الا وانا معك
امهم : اجل اجلس عندكم.... مو لازم انا اروح
هديل : انا بكلم شوق .. انتي يمه عنيده وراسك يابس
امهم : لو اخوي محمد يقول جيبيهم ما جبتكم .. اخوانكم الصغار وين اخليهم ؟؟
حنين : سهله احنا نحلقك بعد صلاة العشاء ننومهم.. ونجي
هديل : خلاص لقينا الحل .. وافقي يمه وافقي
امهم : افكر باتصل على اختي اشوف ويش قررت وبعدها اعطيكم قرار
هديل تشد شعرها : آآآآآآه منك يمه وربي راح تجننيني
امها : احسن انجني ويش وماسكك
هديل ترفع يدها للسماء : ياررررررررب اتزوج وافتك من سلطة امي يارررب
امها : تفضلين الزواج عشان ما اتحكم فيك هــــاه هين ياهديل اوريك
هديل : يمه انتي ماتتفاهمين كل شي عندك لا .. كذا مايصير لازم تخلين لنا فرصه
نثبت فيها شخصيتنا .. كذا نفقد الثقه بنفسنا ومانقدر نواجه المجتمع ونكون معقدين نفسيا
امها : لالا اخر ناس تتعقد نفسيا انتي واختك ... بس اسكتي ادوشتي راسي بكلامك

بــــــــــعـــــــــــد الــــحــــرب

بينهم وبين امهم ومحاولاتهم لأقناعها
سحر : ويش قالت عمتي
حنين : نشف ريقي وانا اتكلم .. اذن من طين واذن من عجين
هديل مع السبيكر : والله يا سوسو .. طفشت لدرجة اني بكيت .. بس امي عنيده
سحر : ههههههههههههههههههههه نفسي اشوفكم الحيين اكيد معصبات
حنين : مسكت زياد وطحت فيه قهرني ... ينكد علينا
هديل : امي تقول تفكر .. وبعدين تقولنا قرارها
سحر : وووووي .. قسم لو كانت رئيسه دوله ما احتاجت تفكر زي كذا
حنين : ويش نسوي .. لا حول لنا ولا قوه
سحر : وربي تحزنوني .... هههههههه ... اتخيل اشكالكم الحين
هديل : اشكالنا زي ماحنا .. بس تقدرين تقولين زعلانات خخخخخخخ
سحر : وربي ما الومكم .. عمتي صعب اقناعها بس اتوقع تجيبكم لا تخافون
حنين : الله يسمع منك يارررررررررررررررررررررررررررررررررررررررررب
سحر : من قلب طالعه يارب ..
هديل : ياليت تجربين امي بس يوم .. واشوف ويش تسوين