شبكة همس الشوق - عرض مشاركة واحدة - رواية يا خاطفي وين القى عزتي في زمن المذله

13 - 5 - 2014, 02:06 PM

شهد : افهمي يا عبيطه . هذا ماله الا تفسير واحد بس .. انه يحبك .. لو مايحبك ماكان جاب رقمك ويرسل لك رسايل ولا تشجع وكلمك
رغد : تهقين من جد يحبني
شهد : يـــس يــس .. يحبك
رغد : امممممم ... اقول انام احسن لي ولك .. تصبحين على خير
شهد : وانتي من اهل الخير

:::
:::
:::
بعد يومين .. بـالـمـدرســـه

هنادي : والله يا عبير قالي كذا
عبير : وبتروحين ؟؟
هنادي : ايه ويش اسوي .. كذا راح افضح نفسي قدامهم اذا رفضت العزيمه .. والمره ذي مصر ماجد بقووه
عبير : طيب روحي بس انتبهي لنفسك .. وخواتك ويش بتقولين لهم
هنادي : مدري ... بفكر بعذر زي وجهي ..
عبير : انا بفكر لك بعذر .. او تصريفه تصرفين بها عمرك
هنادي : تكفين لاتتركيني اتوهق لحالي .. احنا بيننا اتفاق
عبير : ولا يهمك انا معك بالحلوه والمره
هنادي : تعالي نرجع للشله .. ورجعوا للشله يسولفون ويلعبون

بعد الصرفه

سحر: بنات انا احتريت .. بروح السياره خلصوا بسرعه
ريم : تكفين سحر بس بقول للينا السالفه اصبري
سحر : بالشارع تقولين سالفه ؟؟!! .. صدق انك رايقه ..
ريم : بكمل السالفه يعني بقولها
سحر : انتي حره ...
راحت لهنادي وسمر ولقتهم يسولفون بعد ويضحكون طنشوها وما قدروا تعبها والحر اللي تحس فيه .. مشت للسياره اول ما مشت للسياره .. انطلقت صرختها بالشارع كله
سحر : رررررررررررررررررررررريـــــــــــــم

:::
:::
:::

بـــألـــجــــامــــعــــه

فاتن : واخبار الحلوين ايه ؟؟
البنات : تمام
رغد : انتي اخبارك .. ويش مسويه
فاتن : ماشي حالي .. انتي كيف مع الكيمياء
رغد : الحمدلله ... شاده حيلي وان شاء الله احقق اللي براسي
جات كوثر وهي زعلانه : سلام
الكل : وعليكم السلام
شهد : ياساتر ... علامك زعلانه كذا
كوثر شوي وتبكي : مقهوره .. واحس اني بموت
الكل : لــــيــــــش ؟؟!!
كوثر : ولد عمي خطب وحده ..
فاتن : على البركه .. بس ليش مقهوره
رغد : لاتكونين تحبينه وتتمنينه
كوثر : ايه ابيه .. انا احبه .. بس قهرني راح خطب لي وحده اهلها سمعتهم بالارض
شهد : الله يستر علينا يارب .. يعني مالقى غيرها
كوثر : انا ادري عنه .. حتى جدي زعل عليه مو راضي يسلم عليه
رغد : كله عشان خطب .. الله يسعده معها يمكن هو يبيها
كوثر : الله لا يسعده معاها .. وانا ويش ذنبي يتركني على ذمته مفوته له من كنت صغيره بالاخير يتركني وراه .. وجلست تبكي
شهد : مايستاهل دموعك يا كوثر .. انسيه
كوثر : انساه ... كيف انساه وانا من المتوسط اهيم فيه
فاتن : قدر الله وماشاء فعل ... يمكن خيره لك انه مايتزوجك
رغد : كلام فاتن صح.. يمكن مايسعدك ويطفشك بحياتك
كوثر : خلاص اسكتوا
فاتن : بشريني ياشهد .. ويش سويتي باللي قلتي لي
شهد: كل شي تمام زي ماقلت لك
فاتن : ههههههههههه .. ما أنتي سهله
دق جوال رغد .. وتغير وجهها
رغد : عن اذنكم شوق تدق علي
شهد : طيب ...
وراحت لمكان بعيد تكلم الجوال

:::
:::
:::

طاحت طرحتها بعد ماجلست على ركبها من الخوف .... وكانت تبكي .. ماهي مصدقه انها نجت من الموت بأعجوبه ... نزل الولد بسرعه ورمى الغطا على وجهها .. وجات ريم تجري وهنادي وهم خايفين عليها وسمر تسمرت بمكانها من الصدمه
ريم تمسك يدها : ســـحر ... انتي بخير
سحر : ائــهههههــئ ...
هنادي مسكت الولد مع بلوزته وسحبت نظراته وكسرتها : هيه انت ما تشوف .. لو يصير باختي شي راح اقتلك
الولد : شوفيها بخير .. ماصار لها شي
هنادي : وربي لو يصير فيها شي ترحم على عمرك
سحر وقفت بمساعدة ريم .. فاجئتهم كلهم بتصرفها ...
سحر : غبي ... وراحت بسرعه للسياره بسرعه ولحقوها خواتها

:::